मकवानपुर । औद्योगिक क्षेत्रमा स्थापना गरिएका उद्योगको जग्गा भाडादर बढाएपछि मारमा पर्दै आएका उद्योगिहरुले बढाइएको भाडादर कार्यान्वयन नगर्न माग गरेका छन् ।
उद्योग संघ मकवानपुरको नेतृत्वमा हेटौंडा औद्योगिक क्षेत्र व्यवस्थापन कार्यालय हेटौंडा, मकवानपुर मार्फत औद्योगिक क्षेत्र व्यवस्थापन लिमिटेड बालाजु, काठमाडौलाई सोमबार ज्ञापन पत्र बुझाएको छ ।
औद्योगिक क्षेत्र व्यवस्थापन लिमिटेड संचालक समितिको ५ मंसिर २०७५ को बैठकले जग्गाको भाडा वृद्धिको निर्णय गरेको थियो । सोही समयमा औद्योगिक क्षेत्र उद्योग महासंघको असहमती हुँदाहुदै पनि एकतर्फी रुपले भाडा बढाएको उद्योगिहरुको दाबि छ ।
उद्योगिहरुको विरोधपछि ९ मंसिर २०७५ मा तत्कालीन मन्त्रीस्तरीय निर्णयले तत्कालको लागि सो निर्णयलाई कार्यान्वयनमा रोक लगाएको थियो ।
औद्योगिक क्षेत्र व्यवस्थापन लिमिटेडले २२ असार २०७९ मा २०७५ सालदेखिकै वृद्धि भाडा असूल गर्नेगरी अर्को निर्णय गरेपछि यसको विरुद्ध उद्योगिहरु अझै विरोधमा छन् ।
जसबारे हाल अदालतहरुमा मुद्दाहरु विचारधीन छन् । सर्वोच्च अदालतमा २७ असार मिति २०८१ को लागि पेशी रहेको छ । उच्च अदालत हेटौंडामा २४ जेठ ०८१मा दर्ता भई विचारधीन रहेको अवस्थामा सो मुद्दाहरुलाई प्रभावित पार्ने गरी औद्योगिक क्षेत्र व्यवस्थापन लिमिटेडले १५ असार २०८१ मा पुनः २०७५ सालदेखिकै उक्त वृद्धि गरिएको भाडा असूल गर्ने निर्णय गरेको छ।
यसको लागि औद्योगिक क्षेत्र व्यवस्थापन कार्यालय हेटौंडाबाट सो निर्णय कार्यान्वयन गर्न मिति १८ असार २०८१ मा उद्योगीहरुलाई पत्राचार गरिएको थियो । यसपछि उद्योगिहरु पुन विरोधमा उत्रेका हुन् ।
“औद्योगिक क्षेत्र व्यवस्थापन कार्यालय हेटौंडाले पत्रकाटेपछि उद्योगीहरु फेरी हतोत्साहित बनेका छन्” उद्योग संघ मकवानपुरका कार्यकारी निर्देशक शम्भुप्रसाद नेपालले भने ।
२०७२ कारण उत्पन्न आर्थिक मन्दीको कारण उद्योगहरुमा अत्यन्तै नकारात्मक प्रभाव परेकोले यस्तो निर्णय कार्यान्वयन नगर्नको लागि आफूहरुले विरोज जनाएको उद्योग संघ मकवानपुरका वरिष्ठ उपाध्यक्ष श्रीहरि मास्केले बताए ।
मास्केले हेटौंडा औद्यागिक क्षेत्र व्यवस्थापनका निमित्त प्रमुख ई संगिता कुवरलाई ज्ञापन पत्र बुझाएका हुन् । ज्ञापन पत्र बुझ्दै कुवरले आफ्नाेतर्फबाट सहयाेग गर्ने प्रतिबद्धता व्यक्त गरिन् ।
हेटौंडा औद्योगिक क्षेत्रभि रहेका उद्योगिहरुबाट हाल २३ करोड १८ लाख ६८ हजार ५५१ रुपैयाँ भाडा वापतको पैस उठ्न बाँकी रहेको हेटौंडा औद्योगिक क्षेत्र व्यवस्थापक कुवरले बताइन् ।
यस्तो छ ज्ञापन पत्रः

मकवानपुर । मकवानपुरको बागमती गाउँपालिका अध्यक्ष र प्रमुख प्रशासकीय अधिकृत विरुद्ध उच्च अदातल पाटन हेटौँडा इजलासमा रिट दर्ता भएको छ । आइतबार गाउँपालिकाका उपाध्यक्षसहित वडाध्यक्ष र कार्यपालिकाका सदस्यहरुले रिट दायर गरेका हुन् ।
गाउँपालिकाका उपाध्यक्ष फणिन्द्र तिमल्सिना, ६ नम्बर वडा अध्यक्ष टेक बहादुर डिम्डुङ, ७ नम्बर वडाध्यक्ष उत्तर बहादुर भोलन, ८ नम्बर वडाध्यक्ष इन्द्रमणि तिमल्सिना र ९ नम्बर वडाध्यक्ष पुनराम घलानले संयुक्त रुपमा गाउँपालिकाका अध्यक्ष सर्केश घलान र प्रमुख प्रशासकीय अधिकृत झम्कनारायण घलानलाई विपक्षी बनाएर अदालतमा रिट दायर गरेका हुन् ।
गाउँपालिकाका अध्यक्ष घलानले निर्णय प्रक्रियामा सहभागी नगराएको, संविधान र कानून विपरीत कार्य सञ्चालन गरेकाे, कार्यपालिका सदस्यमाथि गैरकानुनी हस्तक्षेप गरेको र गाउँसभा गैरकानुनी ढङ्गबाट सञ्चालन गरेको, बजेट तर्जुमा समितिलाई जानकारी नै नगराई नीति कार्यक्रमको प्रस्ताव पेश गरेको, पालिका अध्यक्षले अधिकारको दुरुपयोग गरी कार्य सञ्चालन गरेकाेले पूर्णरुपमा गैरकानुनी भएको, संवैधानिक व्यवस्थाकाे उपेक्षा भएको र एकलौटी रुपमा कार्यपालिका सञ्चालन गरेको दायर रिटमा उल्लेख गरिएकाे छ ।
आइतबार दायर भएकाे रिटमा उत्प्रेषरणकाे परमादेश माग गरिएको छ । आइतबार नै रिट दायर भएर असार २४ गते सोमबारका लागि पेशी तोकिएको छ ।
यसअघि गत असार १० गते गाउँपालिकाका उपाध्याक्ष, केही वडाध्यक्ष र कार्यपालिका सदस्यहरुले गाउँपालिका अध्यक्षले मनोमानी ढङ्गले बजेट ल्याउन लागेको भन्दै गाउँसभा बहिष्कार गरेका थिए । उपाध्यक्ष अनुपस्थित भएपछि गाउँपालिका अध्यक्ष सर्केश घलान आगामी आर्थिक बर्षको नीति तथा कार्यक्रम मात्र गाउँसभामा प्रस्तुत गरेका थिए ।
गाउँपालिका अध्यक्षले असार १० गते प्रस्तुत गरेकाे नीति तथा कार्यक्रम बहुमतले पारित भएकाे छ । तर आगामी आर्थिक बर्षका लागि गाउँ कार्यपालिकामा बजेट प्रस्तुत हुन सकेको छैन । नगरपालिका तथा गाउँपालिकाले प्रत्येक वर्षकाे असार १० गतेसम्म नीति तथा कार्यक्रम सभामा प्रस्तुत गर्नु पर्ने तथा असार अन्तिममा बजेट सभाबाट पास गर्नु पर्ने कानूनी व्यवस्था छ ।
मकवानपुर । हेटौंडा उपमहानगरपालिका २ नम्बर वडा कार्यालयले तेक्वान्दाे खेल सामग्री सहयाेग गरेकाे छ । वडा कार्यालयले सिद्धार्थ तेक्वान्दो डोजाङ हेटौडा २ लाई खेल सामग्री सहयोग गरेको हाे ।
डोजाङका प्रमुख युसुफ हुसेनलाई हेटौंडा–२ का वडा अध्यक्ष विष्णुगोपाल महर्जनले वडा सदस्य सुरज बर्तौला, मैया परियार, मकवानपुर जिल्ला तेक्वान्दो संघका पदाधिकारी लगायतकाे उपस्थितिमा तेक्वान्दो खेल सामग्री हस्तान्तरण गरेका हुन् । २ नम्बर वडाको खेलकुद क्षेत्रको विकासलाई मध्यनजर गरेर वडा कार्यालयले चेस्टप्याड, किक प्याड, हेडगार्ड, ग्लोइङ कभर, सिनगार्डलगायतकाे सामग्री सहयोग गरेको अध्यक्ष महर्जनले बताए ।
सिद्धार्थ तेक्वान्दो डोजाङलाई ६० हजार रुपैयाँ बराबरको सामग्री वडा कार्यालयले सहयोग गरेको वडा सचिव रामप्रसाद गुरागाईंले जानकारी दिए ।वडाका खेलाडीहरुलाई प्रशिक्षणमा सहयोग गर्न सामग्री हस्तान्तरण गरिएकाे वडा सदस्य बर्तौलाले जानकारी दिए । संघ अध्यक्ष लालकाजीरत्न बज्राचार्यले वडा कार्यालयले डाेजाङलाई खेल सामग्री सहयाेग गरेकाेमा खुसी व्यक्त गरे ।
मकवानपुर । वर्षाका कारण पहिरो जाँदा हेटौंडा-काठमाडौंको वैकल्पिक मार्ग सिस्नेरी दक्षिणकाली सडकखण्ड अवरुद्ध भएको छ ।
शुक्रबार रातिबाट परेको वर्षाको कारण सडकखण्ड अन्तर्गत मकवानपुरको इन्द्रसरोवर २ छेपारेमा पहिरो खस्दा बाटो अवरुद्ध भएको मकवानपुर प्रहरीले जनाएको छ । ठुलो पहिरो गएकोले तत्काल पहिरो पन्छाएर बाटो खुलाउन सकिने सम्भावना नरहेको बताइएको छ ।
बाटो सुचारु गर्न सडक डिभिजन र गाउँपालिकासँग समन्वय भईरहेको प्रहरीले जनाएको छ । प्रहरीले सिस्नेरी हुदै काठमाडौँ जाने बाटो अवरुद्ध भएकाले अन्य बाटो प्रयोग गर्न भनेको छ।
मकवानपुर । तालीम लिने तर व्यवहारमा नल्याउने परिपाटीको अन्त्य गर्ने उपप्रमुख राजेश बानियाँले आग्रह गरेका छन् । तालिममा सहभागी हुने तर, व्यवसाय नगर्ने, नगरपालिकाको लगानी मात्रै खेर जाने भएकाेले नगरपालिकाले यस्ताे लगानी नगर्ने उनले बताए ।
श्रम रोजगार तथा सामाजिक सुरक्षा मन्त्रालय र हेटौंडा उपमहानगरपालिका रोजगार शाखाको सहयोगमा हेडम्वा डेपलपमेन्ट एडभाइजरद्वारा संचालित काठको ठेकी बनाउने ३० दिने तालिममा उनले यस्तो बताएका हुन् ।
महिलालाई उद्यम बनाउन, बजार र अर्थसंग जोड्नको लागि दिइएको तालिमलाई ‘टाइमपास’को रुपमा नलिन उपप्रमुख बानियाँले आग्रह गरे ।
‘तालिमलाई व्यवहारमा उतार्न, व्यवसायिक बनाउन अनुदान समेत दिंदा पनि गरिबी घटेन भने के काम’ उनले भने । तालिम लिएकाहरुले आपसमा समूह बनाएर बजारलाई उत्कृष्ट बनाउन उनले आग्रह गरे । कार्यक्रममा हेटौंडा उपमहानगरपालिका प्रमुख कार्यकारी अधिकृत सुर्यप्रसाद गौतमले सानो वा ठूलो जस्तो व्यवसाय भए पनि लगाव निरन्तर हुनुपर्ने बताए ।
कार्यक्रममा हेउमनपा सामाजिक विकास महाशाखाका भिम तिमल्सिना, ५ नम्बर वडा अध्यक्ष सुशील घिमिरे, सदस्य रामबहादुर राई, टोल विकास संस्था नगर समन्वय समिति अध्यक्ष ध्रुब अधिकारी, रोजगार शाखा संयोजक बिजन श्रेष्ठलगायतको सहभागीता रहेको हेडम्वा डेपलपमेन्ट एडभाइजरका अध्यक्ष अनन्त बानियाँले बताए ।
२० जनाको सहभागीता रहेको तालिममा मकवानपुर थाहानगरपालिका वडा ७ का राम बहादुर सुनारले प्रशिक्षण दिएका थिए ।
