मकवानपुर । विहीबार देशभरका अदालतमा बन्द हुने भएका छन्। पूर्वप्रधानन्यायाधीश सुरेन्द्रप्रसाद सिंहको निधनमा शोक मनाउन प्रधानन्यायाधीश चालेन्द्रशमशेर जबरासहित सर्वोच्च अदालतमा सबै न्यायाधीशको पूर्ण बैठकले बिहीबार एकदिन सर्वोच्च अदालत, उच्च अदालत, जिल्ला अदालत, विशेष अदालत एवं अन्य अदालत र न्यायाधीकरणलाई शोक बिदा दिने निर्णय गरेको हो।
पूर्वप्रधानन्यायाधीश सिंहको यही फागुन १८ गते साँझ निधन भएको थियो। सर्लाही जिल्लामा १९८८ साल फागुन ३ गते जन्मिएका सिंहले २०१० सालदेखि सरकारी सेवामा अप्रिन्टिसको पदबाट सेवा प्रारम्भ गरी २०५२ साल असोज १० गते प्रधानन्यायाधीश नियुक्त भएका थिए। उनले २०५३ फागुन ३ गतेसम्म प्रधानन्यायाधीशका रुपमा काम गरेका थिए।
सर्वोच्च अदालत आज विदा भएकाले नेकपा नामको विवादमा फैसला आउने मिति पछि सरेको छ । यसअघि गत बिहीबार सर्वोच्च अदालतले आज फागुन २० गते नेकपा नामको विवादमा फैसला सुनाउने निर्णय गरेको थियो ।
तत्कालीन नेकपा एमाले र नेकपा माओवादी केन्द्रबीच एकता भएपछि हालको सत्तारुढ दल निर्वाचन आयोगमा नेपाल कम्युनिस्ट पार्टी (नेकपा) नाममा दर्ता भएको थियो । तर निर्वाचन आयोगमा त्यसअघि नै ऋषिराम कट्टेल नेतृत्वको नेपाल कम्युनिस्ट पार्टी दर्ता कायम थियो । आफ्नो पार्टीको नामसँग मिल्दोजुल्दो नाम राखिएको भन्दै कट्टेलले निर्वाचन आयोगलाई विपक्षी बनाएर २०७५ मंसिर ५ गते रिट निवेदन दर्ता गरेका थिए

मकवानपुर/कृतिम बौद्धिकताको कारण आधारभूत मानव अधिकार प्रत्याभुतमा समेत चुनौती सिर्जना भएको बताइएको छ ।
छिटोछरितो कामको लागि भित्र्याइएका प्रविधिले मानवअधिकार प्रत्याभूत गर्नमा समेत चुनौती देखिएको निक्यौल गरिएको हो । प्रविधिसँगै भित्रेका साधनका कारण मानवीय गोपनियताको हक, समानताको हक, सही सूचना प्राप्त गर्ने हक समेत हनन भएको हेटौंडामा आयोजित एक कार्यक्रमका सहभागीहरुले बताएका हुन् ।
इन्सेक बागमती प्रदेश, आई.सी.एन.एल. र सोच नेपालको आयोजनामा भएको कृतिम बौद्धिकता तथा मानव अधिकार बिषयक प्रदेश स्तरीय कार्यशाला गोष्ठीमा यस्तो चर्चा गरिएको हो ।
रोबर्टलगायतको कृतिम सामग्रीको कारण सामाजिक सुरक्षाको पाटो समेत कमजोर बन्दै आएको सहभागीहरुले बताएका हुन् । कृत्रिम बौद्धिकता भिœयाउँदा कहिलेकाँही द्वन्द्वलाई प्रोत्साहन हुने, रोजगारी प्राप्तिमा समस्या हुने जस्ता चुनौति भएको आइ.सी.एन.एल.का नेपाल प्रतिनिधि उत्तम उप्रेतीले बताए ।
प्रविधिको कारण मानिसहरुले परिश्रम गर्न छाडेको र मानवीय सोचाइ तथा परिकल्पनाको रफ्तार समेत कम हुदैं आएको उप्रेतीले बताए । ‘गलत सूचनाले समाजमा गहिरो प्रभाव पार्न थालेको छ’कार्यक्रममा कार्यपत्र प्रस्तुत गर्दै उप्रेतिले भने ।

प्रदेश राजधानी हेटौंडामा आयोजना गरिएको कार्यक्रममा अनौपचारिक क्षेत्र सेवा केन्द्र (इन्सेक) बागमती प्रदेश संयोजक कृष्ण गौतम, सिविन बाल हेल्प लाइन मकवानपुरका प्रमुख झविन्द्र ज्ञावली, अधिवक्ताहरु मनप्रसाद भट्टराइ, अप्सरा बस्नेत, सञ्चारिका समूह नेपाल, बागमती प्रदेश संयोजक सरिता दाहाल, डेक नेपालका मानबहादुर वाइवा, दलित महिला संघकी मञ्जु बिक, अधिकारकर्मीहरु कमलकुमार बिक, अर्जुन ढकाल, दीपेन्द्र ढकाल, जमुना तितु·लगायतको उपस्थिती थियो ।
कृतिम बौद्धिकता र मानव अधिकार बारे सातै वटा प्रदेशमा छलफल सकिएको र अब संघीय सरकारलाई सुझाव बुझाइने उप्रेतीले बताए ।
मकवानपुर । मेगा बैंक नेपाल लिमिटेडका ग्राहकहरुलाई सिद्धार्थ गु्रप अफ बिजनेश हस्पिटालिटीबाट संचालित होटल तथा रेष्टुरेण्टहरुमा विशेष छुटको व्यवस्था गरिएको छ ।
मेगा बैंक लिमिटेड र सिद्धार्थ गु्रपबीच भएको सम्झौता अनुसार खाना तथा परिकारहरुमा १० प्रतिशत छुटको व्यवस्था गरिएको छ भने रुम चार्जमा कर्पोरेट छुटको व्यवस्था गरिएको छ । सिद्धार्थ ग्रुपबाट देशका बिभिन्न स्थानमा २१ वटा होटल, रिसोर्ट तथा रेष्टुरेण्ट संचालित छन् । जसमध्ये काठमाडौं उपत्यकामा ८ वटा होटल तथा रेष्टुरेण्टहरु छन् ।
अत्याधुनिक बैंकिङ सुविधाका साथसाथै अन्य अतिरिक्त सेवामा पनि सहजता मिलोस् भन्ने उद्देश्यले मेगा बैंकले ग्राहकहरुलाई यो छुटको व्यवस्था गरेको हो ।
मकवानपुर । सरकारले फाल्गुन ११, १४ र १७ गते बसेको मन्त्रिपरिषद् बैठकका निर्णयहरू सार्वजनिक गरेको छ। सोमबार सञ्चार तथा सूचना प्रविधि मन्त्री पार्वत गुरुङले मन्त्रिपरिषद्का निर्णय सार्वजनिक गरेका हुन् ।
मन्त्रिपरिषद बैठकले नेपाल न्याय सेवा सरकारी वकिल समूह, राजपत्रांकित प्रथम श्रेणी सहसचिवलाई सचिवमा बढुवा गर्ने देखी जनक शिक्षा सामग्री केन्द्र लिमिटेडको प्रबन्धक नियुक्त समेत गरेको छ।
मन्त्रिपरिषद् बैठकका निर्णयहरू :
मकवानपुर । नेकपा प्रचण्ड-माधव नेपाल समूहका स्थायी कमिटी सदस्य तथा पूर्व मन्त्री योगेश भट्टराईले केही पत्रकारहरु ओलीले संविधान मिच्दा, संविधानलाई ‘कू’ गर्दा त्यसको विरोध भन्दा पनि ताली पिट्दै समर्थन गर्नु दुर्भाग्य भएको बताए।
भट्टराईले हेटौँडामा आयोजित सङ्गठनको दोस्रो प्रादेशिक भेलालाई साेमबार सम्बोधन गर्दै देशमा भएको आमुल परिवर्तनमा प्रेसको भूमिका अतुलनीय रहेको र सम्रग प्रेस जगप्रतिको स्वतन्त्रता कायम राख्न नेकपा प्रचण्ड नेपाल समूह कटिबद्द रहेको बताए। सञ्चारमाध्यम एवं पत्रकारिता सधैँ लोकतान्त्रिक गणतन्त्र र संविधानका पक्षमा हुनुपर्नेमा उनले जोड दिएका छन् ।
नेकपा निकट प्रेस सङ्गठन नेपालका इञ्चार्ज समेत रहेका भट्टराईले सरकारी सञ्चारमाध्यमले पनि आलोचनात्मक भूमिका निर्वाह गर्न सक्नुपर्ने बताए । ‘सरकारी मिडियाले सरकारको अन्धो समर्थन गर्ने गरेकोले उनीहरुले आफ्नो अस्तित्व जोगाउन सकेनन्,’ भट्टराईले आरोप लगाए।
यस्तै उनले केही दिनमा ओली सरकार पदमुक्त भई नयाँ सरकार गठन हुने बताएका छन् । उनले प्रधानमन्त्रीले दिनदाहडै संसद विघटन गर्दा ठीक हो भन्दै त्यसको पछि लाग्नेलाई आफ्नो अस्तित्वको रक्षा गर्न चुनौती दिए। भट्टराईले ओलीलाई कम्युनिस्ट आन्दोलनले नपत्याएको भन्दै अन्य दलमा पनि आन्दोलनको मर्म भावना नबुझ्दा बडारिनु परेको स्मरण गर्दै अब ओलीले पदत्याग गरेर कम्युनिस्ट आन्दोलनले सार्थकता पाउने बताए। नेता भट्टराईले केपी ओलीले आफूले गरेको गल्तीप्रति आत्मालोचनासहित पदबाट राजीनामा दिनुपर्ने र उनले त्यसो गर्नेमा आफु विश्वस्त रहेको बताए।
कार्यक्रममा वाग्मती प्रदेशसभा सदस्यद्वय क्रमशः मुनु सिग्देल र ओम ग्लानले पत्रकार पूर्ण स्वतन्त्र र राज्यप्रति उत्तरदायी हुनुपर्नेमा जोड दिए । प्रेस सङ्गठनका सहइञ्चार्ज ओम शर्मा र सहसंयोजक विष्णु रिजालले मुलुकमा पूर्ण प्रेस स्वतन्त्रता आवश्यक रहेको बताए ।