मकवानपुर । नेकपा एमालेले सातै प्रदेशमा इन्चार्ज तोकेको छ । रामबहादुर थापा ‘बादल’लाई बागमती प्रदेशको इन्चार्ज बनाइएको छ । पूर्वमाओवादी सदस्य रहेका उनी नेकपा विघटनका बाबजुद एमालेमै रहने निर्णयमा पुगेका थिए ।
यस्तै, एमालेले प्रदेश १ मा सुवास नेम्वाङ र प्रदेश २ मा सत्यनारायण मण्डललाई प्रदेश इन्चार्ज तोकेको छ । गण्डकीमा पृथ्वीसुब्बा गुरुङ, लुम्बिनीमा शंकर पोखरेल, कर्णालीमा मणि थापा र सुदूरपश्चिममा लेखराज भट्टलाई इन्चार्ज तोकिएको छ ।
सर्वोच्च अदालतको आदेशअनुसार साविकको अवस्थामा फर्किएको एमालेले शुक्रबार सातै प्रदेशमा पार्टीका इन्चार्ज तोकेको हो ।रामबहादुर थापा ‘बादल’ को नेतृत्वमा माओवादी केन्द्रबाट एमालेमा आएका २३ जनालाई पनि एमाले केन्द्रीय समितिमा मनोनयन गरिएको छ ।
मकवानपुर । हेटौंडाको जारी स्थानीय तह शहीद स्मृति गोल्डकप प्रतियोगितामा आज शुक्रबार नेपाल आर्मी क्लब र जावालाखेल युथ क्लब, काठमाडाैं भिड्ने भएका छन् । हेटाैडाकाे वनविज्ञान अध्ययन संस्थानको खेलमैदानमा हुने प्रतियोगिता अन्तरगतकाे आजजकाे खेल दुई बजेबाट सुरु हुने आयाेजकले जानकारी दिएकाे छ ।
हेटौंडामा विहीबारबाट सुरु भएको स्थानीय तह शहीद स्मृति गोल्डकप प्रतियोगिताकाे उद्घाटन खेलमा रिगल हेटाैडा रिसाेर्ट मकवानपुर-११ ले विजयी सुरुवात गरेको थियाे । नवजनजागृती युवा क्लब सिमरालाई ४-१ गोल अन्तरले हराउँदै मकवानपुर-११ ले अन्तिम चारमा स्थान पक्का गरेको हो ।
नकआउटका आधारमा हुने प्रतियोगिता चैत ७ गते सम्म चल्नेछ भने प्रतियोगितामा १० टोलिको सहभागिता रहेको छ । प्रतियोगिताको विजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्ने आयोजकले जनाएका छ ।त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोउत्कृष्ट हुने खेलाडीले बुलेट बाईक,नगद ट्रफिसहित नगद ५० हजार प्राप्त गर्नेछन् ।
गोल्डकपमा नेपाल आर्मि क्लब,नेपाल एपिएफ क्बल, नेपाल पुलिस क्लब, मच्छिन्द्र क्लब, संकटा क्लब, जावलाखेल युथ क्लब काठमाडौंसहित मकवानपुर–११, नव जनजार्गती युवा क्लब सिमरा, बागमती युवा क्लब सर्लाही र एक विदेशी टिम सहित १० टिम सहभागि रहेका छन् ।
मकवानपुर । हेटौंडामा विहीबारबाट सुरु भएको स्थानीय तह शहीद स्मृति गोल्डकप प्रतियोगिताकाे उद्घाटन खेलमा रिगल हेटाैडा रिसाेर्ट मकवानपुर-११ ले विजयी सुरुवात गरेको छ । नवजनजागृती युवा क्लब सिमरालाई ४-१ गोल अन्तरले हराउँदै मकवानपुर-११ ले विजयी सुरुवात गरेको हो । हेटौंडाको बन बिज्ञान अध्ययन सस्थानको खेलमैदानमा भएको प्रतियोगितामा आयोजकले छिमेकी बारा जिल्लाको नव जनजागृती युवा क्लबलाई ४–१ गोल अन्तरले पराजित गर्दै अन्तिम चारमा स्थान पक्का गरेको हो ।
मकवानपुरको लागि खेलको २८ औं मिनेटमा बिमल रानाले पहिलो गोल गरेका थिए । खेलको ३२ औं मिनेटमा सिमराका मोहित गुरुङ्गले गोल गर्दै खेललाई बराबरमा फर्काएका थिए । यसैगरि खेलको ५७ औं मिनेटमा रन्जन विष्ट,६६ औं मिनेटमा राना र ७७ मिनेटमा मकवानपुर–११ का अमिर श्रेष्ठले गोल गर्दै टोलिलाई ४–१ को जित दिलाए । खेलमा उत्कृष्ट खेल प्रर्दशन गर्दै दुई गोल गरेका बिमल राना मगर म्यानअफ द म्याच घोषित भए । उनले नगद १० हजार प्राप्त गरेका छन् ।

राष्ट्रिय टोली पुर्व सदस्य देखि ‘ए’ डिभिजनका खेलाडीले भरिएको मकवानपुर ११ ले फराकिलो नतिजा ल्याएता पनि सिमराको टोलीले पहिलो हाफको केहि समय मकवानपुर ११ लाई दबाबमा राखेको थियो । गोल्डकपमा नेपाल आर्मि क्लब,नेपाल एपिएफ क्बल, नेपाल पुलिस क्लब, मच्छिन्द्र क्लब, संकटा क्लब, जावलाखेल युथ क्लब काठमाडौंसहित मकवानपुर–११, नव जनजार्गती युवा क्लब सिमरा, बागमती युवा क्लब सर्लाही सहित १० टिम सहभागि रहेका छन् ।
प्रतियोगिताकाे तेस्रो संस्करण उद्घाटन धुर्मुस सुन्तली फाउन्डेसनका अध्यक्ष कलाकार सिताराम कट्टेल (धुर्मुस) ले गरेका थिए । प्रमुख अतिथि रुपमा प्रतियोगिताको उद्घाटन गर्न आएका गौतम बुद्ध अन्तराष्ट्रिय रंगशालाका निर्माणकर्ता तथा हास्यकलाकार धुर्मुसले खेल क्षेत्रलाइ माया गर्नेकाे अझै कमि रहेको बताएका छन् । उनले नेपालले खेल क्षेत्रको विकासका लागि पर्याप्त भौतिक संरचना नभएको कारण समस्या रहेको बताए । प्रतियोगिताका मकवानपुर जिल्ला फुटबल संघका अध्यक्ष टिकाराम लामाको अध्यक्षतामा भएको थियो ।

प्रतियोगिताको विजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्ने आयोजकले जनाएका छ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोउत्कृष्ट हुने खेलाडीले बुलेट बाईक,नगद ट्रफिसहित नगद ५० हजार प्राप्त गर्नेछन् । प्रत्येक खेलमा एकजनालाई म्यान अफ दी म्याचबाट १० हजार पुरस्कृत गरिने भएको छ। नकआउटका आधारमा हुने प्रतियोगिता चैत ७ गते सम्म चल्नेछ।
२०६२/०६३ को जनआन्दोलनका शहीदहरुको सम्झनामा २०६४ सालमा राष्ट्रिय फुटबल प्रतियोगिताको पहिलो संस्करण आयोजना गरिएको थियो । पहिलो संस्करणको उपाधि थ्रिस्टार क्लबले जितेको थियो भने २०७५ सालमा भएको दोस्रो संस्करणको उपाधि घरेलु टोली मकवानपुर–११ ले जितेको थियो । हेटौंडामा जारी गोल्डकपको तेश्रो संस्करण विभिन्न प्रायोजकहरुको नाम राखेर सञ्चालन हुँदै आएको प्रतियोगिताका लागि यस वर्षबाट जिल्लाका १० वटा स्थानीय निकायले सहयोग गरेका छन् ।
मकवानपुर । हेटाैडामा फागुन २७ गते विहीबारबाट हुने ‘स्थानीय तह शहीद स्मृति गोल्डकप’ फुटबलको तयारी पुरा भएको छ । कोरोना त्रास पछि उपत्यका बाहिर हुन लागेको प्रतियाेगिताकाे लागि गर्नु पर्ने सबै तयारी पुरा भएकाे आयोजकले जनाएको छ ।
कोरोनाका कारण लामो समय खेलकुदकाे क्षेत्रमा परेकाे असर तथा आर्थिक मन्दी पछि हेटौंडाको बन बिज्ञान अध्ययन सस्थान स्थित खेलमैदानमा हुने गाेल्डकप ठुलो राशी पुरस्कार रहेको आयोजकको दाबी छ । प्रतियोगिताका लागि मकवानपुरमा रहेको १० वटा स्थानिय तहले आर्थिक सहयोग गरेको प्रतियोगिताका संयोजक प्रताब बिष्टले जानकारी दिए ।
आज फागुन २७ गतेबाट चैत्र ७ गते सम्म चल्ने प्रतियोगितामा अन्तरगत फागुन २७ गते हुने उदघाटन खेलमा घरेलु टोली रिगत हेटौंडा रिसोर्ट मकवानपुर–११ र सिमराको नव जनजागृती क्लब भिड्ने छन् । प्रतियाेगितामा लिग च्याम्पियन मछिन्द्र सहित ए डिभिजनका ६ वटा क्लब, एक विदेशी (अफ्रिकन रुटुस एशोसिएसन ढुवल क्यामरुन), साविक विजेता मकवानपुर–११ र दुई मोफसलका टोलीले सहभागिता रहने आयोजकले जनाएको छ ।
दर्शकको सुबिधाका लागि आयोजकले मैदानमा प्याराफिट निर्माण गरेको छ । मैदानको तिन क्षेत्रमा फलाम र बाँसको प्यारफिट निर्माण गरिएको हो । मैदानको घेराबार सकिएको छ भने स्टेज निर्माणको काम अन्तिम चरण पुगेको बताइएको छ । यसपालि ४ हजार दर्शक क्षमताको फलामे प्याराफिट राखिएको र मैदानमा बसेर हेर्न मिल्ने गरी निर्माण गरिएको मकवानपुर फुटबल संघले जनाएकाे छ ।
प्रतियोगिताको टिकट नकआउट चरणमा एकसय, सेमिफाइन चरणमा दुई सय र फाइनल तीन सय रहने आयोजकले जनाएको छ । प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वेउत्कृष्ट हुने खेलाडी नगद ट्रफिसहित नगद ५० हजार प्राप्त गर्नेछन् । प्रत्येक खेलमा एकजनालाई म्यान अफ दी म्याचबाट १० हजार रुपैयाँ सहित ट्रफि वितरण गरिने आयोजकले जनाएको छ ।
गााेल्डकपमा सहभागी हुने घरेलु टोली मकवानपुर–११ लाई हेटौंडा–५ पिप्लेमा रहेको रिगल रिर्सोटले साथ दिएको छ । रिर्सोटले मकवानपुर ११ को प्रतिनिधित्व गर्दै प्रतियोगितामा सहभागि हुने खेलाडिको लागि जर्सिं सहितको सुबिधा व्यवस्थापन गर्ने सहमति भएको मकवानपुर फुटबल संघका सचिब दिपेन्द्र ढकालले जानकारी दिए । मकवानपुरबाट राष्ट्रिय टोलीमा र ‘ए’ डिभिजन टीमबाट खेली सकेका रन्जन बिष्ट, अमिर श्रेष्ठ, अशोक बराल, बिमल राना सहितका खेलाडिले टोलीले प्रदर्शन गर्ने छन् ।
मकवानपुर । ज्योति लाइफ इन्स्योरेन्सको आईपीओमा मंगलबार सम्म साढे पाँच गुणा बढी आवेदन परेको छ । कम्पनीको आईपीओमा १५ लाख ७० हजार ४ सय १४ जना आवेदकबाट ३ करोड ३४ लाख ६७ हजार ५ सय ७० कित्ता शेयर खरिदको लागि आवेदन परेको कम्पनीको आईपीओ निष्काशन तथा बिक्री प्रवन्धक एनएमबि क्यापिटलले जनाएको छ । यो सर्वसाधारणलाई निष्काशनमा ल्याएको ५९ लाख ४० हजार कित्ताको ५.६३ गुणा बढी हो ।
कम्पनीले फागुन २१ गते देखि कुल जारी पूँजीको ३० प्रतिशत अर्थात ६६ करोड रुपैयाँ बराबरको ६६ लाख कित्ता शेयर निष्काशनमा ल्याएको छ । त्यसमध्ये ५ प्रतिशत अर्थात ३ लाख ३० हजार कित्ता कर्मचारीहरुलाई र अर्को ५ प्रतिशत अर्थात ३ लाख ३० हजार कित्ता सामूहिक लागनीकोषहरुलाई सुरक्षित गरी बाँकी ५९ लाख ४० हजार कित्ता शेयरमा सर्वसाधारणको लागि निष्काशनमा ल्याएको हो ।
कम्पनीलाई क्रेडिट रेटिङ्ग नेपालले ‘केयरएनपी(आइआर बीबी प्लस’ रेटिङ्ग प्रदान गरेको छ। यसले समय नै कम्पनीको दायित्व पुरा गर्न सक्षम रहेको मध्यमस्तरको सुरक्षित रहेको जनाउछ।
हाल कम्पनीको अधिकृत पूँजी ३ अर्ब, जारी पूँजी २ अर्ब २० करोड र चुक्ता पूँजी एक अर्ब ५४ करोड रुपैयाँ छ। सर्वसाधारणलाई आईपीओ निष्काशनपछि कम्पनीको चुक्ता पूँजी २ अर्ब २० करोड रुपैयाँ पुग्नेछ ।