मकवानपुर । बागमती प्रदेश नेकपा एमालेकाे संसदीय दलकाे बैठक चैत्र १८ गते बस्ने भएकाे छ । बागमती प्रदेशका मुख्यमन्त्री डोरमणि पौडेलले नेकपा एमालेको संसदीय दलको बैठक चैत्र १८ गते बस्ने गरी बाेलाएका छन् ।
प्रदेश सभामा एमाले संसदीय दलका नेतासमेत रहनुभएका पौडेलले संसदलिय बैठकमा प्रदेशसभामा दर्ता गरेको अविश्वासको प्रस्ताव फिर्ता लिन निर्देशन दिने बुझिएको छ । बागमती प्रदेशमा एमालेको एकल बहुमत छ । बुधबारको संसदीय दलको बैठकमा एमालेकै माधवकुमार नेपाल समूहका सांसद सहभागी हुन्छन् या हुँदैनन भन्ने बारे अझै टुंगो लागेको छैन ।
सर्वोच्चको फैसलाबाट एमाले र माओवादी केन्द्र ब्युँतिनुअघि तत्कालीन नेकपाको प्रचण्ड-माधव नेपाल पक्षले मुख्यमन्त्री पौडेलविरुद्ध अविश्वासको प्रस्ताव दर्ता गरेका थिए । एमाले ब्युँतिसकेपछि अविश्वासको प्रस्ताव फिर्ता लिन नेपालपक्षीय सांसदहरूमाथि दबाब छ ।
मकवानपुर । मकवानपुरको बागमतीमा जारी चौथो बागमती गोल्डकप फुटबल प्रतियोगितामा अाइतबर भएकाे प्रतियाेगिताकाे दाेस्राे खेलमा मकवानपुर ११ लाइ २–० गाेल अन्तरले हराउँदै एपिएफ क्लब काठमाडाै विजयी भएकाे छ ।
दोस्रो हापको २६ औं मिनेटमा एपीएफका जर्सी नम्बर ७ का प्रदीप लामाले गोल गर्दै टीमलाइ अग्रता दिलाएका थिए । एपीएफकै तर्फबाट जर्सी नम्बर ३ का मान बहादुर रानाले खेलको ४५ औं मिनेटमा गोल गर्दै जित सुनिश्चित गरेको हो ।
जनता माबिको खेल मैदानमा भएको पहिलो हाफको खेलमा दुबै टोलीबाट गोल हुन नसक्दा बराबरीमा रोकिएको थियो । शुरुवाती समय देखिनै दबाबमा राखेको मकवानपुर-११ ले खेलको १६ औं र २२ औं मिनेटमा अवसर पाएको थियो । तर, उक्त मकवानपुरका जर्सी नम्बर ११ का बिश्व लामाले दिएको पास जर्सी नम्बर ७ का खेलाडी बिजय बिकको प्रहारलाई गोल रक्षक राजु योगीले उत्कृष्ट बचाउ गरेका थिए ।

खेलको म्यान अफ दि म्याच एपिएफ जर्सी नम्बर ७ का प्रदीप लामा घोषित भएका छन् । उनले नगद ५ हजार समेत प्राप्त गरे ।
खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ । प्रतियोगितामा भोलि १६ गते अफ्रीकन रुस्ट एशोसिएसन क्यामरुन र बिर्तामाड युनाइटेड झापाबीच प्रतिष्पर्धा बीच हुने आयोजकले जनाएको छ ।
प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।
प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।
यस अघी भएकाे पहिलो बागमती गोल्ड कप को उपाधी हरिहरपुर गाउँपालिका, सिन्धुली तथा दोस्रो र तेस्रो बागमती गोल्ड कपको उपाधी सरस्वती क्लब काठमाडौं ले पोल्टामा पारेका थिए ।

रङ्गको पर्व होलि आयो रङ्ग छरेर आयो
हर्ष उल्लासका साथ उमङ्ग भरेर आयो
आउ साथी रमाउँ आपसमा वैरभाव त्यागेर
हाम्रो मित्रभावमा फेरि दङ्ग परेर आयो ।
काठमाडाैं

लौ आयो साथि रङ हरु को पर्ब होली
खेलौ रमाउ मिलेर खाइ भाङको गोली
रिस राग सब छाडि सदभाब बढाउ
न दुखाउ मन कसैको बोलेर तितो बोली।
काठमाडौ

रिस द्वेष छोडी मिठो बोलेर होलि मनाऔ
उमंग साथ हृदय खाेलेर हाेलि मनाऔं
हातमाथि हात राखेर रङ मिसाए जस्तै
मनमा प्रेम सद्भाव घाेलेर हाेलि मनाऔं।
काठमडाैं

मनको ढोका खोली खेल्ने मन छ
माया नै माया घोली खेल्ने मन छ
रङ्गहरूको चाड यो फागु पूर्णिमामा
प्रिय मान्छेसँग होली खेल्ने मन छ ।
काभ्रेपलाञ्चाेक, पाँचखाल

अचेल साथीसंगी भेला भै खेल्न मिल्दैन रङ्गको होली
दिन दशाले घुमाएर सवै जनाको बिग्रेको छ बोली
शत्रुताको भाव त्याग्ने सुनौलो अबसर फागुपुर्णिामा रे
तर निस्कनै मिल्दैन कोरोनाको बिग्बिगि छ आजभोली ।
काठमाडाै

बर्सोस अनगिनत खुशी सबैको झोलीमा
बितोस जीवन सबैको हाॅसो र ठिठोलिमा
लगाउॅ रंग मद-मस्त भई होलिको खुशीमा,
नछुटोस यो प्रेम रंग रहोस अर्को होलीमा।
आसाम भारत

रङ्गको पर्वले निम्तो गरेछ ,राम्रो नै भयो
माया प्रेम सदभाव छरेछ , राम्रो नै भयो
समाजमा रहेको रिषराग द्वेश बैमश्यता
होलिकै कारण केही टरेछ राम्रो नै भयो ।
ललितपुर

१.
सातौं रङ्गको पर्वमा शुभकामना
हेर्दै दङ्गको पर्वमा शुभकामना
असत्य माथि सत्यको विजय हुँदा
मान्दै उमङ्गको पर्वमा शुभकामना ।’
२.
मनको कालो हटाएर रङ्ग घोली खेलौं सबै
एक आपसमा रमाएर मिठो बोली खेलौं सबै
सद्भाव र संस्कृति लाई मनमा सजाएर,
समानताको माला गाँस्दै होली खेलौं सबै ।
काठमाडाैं

आज भन्दा भोली राम्रो
रंग खेल्नलाई होली राम्रो
आनीबानी गुणकारी होस
सभ्य सिष्ट बोली राम्रो ।
धरान

आजै हो जिन्दगी थाहै छैन भोलिको
चित्त शुद्ध राखौं त्यो सङ्लो खोलीको
सव्य, भव्य र सुरक्षित भएर खेलौं,
सबै नेपालीमा शुभकामना छ होलीको ।
माेरङ

रम्नु रमाउन पर्छ भनी आपसमा पर्व बनेर आउँदामा
मिली खेल्ने रङको पर्वमा न मन रमायो यो छाउँदामा
राम्रोको कामना गरौ दुख हट्छ र खेलौला सबैमा भन्दै
खुशी छ होली हो भन्दै शुभकनमना जनाउन पाउँदामा।
रूपन्देही

१.
रङ्गीन बनोस् जिन्दगी, खुसीमा मुस्कान भर्दै ओठहरू
टेकेर नलत्यियोस् , मायाले सजिएका रङ्गीन डोबहरु
रङ्गहरू जीवनका खुसी हुन्, पर्यायहुन् उमङ्गका
दुःखका आँसु झार्न नपरोस् पुरा हुन् मनका अठोटहरू।
२.
मानवीय हार्दिकताको स्नेही रङ्ग मिसाएर
दिनचर्याका गरुङ्गो भारी कहिँ अन्तै बिसाएर
बचाऔं संस्कृति, भित्र्याउनु हुन्न कुनै विकृति
सकेसम्म रङ्गमा उमङ्ग भरौं कसैसँग नरिसाएर।
बिराटनगर

रंङ्गहरुको पर्व यो हो है रमाइलो होली
रङ्गाउनु छ मन पनि , हैन केवल चोली
सबैमा हार्दिक शुभकामना, तर यो बर्ष
भिडभाड नगरी मनाउनुस दिल खोली।
तनहुँ

पानीझैँ सलल बगेर यताउति जान पाए
सबैका दु:ख फ्याँक्नलै कतै लान पाए
कति सुन्दर हुन्थ्यो मानव जीवन र सृष्टि
खुसीका रङ्ग धस्न र मिठा फल खान पाए !
काठमाडाैं पुरानो बानेश्वर

जीवन सधैँ रङ्गीन बनाई बाँच्न सक्नु पर्छ
दुख पिडा सबै हटाई हाँस्न सक्नु पर्छ
सकारात्मक सोच्ने गरौं खुशी आफैँ मिल्छ
नकारात्मक दाग सबै माँस्न सक्नु पर्छ ।
पाल्पा

प्रशासन भन्दैछ, हाेली नखेल्नु, काेराेना सर्न सक्छ
भाङ खानेहरु भन्ने गर्छन् हेराैन कस्ले के नै गर्न सक्छ
हुईकिदा बिना हेल्मेट, चार सवारी एउटै बाईकमा,
बाँचिहाले जिन्दगी, दाँत दुईचार अवस्य झर्न सक्छ।
दमक, झापा

ईन्द्रेणीको सातौं रंगको एकता उपहार तिमीलाई
भ्रष्टाचार निवारण उपायको उपचार तिमीलाई
सम्पूर्णका आशीर्वाद,शुभेच्छाले प्रगति पथ लम्कनु
बुद्ध हितोपदेश सदोगुणका उपकार तिमीलाई।
ललितपुर, हाल अमेरिका
हामीले हाेली विशेष मुक्तक सम्वन्धित स्रष्टाहरूकाे फेसबुक मार्फत साभार गरेका हाैं ।
मकवानपुर । बागमती प्रदेशका मुख्यमन्त्री डोरमणि पौडेलले धार्मिक एवं सांस्कृतिक विविधता नै नेपालीहरुको पहिचान भएको बताएका छन् । फागु पूर्णिमाको अवसरमा आज आक्षतबार एक शुभकामना सन्देश जारी गर्दै मुख्यमन्त्री पौडेलले प्रेम, सद्भाव र भाइचाराको भावनासहित आपसमा रङहरु लगाएर मनाइने यस पर्वले पहाड र तराईलाई जोडेको उल्लेख गरेका छन्।
‘रङहरुको पर्व फागु पूर्णिमा अर्थात् होलीको अवसरमा स्वदेश तथा विदेशमा रहेका सम्पुर्ण दिदीबहिनी तथा दाजुभाइमा सुख, शान्ति एवं समृद्धिको शुभकामना व्यक्त गर्दछु । प्रेम, सद्भाव र भाइचाराको भावनासहित आपसमा रङहरु लगाएर मनाइने यस पर्वले पहाड र तराईलाई जोडेको छ । त्यसो त धार्मिक एवं सांस्कृतिक विविधता नै हाम्रो पहिचान हो । यसले नै सम्पूर्ण नेपालीलाई एकताको सूत्रमा जोडेको छ । यही एकताको जगमा ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्नु नै आज हामी सबैको प्राथमिक दायित्व हो’, मुख्यमन्त्री पौडेलको सन्देशमा उल्लेख छ ।
पौडेलले कोरोना महामारीको सम्भावित दोस्रो लहरका कारण यस वर्षको होली विगतको जस्तो गरी मनाउन सकिने अवस्था नरहेको उल्लेख गरेका छन् । उनले आवश्यक सावधानीसहित आफ्नो घर परिवारमा सीमित भई होलीपर्व मनाउन अनुरोध गर्दै समृद्ध नेपाल निर्माणको अभियानमा यस पर्वले थप उत्साह एवं उत्प्रेरणा प्रदान गर्ने विश्वास व्यक्त गरेका छन् ।
मकवानपुर । फागु अर्थात हाेली पर्व आज आइतबार हिमाली एवं पहाडी जिल्लामा हर्षोल्लासका साथ मनाइदैछ । एकापसमा रङ र लोला खेली आपसी सद्भावका साथ फागु मनाइन्छ । । फागुन शुक्ल पूर्णिमाका दिन मनाइने फागु हिमाली एवं पहाडी तथा पूर्णिमाकाे भाेलीपल्ट तराइका जिल्लाहरूमा हाेली पर्वकाे रूपमा मनाइदै अाइएकाे छ ।
वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व आज परम्परागत रूपमा विभिन्न रङ र लोला खेली मनाउने प्राचीन परम्परा छ । केही वर्ष अघिसम्म उत्ताउलो रुपमा मनाइने यो पर्व पछिल्लो समय सभ्य बन्न थालेको पाइन्छ । जनचेतना तथा सुरक्षाा सक्रियतकाे कारणा पर्व सभ्य बन्दै गएकाे हाे ।
सडकमा काम विशेषले हिँड्नेलाई इच्छा विपरीत रङ र लोला हान्ने क्रम बन्द हुँदै गएको छ । विगत वर्ष जस्तै यस वर्ष पनि कोरोनाको प्रभाव विश्वव्यापीरुपमा बढ्दै गएकाले फागु पर्वमा पानी र रङ प्रयोग नगर्न प्रशासनले आह्वान गरेको छ । साथै घर परिवारमै फागु पूर्णिमा मनाउन पनि प्रशासनले अनुरोध गरेको छ ।
सावधानी अपनाएर होली मनाउन राष्ट्रपतिको आग्रह
राष्ट्रपति विद्यादेवी भण्डारीले स्वास्थ्य सावधानीका उपाय अपनाएर होली मनाउन आग्रह गरेकी छन् । कोरोना भइरस (कोभिड–१९) महामारी टरिनसकेको भन्दै राष्ट्रपति भण्डारीले पूर्व सावधानीका उपाय अवलम्बन गरी होली मनाउन आग्रह गरेकी हुन् ।
यसले लोक संस्कृतिको प्रवर्धन गर्ने र समस्त नेपालीहरू बीच आपसी सद्भाव, सहिष्णुता,आत्मीयता र बन्धुत्वको भावना अभिवृद्धिगरी राष्ट्रिय एकतालाई थप सुदृढ बनाउन योगदान पुर्याउने विश्वास होली पर्वको शुभकामना दिदै व्यक्त गरेकी छन् ।
राष्ट्रपति भण्डारीले सुसंस्कृत र न्यायपूर्ण समाज निर्माणको कामना समेत गरेकी छन् । ‘यो पर्वले समाजमा विद्यमान विभिन्न प्रकारका विकृति, विसङ्गति, कुरीति एवं कुपरम्पराहरूलाई निर्मूल गर्दै मौलिक संस्कृतिसहितको सभ्य, सुसंस्कृत एवं न्यायपूर्ण समाजको निर्माण र संवर्द्धन गर्न उत्प्रेरित गरिरहोस् भन्ने कामना गर्दछु,’ शुभकामना सन्देशमा भनिएको छ ।
यस्तै, उपराष्ट्रपति नन्दबहादुर पुनले पनि शुभकामना सन्देश जारी गर्दै होली पर्वले नेपाली समाजलाई एक सूत्रमा जोडेर आपसी सद्भाव, सहिष्णुता, प्रेम र भाइचाराको अभिवृद्धि गर्दै राष्ट्रिय एकतालाई बलियो बनाउने विश्वास व्यक्त गरेका छन् ।
सभापति देउवाद्वारा भौतिक दूरी राख्दै सुरक्षित रुपमा होली मनाउन आग्रह
नेपाली कांग्रेसका सभापति शेरबहादुर देउवाले अत्यन्त हर्षोल्लासका साथ खेलिने होली पर्वको अवसरमा सम्पूर्णमा शुभकामना व्यक्त गरेका छन् ।
उनले शुभकामना सन्देशमार्फत मुलुकमा फेरी पनि कोभिड–१९ को प्रभाव र जोखिम बढ्दै गएको स्थितिलाई दृष्टिगत गरेर भौतिक दूरी राख्दै सुरक्षितरुपमा यो पर्व मनाउन सबैलाई आग्रह गरेका छन् ।
होली पर्व हाम्रो एक धार्मिक र सांस्कृतिक पर्व भएको उल्लेख गर्दै सभापति देउवाले अन्यायमाथि न्यायको विजयको शाश्वत सन्देश दिने यो पर्वलाई नेपाली समाजले हरेक वर्ष पारिवारिक स्नेह, पारस्परिक एकता र सामाजिक सद्भावका साथ मनाउँदै आएको बताएका छन् ।
हाेली गीत सुन्नुहाेस