मकवानपुर । संचारमाध्यमलाई उद्योगका रुपमा समेट्न माग गरिएकाे छ । नेपाल पत्रकार महासंघ बागमती प्रदेश समितिले बुधबार आन्तरिक मामिला तथा कानुन मन्त्रालय र उद्योग, पर्यटन वन तथा वातावरण मन्त्रालय प्रस्ताव पत्र बुझाउँदै प्रदेशभित्र संचालित संचारमाध्यमलाई उद्योगमा समेटेर अन्य उद्योग सरह ऋण, सहुलियत लागयतका सहयोग प्रदान गर्न माग गरेको हो ।
महासंघ बागमती अध्यक्ष शिव देवकोटाले आन्तरिक मामिला तथा कानुन मन्त्री केशवराज पाण्डे र उद्योग, पर्यटन वन तथा वातावरण मन्त्री सरेश नेपाल समक्ष प्रस्ताव पत्र बुझाउँदै अन्य उद्योगलाई जस्तै सञ्चार उद्योगलाई पनि समान व्यवहार गरी राज्यबाट पाउने ऋण लागयतका सहुलियत प्रदान गर्न माग गरिएको हो । त्यसभित्र पनि साना र स्वरोजगारमूलक लगानीका सञ्चारमाध्यमले प्राथमिकता पाउनुपर्ने महासंघले माग गरेको छ ।
अध्यक्ष देवकोटाले हाल प्रदेशभित्र सयौं साना लगानीका मिडियामा करोडौं लगानी भएपनि दीर्घकाल संचालन गर्न सक्ने अवस्था नभएको र समानुपातिक विज्ञापन उपलब्ध नहुँदा बारम्बार धरासायीमा पर्दै आएको मन्त्रीद्वय समक्ष जानकारी गराए । साना लगानीका संचारमाध्यमलाई उद्योगका रुपमा समेट्ने मात्र नभइ आवश्यक सामाग्री खरिदका लागि सहुलियतपूर्ण ऋण प्रवाहका योजना अघि सार्नुपर्ने महासंघले माग गरेको छ ।
महासंघले आन्तरिक मामिला तथा कानुन मन्त्रालय र उद्योग, पर्यटन वन तथा वातावरण मन्त्रालयमा प्रदेश सरकारले ल्याउने आगामी आर्थिक वर्ष २०७८÷०७९ को नीति तथा कार्यक्रम र बजेटमा संचारग्राम निर्माण, पत्रकारका लागि विभिन्न चरणमा लेखनबृत्ति, तालिम, पत्रकारको क्षमताका विकासका लागि विविध योजना समेट्न ध्यानाकर्षणसहित प्रस्ताव पत्र पेश गरेको महासचिव कृष्ण सारु मगरले बताए ।
प्रस्ताव पत्र बुझ्दै आन्तरिक मामिला तथा कानुन मन्त्री केशवराज पाण्डेले संचारमाध्यम र पत्रकारका लागि आवश्यक योजनालाई आगामी नीति तथा कार्यक्रम र बजेटमा समेट्ने गरी छलफल अघि बढाउने बताए । उनले प्रदेश सरकारले महासंघसँग सहकार्य गरेर पत्रकारका लागि तालिम, लेखनवृत्ति र क्षमता विकासका लागि नयाँ योजनालाई प्राथमितामा राखेर अघि बढ्न आफु तयार रहेको प्रतिबद्धता व्यक्त गरे ।
उद्योग, पर्यटन वन तथा वातावरण मन्त्री सरेश नेपालले पत्रकारको हकहितका लागि प्रदेश सरकारले अघि बढाउन सक्ने योजनलाई प्राथमिकतामा राख्न आफु तयार रहेको धारणा राखे । उनले संचारमाध्मयलाई उद्योगका रुपमा विकास गर्नसके संचारकर्मीको दीर्घकालीन विकासमा टेवा पुग्ने हुनाले त्यसतर्फ सकारात्मक रहेको प्रतिबद्धता व्यक्त गर्दै यसबारे नीतिगत निर्णय गर्न आफु तयार रहेको बताए ।
यसैगरी महासंघले सामाजिक विकास मन्त्री सरस्वती बस्नेत समक्ष कोरोनाको महामारीलाई मध्यनजर गर्दै अग्रपंक्तिमा खटिने पत्रकारका लागि स्वास्थ्य क्षेत्रबाट हुनसक्ने सबै सहयोग तत्काल अघि बढाउन माग गरेको छ । महासंघका अध्यक्ष देवकोटाले मन्त्री बस्नेतसमक्ष प्रस्ताव पत्र पेश गर्दै मन्त्रालयले तत्काल पहिलो डोज कोरोनाको खोप लगाउन छुटेका पत्रकारका लागि तत्काल सुरक्षित तवरबाट खोपको व्यवस्थापन गर्न माग गरेका छन ।
महासंघले स्नातक र स्नात्तकोत्तर अध्ययन गर्न चाहने पत्रकारका लागि अगामी आर्थिक वर्षबाट छात्रबृत्ति व्यवस्था गर्नसमेत माग गरेको छ । मन्त्री बस्नेतले महासंघले पेश गरेको प्रस्तावलाई आगामी नीति तथा कार्यक्रममा समेट्न आफ्नो तर्फबाट मन्त्रिपरिषद्मा छलफल अघि बढाउने प्रतिबद्धता व्यक्त गरिन । मन्त्रालयहरुमा पुगेको महासंघको डेलिगेशनमा उपाध्यक्ष रुपेश दुलाल, महासचिव कृष्णसारु मगर, सदस्यहरु सुदीप शिवाकोटी र रामहरि गजुरेलको उपस्थिति रहेको थियो ।
मकवानपुर । दोलखा जिल्लामा पहिलो पटक कोरोना भाइरसको परीक्षण गर्न पीसीआर परीक्षणका लागि प्रयोगशाला (Molecular Lab) शुरु भएको छ । दोलखाको भिमेश्वर नगरपालिकास्थित चरिकोट अस्पतालमा आज बुधबार प्रयोगशालाको उद्घाटन गरिएको हो ।
प्रयोगशाला चौबिसै घण्टा चलाउने हो भने ५०० सयसम्म स्वाब परीक्षण गर्ने क्षमता रहेको जनाइएको छ । आज दक्ष जनशक्ति समेत लगेर प्रयोगशालाको उद्घाटन गरेको बागमती प्रदेशको जनस्वास्थ्य प्रयोगशाला धुलिखेलका प्रमुख डा.नारायण बहादुर कार्कीले बताए । सो प्रयोगशालामा दोलखा नजिकका दोलखा, रामेछाप, सिन्धुपाल्चोक र सिन्धुलीबाट स्वाब संकलन गरेर ल्याउन सकिने कार्कीले बताए । चरिकोटमा प्रयोगशाला शुरु गरिएसँगै बागमती प्रदेशमा प्रयोगशालाको संख्या ६ पुगेको छ ।

यसअघि धुलिखेल, नुवाकोट, भक्तपुर, हेटौंडा, सिन्धुलीमा प्रयोगशाला संचालनमा रहेको छ । प्रयोगशाला निर्देशक डा. कार्कीका अनुसार यो मेसिन संसारमै अहिलेसम्म बनेको राम्रो मानिने मेसिन मध्येको हाे । यहाँ राखिएको मेसिनमा पीसीआर मात्रै नभई अरु विभिन्न रोगको पनि परीक्षण गर्न सकिने कार्कीको बताए । प्रयोगशालामा माइक्रोबाइलोजिस्ट सहितको जनशक्ति अहिले भए पनि पुग्ने जनशक्ति नभएकाले प्रदेश सरकारसँग माग गरिएको डा. कार्कीले बताए ।

‘थप जनशक्ति प्रदेश सरकारले पठाउँछ’ –मन्त्री बस्नेत
बागमती प्रदेश, सामाजिक विकास मन्त्री सरस्वती बस्नेतले कोरोना संक्रमण बढ्दै गएकाले दोलखासहित आसपासका जिल्लाको पीसीआर परीक्षणका लागि सहज हुने भएकाले प्रयोगशाला संचालनमा ल्याएको बताए ।
मन्त्रालयले केन्द्रीय जनस्वास्थ्य प्रयोगशालासँग समन्वय गरेर तत्कालै प्रयोगशाला संचालनमा ल्याएको र अहिले न्यूनतम जनशक्ति भए पनि थप जनशक्ति प्रदेश सरकारले पठाएर प्रयोगशालालाई पूर्ण क्षमतामा संचालन गर्ने मन्त्री बस्नेतले बताइन् ।
हेटाैडा अस्पताललाई आवश्यक स्वास्थ्यकर्मी हेटौडा उपमहानगरपालिकाले उपलब्ध गराउने
Tags: No Comments
मकमवानपुर । हेटौडा अस्पतालमा स्वास्थ्यकर्मीको अभाव हुन नदिन तत्काल हेटौडा उपमहानगरपालिकाले स्वास्थ्यकर्मी उपलब्ध गराउनु पर्ने भएकाे छ । जिल्ला प्रशासन कार्यालय मकवानपुरमा बुधबार बसेको जिल्ला कोभिड–१९ संकट व्यवस्थापन केन्द्रको बैठकले हेटाैडा अस्पतालमा स्वास्थ्यकर्मी हेटाैडा उपमहानगरपालिकाले काजमा खटाइ पठाउने निर्णय गरेकाे छ ।
यस्तै निषेधाज्ञाको अवधिमा जिल्ला प्रशासन कार्यालय मकवानपुरबाट जारी भएका सवारी पास बाहेक स्थानीय तह वा अन्य निकायबाट जारी भएकाे सवारी सञ्चालन अनुमति पत्र (पास)लाई मान्यता नदिने निर्णय बैठकले गरेकाे छ । सोही अनुसार गर्न/गराउन जिल्ला प्रहरी कार्यालय र मातहतका कार्यालयलाई निर्देशन जारी गरिएको छ ।
जिल्ला कोभिड–१९ संकट व्यवस्थापन केन्द्रको बैठकले कोरोनाका विरामी बढ्दै गएपछि कोभिड अस्पतालको रुपमा निजी अस्पताललाई प्रयोग गर्ने निर्णय गरेको छ । बैठकले हेटौँडा उपमहानगरपालिका ११ स्थित चुरेहिल अस्पतालमा आइसियु सेवासहितको २५ बेडको कोरोना विशेष अस्पताल संचालन गर्ने निर्णय गरेको हो ।
हेटौडा अस्पतालमा अक्सिजनको अभाव हुन नदिन शिवम् सिमेण्टबाट प्राप्त ४२ थान अक्सिजन तत्काल पठाउने व्यवस्था मिलाउन सम्बन्धित निकायलाई प्रशासन कार्यालयले निर्देशन दिएको छ ।

मकवानपुर । नेकपा माओवादी (केन्द्र) ले सरकारलाई दिएको समर्थन फिर्ता लिएकाे छ । केन्दले समर्थन फिर्ताकाे पत्र आज बुधबार संसद् सचिवालयलाई बुझाएको छ ।
प्रधानमन्त्री केपी शर्मा ओलीले विश्वासको मत लिने निर्णय गरेपछि माओवादी केन्द्रले सरकारलाई गरेको समर्थन फिर्ता लिएको जानकारी सहित संसद् सचिवालयलाई पत्र बुझाएको हो ।माओवादी केन्द्रले समर्थन फिर्ता लिएसँगै सरकार अल्पमतमा परेको छ । माओवादी केन्द्रका प्रतिनिधिसभामा ५० सदस्य छन् ।

- मिसु श्रेष्ठ
“लौ अझै उठेका छैनन् ? अनलाइन क्लास छैन? ल उठ उठ! के भो ? कि सन्चो भएन?”
सिरक तान्दै निधार छामिन्।
आफ्नो भन्दा त चिसै पाइन्। बरु दुई हप्ता अघिको आफ्नो ज्वरोको प्रभाव अझै बाँकी थियो। कोरोना प्रभावको बेला एक्कासि ज्वरो आउँदा केटाकेटी पनि आत्तिएका थिए। तातोपानी ,अौषधि, जडिबुटी गरेर धन्न केटाकेटीलाई सर्न बाट जोगाएकी थिइन्।
घर प्लाष्टरको काम , जिम्मा लिएको समयमा सकाउनै पर्ने फेरि काम नगरी चारोको जोहो पनि त हुँदैन । अरबमा गएका पति फर्केर अरबपति होइएला भन्ने थियो ।पोहोर कोरोनाले भेट्टाए देखि घरिघरि `बिरामी छुँ ´ भन्छन् , फर्केर आउन पनि यता कामको मेसो देख्दैनन्।´ कुरा खेलाउदै केटाकेटीलाई हकार्न थालिन् ।
“यत्रो लकडाउनमा अामालाई सघाउलान् भनेको! उठ!”
” ममी नकराउनु न , घरको काम धन्दा त सघाएकै छौँ नि ! तपाईंलाई आराम गर्नुस् भन्दा मान्नुहुन्न । किन जान्ने भएर छिट्टै खाना पकाउनु भएको त ? आज मजदुर दिवस अनलाइन क्लास हुँदैन । त्यसैले अलि ढिला सुतेको ।
तपाईं पनि काममा जान पर्दैन हैन ?
८घण्टा काम, ८ घण्टा मनोरञ्जन , ८ घण्टा विश्राम भन्छन् ´, हाम्री आमा चाहिँ ! न विश्राम , न मनोरञ्जन ! एकछिन फुर्सद नबस्ने ।” अलिबेर आराम गरे हुने नि हामी खाना बनाइ हाल्थ्यौँ।”
खाना पस्कन थालिन्।
” हैन ममी !आज मजदुर दिवस , बिदा हुदैन र? “
“को सँग बिदा लिने छोरी?”
” ठेकेदार सँग ।”
“उनले नि दुईचार पैसा कमाइ होला कि भनी दुई तीन ठाउँ एकै पल्ट काम लिन्छन् । समयमा नसके कामबाट हात धुनु पर्ला भन्ने पीर। बिचरा घर बनाउने ठेकेदार निम्नस्तर कै त हुन् नि!”
“साहुले बिदा दिदैनन् त? “छोरीको थप जिज्ञासा ।
“साहुले आफ्नो सम्पुर्ण धन – ऋण गरेर घर बनाउछन् , कसरी बिदा देलान् र? “
” एकदिनलाई कामबाट बिदा त देलान् तर ज्याला पाइदैन । ” बेलिबिस्तार लगाउँदै गइन् –
” हाजिर गरेर तलब पाउनेलाई त बिदाको महत्त्व होला । हामी ज्याला पाउनेलाई बिदा भन्दा सजिलै काम पाउने, श्रम अनुसारको ज्याला र सहज र सुरक्षित काम गर्ने वातावरण भइदिए पुग्थ्यो नि !
दोलखा, हाल काँडाघारी काठमाडौं