काठमाडौं । कोरोना संक्रमण रोकथामको प्रभावकारी उपाय मानिएको कोरोनाविरुद्ध खोप अभियान अपेक्षित रूपमा अघि बढ्न सकेको छैन । सरकारले राज्यसंयन्त्रका सबै अंगलाई कोभिड रोकथाम, नियन्त्रण र उपचारका लागि समन्वयत्मक र आक्रामक रूपमा परिचालन गर्न नसक्दा कोभिड नियन्त्रणमा अपेक्षित प्रगतिसमेत हुन सकेको छैन ।
उता कोभिड नियन्त्रणमा प्रभावकारी मानिएको खोप लगाउने अभियानलाई समेत सरकारले व्यापक बनाउन सकेको छैन । जसका कारण खोपको आशा गर्दै बसिरहेका आमनागरिक समयमै खोप नपाउने चिन्ताले सताइन थालेका छन् । खोप लगाउन योग्य २ करोड १७ लाख ५६ हजार ७ सय ६३ जनामध्ये हालसम्म २३ लाख ८३ हजारले मात्रै खोप लगाउने अवसर पाएका छन् । बाँकी १ करोड ९३ लाख ७३ हजार ७ सय ६३ जना खोपको प्रतीक्षामा छन् ।
सरकारले आगामी मंसिरसम्म खोप लगाउन योग्य सबै जनसंख्यालाई खोप लगाउने प्रतिबद्धता जनाएको थियो तर अहिलेसम्मको प्रगति हेर्दा सरकारको प्रतिबद्धता पूरा हुन कठिन देखिएको छ । खोप उपलब्ध गराउने प्रतिबद्धता जनाएका देशले खोप उपलब्ध गराउने सुनिश्चितता नजनाउँदा खोप अभियान अपेक्षा गरेअनुसार अघि बढ्न नसकेको हो । साथै खोप ल्याउन सरकारले आफ्ना संयन्त्रको समेत सशक्त परिचालन गर्न सकिरहेको देखिँदैन ।
स्वास्थ्य तथा जनसंख्या मन्त्रालयका अनुसार हालसम्म ६ लाख ९१ हजार ४ सय ९४ जनाले खोपको पहिलो र दोस्रो मात्रा लगाएका छन् । कोभिड–१९ खोपको लक्षित समूहको प्राथमिकीकरणअनुसार अनुमानित २ करोड १७ लाख ५६ हजार ७ सय ६३ जनालाई खोप लगाउनुपर्नेहुन्छ । यसरी हेर्दा अनुमानित १ करोड ९३ लाख ७३ हजार ७ सय ६३ जना खोपबाट वञ्चित छन् ।
स्वास्थ्य सेवा विभाग परिवार कल्याण महाशाखाको गत २८ जेठसम्मको तथ्याकंलाई आधार मान्दा २३ लाख ८३ हजार जनाले खोपको पहिलो मात्रा मात्रै लगाएका छन् ।
कोभिसिल्डको पहिलो डोज लगाएका देशभरका करिब १३ लाख ५० हजार नागरिक दोस्रो डोजको प्रतीक्षामा छन् । भारत सरकारमार्फत खरिद गरिएको १० लाख डोज नआउँदा ती नागरिकले दोस्रो मात्रा लगाउन पाएका छैनन् । भारत सरकारले तत्काल खरिद गरिएको खोप उपलब्ध गराउन नसक्ने जनाएपछि खोप अभियान प्रभावित भएको हो ।

सरकारले गत २३ फागुन गतेपछि देशभरमै ६५ वर्षमाथिका ज्येष्ठ नागरिकलाई भारतको खोप निर्माता कम्पनी सेरम इन्स्टिच्युटबाट उत्पादित कोभिसिल्ड खोप लगाउन सुरु गरेको थियो । यस्तै, १४ जिल्लामा ५५ वर्ष माथिका व्यक्तिलाई पनि खोपको पहिलो डोज लगाइएको थियो । यद्यपि कोभिसिल्डको पहिलो मात्रा (डोज) लगाएका व्यक्तिलाई दोस्रो डोजका रूपमा एस्ट्राजेनेका लगाइने भनिए पनि सो खोपको पनि कहिले आउने सुनिश्चित छैन ।
अब कोभिसिल्डको विकल्पमा एउटै प्रकृतिको एस्ट्राजेनेका खोप नेपाललाई प्राप्त भएपश्चात् १२ हप्तापछि पनि सो खोपलाई दोस्रो मात्राका रूपमा लगाउने व्यवस्था मिलाइने स्वास्थ्य मन्त्रालयले जनाएको छ ।
तर, विश्व स्वास्थ्य संगठनका अनुसार कोरोनाविरुद्धको खोपको पहिलो डोज लगाएको ८ देखि १२ हप्ताभित्रमा दोस्रो डोज लगाइसक्नुपर्नेहुन्छ ।
स्वास्थ्य सेवा विभाग परिवार कल्याण महाशाखाका निर्देशक डा. तारानाथ पोखरेलले खोप उपलब्धताका लागि विभिन्न देशलाई आग्रह गरे पनि खोप आउने सुनिश्चितता अझै नभएको बताए । डा. पोखरेलले भने, ‘अहिलेसम्म कुनै देशबाट पनि खोप उपलब्धताको सुनिश्चितता पाएका छैनौं । हाल चीन सरकारले उपलब्ध गराएको भेरोसिल खोप जेष्ठ नागरिकलाई लगाउने कार्य जारी छ ।’
स्वास्थ्य सेवा विभागका महानिर्देशक डा. दीपेन्द्ररमण सिंहले खोप आयातका लागि कूटनीतिक रूपमा पहल भइरहेको बताए ।
स्वास्थ्य मन्त्रालयले कोरोना खोपका लागि ४ खोप उत्पादक कम्पनीलाई पत्राचार गरेको थियो । नेपालमा दर्ता भएका कोभिसिल्ड, कोभ्याक्सिन, चिनियाँ खोप भेरोसेल, अमेरिकामा उत्पादन भएको खोप जोन्सन एन्ड जोन्सनलाई ५० लाख डोज खोप खरिदका लागि पत्राचार गरे पनि ठोस परिणाम आउन सकेको छैन ।
हालसम्म ४१ लाख ४८ हजार कोरोनाविरुद्धको खोप भित्रिएको छ । भारत सरकारले अनुदानस्वरूप उपलब्ध गराएको १० लाख मात्रा, खरिद गरिएको १० लाख मात्रा खोप नेपाल भित्रिएको छ । यस्तै, चीन सरकारले अनुदानमा उपलब्ध गराएको १८ लाख मात्रा र कोभ्याक्स फ्यासिलिटीअन्तर्गत ३ लाख ४८ हजार मात्रा खोप नेपाल आएको छ ।
कोभ्याक्सले नेपालको खोप लगाउने जनसंख्यामध्ये २० प्रतिशतलाई पुग्नेगरी १ करोड ३० लाख डोज खोप उपलब्ध गराउनुपर्ने भए पनि यसबारे ठोस परिणाम निस्किन सकेको छैन ।
यस्तै, कोरोनाविरुद्धको खोप अत्यधिक माग र मागअनुसार आपूर्ति हुन नसक्नु नै खोप अभियानमा चुनौती रहेको सरकारले औंल्याएको छ । स्वास्थ्य तथा जनसंख्या मन्त्रालयले मागअनुसार खोप आपूर्ति हुन नसक्दा अभियान सञ्चालन तथा व्यवस्थापनका क्रममा कठिनाइ भएको औंल्याएको हो । सरकारले निकट भविष्यमै खोप ल्याउने भनेर आशा देखाए पनि खोप सन्दर्भमा ठोस परिणाम ननिस्किँदा आमनागरिक चिन्तित बनेका हुन् ।
यस्तै, पूर्वतयारीको समय कम भएकाले खोप लिने व्यक्तिको सूची तयार गर्न चुनौती रहेको, निश्चित स्थानमा खोप केन्द्र रहेकाले खोप सेवाको पहुँचमा कमी रहेको स्वास्थ्य मन्त्रालयले जनाएको छ । सरकारले हाल सञ्चालन गरेको भेरोसिल खोपमा जेष्ठ नागरिक (६० देखि ६४ वर्ष)लाई प्राथमिकीकरणमा राखे पनि अन्य समूहले यो खोप लगाएको पाइएको छ ।
यस्तै, जेष्ठ नागरिकहरूको खोप केन्द्रसम्म सहज पहुँच नभएको, समयमै पर्याप्त खोप प्राप्त नहुँदा सूचना सम्प्रेषणमा कठिनाइ भएको बताइएको छ । खोप अभियान सञ्चालका क्रममा दैनिक खोप प्रगति विवरण संकलनमा कठिनाइ भएको स्वास्थ्यको बुझाइ छ । अहिलेसम्म कति नागरिकले खोप लगाए भन्नेबारेमा विस्तृत तथ्याकंगत विवरण स्वास्थ्य मन्त्रालयले सार्वजनिक गरेको छैन ।
हाल नेपालमा कोभिसिल्ड र भेरोसेल खोप उपयोगमा आएको छ । अध्ययन अनुसन्धानले कोभिसिल्ड खोपको प्रभावकारिता ८१ दशमलव १३ प्रतिशत र भेरोसेल खोपको प्रभावकारिता ७९ प्रतिशत रहेको देखाएको छ ।
याे समाचार राजधानी दैनिकबाट साभार गरिएकाे हाे ।
मकवानपुर । कोभिड हेल्प डेस्क मकवानपुरले आइतबार मानव सेवा आश्रमलाई सहयोग गरेको छ । मकवानपुर उद्योग वाणिज्य संघको नेतृत्वमा विभिन्न संघसंस्थाहरुको संलग्नतामा निर्माण गरिएको हेल्थ डेस्ककाे समुह आश्रममै गई सहयोग गरेको हो ।
मउवासंघका महासचिव प्रमोद सिंह रानाभाटले संयाेजन गरिएकाे आश्रमको कार्यक्रममा हेल्प डेस्कबाट चामल, दाल र स्याऊ सहयोग गरिएको थियो । त्यसैगरी आइतबार नै हेल्प डेस्कले गौरीटार आइसोलेशनलाई पनि सहयोग गरेको छ । हेल्प डेस्कको टोली गौरीटार आइसोलेशनमा गई च्यावनप्रास, तेल, आयुर्वेदिक औषधी वितरण गरिएको थियो ।
मउवासंघका कार्यसमिति सदस्य रवि कडेल शर्माले संयोजन गरेकाे आइसोलेशनमा सहयाेग वितरण कार्यक्रममा कोभिड हेल्प डेस्क मकवानपुरका सचिवालय संयोजक कृष्ण कुमार गुप्ता, हेल्प डेस्कका सदस्य ज्ञानेन्द्र कार्की, मउवासंघका विशेष आमन्त्रित सदस्य भुपेन्द्र अधिकारी, व्यवसायी राजेन्द्र लामिछानेलगायतको उपस्थिति रहेको थियो ।
त्यसैगरी कोभिड हेल्प डेस्कबाट मनहरी गाउंपालिका, चकरीबाट ३ जना कोभिडका बिरामीहरुलाई अस्पतालसम्म ल्याउन निःशुल्क एम्बुलेन्स सेवा प्रदान गरिएको छ । यस्तै हेल्प डेस्कलाई आइतबार नगद ५ हजार रूपियाँ सहयोग प्राप्त भएको छ । मकवानपुरका प्रतिष्ठित गायक स्व. ज्ञानविर क्षेत्रीको स्मृतिमा श्रीमती कमला श्रेष्ठ क्षेत्री, छोराहरु कोसिस क्षेत्री र केतन क्षेत्रीबाट उपलब्ध गराइएको रकम हेल्प डेस्कका सदस्य शंकरलाल श्रेष्ठमार्फत हेल्प डेस्कका संयोजक कृष्ण कटुवाललाई हस्तान्तरण गरिएको हो ।

हेल्प डेस्कबाट बिरामी आमाको लागि अक्सिजन सहयोग लिदै आएका ठाकुरप्रसाद चौलागाईले पल्पसा आइसोलेशन सेन्टरमा रहेका कोभिड संक्रमितहरुलाई आइतबार एक बोरा हरियो मकै उपलब्ध गराएका छन् । यसै गरी द आर्ट अफ लिभिङ्ग नेपालबाट पिपिई २० थान, अक्सिमिटर ५ थान, ग्लोब्स ५ पाकेट, माक्स ५ पाकेट, एन ९५ माक्स ५० थान, फेस सिल २५ थान र साबुन ७२ थान सहयोग प्राप्त भएको सचिवालय संयोजक कृष्ण कुमार गुप्ता जानकारी दिए ।
द आर्ट अफ लिभिङ्ग नेपालका मकवानपुर जिल्ला संयोजक दामोदर प्रसाद अटलले उक्त सहयोग सामग्रीहरु आइतबार हस्तान्तरण गरेका हन् । सहयोगको लागि पहल गर्नुहुने हेल्प डेस्कका सचिवालय संयोजक गुप्तासहित हस्तान्तरण कार्यक्रममा मउवासंघका उपाध्यक्ष रामप्रसाद न्यौपाने, सदस्य बालकुमार मल्ल ठकुरी, द आर्ट अफ लिभिङ्गका नर्मदा अटल, सुजिना श्रेष्ठलगायतको उपस्थिति रहेको थियो ।
यस्तै पल्पसा आइसोलेशन सेन्टर संचालनमा आएदेखि नै कृष्ण प्रणामी समाज मकवानपुरबाट भर्ना भएका सम्पूर्ण संक्रमित र व्यवस्थापनमा खट्ने स्वास्थ्यकर्मी, कर्मचारी तथा कामदारहरुको लागि बिहान र बेलुकाको खाना सहयोग हुंदै आएको मउवासंघ अध्यक्ष कृष्ण कटुवालले बताए ।
यसैगरी कोभिड हेल्प डेस्क मकवापुरको सचिवालय मकवानपुर उद्योग वाणिज्य संघबाट आइतबार ४२ जना कोभिड संक्रमितहरुसंग फोनमार्फत सम्पर्क गरिएकोमा ४ जना अस्पतालमा र ३८ जना घरमै रहेको सुरक्षित रहेकाे पाइएकाे छ । हेल्प डेस्कबाट नियमित रुपमा फोन सम्पर्क गरी संक्रमितको अवस्था बुझ्ने, राय सुझाव दिने, समस्या भएमा हेल्प डेस्कमा सम्पर्क गर्न र पल्पसा आइसोलेशन सेन्टरमा स्वास्थ्य लाभको लागि आउन पनि आग्रह गर्ने गरिएको संयाेजक गुप्ताले बताए ।
मकवानपुर । पछिल्लो समय कोरोना भाइरसको संक्रमणदर घट्दै गएको छ। खोप अभियान सुरु भएको र निषेधाज्ञा कार्यान्वयनमा कडाइ गरेसँगै संक्रमण घट्दै गएकाे हाे ।
केही दिनदेखि घट्दाेक्रममा रहेकाे काेराेना संक्रमणमा पछिल्लो २४ घण्टामा देशभर ३ हजार ९ सय ९४ कोरोना भाइरसको संक्रमण निकाे भएका स्वास्थ्य तथा जनसंख्या मन्त्राललयले जनाएकाे छ । योसँगै कोरोना संक्रमण भइ निको हुनेको संख्या ५ लाख ३१ हजार १ सय ५ पुगेको छ ।
यस्तै, दुई हजार ४ सय ७ जना कोरोना भाइरसका नयाँ संक्रमित थपिएका छन्। स्वास्थ्य मन्त्रालयका अनुसार पीसीआर परीक्षणबाट १ हजार ६ सय ९४ र एन्टीजेन परीक्षणबाट ७ सय १३ गरी जम्मा २ हजार ४ सय ७ जना कोरोना भाइरसका नयाँ संक्रमित थपिएका हुन् । योसँगै नेपालमा कोरोना देखिनेको संख्या ६ लाख २८ हजार ९४२ पुगेको छ ।
यस्तै पछिल्लो २४ घण्टामा कोरोना संक्रमणबाट ४६ जनाको मृत्यु भएको मन्त्रालयले जनाएको छ। योसँगै नेपालमा कोरोनाबाट मृत्यु हुनेको संख्या ८ हजार ४ सय १२ पुगेको छ ।
मकवानपुरमा थप २ सय २१ जना कोरोना संक्रमण निकाे
पछिल्लो २४ घण्टामा मकवानपुरमा थप २ सय २१ जनाले कोरोना संक्रमण निकाे भएका छन् । यस्तै मकवानपुरमा थप ८१ जनामा कोरोना संक्रमण पुष्टि भएको छ ।
उज्वल थापाले आफ्ना केही युवा साथीहरूलाई लिएर स्थापना गरेको विवेकशील दलले नेपालको विकृत राजनीतिबाट दिक्क भएका जनतामा नयाँ आशा सञ्चार गरेको थियो। विवेकशीलले २०७० र २०७४ मा संविधान सभाको चुनावमा भाग लिएको थियो यद्यपि ज्यादै नयाँ दल हुनाले चुनावमा धेरै मत जित्न सम्भव थिएन किनकि पुराना पार्टीको जकड पकडबाट नेपाली राजनीति मुक्त हुन सकेको पनि थिएन।
पहिलो पटक चुनाव लडेको केही समयपछि (शायद २०७२ मंसिर २५ गते) उज्वल थापा रमेश पौड्याल र केही साथीहरूसित मेरो घर आए र नेपालको राजनीति र खासगरी परराष्ट्र नीतिवारे मेरो राय मागे। मैले पहिले उनकै विचार सुनेँ र भनेँ ‘तपाईँको विचार ठीक छ, यसैलाई लिएर अघि बढ्नोस् मेरो पूर्ण समर्थन र शुभकामना छ। पृथ्वीनारायण शाहले अपनाएको नेपालको परराष्ट्र नीति नै हाम्रो परराष्ट्र नीतिको मुख्य आधार हो तर हामीले देशको आर्थिक विकास नगरे कुनै पनि परराष्ट्र नीति सफल हुँदैन’। पछि सुनेँ, २०७४ साउनमा साझा पार्टीसित मिलेर विवेकशील साझा पार्टी बन्यो तर त्यो २७ पौष २०७५ फुटेको पनि सुनेँ र दुःखित भएँ यद्यपि कताकता मैले त्यो सम्भावना पनि देखेको थिएँ। त्यसपछि उज्वल थापासित मेरो दोस्रो भेट भयो २०७६ साउनमा।
हामी अहिले सरकार बनाउने या सरकारमा कसरी जाने भन्ने खेलमा लागेका छेनौं। त्यो हाम्रो मुख्य उद्देश्य पनि होइन। नेपालमा राजनीति बडो विकृत र फोहोरी खेल भइरहेछ। चुनावमा कालो धनको खोलो बगाइन्छ, भोजभतेर गरिन्छ।
उनी क्यालिफोर्नियाको स्ट्यान्फोर्ड विश्वविद्यालयमा आयोजित युवा नेतृत्वविकास सम्बन्धी कार्यक्रममा सहभागी हुन गएका थिए। डा. तारा सिग्देल र वहाँका साथीहरूको संयोजकत्वमा चौतारी भन्ने एक अनौपचारिक छलफल कार्यक्रम हुँदोरहेछ सप्ताहान्तमा। उज्वल थापालाई बोल्न बोलाइयो २८ जुलाइ २०१९ (१३ साउन, २०७६) का दिन। म पनि सुन्न गएँ। त्यहाँ उनले नेपाली समाजको आफ्नो भविष्यचित्र (भिजन) र त्यसलाई साकार पार्ने राजनीतिक अभियान वारे बोले। अनि प्रश्नोतर कार्यक्रमा कसैले सोध्यो, तपाईंको पार्टी किन फुट्यो ? उज्वल थापाले भने, “विचार र कार्यप्रणालीमा भिन्नता देखिन आयो”। त्यस विषयमा थप कोट्याएर कसैले सोधेन।
दोस्रो प्रश्न थियो – तपाईंको पार्टीले चुनाव जित्न सकेन, सांसद मन्त्री बनाउन सकेन, प्रधानमन्त्री भएर सरकारको नेतृत्व गर्न कुरा त झनै टाढा भयो। यस्तो अवस्थामा हामीले तपाईंबाट के आशा गर्ने ? उज्वल थापाले त्यस प्रश्नको जे उत्तर दिए त्यसबाट म धेरै प्रभावित भएँ। उनले भने, हामी अहिले सरकार बनाउने या सरकारमा कसरी जाने भन्ने खेलमा लागेका छेनौं। त्यो हाम्रो मुख्य उद्देश्य पनि होइन। नेपालमा राजनीति बडो विकृत र फोहोरी खेल भइरहेछ। चुनावमा कालो धनको खोलो बगाइन्छ, भोजभतेर गरिन्छ।
मत किनिन्छ, मतपत्र च्यातिन्छ। प्रजातन्त्रको धज्जी उडाइन्छ। खराब मानिसहरू सरकारको नेतृत्व गर्न पुग्छन्। त्यसकारण हाम्रो उद्देश्य र अभियान समाजमा त्यस्तो संस्कार विकास गर्नका लागि हो जसमा मतदाताले राम्रो मानिसलाई चुनेर पठाउनुपर्छ भन्ने बुझून्। असल मानिस नचुनिइकन राजनीति आफसेआफ राम्रो हुँदैन। राजनीतिक व्यवस्था मात्र होइन, राजनीतिक व्यक्ति पनि राम्रो हुनुपर्छ।
अहिले प्रधानमन्त्रीका रूपमा मेरो नेतृत्वमाथि संकट आइपरेकाले त्यसबाट बच्न म यी कुराहरू गरिरहेको छैन। किनभने, मेरो राजनीतिको ध्येय प्रधानमन्त्रीको कुर्सीमा बस्नु थिएन। मेरो ध्येय प्रजातन्त्रको निम्ति र समृद्ध समुन्नत नेपालको निर्माण थियाे’।
उज्वलले आफ्ना कुरा राख्दा कुनै आवेशमा नआइकन (वास्तवमा अप्रभावकारी ढंगले) बोलेका थिए। सत्ता राजनीतिको खेलबारे चोटिला कुरा सुन्ने अपेक्षा गरेका श्रोतागण उज्वलको कुराबाट कति प्रभावित भए मलाई थाहा भएन। तर म भने उनको त्यस जवाफबाट दुई कारणले धेरै प्रभावित भएँ। पहिलो, उनी आफ्नो राजनीतिको उद्देश्यवारे स्पष्ट रहेछन्। दोस्रो, उनमा आफू नेता बन्ने वा शक्तिको पदमा पुग्ने लालसा होइन कि समाजमा परिवर्तन ल्याउने चाहना रहेछ। त्यो एउटा गम्भीर कुरा लाग्यो र साथै उदात्त पनि।
मलाई लाग्यो, उज्वल थापा त बी पी कोइराला, गणेशमान सिंह, कृष्णप्रसाद भटराई, मदन भण्डारीजस्ता पो रहेछन्। ती नेताहरूका लागि सत्ता गौण थियो। प्रजातान्त्रिक संस्कृतिको विकास र पद्धतिको सुदृढीकरण मुख्य कुरा थियो। उनीहरूले त्यस कुरामा कम्प्रोमाइज गरेनन्। बी पी कोइरालाका लागि प्रधानमन्त्री बन्नु त्यति महत्वपूर्ण थिएन जति २०१५ सालको आम चुनावको प्रक्रियामा नेपाली जनतालाई सहभागी गराउनु र देशमा प्रजातान्त्रिक समाजवादी व्यवस्था संचालन शुरु गर्नु थियो। २०४६ सालको जन आन्दोलन सफल भएपछि राजा वीरेन्द्रले प्रधानमन्त्री बन्न आग्रह गर्दा गणेशमान सिंहले त्यो अस्वीकार गर्नुबाट पनि उही कुरा देखिन्थ्यो – उनलाई प्रधानमन्त्रीको पद होइन, प्रजातन्त्रको पुनःस्थापना महत्वपूर्ण कुरा थियो।
२०४७ सालमा कृष्ण प्रसाद भट्टराईका लागि पनि अन्तरिम सरकारको प्रधानमन्त्री बन्नुभन्दा बहुदलीय प्रजातान्त्रिक व्यवस्थाको संविधान ल्याउनु बढी महत्वपूर्ण थियो। आफूले जीवनभर गरेको संघर्ष, त्याग, तपस्या र बलिदानका कारण प्रजातान्त्रिक पद्धति स्थापित हुँदा अनुभूत भएको सन्तोष मुख्य कुरा थियो।
कृष्णप्रसाद भटराईले २०५६ साल चैत्र ३ गते प्रधानमन्त्रीको पदबाट राजीनामा दिँदा संसदमा भनेको यो कुराको पनि मलाई सम्झना भयो – ‘हाम्रो प्रजातन्त्रका सञ्चालकहरू भनेका हामी नै हौं। त्यसैले यदि हामीभित्र अवाञ्छित र अनियन्त्रित राजनीतिक उच्चाकांक्षा छ भने त्यस संकटका कारक पनि हामी नै हुन्छौं। पद्धति राम्रो छ तर त्यस अनुरूप हाम्रो व्यवहार राम्रो छ कि छैन ? यो प्रश्न आज हाम्रो सामुन्ने उपस्थित भएको छ तथा त्यसको उत्तर पनि हामीले नै दिनुपर्छ। अहिले प्रधानमन्त्रीका रूपमा मेरो नेतृत्वमाथि संकट आइपरेकाले त्यसबाट बच्न म यी कुराहरू गरिरहेको छैन। किनभने, मेरो राजनीतिको ध्येय प्रधानमन्त्रीको कुर्सीमा बस्नु थिएन। मेरो ध्येय प्रजातन्त्रको निम्ति र समृद्ध समुन्नत नेपालको निर्माण थियाे’।
हामी आफू, आफ्ना सन्तति र समस्त नेपालको भविष्यलाई खाडलमा हालेको अपराधबाट बच्न पनि सक्नेछैनौं। यदि नेपालको भविष्य उज्वल बनाउनुछ भने त्यो उज्वल थापाको सन्देश अनुसरण गरेर मात्रै सम्भव छ।
मैले उज्वलका साथीहरूबाट सुनेँ, उनी आफू पछाडि बसेर अरूलाई गन्तव्यतर्फ अगाडि बढाउँथे। नेल्सन मण्डेलाको नेतृत्वशैलीका विषयमा पनि मैले त्यही कुरा सुनेको थिएँ। उनी गाइवस्तु पाल्ने कबिलाका मुखियाका छोरा थिए त्यसो हुनाले गोठालाले जसरी आफ्ना गाइवस्तु पछाडिबाट धपाएर गन्तव्यमा पर्याउँछ त्यसैगरी पछाडिबाट नेतृत्व गर्थे र जनतालाई आफ्नो गन्तव्यमा पर्याउँथे।
आज विश्वका धेरै देशमा राजनीति केवल पदप्राप्तिको घिनलाग्दो खेल भएको छ। त्यसकारण विवेकशील साझा पार्टीका युवा नेताहरूले मात्र होइन, नेपालका अरू पार्टीका युवा नेताहरूले पनि र वास्तवमा समस्त नयाँ पुस्ताले समाउनुपर्ने बाटो उज्वल थापाले देखाएको बाटो नै हो। उनको असामयिक निधनले हामीलाई जुन झट्का लागेको छ त्यसले हामीलाई बिउँझाउनुपर्छ र हामीले बुझ्नुपर्छ कि उज्वलले देखाएको बाटोमा हिँडेनौं भने हामी पनि अहिलेको नेपाली राजनीतिमा देखिएका निकृष्ट कलहप्रिय झुण्डहरूभन्दा फरक हुनेछैनौं। त्यति मात्र होइन, हामी आफू, आफ्ना सन्तति र समस्त नेपालको भविष्यलाई खाडलमा हालेको अपराधबाट बच्न पनि सक्नेछैनौं। यदि नेपालको भविष्य उज्वल बनाउनुछ भने त्यो उज्वल थापाको सन्देश अनुसरण गरेर मात्रै सम्भव छ।
प्रधानमन्त्री, मन्त्री, सांसद केही पनि नभएका उज्वल थापाबाट धेरै नेपाली युवाहरू प्रेरित र प्रभावित भएका थिए। उनी बिरामी भएको खबर सुनेर उनको उपचारका लागि चौबिस घण्टामा पचास लाख रूपियाँ विश्वभर छरिएका नेपाली युवाहरूबाट उठ्यो र त्यो रकम उठाउने प्रक्रिया रोक्नुपरेको थियो भन्ने स¦नियो। त्यसबाट युवा पुस्तामा नयाँ नेतृत्वको कति भोक रहेछ भन्ने देखियो। नेता पदले होइन, विचार, नैतिकता र कार्यक्रमले प्रेरक हुनेरहेछ भन्ने पनि देखियो। उज्वल थापाको प्रेरणा त्यो हो। अबको युवा पुस्ताले उनको अनुसरण गर्ला ? नागरिक न्युजबाट
मकवानपुर । कोरोना महामारीका कारण खाद्यान्न अभाव झेलिरहेका मकवानपुरको राक्सिराङ्ग गाउँपालिकाको अति विपन्न परिवारलाइ विद्यार्थीहरुको पहलमा खाद्यान्न सहयोग गरिएकाे छ ।
हेटौडाको सिद्धार्थ शिशु सदन बोर्डिङ्ग स्कुलबाट २०५४ सालमा एसएलसी पास गर्ने विद्यार्थीहरुको समुह “पहल”को सक्रियतामा राक्सिराङ्ग ७ काकड़ा बेसीगाउँका अति विपन्न ४२ परिवारलाई राहत वितरण गरिएको हो । खाद्यान्न अभाव भएर जंगली कन्दमुल खान बाध्य उक्त गाउँमा केहिदिन अघि मात्रै विषालु च्याउ खाएर १ जनाको मृत्यू र २ जना बिरामी भएकाे समाचार प्रकाशित भएकाे थियाे । उक्त समाचारपछि आफुहरुले खाद्यान्न सहयोग गरेको “पहल” समुहले जनाएकाे छ ।
गाउँपालिकाको अनुमती पश्चात अति विपन्न ४२ परिवारलाई प्रति परिवार २० किलो चामल, ५ किलो पिठो, चना, नुन, तेल, मस्यौरा लगायतका खाद्यय सामग्री सहयोग गरिएकाे हाे । खाद्यान्न वितरणका लागि हेटौंडा, काठमाडौं, अमेरिका, अष्ट्रेलिया, क्यानडा, डेनमार्क लगायतका देशमा रहेका समुहका सदस्यहरुले आर्थिक सहयोग गरेका थिए ।

यसअघी निषेधाज्ञाकाे समयमा हेटौंडाका २८ जना एकल महिला परिवार, हेटौंडा ५ सिंचाईटोलमा रहेको “हाम्रो घर” अनाथालय एवं गौरीटार स्थित कोभिड आईसोलेशन केन्द्रमा खाध्यान्न सहयोग गरिसकेको “पहल” समुहले वडा प्रहरी कार्यालय हेटौंडाका प्रहरीका लागि अति आवश्यक मास्क सेनिटाईजरको सहयोग समेत गरेको थियो ।
