मकवानपुर । बागमती प्रदेश सरकारको मन्त्री तथा राज्यमन्त्रीहरुको पद तथा गोपनीयतको सपथग्रहण कार्यक्रममा पत्रकारहरुलाई प्रवेश रोक लगाइएकोप्रति नेपाल पत्रकार महासंघ बागमती प्रदेश समितिको गम्भीर ध्यानाकर्षण भएको छ ।
‘भदौ २३ गते बुधबार दिउँसो हेटौंडा १० स्थित प्रदेश प्रमुखको कार्यालयमा भएको सपथग्रहण कार्यक्रममा पत्रकारहरुलाई समाचार संकलन गर्न रोक्नु नेपालको संविधान २०७२ को मुल मर्मभित्र रहेको प्रेस स्वतन्त्रताको ठाडो उलंघन हो ।’ नेपाल पत्रकार महासंघ बागमती प्रदेश समितिक महासचिवले कृष्ण सारु मगरले भने– ‘ संविधानले निषेध गरेका विषय बाहेक अन्य सबै विषयमा स्वतन्त्रतापूर्वक समाचार संकलन गर्न पाउने पत्रकारहरुको अधिकारमाथि भएको प्रहारले प्रदेश प्रमुखको कार्यालय र प्रदेश सरकार आम सञ्चारक्षेत्रमाथि निरंशुकता लाद्न उद्धत रहेको महासंघको ठहर छ ।’
नेपाल पत्रकार महासंघ बागमती प्रदेश समितिले आज प्रेस विज्ञप्ति जारी गर्दा भनेकाे छ ‘आगामी दिनमा यस्ता कमजोरी सच्याई स्वतन्त्रतापूर्वक समाचार संकलन गर्ने बातावरण निर्माणको लागि सम्बन्धित सबैपक्षसँग माग गर्दछौं । अन्यथा प्रदेश प्रमुखको कार्यालय र प्रदेश सरकारका सबैखाले सार्वजनिक कार्यक्रमहरु बहिस्कार गर्न बाध्य हुनेछौं ।’
आज बागमती प्रदेश प्रमुख कार्यालयमा ६ जना मन्त्री र ४ जना राज्यमन्त्रीको सपथग्रहण कार्यक्रममा समाचार संकलन गर्न पत्रकारलाई रोक लगाइएको थियो । तर, पत्रकार भन्दा बाहेकका चालक, जग्गा व्यावसायी, होटल व्यावसायी र आम युवाहरु सपथग्रहणको हलमा प्रवेश गरेएकाे भन्दै पत्रकारहरुले सामाजिक सजालमा समेत विराेध जनाएका छन् ।
पत्रकारलाई समाचार संकलनमा रोक लगाएपछी नेपाल पत्रकार महासंघ मकवानपुर साखाको अगुवाइमा प्रदेश प्रमुखको कार्यालयको मुल गेटमानै पत्रकारहरुले धर्ना दिएका थिए ।
यसअघि पनि मुख्यमन्त्री अष्टलक्ष्मी शाक्यको सपथग्रहणका वेला राती ११ बजे पत्रकारलाई प्रवेशमा रोक लगाइएको थियो ।
मकवानपुरमा । मकवानपुरमा १४ जना काेराेना संक्रमित थपिएका छन् । आज थप १४ जनामा कोरोना भाइरस संक्रमण पुष्टि भएसँगै उक्त सख्यामा संक्रमित थपिएका हुन् ।
पछिल्लो २४ घण्टामा ८३ जनामा गरिएको पीसीआर परीक्षणमा १४ जनामा कोरोना पाेजेटिभ देखिएको स्वास्थ्य कार्यलय मकवानपुरले जनाएको छ । कार्यलयका अनुसार आजै थप १४ जनामा कोरोना संक्रमण निकाे भएकाे छन ।
जिल्लामा हाल ३ सय १७ जना सक्रिय संक्रमित रहेका छन् । जसमा ३ सय ५ जना घरमा र १२ जना अस्पतालमा उपचाररत रहेका छन् ।
मकवानपुर । प्रतिनिधि सभा बैठक भदौ २५ गते शुक्रबारसम्मका लागि स्थगित भएको छ । नेकपा एमालेकाे अवराेध पछी प्रतिनिधि सभाकाे बैठक स्थगित भएकाे हाे ।
सभामुख अग्निप्रसाद सापकोटाको भूमिकामाथि प्रश्न उठाउँदै एमालेले संसद अवरुद्ध गरेकाे थियाे । सभामुख सापकोटाले एमालेले कारवाही गरेका १४ जना सांसदलाई कारबाही गरेको निर्णयलाई प्रक्रियामा नलगेको भन्दै बैठक अवरोध गरेको हाे।
एमालेको निरन्तरको अवरोधका कारण सभामुख अग्नि सापकोटाले संसद बैठक १५ मिनेटका लागि लागि स्थगित गरेका थिए । १५ मिनेटपछि बसेको दोस्रो बैठकपनि एमालेका सांसदले अवरोध गरेपछि सभामुख अग्नि सापकोटाले अर्काे बैठक भदौ २५ गते शुक्रबार १ बजे बस्ने गरी स्थगित गरेका हुन् ।
यसै बीच सरकारले एमाले अवरोधकाबीच राजनीतिक दलसम्बन्धि अध्यादेश प्रतिनिधि सभामा आज पेश गरेको छ । पगृहमन्त्री बालकृष्ण खाँणले अध्यादेश पेश गरेका हुन् । एमाले सांसदहरूले नाराबाजी गरिरहेकै बेलामा सभामुखले गृहमन्त्री खाँणलाई समय दिएपछि उनी रोस्टममा पुगेर अध्यादेश पेश गरेका हुन् । त्यसपछि सभामुख अग्निप्रसाद सापकोटाले प्रतिनिधि सभाको बैठक स्थगित गरेकाे बताइएकाे छ ।
मकवानपुर / बागमती प्रदेशकी मुख्यमन्त्री अष्टलक्ष्मी शाक्यले आफू मुख्यमन्त्री भएको ३ सातापछि मन्त्रीपरिषद विस्तार गरेकी छन् ।
आज बुधबार मुख्यमन्त्री शाक्यले मन्त्रिपरिषद् विस्तार गरेकी हुन्। अल्पमतमा परेको आफ्नो सरकारमा उनले ६ जना मन्त्री र ४ राज्यमन्त्री थपेकी हुन्। प्रदेश प्रमुख कार्यालयमा आज नवनियुक्त मन्त्रीहरुलाई सपथ गराइएको छ ।
आज नियुक्त भएका मन्त्रीहरुमा चितवनका विजय सुवेदीलाई सामाजिक विकास मन्त्रालय,काठमाडौंका डा. अजयक्रान्ती शाक्यलाई आन्तरिक मामिला तथा कानुन मन्त्रालय, दोलखाकी रचना खड्कालाई आर्थिक मामिला तथा योजना मन्त्रलाय, सिन्धुलीका प्रदिव कटुवाल क्षेत्रीलाई स्वास्थ्य मन्त्रालय, रामेछापका शान्तिप्रसाद पौडेललाई उद्योग पर्यटन वन तथा वातावरण मन्त्रालय र काभ्रेका चन्द्र लामालाई भूमि व्यवस्था कृषि तथा सहकारी मन्त्रालयको जिम्मेवारी दिइएको छ ।
यस्तै अन्य ४ जनालाई राज्यमन्त्री नियुक्त गरिएको छ । जसमा मकवानपुरकी जुनेली माया श्रेष्ठलाई सामाजिक विकास मन्त्रालय, नुवाकोटका बद्री मैनालीलाई भूमि व्यवस्था कृषि तथा सहकारी मन्त्रालय, ललितपुरका जीवन खड्कालाई भौतिक पूर्वाधार विकास मन्त्रालय र भक्तपुरकी सरस्वती बाटीलाई उद्योग पर्यटन वन तथा वातावरण मन्त्रालय सहित राज्यमन्त्रीमा नियुक्त गरिएको छ।
२ भदौमा बहुमतका आधारमा मुख्यमन्त्री बनेकी शाक्यको सरकार अहिले अल्पमतमा परिसकेको छ । एमाले फुटाएर एकीकृत समाजवादी पार्टी गठन भएसँगै शाक्यको सरकार अल्मपतमा परेको हो ।
बामती प्रदेशका ५६ एमाले सांसदमध्ये १३ जना सांसदहरुले यस अघि नै एकीकृत समाजवादीमा पार्टी रोजेका छन् । अबको एक महिनाभित्रै प्रदेशसभाबाट शाक्यले विश्वासको मत लिनुपर्ने हुन्छ ।
माधवकुमार नेपाल समूहमै रहेका तर पछि पार्टी विभाजनमा साथ नदिएर एमालेमै बसेकाहरु मध्ये रचना खड्का, विजय पौडेल, प्रदिप कटुवालले मन्त्री बन्ने अवसर पाएका हुन् । शाक्य पनि पहिल माधव समूहमा थिइन्।
तर, आफू पार्टी विभाजनको पक्षमा नरहेको भन्दै उनले एमालेकै साथ दिएकी हुन्। यसअघि शाक्यको नेतृत्वमा तीन सदस्यीय मन्त्रिपरिषद् गठन भएको थियो । शाक्यले आफूले मुख्यमन्त्रीको सपथ लिएकै दिन सामाजिक विकास मन्त्री बनेका कृष्णप्रसाद शर्मा खनालले एकीकृत समाजवादी रोज्दै मन्त्री पदबाट राजीनामा दिएसँगै शाक्य सरकार दुई सदस्यीयमा सीमित भएको थियो। आफू मुख्यमन्त्री भएको ३ साता पछि शाक्यले प्रदेशको फरक फरक जिल्लाबाट १/१ जना पर्ने गरी मन्त्रिपरिषदमा सहभागी गराएकी हुन् ।
मकवानपुर । मकवानपुरका १० वटा स्थानीय तहका ३९ जना जनप्रतिनिधीले एमाले छोडी एकीकृत समाजवादीमा सनाखत गरेका छन् । सनाखत गर्नका लागि भदौ २२ गते मंगलबार अन्तिम दिनसम्मको समयावधिमा मकवानपुरको हेटौंडा उपमहानगरपालिकाका उपप्रमुख, पालिकाका प्रमुख, वडाध्यक्ष, सदस्य लगायत गरी ३९ जना जनप्रतिनिधीले एमालेबाट विभाजन भई बनेको एकीकृत समाजवादी राेजेका हुन् ।
सनाखतको अन्तिम दिन आज बागमती प्रदेश निर्वाचन आयोगको कार्यालय हेटौंडा पुगेर ४ जनाले एकीकृत समाजवादीमा सनाखत गरेका हुन् । यो संगै एमाले विभाजनबाट बनेको एकीकृत समाजवादीमा सनाखत गर्नेको संख्या ३९ जना पुगेको निर्वाचन कार्यालयले जनाएको छ ।
एकीकृत समाजवादीमा सनाखत गर्नेहरुमा पालिका अनुसार यस प्रकार रहेका छन् ।
हेटौंडा उपमहानगरपालिका
हेटौंडा उपमहानगरपालिकाकी उपप्रमुख मीना लामा, हेटौंडा १३ का वडा अध्यक्ष मनोजकुमार वाइवा, जिल्ला समन्वय समिति मकवानपुरकी सदस्य सीता अधिकारी, हेटौंडा उपमहानगरपालिकाका कार्यपालिका सदस्य कृष्णबहादुर राई, हेटौंडा १ का वडा सदस्य बेगम बराल, हेटौंडा उपमहानगरपालिकाका वडा नम्बर ३ का सदस्य कुमारसिं लामा, हेटौंडा उपमहानगरपालिका वडा नम्बर १३ का वडा सदस्य सन्तबहादुर तितुङ, हेटौंडा उपमहानगरपालिका कार्यपालिका सदस्य कल्पना विक, हेटौंडा १ का सदस्य इश्वरी विश्वकर्मा (रसाइली), हेटौंडा उपमहानगरपालिका वडा नम्बर ७ की सदस्य सन्तुमाया पाख्रीन, हेटौंडा उपमहानगरपालिका वडा नम्बर ९ का सदस्य शुकराम केशी रहेका छन् ।
थाहानगरपालिका
थाहा नगरपालिका वडा नम्बर ५ का वडा अध्यक्ष विष्णुबहादुर गुरुङ र वडा सदस्य उर्मिला सुनुवार, वडा नम्बर ११ का अध्यक्ष किरणमान बल, वडा सदस्य मैया विश्वकर्मा र वडा सुनिल लामाले एकीकृत समाजवादीमा सनाखत गरेका छन् ।
कैलाश गाउँपालिका
कैलाश गाउँपालिकाबाट एकीकृत समाजवादीमा सनाखत गर्नेमा पालिका अध्यक्ष टंकबहादुर मोक्तान, कैलाश गाउँपालिका वडा नम्बर ८ का अध्यक्ष सुर्जबहादुर थिङ र वडा सदस्य अनिता बल, कैलाश गाउँपालिका वडा नम्बर ५ का वडा सदस्य बेलबहादुर तितुङ र कैलाश ९ का वडा सदस्य लालीमाया भुलुन रहेका छन् ।
मनहरी गाउँपालिका
मनहरी गाउँपालिकाकी उपाध्यक्ष मनिला विष्ट, मनहरी गाउँ पालिका वडा नम्बर ३ का कार्यबाहक अध्यक्ष विष्णुबहादुर थिङ र वडा सदस्य उमाकुमारी नेपाली, मनहरी ९ का वडा सदस्य गंगा सुनार, मनहरी गाउँपालिका वडा नम्बर ८ का अध्यक्ष साधुराम अधिकारी र सदस्य अम्बिका दमाई, वडा नम्बर ५ का इन्द्रकुमारी सार्कीले एमाले छाडी एकीकृत समाजवादी रोजेको छन् ।
इन्द्रसरोबर गाउँपालिका
इन्द्रसरोबर गाउँपालिकाका अध्यक्ष जीवन लामा, इन्द्रसरोबर गाउँपालिका वडा नम्बर ५ का अध्यक्ष धनराज महर्जन र वडा सदस्यहरु कृष्ण जीत लामा, इमान लो, गाउँकार्यपालिका सदस्य दुर्गावती थोकर र मन्जु रुम्बाले एकीकृत समाजवादी रोजेको छन् ।
बकैया गाउँपालिका
बकैया गाउँपालिकाका ४ जना जनप्रतिनिधीले एकीकृत समाजवादी रोजेका छन् । एमालेबाट निर्वाचित भएकाहरु वडा नम्बर १ का वडा सदस्य लालीमाया विक, गाँउकार्यापालिका सदस्य विष्णु भुजेल, बकैया २ का वडा सदस्य सम्झना परियार र बकैया २ का वडा सदस्य जीतबहादुर जिम्बाले एकीकृत समाजवादीमा सनाखत गरेका हुन् ।
बागमती गाउँपालिका
बागमती गाउँपालिका वडा नम्बर ५ का सदस्य विष्णु तिमल्सिनाले एमाले छाडी एकीकृत समाजवादीमा सनाखत गरेका छन् ।
भीमफेदी गाउँपालिका
भीमफेदी गाउँपालिका वडा नम्बर ९ का सदस्य कर्णबहादुर पाख्रीनले समाजवादी रोजेका छन् ।
मकवानपुरगढी र राक्सिराङका सबै जनप्रतिनिधी एमालेमै
मकवानपुरको मकवानपुरगढी र राक्सिराङ गाउँपालिकाका एमालेबाट निर्वाचित सबै जनप्रतिनिधी एमालेमै रहेका छन् । विभाजनपछि बनेको एकीकृत समाजवादीमा उनीहरुले सनाखत गरेनन् ।
बागमती प्रदेशका १३ जना सांसदले रोजे एकीकृत समाजवादी
बागमती प्रदेशसभाबाट एमाले छोडी एकीकृत समाजवादीमा सनाखत गर्ने प्रदेशसभाका सांसद १३ जना रहेका छन् ।
प्रदेश निर्वाचन कार्यालय बागमती प्रदेश हेटौंडामा पुगी सनाखत गर्नेमा पार्टीका केन्द्रिय सदस्य समेत रहेका राजेन्द्र पाण्डे, कृष्णप्रसाद शर्मा खनाल, मुनु सिग्देल, प्रदेशसभाका सांसदहरु माधव पौडेल, राजेन्द्रमान श्रेष्ठ, वसन्तप्रसाद मानन्धर, लक्ष्मण लम्साल, रमा आले मगर, इन्द्रमाया गुरुङ, मीना नेपाल ज्ञवाली, कुसुमकुमार कार्की, वसुन्धरा हुमागाईँ र पार्वती सिलवाल रहेका छन् ।
बागमती प्रदेशमा एमाले एक्लैको ५६ सांसद् १३ जना एकीकृत समाजवादीमा गएपछि अब एमालेमा ४३ जना सांसद रहेका छन् ।
भदौ १५ गतेबाट आज मंगलबार भदौ २२ गतेसम्म एमालेमै रहने वा एकीकृत समाजवादीमा आबद्घ हुनका लागि दिइएको समयावधिमा प्रदेशका १३ जना सांसदले एकीकृत समाजवादीमा सनाखत गरेको समाजवादीका केन्द्रिय सदस्य एवम् प्रदेशसभा सदस्य मुनु सिग्देलले जानकारी दिइन् ।