मकवानपुर । नेपाली कांग्रेस मकवानपुरकाे आज असाेज ९ गते शनिबार मकवानपुरका १० वटै स्थानीय तहमा गाँउ–नगर अधिवेशन हुँदैछ । असाेज ८ गते शुक्रबार १० वटै स्थानीय तहमा निर्वाचन अधिकृत खटाइएको कांग्रेस मकवापनुरले जनाएकाे छ । मकवानपुरको १० स्थानीय तहमध्ये सबै स्थानीय तहमा सर्वसम्मत नेतृत्व चयन हुने कांग्रेस मकवानपुरको कार्यबाहक सभापति विष्णु लामिछानले बताए ।
गत भाद्र २० गते भएको वडाअधिवेशनले मकवानपुरको १ सय २ वडाबाट क्षेत्रिय प्रतिनिधिमा १८ सय ३४ जना चयन गरेको थियो । मकवानपुरको हेटौंडा उपमहानगरमा भने कांग्रेस सभापति शेरबहादुर देउवा पक्ष र रामचन्द्र पौडेल पक्षधरका नेताहरुले नगर सभापतिमा आफ्नो प्यानलसहित उम्मेदवारी दिएका छन् । हेटौंडा उपमहानगर सभापतिमा देउवापक्षका उत्सब इटेनी र रामचन्द्र पौडेल गुटका महेन्द्र राउत प्रतिस्पर्धामा छन् । उनीहरु दुवैलाई सहमति गराउने प्रयास जारी भएपनि शुक्रबार सहमति हुन नसकेपछि हेटौंडामा मतदान हुने भएको कांग्रेस मकवानपुर पार्टी प्रवक्ता प्रदीप कोइरालाले जानकारी दिए । हेटौंडामा ४ सय २० जना क्षेत्रिय प्रतिनिधिले मतदान गर्ने छन् ।
यसैगरी मकवानपुरको थाहा नगरपालिकाको १२ वडाबाट १ सय ९८ जना क्षेत्रिय प्रतिनिधि, मकवानपुरगढीमा १ सय ३७, राक्सिराङ १ सय ५४, कैलाश १ सय ७९, ईन्द्रसरोवर ७८, भीमफेदी १ सय ५७, बकैया १ सय ९४, बागमती १ सय ५४ र मनहरी १ सय ६३ जना क्षेत्रिय प्रतिनिधिले मतदान गर्न पाउँनेछन् । यसमध्ये काग्रेस मकवानपुर सभापति, संघीय सभापतिसहित ७ जना क्षेत्रीय प्रतिनिधि थप हुने कांग्रेस मकवानपुरले जनाएकाे छ ।
मकवानपुर सभापति तथा कांग्रेस बागमती प्रदेश संसदीय दलका नेता ईन्द्रबहादुर बानियाँले मकवानपुरका स्थानीय तहका १ सय २ वडामध्ये ८९ वडामा सर्वसम्मत ढंगले निर्वाचन सकिएकाले गाउँ/नगरको अधिवेशन पनि सर्वसम्मत ढंगले सम्पन्न हुने विश्वास व्यक्त गरेका छन् ।
नेपाली कांग्रेसको १४ औँ महाधिवेशनको कार्यतालिका अनुसार असाेज ९ गते शनिबार ६४ जिल्लामा पालिकामा अधिवेशन हुँदैछ । यसअघि वडा अधिवेशन भईसकेका जिल्लाका गाउँपापालिका, उपमहानगरपालिका र नगरपालिकामा पालिकास्तरीय अधिवेशन हुने भएको हो । क्रियाशिल विवादका कारण वडा अधिवेशन हुन नसकेका जिल्लामा भने अधिवेशनको मिति अझै टुंगो लागेको छैन ।
मकवानपुर । एभरेस्ट प्रिमियर लिग टी–२० क्रिकेट प्रतियोगिता आजबाट सुरु हुने भएकाे छ । चौथो संस्करणको बजाज पल्सर एभरेस्ट प्रिमियर लिग प्रतियोगिता असाेज ९ गते शनिबारबाट शुरु हुदैछ । प्रतियाेगितामा ६ फ्रेन्चाइज टोलीले भाग लिने र सवैले आफ्नो तयारी अन्तिम चरणमा पु-याएका छन् ।
उद्घाटन खेलमा उपत्यका डर्वीको काठमाडौं किङ्स इलेभेन र ललिपुर प्याट्रिएट्सबीच प्रतिस्पर्धा हुनेछ । खेल त्रिवि क्रिकेट मैदान कीर्तिपुरमा दिउँसो १२ः१५ बजे हुनेछ । नेपाली लेग स्पिनर सन्दीप लामिछानेको कप्तानीमा रहेको काठमाडौं किंग्स इलेभेन पहिलोपटक फाइनल खेल्दै उपाधि जित्ने लक्ष्यमा छ ।
यसपटक इपिएलमा पाकिस्तानका पूर्व कप्तान शाहिद अफ्रिदी देखि भुटानका मिक्यो दोर्जीसम्मका खेलाडीले इपिएल खेल्दै छन् । टेस्ट र एसोसिएट दुबै देशका खेलाडी इपिएलमा हुँदा विश्वमा चर्चा थप बढ्नेछ । सबै फ्रेन्चाइजले आफ्नो अन्तिम टोली घोाषणा गरि सकेका छन् । सबै टोलीमा ४–४ विदेशी खेलाडी छन् । प्लेइङ–११ मा तीन विदेशी खेल्न पाउनेछन् ।
यसपटकको इपिएलमा विराटनगर वारियर्सका कप्तान पारस खड्का, वसन्त रेग्मी र काठमाडौं किंग्स इलेभेनका दीपेन्द्रसिंह ऐरी र ललितपुरका कप्तान ज्ञानेन्द्र मल्ल देखिने छैनन् । दीपेन्द्र चोटका कारण नखेलेका हुन् । पारस, बसन्त र ज्ञानेन्द्रले व्यक्तिगत कारण नखेल्ने जनाएका छन् ।
काठमाडौंमा पाकिस्तानका स्टार अलराउन्डर शाहिद अफ्रिदी छन् । तर अफ्रिदी दुई खेलमात्र खेलेर फर्कने छन् । काठमाडौंमा युवा र अनुभवी खेलाडीको मिश्रण छ । ब्याटिङमा सुवास खकुरेल, अमित श्रेष्ठ, राजु रिजाल, सिद्धान्त लोहनी, जिम्बावेका रयान बर्ल र अफगानिस्तानका रहमानउल्लाह गुरबाज छन् ।
सिद्धान्त र बर्ल आक्रामक ब्याटिङको क्षमता राख्छन् । सिंगापुरका जनक प्रकाश र अमरसिंह राउटेला मध्यगतिका बलिङ अलराउन्डर हुन् । यी दुवै ब्याटर तल्लोक्रममा आक्रामक ब्याटिङको क्षमता राख्छन् । विश्व स्टार सन्दीप काठमाडौंमा मुख्य हतियार हुन् । सन्दीप पछिल्लो समय उत्कृष्ट लयमा छन् । नेपाली क्रिकेटका योर्कर किंग जितेन्द्र मुखिया पनि काठमाडौंमानै छन् ।
यता, साविकको विजेता ललितपुर प्याट्रिएट्स काठमाडौंलाई हराउँदै सुखद सुरुवात गर्ने लक्ष्यमा हुनेछ । कप्तान ज्ञानेन्द्र मल्ल नहुँदा टोलीलाई उनको अभाव खड्कन सक्नेछ । उनले व्यक्तिगत कारण इपिएलमा नहुने आफ्नो टोलीलाई बताइसकेका छन् । युवा ब्याट्सम्यान कुशल भुर्तेलले टोलीको कप्तानी गर्नेछन् । ललितपुरले विदेशी खेलाडीको रुपमा भुटानका ब्याट्सम्यान मिक्यो दोर्जी, अफगानिस्तानका युवा अलराउन्डर आजमतुल्लाह ओमरजाई, श्रीलंकाली विकेटकिपर ब्याट्सम्यान सन्दुन वीराक्कोडी र ओशदा फर्नान्डो रहेका छन् । सन्दीप जोरा, राशिद खान, पवन सरार्फ, कुशल भुर्तेल, सोनु तामाङ, योगेन्द्रसिंह कार्की, कमल खत्री, रिजन ढकाल, बिभत्सु थापा, अरियो पौडेल, शंखर राना, नारायण जोशी, सुर्य तामाङ र नागराज सिंह स्वदेशी खेलाडीको रुपमा छन् ।
लिगमा ६ टोलीले एक अर्कासँग प्रतिस्पर्धा गर्नेछ । शीर्ष चार टोलीले प्ले अफमा स्थान बनाउने छ । लिगमा शीर्ष दुईमा रहने टोलीबीचको पहिलो क्वालिफायरको विजेताले फाइनलमा स्थान बनाउनेछ । तेस्रो र चौथो टोलीले इलिमिनेटर खेल्नेछ । उक्त खेलको विजेताले दोस्रो क्वालिफायरमा पहिलो क्वालिफायरमा पराजित हुने टोलीसँग फाइनल प्रवेशका लागि खेल्नेछ । फाइनल २३ असोजमा हुनेछ । विजेताले ५० लाख र उपविजेताले १५ लाख रुपैयाँ प्राप्त गर्नेछन् । पहिलो संस्करणको उपाधि पञ्चकन्या तेज, दोस्रो विराटनगर वारियर्स र तेस्रो ललितपुर प्याट्रिएट्सले उपाधि जितेका थिए । ललितपुरले २०१८ को फाइनलमा भैरहवा ग्ल्याडियसटर्सलाई १४ रनले पराजित गर्दै उपाधि जितेको थियो ।
मकवानपुर । नेकपा (एकिकृत समाजवादी) का अध्यक्ष माधब कुमार नेपाल हेटौंडा आउने भएका छन् । नेकपा एकीकृत समाजवादी एकीकृत समाजवादी मकवानपुरको असेाज ९ गते शनिबार हुने जिल्ला कमिटीको सपथ ग्रहण तथा नगर कमिटी घोषणा कार्यक्रमकाे लागि नेपाल हेटाैडा आउने भएका हुन् ।
समाजवादी मकवानपुरको सपथ ग्रहण तथा कमिटी घोषणा लगायत कार्यक्रम सम्बोधनका लागि नेता नेपाल हेटौंडामा आउने लागेका हुन् । नेकपा (एस) मकवानपुरका अध्यक्ष श्रीधर पोख्रेलका अनुसार रोयल पार्टी प्यालेसमा असाेज ९ गते विहान हुने सपथ ग्रहण, नगर कमिटी घोषणा र भेलाको तयारी पूरा भइसकेको छ । भेलामा अध्यक्ष नेपाल, पार्टीका केन्द्रिय सदस्यहरु विरोध खतिवडा, ललित बस्नेत, मुनु सिग्देलले सम्बोधन गर्ने तयारी छ ।
भेला अघि युवाहरुले हेटौंडा उपमहानगरपालिका वडा नम्बर १५, चुुरियामाईबाट मोटर साइकल ¥याली आयोजना गर्ने अध्यक्ष पोख्रेलले जानकारी दिए । भेलामा पार्टी जिल्ला कमिटीको सपथ ग्रहणका साथै पार्टी नगर कमिटी घोषणा गरिने एकीकृत समाजवादीले जनाएको छ । यस्तै, अनेमसंघको जिल्ला तथा नगर कमिटिी घोषणाका साथै युवासंघको जिल्ला कमिटीलाई रुपान्तरण गर्ने एकीकृत समाजवादी मकवानपुले जनाएको छ ।
मकवानपुर । मकवानपुर प्रहरीले सरकारी कागज छाप दस्तखत किर्ते तथा डाँका मुद्दाका फरार प्रतिवादी २ जना पक्राउ गरेकाे छ । पक्राउ पर्नेमा सरकारी कागज छाप किर्ते मुद्दाका फरार प्रतिवादी हेटाैडा १७ का रामलाल मानन्धर र डाँका मुद्दाका फरार प्रतिवादी हेटाैडा ९ का दिप सागर मिजार रहेका छन् ।
मकवानपुर जिल्ला अदालतको २०७० साल जेठ २३ गतेको फैसलाले सरकारी कागज छाप दस्तखत किर्ते मुद्दामा १ बर्ष ५ दिन कैद भुक्तान गर्न बाँकी फरार प्रतिवादी मानन्धरलाई जिल्ला प्रहरी कार्यालय मकवानपुरबाट खटिएको प्रहरी टोलीले असाेज ७ गते विहीबार साविक हटिया गा.बि.स. वडा नं. ३ हाल हेटाैडा १७ स्थितबाट पक्राउ गरिएकाे जिल्ला प्रहरी कार्यालय मकवानपुरले जनाएकाे छ ।
यसैगरी मकवानपुर जिल्ला अदालतको २०७७ साल फागुन ५ गतेको फैसलाले डाँका मुद्दामा ३ महिना ४ दिन कैद र २० हजार रूपैया जरिवाना भुक्तान गर्न बाँकी फरार प्रतिवादी मिजारलाई ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले असाेज ७ गते विहीबार हेटाैडा ९ बाट पक्राउ गरिएकाे कमवानपुर प्रहरी प्रवक्ता जयश्वर रिमालले जानकारी दिए ।
पक्राउ परेका दुवै जनालाईआवश्यक कारवाहीको लागि सम्मानित जिल्ला अदालत मकवानपुर उपस्थित गराईएको मकवानपुर प्रहरीले जनाएकाे छ ।
मकवानपुर । बिपि कोईराला क्यान्सर अस्पताल भरतपुरका कार्यकारी निर्देशक डा.भक्तमान श्रेष्ठको अपहरणमा संलग्न फरार प्रतिवादी राजेन्द्र पण्डितलाई पक्राउ गरेकाे छ । नुवाकोट बिदुर नगरपालिका-१२ मुलाबारी बस्ने ४५ वर्षीय राजेन्द्र कुमार पण्डित भन्ने राजेन्द्र पण्डितलाई घटनाको ११ वर्षपछि मंगलबार प्रहरीले पक्राउ गरेको हाे ।
डा. श्रेष्ठलाई २०६७ जेठ ४ गते चितवन जिल्लाकाे भरतपुर महानगरपालिका-१० हाकिमचोकस्थित सडकबाट १२/१५ जनाको अज्ञात समूहले अपहरण गरी बन्धक बनाई राखेका थिए । अपरणकारीले १९ दिनसम्म बन्धक बनाई राखेकोमा फिरौती वापत १ करोड १० लाख रुपैयाँ मूल्य बराबरको ३ किलो सुन लिएपछी जेठ २२ गते अपहरण मुक्त गरी पण्डित फरार रहेका थिए ।
फरार रही भारतको विभिन्न स्थानहरुमा लुकीछिपि बसेकोमा नेपाल आएको भन्ने सूचनाको आधारमा नेपाल प्रहरीकाे केन्द्रीय अनुसन्धान ब्यूरो महाराजगञ्जबाट खटिएको प्रहरीले पण्डितलाई बिदुर नगरपालिका १२ मा फेला पारी पक्राउ गरेको प्रहरीले जनाएकाे छ ।
उनीउपर तत्कालिन पुनरावेदन अदालत हेटौंडाबाट २०७० माघ २१ गते अपहरण तथा शरीर बन्धक मुद्दामा ९ वर्ष कैद र ५० हजार रुपैयाँ जरिवाना ठहर भएको थियो । उनलाई फैसला बमाेजिमकाे सजाय कार्यान्वयनको लागि जिल्ला अदालत काठमाडौं पठाइएको ब्यूरोले जनाएको छ ।