मकवानपुर । हेटौंडामा १५ दिने कफी बनाउने तालिम बिहीबारबाट सुरु भएकाे छ । युवाहरूलाई सीपयुक्त, आत्मनिर्भर र रोजगारीतर्फ उन्मुख गराउने उद्देश्यले तालिमकाे उद्घाटन गरिएको हाे ।
तालिमकाे उद्घाटन गर्दै उद्योग, वाणिज्य, भूमि तथा प्रशासन मन्त्री बिन्दु श्रेष्ठले युवालाई सीपमूलक तालिममार्फत स्वरोजगारमा जोड्नु आवश्यकता रहेकाे बताइन् । ‘पुनर्स्थापना केन्द्रहरू केवल उपचार गर्ने स्थान मात्र होइनन्, यहाँबाट नयाँ जीवनको सुरुवात हुनुपर्छ’ उनले भनिन् ‘कफी बनाउने सीपले युवाहरूलाई आत्मसम्मानसहित आत्मनिर्भर बन्न सहयोग पुर्याउँछ ।’ प्रदेश सरकारले सीप मुलक कार्यक्रमलाई निरन्तर दिदै समर्थन समेत गर्ने उनले बताइन् ।
राष्ट्रिय मानव अधिकार आयोग, बागमती प्रदेश प्रमुख चन्द्रकान्त चपागाईंले पुनर्स्थापना र मानव अधिकार एक–अर्कासँग गहिरो रूपमा जोडिएको विषय भएकाे बताए । ‘सीप विकास र रोजगारीको अवसर बिना पुनर्स्थापना अपूरो हुन्छ’ उनले भने ‘यस्तो तालिमले युवालाई समाजमा सम्मानका साथ पुनःस्थापित हुन सहयोग गर्दछ, जुन मानव अधिकारको महत्वपूर्ण पक्ष हो ।’
उद्योग तथा वाणिज्य कार्यालय, मकवानपुर प्रमुख रामप्रसाद भुसालले तालिमलाई व्यवहारिक र बजारमुखी बनाउन जोड दिनु पर्ने बताए । ‘कफी बनाउने सीप अहिले रोजगारी र उद्यमशीलताको राम्रो सम्भावना बोकेको क्षेत्र हो‘ उनले भने ‘तालिमपछि सहभागीहरूले आफैं रोजगारी सिर्जना गर्न सक्ने अवस्था बनाउनु पर्छ ।’
सिआन पुनर्स्थापना केन्द्रका निर्देशक सौजन क्षेत्री (डी.सी.) ले युवाहरूलाई कमजोरीका आधारमा होइन, क्षमताका आधारमा अघि बढाउने बताए । केन्द्रको उद्देश्य र अभियानबारे प्रकाश पार्दै उनले भने ‘तालिम आत्मविश्वास र भविष्य निर्माण तर्फको महत्वपूर्ण पाइला हो ।’
उद्योग, वाणिज्य, भूमि तथा प्रशासन मन्त्रालय अन्तरगतकाे उद्योग तथा वाणिज्यको आर्थिक सहयोग तथा सिआन पुनर्स्थापना केन्द्र, हेटौंडाको आयोजनामा सुरु गरिएकाे तालिममा विशेषतः सिआन पुनर्स्थापना केन्द्रमा उपचाररत युवाहरूलाई प्राथमिकता दिइएकाे छ । कफी बनाउने तालिम सिआन भवन, हेटौंडा–९, लामसुरेमा सञ्चालन हुने छ ।
आयोजकले तालिमले युवाहरूलाई सीप, अनुशासन र आत्मनिर्भर जीवनतर्फ प्रेरित गर्ने विश्वास लिइएको बताएकाे छ । प्रदेश सरकारको उद्यमशीलता, सीपमूलक तालिम र स्वरोजगार प्रवर्द्धन गर्ने नीति तथा कार्यक्रमलाई समेत प्रभावकारी रूपमा टेवा पुर्याउने अपेक्षा गरिएको छ ।
मकवानपुर । मकवानपुरबाट ५ जना नेकपा एमालेकाे केन्द्रीय सदस्यमा निर्वाचित भएका छन् । नेकपा एमालेकाे काठमाडौंमा भएकाे ११ औं महाधिवेशनबाट मकवानपुरका ५ जना केन्द्रिय कमिटिमा अटाएका हुन् ।
केन्द्रिय सदस्य तथा लेखा आयोग सदस्यमा दावी पेश गर्दै महाधिवेशन अन्तरगतकाे चुवानमा उम्मेदवार भएका भारती पाठक, रामेश्वर राना, महेश बर्तौला, एकालाल श्रेष्ठ र नवीन सिग्देल निर्वाचित भएका हुन् । सिग्देलले लेखा आयोगकाे सदस्यमा तथा अन्य ४ जनाले केन्द्रिय सदस्यमा जित हात पारेका छन् ।
केन्द्रिय सदस्यमा उम्मेदवार भएका कृष्ण प्रसाद दाहाल (७ सय ७ मत) र देवकृष्ण विक (२ सय २९ मत) पराजित भएका छन् । एमाले अध्यक्ष केपी शर्मा ओली र वरिष्ठ उपाध्यक्ष इश्वर पोखरेल बीच अध्यक्षमा भएकाे प्रतिष्पर्धामा दाहाल र विकले पोखरेलकाे टिमबाट उम्मेदवारी दिएका थिए । यसैगरी निर्वाचित ५ चै जनाले अध्यक्ष ओलीकाे टिमबाट उम्मेदवारी पेश गरेका थिए । ।
बागमती प्रदेशसभाकी सदस्य पाठक (१ हजार ९१५ मत) महिला क्लस्टरबाट केन्द्रीय सदस्यमा निर्वाचित भएकी हुन् भने पूर्व सांसद एवम् एमालेका मुख्य सचेतक महेश बर्तौला (१ हजार ५२९ मत) ले खुला क्लस्टरबाट उम्मेदवारी दिएर जित हासिल गरेका हुन् । नेकपा एमाले मकवानपुरका इन्चार्ज समेत रहेका राना १ हजार ४९८ मत बागमती प्रदेश भूगोल तर्फको खुल्ला क्लस्टरबाट केन्द्रीय सदस्यमा निर्वाचित भएका हुन् ।
त्यसैगरी बागमती प्रदेशसभा सदस्य एकालाल श्रेष्ठ १ हजार ५०९ मत आदिवासी जनजाति खुल्ला क्लस्टरमा केन्द्रीय सदस्यमा निर्वाचित हुँदा हेटौंडा उपमहानगरपालिका वडा नम्बर ४ का वडाध्यक्ष नवीन सिग्देल १ हजार ६१४ मत प्राप्त गरी केन्द्रीय लेखा आयोग सदस्यमा पदमा चुनिएका छन् । सिग्देल २०७४ सालकाे स्थानीय तहकाे निर्वाचनबाट समेत ४ नम्बर वडाध्यक्ष मै निर्वाचित भएका थिए भने एमाले मकवानपुरका पूर्व सचिव समेत रहेका छन् ।
मकवानपुर । नेकपा एमालेका नेता ईश्वर पोखरेलले मतदाताप्रति आभार व्यक्त गरेका छन् । पार्टीकाे ११ औं महाधिवेशनमा भएकाे प्रतिस्पर्धामा आफू विजयी बन्न नसके पनि महाधिवेशनको दौरानमा उठाएका मुद्दाहरूले निरन्तरता पाउने विश्वास व्यक्त गरेका छन् ।
अध्यक्षमा केपी ओलीसँग पराजित भएपछि प्रेस विज्ञप्ति निकाल्दै उनले भनेका छन्, ‘आफू विजयी बन्न नसके पनि देशभक्तिपूर्ण आन्दोलन, लोकतान्त्रिक आन्दोलन र समाजवादको आधार निर्माण गर्ने एमालेको अभियानमा मेरो सहभागिता र संलग्नता अटुट रूपमा रहिरहने कुरा विश्वास दिलाउन चाहन्छु ।’
उनले भने, ‘महाधिवेशनको दौरानमा उठाएका मुद्दाहरू-जनताको बहुदलीय जनवादको प्रकाशमा पार्टीमा सामूहिक नेतृत्व, विधि र पद्धति अनुसार पार्टी सञ्चालन, पार्टीलाई सही र लोकतान्त्रिक तरिकाले सञ्चालन गर्न ‘नियन्त्रण र सन्तुलन’ को सिद्धान्तको पालन आदि महत्त्वपूर्ण विषयहरूले बहस र छलफलले नयाँ स्तरमा निरन्तरता पाउने कुरामा विश्वास व्यक्त गर्दछु ।’
मकवानपुर । नेकपा एमालेकाे अध्यक्षमा केपी शर्मा ओली निर्वाचित भएका छन् । ओली लगातार तेस्रो पटक पार्टीकाे नेतृत्वमा पुगेका हुन् ।
तेस्रो कार्यकालका लागि अध्यक्षमा निर्वाचित ओली नवौं र दशौं महाधिवेशनबाट पनि अध्यक्षमा निर्वाचित भएका थिए । उनी ०७१ साउन यता निरन्तर पार्टी अध्यक्षको जिम्मेवारीमा छन् ।
पार्टीकाे निर्वाचन आयोगले दिएको पछिल्लो विवरण अनुसार अध्यक्षका उम्मेदवार केपी शर्मा ओलीले १६६३ मत प्राप्त गरेका छन् । उनका प्रतिस्पर्धी ईश्वर पोखरेलले ५६४ मत प्राप्त गरेका छन् । यस्तै महासचिवमा शंकर पोखरेल विजयी भएका छन् । बिहीबार सम्पन्न निर्वाचनमा अध्यक्ष ओली तर्फबाट पदाधिकारीमा उम्मेदवारी दिने १९ जना मध्ये १७ जना विजयी भएका छन् ।
२०७१ साल असारमा भृकुटीमण्डपमै भएको नवौँ महाधिवेशनमा ओलीले अध्यक्ष पदमा तत्कालीन महासचिव माधवकुमार नेपाललाई ४४ मतले हराएका थिए । त्यसबेला ओली १ हजार ४७ मत प्राप्त गरी विजयी हुँदा नेपालले १ हजार ३ मत प्राप्त गरेका थिए ।
२०७८ साल भदौमा चितवनको सौराहामा भएको १० औं महाधिवेशनमा सर्वसम्मत नेतृत्वकाे चयनकाे प्रयासमा भीम रावलले उम्मेदवारी दिएपछि मतदान प्रक्रिया गएकाे थियाे । त्यस बेला ओली १ हजार ८३७ मत ल्याएर विजयी हुँदा रावलले २ सय २३ मत प्राप्त गरेका थिए ।
अन्तिम मत परिणाम (पदाधिकारी)
जम्मा खसेको मत संख्या २२२७
अध्यक्ष :
केपी शर्मा ओली : १६६३
ईश्वर पोखरेल : ५६४
उपाध्यक्षः
अरुण नेपाल : ४३९
गुरु प्रसाद बराल : ११३७
गोकर्ण राज विष्ट : १३६८
टकं प्रसाद कार्की : ३५८
पर्शुराम मेघि गुरुङ्ग : ४६१
पृथ्वी सुव्वा गुरुङ : १७३७
भिम प्रसाद आचार्य : २६५
रघु जी पन्त : १२५८
रामबहादुर थापा बादल : १५१६
विन्दा पाण्डे : ९२१
विष्णु प्रसाद पौडेल : १६७५
महासचिवः
शंकर पोख्रेल : १२२८
सुरेन्द्र प्रसाद पाण्डे :९९९
उपमहासचिव
आनन्द प्रसाद पोख्रेल : ६३५
योगेस भट्टराइ : १३४८
रघुविर महासेठ : १३६८
राजेन्द्र प्रसाद गौतम :२७०
लेखराज भट्ट : १४५२
विष्णु प्रसाद रिमाल : १०९१
वैजनाथ चौधरी : ५१७
सचिवः
अग्नि प्रसाद खरेल : ५१६
इन्द्रलाल साप्कोटा : ४०५
कर्णबहादुर थापा : ८४७
कृष्ण गोपाल श्रेष्ठ : ६२५
खगराज अधिकारी : १३३१
गोकुल प्रसाद बास्कोटा : १०३०
छविलाल विश्वकर्मा : १५०६
ठाकुर प्रसाद गैरे : ८८३
पद्मा कुमारी अर्याल : १५३०
पुर्सोतम पौडेल : ४६२
पेम्वा लामा : ४९३
भानुभक्त ढकाल : ११०८
महेश बस्नेत : १५४४
यमलाल कडेल : ११८५
रचना खड्का : ८७७
राजन भट्टराइ : ११८१
लाल बाबु पण्डित : ४९६
विनोद प्रसाद ढकाल : ६८४
शेरधन राई : १५३०
हिक्मत कुमार कार्की .१३३७
को हुन् ओली ?
२००८ साल फागुन ११ गते तेह्रथुम जिल्लामा जन्मिएका हुन् । सामान्य पारिवारिक रहेकाे उनकाे परिवारमा बाबु मोहनप्रसाद ओली ज्योतिषी हुन् । सानै उमेरमा आमा गुमाएका उनी हजुरआमा (राममाया ओली)को मायामा हुर्किएका थिए ।
एसएलसीसम्म अध्ययन गरेका ओली नेपाली राजनीतिमा प्रखर वक्ताका रूपमा चिनिन्छिन् । उनी २०७२, २०७४ र २०८१ मा गरी जम्मा चार पटक प्रधानमन्त्री भए ।
राजनीतिक यात्रा
२०२३ सालमा मार्क्सवादी अध्ययन दलमा संगठित भई प्रशिक्षण प्राप्त ओली २०२५ सालबाट तत्कालीन नेपाल कम्युनिस्ट पार्टी सम्बद्ध विद्यार्थी फाँटको फ्र्याक्सन कमिटीमा आबद्ध हुँदै नेतृत्व गर्न सफल भए । २०२६ सालमा नेकपाको सदस्यता पाएपछि उनले पार्टीको उपसचिवको जिम्मेवारी बहन गरे ।
२०२७ वैशाखमा तत्कालीन नेकपा र पूर्वकोशी प्रान्तीय कमिटीसँग एकीकरण भएको थियो । २०२८ साल वैशाखमा तत्कालीन पूर्वकोशी प्रान्तीय कमिटीबाट नेपाल कम्युनिस्ट पार्टी अलग भएको थियो । २०२९ सालमा तत्कालीन नेकपा झापा आन्दोलन कमिटीको प्रमुखका रूपमा ओलीले जिम्मेवारी बहन गरे । ओली चर्चित झापा विद्रोहका प्रमुख नेतामध्ये एक थिए ।
१७ वर्षको उमेरमा वामपन्थी आन्दोलनमा सहभागी भएका ओली २२ वर्ष पूरा नहुँदै १४ वर्षे जेल जीवन बिताउन बाध्य भए ।
तत्कालीन शासन सत्ताको विरोधमा उत्रिएका उनी पहिलो पटक २०२७ फागुन १६ गते आइतबार झापाबाट गिरफ्तार भए । पहिलो गिरफ्तारमा झापा पुलिस थानामा बसेका उनी २०२७ र २०३० का बिचमा पटक–पटक गरी १० पटकभन्दा बढी गिरफ्तार भएका थिए ।
खुला राजनीतिमा आएपछि ओली २०४७ जेठ १ गते तत्कालीन प्रजातान्त्रिक राष्ट्रिय युवा संघ, नेपालको संस्थापक अध्यक्ष भए । उनी २०४९ देखि २०७१ असार मसान्तसम्म नेकपा एमाले स्थायी कमिटी सदस्य भए ।
जेलबाट रिहा भएपछि ओलीले निरन्तर पार्टीको राजनीतिक जिम्मेवारी निर्वाह गर्दै आएका छन् । २०४४ पुस २ गतेदेखि धादिङको स्यादुलमा बसेको तत्कालीन नेकपा (माले)को बैठकबाट केन्द्रीय कमिटी सदस्यको जिम्मेवारी हुँदै २०४६ मा तत्कालीन नेकपा (माले) लुम्बिनी अञ्चल प्रमुखको जिम्मेवारी बहन गर्न पुगेका उनले २०४६ सालमा सम्पन्न जनआन्दोलनमा संयुक्त बाममोर्चाका तर्फबाट साविक लुम्बिनी अञ्चलको मोर्चा सम्हालेका थिए ।
२०४९ सालमा सम्पन्न नेकपा एमालेको पाँचौँ राष्ट्रिय महाधिवेशनबाट पारित जनताको बहुदलीय जनवादी कार्यक्रम निर्माणका सिलसिलामा मदन भण्डारीलाई ओलीले सघाएका थिए ।
२०५९ सालमा भएको नेकपा एमालेको सातौँ राष्ट्रिय महाधिवेशनमा कम्युनिस्ट पार्टीको लोकतान्त्रीकरणका सवालमा ओलीले प्रस्तुत गरेको वैचारिक कार्यक्रमिक प्रस्ताव अहिले सबै कम्युनिस्ट तथा अन्य प्रजातान्त्रिक पार्टीहरूले समेत मूल नीतिका रूपमा अवलम्बन गरेको ओलीकाे दाबी रहँदै आएकाे छ ।
- २०३० असोज २३ गते रौतहटबाट पक्राउ परी जेल जीवन प्रारम्भ ।
- पहिलो पटक रौतहटको गौर जेल, गौर थाना, २ दिनमात्र ।
- त्यसपछि वीरगञ्ज थाना, वीरगञ्ज जेलमा चलान ।
- २०३० मंसिर ८ गते भद्रगोल जेल, काठमाडौँमा चलान ।
- ३ दिनपछि ११ गते सेन्ट्रल जेल गोलघर चलान ।
- २०३० मंसिर ११ देखि २०३२ वैशाख १६ सेन्ट्रल जेल गोलघरमा । त्यसपछि गोलघर बाहिर ।
- २०३३ साउनमा नख्खु जेल चलान ।
- २०३३ मंसिरमा केन्द्रीय कारागार गोलघरमै ।
- २०३६ जेठमा गोलघर बाहिर ।
- २०३७ चैतमा पुनः नख्खु जेल चलान ।
- २०३९ माघ ३ मा पोखरा जेल चलान ।
- २०४२ कात्तिकमा स्याङ्जा जेल चलान ।
- २०४३ मंसिर ८ मा हनुमान ढोका जेल चलान ।
- २०४३ माघ १२ मा भद्रगोल जेल चलान ।
- २०४४ असार ११ मा भद्रगोल जेलबाट रिहा ।
संसदीय यात्रा
- २०४८ मा सम्पन्न आमनिर्वाचनमा झापा–६ बाट प्रतिनिधि सभा सदस्यमा निर्वाचित ।
- २०५१ मा सम्पन्न मध्यावधि निर्वाचनमा झापा–६ बाट प्रतिनिधि सभा सदस्यमा निर्वाचित ।
- २०५१ मंसिर १४ गते गठित नेपालको पहिलो कम्युनिस्ट सारकारमा गृहमन्त्रीको जिम्मेवारी बहन ।
- २०५६ मा सम्पन्न आमनिर्वाचनमा झापा–२ र ६ बाट प्रतिनिधि सभा सदस्यमा निर्वाचित । साथै, नेकपा एमाले दलको उपनेता चयन ।
- २०६३ जेठमा गठित मन्त्रिपरिषदमा उप–प्रधानमन्त्री तथा परराष्ट्रमन्त्रीको रूपमा जिम्मेवारी बहन ।
- २०६४ सालमा भएको पहिलो संविधान सभा निर्वाचनमा झापा–६ बाट पराजित ।
- २०७० मंसिरमा सम्पन्न संविधान सभा निर्वाचनमा झापा–७ बाट संविधान सभा सदस्यमा निर्वाचित । साथै, एमाले संसदीय दलको नेता चयन ।
- २०७४ मंसिरमा सम्पन्न प्रतिनिधि सभा निर्वाचनमा झापा– ५ बाट विजयी ।
मकवानपुर । नेकपा एमालेको काठमाडाैंमा जारी ११ औं अधिवेशनबाट नयाँ नेतृत्व चयन हुँदैछ । नेतृत्व चयनकाे लागि २२ घण्टा लामो मतदान सकिएसँगै मतगणना सुरु भएको छ ।
विद्युतीय मेसिनमार्फत भएको मतगणना भएकाेले करिब ३ घण्टामा सम्पूर्ण नतिजा आइसक्ने पार्टी निर्वाचन आयोगले जनाएको छ । एमालेको नेतृत्व चयनका लागि निर्वाचनमा केपी शर्मा ओली र ईश्वर पोखरेलले प्यानलसहित चुनावमा प्रतिस्पर्धामा छन् । जारी मतगणनाअनुसार अध्यक्षमा केपी शर्मा ओली र महासचिवमा शंकर पोखरेलको अग्रता रहेको छ ।
पदाधिकारीकाे हालसम्मकाे मतपरिणाम यस्तो छः
अध्यक्ष
केपी शर्मा ओली : ३३३
ईश्वर पोखरेल : ११०
उपाध्यक्ष
अरुण नेपाल : ८९
गुरु प्रसाद बराल : २४२
गोकर्ण राज विष्ट : २५६
टकं प्रसाद कार्की : ७५
पर्शुराम मेघि गुरुङ्ग : ८६
प्रथवि सुव्वा गुरुङ : ३५६
भिम प्रसाद आचार्य : ५१
रघुजी पन्त : २५३
रामबहादुर थापा बादल : ३०९
विन्दा पाण्डे : १६९
विष्णु प्रसाद पौडेल : ३४९
महासचिव
शंकर पोख्रेल : २४९
सुरेन्द्र प्रसाद पाण्डे :१९४
उपमहासचिव
आनन्द प्रसाद पोख्रेल : १३३
योगेस भट्टराइ : २६४
रघुविर महासेठ : २६७
राजेन्द्र प्रसाद गौतम : ५५
लेखराज भट्ट : २९३
विष्णु प्रसाद रिमाल : २२०
वैजनाथ चौधरी : ५७
सचिव
अग्नि प्रसाद खरेल : १४९
इन्द्रलाल साप्कोटा : ७४
कर्णबहादुर थापा : १६६
कृष्ण गोपाल श्रेष्ठ : ११४
खगराज अधिकारी : २७९
गोकुल प्रसाद बास्कोटा : १९२
छविलाल विश्वकर्मा : ३११
ठाकुर प्रसाद गैरे : १७५
पद्मा कुमारी अर्याल : ३०५
पुर्सोतम पौडेल : ८६
पेम्वा लामा : ८५
भानुभक्त ढकाल : २२५
महेश बस्नेत : ३११
यमलाल कडेल : २६९
रचना खड्का : १६९
राजन भट्टराइ : २३६
लाल बाबु पण्डित : ७३
विनोद प्रसाद ढकाल : १४८
शेरधन राई : ३००
हिक्मत कुमार कार्की : २७४
केपी शर्मा ओलीकाे अध्यक्षतामा चुनावमा भाग लिएकाे टिमः
इश्वर पोखरेल अध्यक्ष रहने गरी चुनावमा भाग लिएकाे टिमः