मकवानपुर । नेकपा एमालेका पोलिटब्युरो सदस्य महेश बस्नेतले सत्तारुढ गठबन्धन दल चुनावबाट भाग्न खाेजेकाे बताएका छन् । सरकारले स्थानीय तहको निर्वाचन सार्ने खेलमा लागे मुलुकले थेग्नै नसक्ने आन्दोलन हुने चेतावनी दिएका छन् । प्रेस चौतारी नेपाल मकवानपुरले विहीबार हेटौंडामा आयोजना गरेको पत्रकार सम्मेलनलाई सम्बोधन गर्दै बस्नेतले शेरबहादुर देउवा नेतृत्वको वर्तमान सरकार निर्वाचन सार्ने दाउ हेरिरहेको भन्दै नेकपा एमालेका जनवर्गीय संगठनले त्यसको सशक्त प्रतिकार गर्ने बताए ।
सत्तागठबन्धन दलले स्थानीय तह प्रदेश संघीय तीनै तहको चुनाब एकै पटक गर्ने गरी भनाइहरु सार्वजनिक भइरहेकाेमा बस्नेतले उक्त भनाइ कुनै तर्क नभइ कुतर्क रहेको बताएका छन् । नेता बस्नेतले संविधान अनुसार स्थानीय तहको मिति तत्काल घोषणा गर्न समेत माग गरेका छन् । एमाले पाँच दलिय गठबन्धनसँग एक्लै चुनाव लड्न तयार रहेको रहेको समेत उनले दाबी गरे ।
नेता बस्नेतले पाँच दलिय गठबन्धनको रुपमा रहेको वर्तमान सरकारको काम नेकपा एमालेलाई कमजोर बनाउने षड्यन्त्रमै केन्द्रीत भइरहेको समेत आरोप लगाएका छन् । स्वास्थ्यमन्त्री बिरोध खतिवडालाई आफ्नो मन्त्रालयको के काम हो भनेर थाहा नभएको अरुकाे बिरोध गर्नमै व्यस्त रहेको उनले आरोप लगाएका छन् । सरकारका मन्त्रीहरु मन्त्रालयको काम कारवाहीमा केन्द्रित हुन नसकेको उनले बताए ।
पत्रकार सम्मेलनमा युवा संघ नेपालका केन्द्रीय अध्यक्ष किरण पौडेलले चरणवद्धरुपमा वर्तमान सरकार विरुद्ध आन्दोलन गर्ने बताए । पाैडेलले सरकार गलत बाटोमा अगाडि बढेका कारण सरकारविरुद्ध युवासंघ संघर्षमा उत्रिन बाध्य भएको बताए । पौडेलले अहिलेको सरकारले स्थानीय तह जनप्रतिनिधि बिहीन बनाउन लागेको आरोप लगाए ।
प्रेस चौतारी मकवानपुर अध्यक्ष बालकृष्ण अधिकारीको अध्यक्षतामा भएको कार्यक्रममा नेकपा एमाले बागमती प्रदेशका उपसचिव महेश बतौला, नेकपा एमाले मकवानपुरका अध्यक्ष एकलाल श्रेष्ठ ,युवा संघ केन्दिय आर्थिक विभाग प्रमुख सन्तोष चौलगाई लगायतको उपस्थिती थियो ।
मकवानपुर । नेपाली राष्ट्रिय फुटबल टोलीमा पूर्व कप्तान हरि खड्काविरुद्ध बिशेष अदालतमा बुधबार मुद्दा दायर भएकाे छ । नेपाल प्रहरीका पूर्व प्रहरी नायव निरीक्षक खड्का नेपालका सर्वाधिक गोल कर्ता समेत हुन ।
खड्काले शैक्षिक योग्यता आइ.ए.को प्रमाणपत्र नक्कली रहेको भन्ने उजुरी सम्बन्धमा अनुसन्धान हुँदा उक्त कार्य साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको प्रमाण पुष्टि हुन आएकोले अख्तियार दुरुपयोग अनुसन्धान आयोगले विशेष अदालतमा मुद्दा दायर गरेकाे जनाएकाे छ ।
हाल अखिल नेपाल फुटबल संघ (एन्फा) अन्तर्गत महिला विभागमा प्रमुख समेत रहनुभएका खड्काले नेपाल प्रहरीको जागिर खान नक्कली शैक्षिक योग्यता देखाएर नेपाल सरकारलाई हानिनोक्सानी पुर्याई आफूसमेतलाई लाभ हुने बदनियत राखेको कसुरमा ठहर भएको अख्तियारको दावी छ ।
अख्तियारका सहायक प्रवक्ता वेदप्रसाद भण्डारीले बुधबार जारी गरेको प्रेस विज्ञप्तिमा खड्कामाथि बुधबारनै विशेष अदालत काठमाडौंमा आरोपपत्र दायर गरेको उल्लेख गरिएको छ ।
नेपाल प्रहरीका पूर्व प्र.ना.नि. हरि खड्का उपर शैक्षिक योग्यताको झुठ्ठा प्रमाणपत्र सम्बन्धी आरोप-पत्र दायर ।
प्रेस विज्ञप्ति:- मिति २०७८।१०।१२ गते ।
महानगरीय प्रहरी गण नं. २, मा दरवन्दी भई राष्ट्रिय प्रहरी प्रशिक्षण प्रतिष्ठान (केन्द्रीय खेलकुद समितिमा) कार्यरत प्र.ना.नि. हरि खड्काको शैक्षिक योग्यता आइ.ए.को प्रमाणपत्र नक्कली रहेको भन्ने उजुरी सम्बन्धमा अनुसन्धान हुँदा निजले माध्यामिक शिक्षा परिषद बाराणशी, उत्तरप्रदेशवाट जारी भएको शैक्षिक योग्यता (आइ.ए.को) को झुट्टा प्रमाणपत्र पेश गरी सोही प्रमाणपत्रका आधारमा मिति २०५५।०७।०१ मा खुला प्रतिस्पर्धाबाट प्रहरी सहायक निरीक्षक पदमा नियुक्ति भई, प्रहरी सेवामा निरन्तर वहाल रही मिति २०५९।०९।१४ मा प्रहरी नायब निरीक्षक पदमा बढुवा भई नेपाल सरकारलाई हानिनोक्सानी पुर्याई आफूसमेतलाई लाभ हुने बदनियत राखी गरेको उक्त कार्य साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको प्रमाण पुष्टि हुन आएको हुँदा नेपाल प्रहरीका पूर्व प्र.ना.नि. हरि खड्कालाई साविक भ्रष्टाचार निवारण ऐन, २०१७ को दफा १२ र २९ र प्रचलित भ्रष्टाचार निवारण ऐन, २०५९ को दफा १६ को उपदफा (१) बमोजिम दण्ड सजाय हुन मागदावी लिई अख्तियार दुरुपयोग अनुसन्धान आयोग ऐन, २०४८ को दफा १८ र ३५ एवं भ्रष्टाचार निवारण ऐन, २०५९ को दफा ३६ बमोजिम आज बिशेष अदालत, काठमाडौंमा आरोपपत्र दायर गरिएको छ ।
सहायक प्रवक्ता
वेदप्रसाद भण्डारी
मकवानपुर । राष्ट्रियसभा सदस्यको निर्वाचन अन्तर्गत बागमती प्रदेशमा सत्तारुढ गठबन्धनका उम्मेदवार सहजै विजयी भएका छन् । फागुन २० गते रिक्त हुने १९ पद अन्तर्गत बागमती प्रदेशबाट प्रतिनिधित्व गर्ने २ पद रिक्त हुनेमा बुधबार भएको मतदानमा सत्ता गठबन्धनबाट संयुक्त उम्मेदवार महिलामा गोमादेवी तिमल्सिना र अन्यमा कृष्णप्रसाद पौडेल विजयी भएका हुन् ।
तिमल्सिना नेकपा एकीकृत समाजवादीबाट र पौडेल नेपाली कांग्रेसबाट विजयी भएका हुन् । महिला सदस्यमा तिमल्सिनाले ४ हजार ८ सय २४ मतभार प्राप्त गरेकी छिन् भने उनका निकटम प्रतिस्पर्धी नेकपा एमालेकी उम्मेदवार निरुकुमारी कुँवरले ४ हजार ३ सय ६२ मतभार र नेमकिपाको महिला उम्मेदवार गिता काफ्लले १ सय ३२ मतभार प्राप्त गरेको मुख्य निर्वाचन प्रमुख निर्वाचन अधिकृत डिल्लीरत्न श्रेष्ठले बताए छ ।
यसैगरी, सदस्य पदमा गठबन्धनको तर्फबाट उम्मेदवार बनेका कृष्णप्रसाद पौडेलले ४ हजार ७ सय ९४ मतभार प्राप्त गर्दा उनका निकटतम एमालेका उमेदवार गोपाल शाक्यले ४ हजार ३ सय ४४ मतभार प्राप्त गरेका छन् । त्यस्तै नेमकिपाका उम्मेदवार कृष्णबहादुर तामाङले १ सय ३२ मतभार प्राप्त गरेका छन् । तिमल्सिना र पौडेलले क्रमश ४ सय ६३ र ४ सय ५० मतभारले विजयी भएका हुन् ।
हेटौंडा–८ स्थित औद्योगिक क्षेत्र व्यवस्थापन लिमिटेडको कार्यालयमा १ महिला र १ अन्य पदमा राष्ट्रियसभा सदस्यका लागि हुने निर्वाचनको लागि २ मतदान स्थल तयार गरिएको थियो । प्रदेश सभाका सदस्य मतदाताहरुकाे लागि र स्थानीय तहका प्रमुख अध्यक्ष तथा उप प्रमुख उपाध्यक्ष मतदाताहरुकाे लागि छुट्टा छुट्टै मतदान स्थल बनाइएकाे हाे ।
यसअघि विवेकशील साझा पार्टी र राष्ट्रिय प्रजातन्त्र पार्टीले राष्ट्रियसभा निर्वाचनमा मतदान नगर्ने बताउँदै आएको थियाे । विवेकशील पार्टी संसदीय दलको मंगलबार काठमाडौंमा बसेको बैठकले मतदान प्रक्रियामा सहभागी नहुने निर्णय गरेको थियो । साेही अनुसार प्रदेश सभामा प्रतिनिधित्व गर्ने उसकाे ३ जना सांसदले मतदान प्रक्रियामा भाग लिएनन् ।
प्रदेश १ बाहेक अरू प्रदेशमा आफ्ना उम्मेदवार नभएकोले आफ्नो पार्टीले मतदान नगर्ने निर्णय गरेको राप्रपाले राष्ट्रियसभाको निर्वाचन अन्तर्गत बागमती प्रदेशमा मतदान गरेका छन। बागमती प्रदेशसभा सदस्यहरू रिना गुरुङ र रिता माझी मतदान गरेका हुन्।
यसैबिच बागमती प्रदेशमा भएको चुनावमा सांसद हिमाली लामाले आफैंले मतदान गरेको तस्बीर खिचेको र प्रमुख निर्वाचन अधिकृत न्यायधिश डिल्लीरत्न श्रेष्ठले मोबाइल खोसेको निहुँमा भएको विवादले केही बेर मतदान स्थल तनावग्रस्त बनेको थियो । माओवादीकै अर्का सांसद राजकाजि महर्जनले प्रमुख निर्वाचन अधिकृत श्रेष्ठ बीच भनाभन भए पछी स्थिती तनावग्रस्त बनेको थियो ।
मकवानपुर । राष्ट्रिय सभामा फागुन २० गतेबाट रिक्त हुने १९ पदमा आज बुधबार निर्वाचन हुँदै छ । राष्ट्रिय सभामा रिक्त हुन लागेकाे पदकाे लागि बुधबार बिहान ९ बजेदेखि ३ बजेसम्म मतदान हुने छ ।
राष्ट्रिय सभामा रिक्त हुने पदमध्ये नेकपा एमालेका तर्फबाट ८ पद रिक्त हुँदै छ । यस्तै, नेकपा एकीकृत समाजवादीका ४, नेकपा माओवादी केन्द्रका ४ र नेपाली कांग्रेसका ३ सदस्यको पदावधि सकिँदै छ । निर्वाचन आयोगले ७ महिला, ३ दलित, २ अपांगता भएका तथा अल्पसंख्यक र ७ अन्य विभिन्न समूह गरी १९ सिटका लागि निर्वाचन गराउन लागेको हो ।
राष्ट्रिय सभा निर्वाचनमा सत्ता गठबन्धनमा रहेका पाँच दल गठबन्धन नै बनाएर उत्रिएका छन् । उनीहरूले निर्वाचनका लागि पद बाँडफाँड गरिसकेका छन् । यस्तै प्रमुख प्रतिपक्षी दलको भूमिकामा रहेको नेकपा एमालेले भने सातै प्रदेशमा आफ्ना उम्मेदवार अघि सारेको छ ।
राष्ट्रियसभा सदस्यको चुनावको बागममती प्रदेशमा तयारी पुरा भएकाे छ । १९ पदकाे लागि आज हुने राष्ट्रियसभा सदस्य चुनाव अन्तर्गत बागमती प्रदेशमा रिक्त हुने २ सदस्यका लागि चुनाव हुने भएकाे हाे । हेटौंडा–८ स्थित औधोगिक क्षेत्र व्यवस्थापन लिमिटेडको कार्यालयमा १ महिला र १ अन्य पदमा राष्ट्रियसभा सदस्यका लागि हुने निर्वाचनको २ मतदान स्थलका तयार गरिएकाे छ । साेही अनुसार मतदान अधिकृत तथा अन्य कर्मचारी समेत नियुक्त गरिएकाे प्रदेश निर्वाचन कार्यालय बागमती प्रदेशले जनाएकाे छ ।
बागमती प्रदेशका १ सय १९ स्थानीय तहका २ सय ३७ जना प्रमुख र उपप्रमुखहरुले मतदान गर्न र १ सय ९ जना प्रदेशसभा सदस्यहरुले मतदान गर्ने गरी १/१ मतदान केन्द्र स्थापना गरिएकाे छ । मतदान केन्द्रसँगै मतपत्रको रङ पनि फरकफरक हुने छ । राष्ट्रियसभा सदस्य पदको निर्वाचनमा स्थानीय तहका प्रमुख तथा उपप्रमुखहरुले गर्नुहुने मतको मतभार १८ र प्रदेशसभा सदस्यहरुले गर्नुहुने मतको मतभार ४८ रहने छ ।
चुनावमा मतदान गर्न आउने मतदाताहरुमध्ये केहीलाई कोरोना संक्रमण हुनसक्ने भएकाले बेग्लै व्यवस्था गर्ने तयारी भएपनि निर्वाचन आयोगले मतदान केन्द्र बेग्लै बनाउन निर्देशन नदिएकाले संक्रमित मतदाताहरु पहिचान गरी सुरक्षित साथ मतदान गराउन अन्य मतदातालाई केही समय रोकेर भएपनि मतदान गराउन सकिने निर्वाचन अधिकृत डिल्लीरत्न श्रेष्ठले बताए ।
निर्वाचन आयाेगले सातै प्रदेशमा गरी ४३ जना उम्मेदवारको उम्मेदवारी कायम भएको जानकारी दिएकाे छ । जसमध्ये नेकपा (एमाले)बाट १९ जना, नेपाली कांग्रेसबाट ६ जना, नेकपा (माओवादी केन्द्र) बाट ५ जना, नेकपा (एकीकृत समाजवादी)बाट ५ जना, जनता समाजवादी पार्टी, नेपालबाट २ जना, राष्ट्रिय प्रजातन्त्र पार्टीबाट २ जना, नेपाल मजदुर किसान पार्टीबाट २ जना, लोकतान्त्रिक समाजवादी पार्टीबाट १ जना र राष्ट्रिय जनमोर्चाबाट १ जनाको उम्मेदवार छन् ।
गठबन्धनमा रहेका दलबीच भएको सहमतिअनुसार एमालेले जितेका ८ सिटमा कांग्रेसले ३, जसपाले २, माओवादी केन्द्र, एकीकृत समाजवादी र जनमोर्चाले १÷१ सिट पाउने गरी भागबन्डा गरिसकेका छन् । १९ पद रिक्त हुँदा भएको भागबन्डामा कांग्रेसको भागमा ६ सिट, माओवादी केन्द्र र नेकपा एसले ५÷५ सिट तथा जसपालाई २ र जनमोर्चालाई एक सिट परेको हो । गठबन्धनसहित अघि बढेका सत्तारूढ दललाई राष्ट्रिय सभा निर्वाचनमा थप नाफा हुने देखिँदा एमालेलाई भने चुनौती थपिएको छ ।
कुल ५९ सदस्यीय हुने राष्ट्रिय सभामा हाल अध्यक्षसहित एमालेका २४, उपाध्यक्षसहित माओवादीका १४, कांग्रेसका ७, एकीकृत समाजवादीका ७, जसपाका २, लोकतान्त्रिक समाजवादीबाट १, स्वतन्त्र १ र मनोनित ३ जना सदस्य छन् ।
निर्वाचनमा स्थानीय तहका १४ सय ९३ जना र प्रदेश सभाका ५ सय ३२ जना गरेर जम्मा २ हजार २५ जना मतदाता कायम भएका छन् । निर्वाचनमा प्रदेश सभा सदस्यको मतभार ४८ र गाउँपालिका तथा नगरपालिका प्रमुख र उपप्रमुखको मतभार १८ हुनेछ ।
सातवटै प्रदेशका आठ मतदान स्थल रहेकामा १४ वटा मतदान केन्द्र तोकिएको छ । प्रदेश १ मा २ मतदान स्थल र बाँकी प्रदेशहरुमा १/१ वटा मतदान स्थल रहेका छन् ।
प्रदेश १ मा गाउँपालिका अध्यक्ष तथा उपाध्यक्ष एवम् नगरपालिकाका प्रमुख तथा उपप्रमुखका लागि प्रदेश निर्वाचन कार्यालय विराटनगरमा मतदान स्थल तोकिएको छ । यसैगरी प्रदेश सभा सदस्यका लागि बाली संरक्षण प्रयोगशाला विराटनगरमा मतदान स्थल तोकिएको छ ।
यसैगरी मधेश प्रदेशका लागि महेन्द्रनारायण निधी भवनमा, बागमती प्रदेशका लागि औद्योगिक क्षेत्र व्यवस्थापन लिमिटेडको सभागृहमा, गण्डकी प्रदेशका लागि प्रदेश निर्वाचन कार्यालय पोखरामा मतदान स्थल ताेकिएकाे छ ।
लुम्बिनी प्रदेशको लागि दाङको घोराहीस्थित कर्मचारी मिलन केन्द्रमा, कर्णाली प्रदेशको लागि प्रदेश निर्वाचन कार्यालय सुर्खेतमा र सुदूरपश्चिम प्रदेशका लागि प्रदेश सभा भवन धनगढीमा मतदानस्थल तोकिएको निर्वाचन आयोगले जनाएको छ ।
विवेकशील साझा र राष्ट्रिय प्रजातन्त्र पार्टीले मतदान नगर्ने
राष्ट्रियसभा निर्वाचनमा विवेकशील साझा पार्टी राष्ट्रिय प्रजातन्त्र पार्टीले मतदान नगर्ने भएका छन् ।
बुधबार हुने निर्वाचन प्रक्रियामै उक्त दल सहभागी नहुने भएको हो । विवेकशील पार्टी संसदीय दलको मंगलबार दिउँसो काठमाडौंमा बसेको वैठकले मतदान प्रक्रियामा सहभागी नहुने निर्णय गरेको हो । विवेकशील साझाको वाग्मती प्रदेशसभामा ३ जना सदस्य रहेका छन् । राष्ट्रियसभा निर्वाचनमा हाल उम्मेदवार रहेको कोही पनि ठिक नलागेका कारण मतदान प्रक्रियामा सहभागी नहुने निर्णय गरिएको संसदीय दलका नेता रमेश पौड्यालले जानकारी दिए । यस दलले अघिल्लो राष्ट्रियसभाको निर्वाचनमा समेत मतदान गरेको थिएन ।
राष्ट्रिय प्रजातन्त्र पार्टी(राप्रपा) पनि ले माघ १२ गते हुने राष्ट्रियसभा सदस्य निर्वाचनमा प्रदेश १ मा मात्र मतदान गर्ने भएको छ । सोमबार बसेको पदाधिकारी बैठकले आफ्नो उम्मेदवार रहेको प्रदेश १ बाहेक अन्य प्रदेशमा मतदान नगर्न आफ्ना जनप्रतिनिधिलाई निर्देशन दिएको छ ।
बागमती प्रदेशमा राष्ट्रियसभा सदस्य बन्न ६ जना उम्मेदवार मैदानमा छन् । सत्तारुढ गठबन्धनका दुई जना, नेकपा एमालेको तर्फबाट २ जना र नेपाल मजदुर किसान पार्टीबाट दुईजना गरी आधा दर्जनले मनोनयन दर्ता गरेका छन् ।
राप्रपाले प्रदेश १ मा अमरबहादुर विष्ट र रञ्जु प्याकुरेललाई उम्मेदवार बनाएको छ भने अरु प्रदेशमा उसका उम्मेदवार छैनन् ।
राष्ट्रियसभाकाे निर्वाचनमा उम्मेदवारी दिनेहरुकाे नामाबली
प्रदेश–१
अन्य समूहः गुरु बराल (एमाले), गोपालकुमार बस्नेत (कांग्रेस), अमरबहादुर विष्ट (राप्रपा)
महिलाः सुमित्रा भण्डारी (एमाले), जयन्ती राई (एकीकृत समाजवादी), रञ्जु प्याकुरेल (राप्रपा)
अल्पसङ्ख्यकः सोनाम गेल्जेन शेर्पा (एमाले), हेमराज राई (जसपा)
मधेस प्रदेश
अन्य समूहः उस्मान अन्सारी (एमाले), मोहम्मद खालिद सिद्दीकी (जसपा)
महिलाः विना साह (एमाले), उर्मिला अर्याल (माओवादी), रूपाकुमारी यादव (लोसपा)
बागमती प्रदेश
अन्य समूहः गोपाल शाक्य (एमाले), कृष्णप्रसाद पौडेल (कांग्रेस), कृष्ण तामाङ (नेमकिपा)
महिलाः निरकुमारी ‘निरु’ कुँवर दर्लामी (एमाले), गोमा तिम्सिना (एकीकृत समाजवादी), गीता काफ्ले (नेमकिपा)
गण्डकी प्रदेश
अन्य समूहः पुण्यप्रसाद पौडेल (एमाले), सुरेश आले मगर (माओवादी)
महिलाः लीला पोखरेल थनेत (एमाले), कमला पन्त (कांग्रेस)
दलितः अर्जुन सुनाम (एमाले), भरत सुनार (माओवादी)
लुम्बिनी प्रदेश
अन्य समूहः रामदयाल गुप्ता (एमाले), युवराज शर्मा (कांग्रेस)
महिलाः भारती खनाल (एमाले), राजेन्द्रलक्ष्मी गैरे (एकीकृत समाजवादी)
दलितः कृष्णबहादुर सुनार (एमाले), राजेश विश्वकर्मा (जनमोर्चा)
कर्णाली प्रदेश
अन्य समूहः चूडामणि शर्मा (एमाले), उदय बोहरा (एकीकृत समाजवादी)
महिलाः गंगा थापा महत (एमाले), दुर्गाकुमारी गुरुङ (कांग्रेस)
अल्पसङ्ख्यकः पदमबहादुर माझी (एमाले), नरबहादुर विष्ट (माओवादी)
सूदुरपश्चिम प्रदेश
अन्य समूहः डिल्लीराज भट्ट (एमाले), नारायण मिश्र (कांग्रेस)
महिलाः सन्तोषकुमारी शर्मा (एमाले), मदनकुमारी ‘गरिमा’ शाह (एकीकृत समाजवादी)
दलितः नरेश विक (एमाले), जगत पार्की (माओवादी)
मकवानपुर । राष्ट्रिय सभामा फागुन २० गतेबाट रिक्त हुने १९ पदमा माघ १२ गते बुधबार निर्वाचन हुँदैछ । राष्ट्रिय सभा सदस्यअन्तर्गत बागमती प्रदेशमा रिक्त हुने २ सिटका लागि बुधबार हुने मतदानको सम्पूर्ण तयारी पूरा भएको प्रदेश निर्वाचन कार्यालय हेटैडाले जनाएको छ ।
प्रदेश निर्वाचन अधिकारी तथा सहायक निर्वाचन अधिकृत लुम्बनाथ पोखरेलका अनुसार हेटौंडा–८ स्थित औधोगिक क्षेत्र व्यवस्थापन लिमिटेडको कार्यालयमा १ महिला र १ अन्य पदमा राष्ट्रियसभा सदस्यका लागि हुने निर्वाचनको २ मतदान स्थल तयार गरिएको छ । सोही अनुसार मतदान अधिकृत तथा अन्य कर्मचारी समेत नियुक्त गरिएको प्रदेश निर्वाचन कार्यालय बागमती प्रदेशले जनाएको छ । मतदान केन्द्र अनुसार मतपत्रको रङ पनि फरक–फरक रहेको छ । मतदान केन्द्रमा अधिकृतसहित ८–८ जना गरी १६ जना कर्मचारी खटाइएको छ ।
कोभिड–१९ महामारीको कारणले स्वास्थ्य सुरक्षामा केही चुनौती देखिए पनि यसको व्यवस्थापन गरिने व्यवस्था मिलाइएको पोखरेल बताए । उनका अनुसार मतदान गर्न आउने मतदाताहरूले कोरोनाविरुद्धको २ मात्रा खोप लगाएको कार्ड ल्याउनुपर्ने र कोरोना संक्रमित भए वा लक्षण देखिएका मतदातालाई छुट्टै व्यवस्थापन गरिएको छ । मतदान स्थलमा जिल्ला स्वास्थ्य कार्यालय मकवानपुरले हेल्प डेस्कसहित स्वास्थ्यकर्मी राख्ने भएको छ ।
मुख्य निर्वाचन अधिकृत डिल्लीरत्न श्रेष्ठका अनुसार मतदान प्रक्रिया बिहान ९ बजेबाट सुरु भएर दिउँसो ३ बजे टुंगिनेछ भने४ बजेपछि मतगणना सुरु हुनेछ । बागमती प्रदेशका १ सय १९ स्थानीय तहका २ सय ३७ जना प्रमुख र उपप्रमुखहरुले मतदान गर्ने र १ सय ९ जना प्रदेशसभा सदस्यहरुले मतदान गर्ने गरी १/१ मतदान केन्द्र स्थापना गरिएको छ ।
मंगलबार मतदान स्थलको बागमती प्रदेशका मुख्यमन्त्री राजेन्द्रप्रसाद पाण्डेले अवलोकन गरेका छन्। मंगलबार दिउँसो मतदान प्रकृया र मतदान स्थलको व्यवस्थापन बुझ्न मुख्यमन्त्री पाण्डे मतदान स्थल औद्योगिक व्यवस्थापन लिमिटेडको सभागृह पुगेका थिए।
अवलोकनका क्रममा मुख्य निर्वाचन अधिकृत श्रेष्ठ र प्रदेश निर्वाचन कार्यालय बागमती प्रदेशका प्रमुख पोखरेलले मतदान प्रकृया,मतदान केन्द्रको बारेमा अवगत गराएका थिए । मकवानपुरका प्रमुख जिल्ला अधिकारी भरतमणी पाण्डेले मतदान स्थलको सुरक्षा अवस्थाको बारेमा जानकारी गराएका थिए।
राष्ट्रिय सभा सदस्य बन्न ६ जना उम्मेदवारबीच प्रतिष्पर्धा हुँदै छ । सत्तारुढ गठबन्धनका २ जना, नेकपा एमालेको तर्फबाट २ जना र नेपाल मजदुर किसान पार्टीबाट २ जना गरी ६ जनाले मनोनयन दर्ता गरेका छन् । गठबन्धन दलका तर्फबाट महिलामा नेकपा (एस) बाट गोमादेवी तिमल्सिना र अन्यमा कांग्रेसबाट कृष्णप्रसाद पौडेल रहेका छन् । विपक्षी दल नेकपा एमालेबाट महिलामा निरुकुमारी कुँवर तथा अन्यमा गोपाल शाक्य र नेमकिपाबाट महिलामा गीता काफ्ले र अन्यमा कृष्णबहादुर तामाङ चुनावी मैदानमा रहेका छन् ।
राष्ट्रियसभा निर्वाचनमा बागमती प्रदेशमा ३ सय ४६ मतदाता रहेका छन् । मतदातामा प्रदेश सभा सदस्य १ सय ९ जना र प्रदेशका १ सय १९ वटा स्थानीय तहका प्रमुख र उपप्रमुख गरी २ सय ३७ रहेका छन् । प्रदेश सभा सदस्यको मतभार ४८ र स्थानीय तहका प्रमुख तथा उपप्रमुख र अध्यक्ष तथा उपाध्यक्षको मतभार १८ हुन्छ ।
विवेकशील साझा र राष्ट्रिय प्रजातन्त्र पार्टीले मतदान नगर्ने
विवेकशील साझा पार्टी र राष्ट्रिय प्रजातन्त्र पार्टीले राष्ट्रियसभा निर्वाचनमा मतदान नगर्ने भएका छन् । बुधबार हुने निर्वाचन प्रक्रियामै उक्त दल सहभागी नहुने भएको हो । विवेकशील पार्टी संसदीय दलको मंगलबार दिउँसो काठमाडौंमा बसेको वैठकले मतदान प्रक्रियामा सहभागी नहुने निर्णय गरेको हो ।
विवेकशील साझाको वाग्मती प्रदेशसभामा ३ जना सदस्य रहेका छन् । राष्ट्रियसभा निर्वाचनमा हाल उम्मेदवार रहेको कोही पनि ठिक नलागेका कारण मतदान प्रक्रियामा सहभागी नहुने निर्णय गरिएको संसदीय दलका नेता रमेश पौड्यालले जानकारी दिए । यस दलले अघिल्लो राष्ट्रियसभाको निर्वाचनमा समेत मतदान गरेको थिएन ।
राष्ट्रिय प्रजातन्त्र पार्टी(राप्रपा) पनि ले बुधबार हुने राष्ट्रियसभा सदस्य निर्वाचनमा प्रदेश १ मा मात्र मतदान गर्ने तथा अन्य ६ वटा प्रदेशमा हुने निर्वाचन प्रक्रियामा भाग नलिने भएको छ । पार्टीकाे सोमबार बसेको पदाधिकारी बैठकले आफ्नो उम्मेदवार रहेको प्रदेश १ बाहेक अन्य प्रदेशमा मतदान नगर्न आफ्ना जनप्रतिनिधिलाई निर्देशन दिएको छ । बागमती प्रदेशमा राष्ट्रियसभा सदस्य बन्न ६ जना उम्मेदवार मैदानमा छन् । सत्तारुढ गठबन्धनका २ जना, नेकपा एमालेको तर्फबाट २ जना र नेपाल मजदुर किसान पार्टीबाट २ जना गरी आधा दर्जनले मनोनयन दर्ता गरेका छन् ।
राप्रपाले प्रदेश १ मा अमरबहादुर विष्ट र रञ्जु प्याकुरेललाई उम्मेदवार बनाएको छ भने अरु प्रदेशमा उसका उम्मेदवार छैनन् ।