लता पाैड्याल निराैला
१.
भित्रभित्रै राेएर बाहिर हाँस्नेलाई सलाम
आ- आफ्नै भाकामा नाच्नेलाई सलाम
उज्याला दिनहरूमा भविष्य देख्नेहरू
अरुकाे लागि मरी आफू बाँच्नेलाई सलाम ।
२.
तिमी मेराे अनि म तिम्राे लागि आधि आधि हाे
पति परमेश्वर भन्नु समाजले दिएकाे उपाधि हाे
किन लत्याउँछाै तिमी हुङ्कार पालेर मलाई ?
आखिर दुबैकाे अन्तिम गन्तव्य उही समाधि हाे ।
३.
सा-साना सचनात्मक कामले चिनिन सकाैं
पवित्ररूपि भावनाकाे धामले चिनिन सकाैं
विचारलाई कालाे पर्दाले नढाकाेस् कहिल्यै पनि
दामले हाेइन दुनियाँसामु नामले चिनिन सकाैं ।
४.
शासक कहिल्यै साथी हुँदैन
हरदम बन्छ दियाे बाति हुँदैन
जनता लुटेर खान पल्केकाे ऊ
सर्वस्व पाए पनि जाति हुँदैन ।
५.
शहर पसेर तिमीले गाउँ बिर्सियाै
आफ्नै बाआमाकाे नाउँ बिर्सियाै
कमाए तिर्छु भन्याै साहुकाे ऋण
ब्याजकाे त के कुरा साउँ बिर्सियाै ।
इलाम
मकवानपुर । प्रदेश युवा परिषद् बागमती प्रदेशले आफ्नो लोगो र स्लोगन सार्वजनिक गरेको छ ।परिषदले प्रतिस्पर्धाको आधारमा छनाैट भएकाे लोगो र स्लोगन शुक्रबार एक कार्यक्रमको विच सार्वजनिक गरेको हो ।
प्रदेश युवा परिषद्को नियमावली २०७७ को दफा ४ को उपदफा २ मा परिषदको छुट्टै छाप हुने ब्यवस्था रहेकाे छ । ‘छापमा प्रयाेगकाे लागि लोगो छनाैट गरिएकाे हाे ’ प्रदेश युवा परिषद्का उपाध्यक्ष सन्तोष चौलागाई भने– ‘ प्रतिष्पर्धाकाे आधारमा परिषद्काे स्लोगन समेत छुट्टै कायम गरिएकाे छ । परिषद्ले लोगो र स्लोगनकाकाे लागि ३ पटकसम्म राष्ट्रिय पत्रिकामा विज्ञापन गरिएकाे थियाे । प्राप्त लोगोहरु मध्ये ५ जना विज्ञको टोली र परिषद्का सदस्यहरुले उत्कृष्ठ ३/३ वटा लोगो र स्लोगन छनोट गरेको थियो ।
उत्कृष्ठ ३ स्लोगन मध्ये मकवानपुरका पत्रकार तथा साहित्यकार केशव सुवेदी समर्पणको ”सिर्जनशीलता र उद्यमशिलता प्रवर्धन : बागमतीमा युवा सशक्तीकरण ”लाई परिषद्ले पारित गरेको उपाध्यक्ष चौलागाईले बताए । त्यस्तै उत्कृष्ठ ३ लाेगाे मध्ये मकवानपुरकै निश्चल पराजुलीकाे बनाएकाे त्रिकोणको बीचमा बागमती प्रदेशको नक्सा रहेको लोगो परिषद्ले पारित गरेका उनले बताए ।
परिषद्ले पारित गरेकाे स्लोगन निर्माण गर्ने सुवेदी समर्पणलाई ३० हजार र लोगो निर्माण गर्ने पराजुलीलाई ५० हजार प्रदान गरिएको छ ।

मकवानपुर । नेपालमा पछिल्लो २४ घण्टामा थप ६ हजार ८ सय २७ जनामा कोरोना भाइरस (कोभिड-१९) को संक्रमण पुष्टि भएको छ ।
मन्त्रालयका अनुसार १३ हजार ७ सय ९१ जनाको पीसीआर परीक्षण गर्दा ४ हजार ८ सय ७ जना र ६ हजार ७८ जनाको एन्टीजेन परीक्षण गर्दा २ हजार २० जना उक्त संख्यामा कोरोना भाइरस संक्रमण पुष्टि भएको हो । शुक्रबार थपिएसँगै नेपालमा कोरोना संक्रमितको कूल संख्या १० लाख ६८ हजार ९ सय ३२ पुगेको छ मन्त्रालयले जनाएकाे छ ।
साेही अवधीमा काेराेना संक्रमित १० जनाको मृत्यु समेत भएकाे स्वास्थ्य तथा जनसंख्या मन्त्रालयले जनाएकाे छ । यस्तै नेपाल मृत्यु हुनेको संख्या ११ हजार ६ सय ९७ पुगेको छ । यसैगरी विगत २४ घण्टाकाे अवधीमा ५ हजार ४ सय ३५ जना कोरोना संक्रमण मुक्त भएका छन् । याे सँगै हालसम्म ८ लाख ४२ हजार ४ सय ३६ जना संक्रमणमुक्त भएका छन् ।
मन्त्रालयका अनुसार हाल देशभरमा ८९ हजार ९ सय ४१ सक्रिय संक्रमित छन् । जसमध्ये ८८ हजार ८४ जना होम आइसोलेसनमा रहेका छन् भने १ हजार ८ सय ५७ जना संस्थागत आइसोलेसनमा रहेका छन् । कोरोनाका बिरामीमध्ये २ सय ५६ जना आईसीयू र ४५ जना भेन्टिलेटरमा उपचाररत् छन् ।
यस्तै १० वर्ष मुनिका ९३ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका २ सय ३९ जना कोरोना संक्रमित थपिएका छन् ।
मकवानपुरमा थप ७२ जनामा कोरोना संक्रमण
मकवानपुरमा पछिल्लाे २४ घण्टामा थप ७२ जनामा कोरोना भाइरस संक्रमण पुष्टि भएको छ । १ सय १ जनामा पीसीआर र १ सय ६ जनामा एन्टीजेन परीक्षण गर्दा क्रमशः ४१ जना र ४० जना गरि थप ८१ जनामा कोरोना देखिएको स्वास्थ्य कार्यलय मकवानपुरले जनाएको छ ।
काेराेना पुष्टि भएकाहरुमा ५९ जना हेटौंडा उपमहानगरपालिका भित्रका रहेका छन् । यसैगरि,९ जना थाहा नगरपालिका भित्रका,१० जना मनहरी गाउँपालिका भित्रका र २ जना भीमफेदी गाउँपालिका भित्रका रहेका छन् भने १ जना राक्सिराङ्ग गाउँपालिकाको रहेका छन् ।
यसैगरि,जिल्लामा आज थप २ सय ४६ जना संक्रमितले कोरोना जितेका छन् । हाल जिल्लामा १ हजार १७ जना सक्रिय संक्रमित उपचाररत रहेका छन्।
मकवानपुर । नेपाली काँग्रेसको शुक्रबार बसेको केन्द्रीय कार्यसमितिको बैठकले केन्द्रीय कार्यसम्पादन समिति गठन गरेकाे छ । कार्यसमितिको भर्चुअल बैठकबाट सभापति शेरबहादुर देउवाले कार्यसम्पादन समिति गठन गरेका हुन् ।
केन्द्रीय कार्यसमितिको आकार ठूलो भएपछि काँग्रेसले कार्यसम्पादन समिति गठन गरेकाे हाे । काँग्रेस विधान अनुसार ४६ सदस्यीय सम्पादन समिति बन्ने भएपनि आज पदाधिकारीसहित ३७ जनालाई मात्र समेटिएको हो । जसमा १३ जना पदेन सदस्य रहेका छन् । कांग्रेस केन्द्रीय समिति १ सय ६८ सदस्यीय हुने व्यवस्था छ।
सभापति देउवाले १४ औं महाधिवेशनमा आफूलाई सहयोग गरेका र शीर्ष नेताहरू समेटेर कार्यसम्पादन समिति गठन गरेका हुन्। कांग्रेसमा १३ जना पदाधिकारी छन् भने कोषाध्यक्ष मनोनीत गर्न बाँकी छ। कार्यसम्पादन समितिमा प्रवक्ता पनि सदस्य हुन्छन् तर अहिले कांग्रेसले प्रवक्ता नियुक्त गरेको छैन।
सभापतिले ३१ जना केन्द्रीय सदस्यलाई कार्यसम्पादन समितिमा राख्ने पाउने व्यवस्था छ । २० जना केन्द्रीय सदस्य मनोनीत गर्न बाँकी रहेकाले कार्यसम्पादन समितिले भने पूर्णता पाएकाे छैन ।
कार्यसम्पादन समिति सदस्य
पदाधिकारीहरुबाट समितिमा रहने पदेन सदस्यहरु
सभापति देउवा, उपसभापतिद्वय पूर्णबहादुर खड्का, धनराज गुरुङ, महामन्त्रीद्वय गगन थापा, विश्वप्रकाश शर्मा सहमहामन्त्रीहरु फरमुलाह मन्सुर, उमाकान्त चौधरी, महालक्ष्मी उपाध्याय ‘डिना’, भीष्मराज आङ्दम्बे, महेन्द्र यादव, किशोर सिंह राठौर, बद्री पाण्डे र जीवन परियार ।
बरिष्ठ नेताहरुबाट समिति सदस्यहरु
वरिष्ठ नेता रामचन्द्र पौडेल, पूर्वउपसभापतिहरु गोपालमान श्रेष्ठ, विमलेन्द्र निधि, विजय गच्छदार र प्रकाशमान सिंह सम्पादन समिति सदस्य बनेका छन् । पूर्वमहामन्त्री कृष्णप्रसाद सिटौला, शशांक कोइराला, पूर्व कोषाध्यक्ष चित्रलेखा यादव, पूर्वसहमहामन्त्रीहरु रामशरण महत, अजुर्ननरसिंह केसी, प्रकाशशरण महत र सुनिलबहादुर थापा ।
केन्द्रीय सदस्यहरूबाट समिति सदस्यहरु
शेखर कोइराला, बलबहादुर केसी, बालकृष्ण खाँण, ज्ञानेन्द्रबहादुर कार्की, रमेश रिजाल, नारायण खड्का, जीप छिरिङ लामा, पद्मनारायण चौधरी, उमा रेग्मी , एनपी साउद, सुजाता कोइराला, आनन्द ढुंगाना ।
मकवानपुर । अहिले देशको पहाडी भू-भागमा आंशिक बदली रही तराइका केही भू-भागमा हुस्सु कुहिरो लागेको जल तथा मौसम विज्ञान विभागकाे मौसम पूर्वानुमान महाशाखा जनाएकाे छ ।
हाल देशमा पश्चिमी न्यून चापिय प्रणालीको आंशिक प्रभाव रहेको महाशाखाले जनाएको छ । आज दिउँसो प्रदेश एक, वाग्मती र गण्डकी प्रदेशका पहाडी क्षेत्रमा मौसम आंशिकदेखि सामान्य बद्ली रहने अनुमान छ ।
ती क्षेत्रका १/२ ठाउँमा हल्का वर्षा तथा उच्च पहाडी र हिमाली थोरै ठाउँमा हल्का हिमपातको सम्भावना छ । केही दिनदेखि प्रभावित रहेको मौसम बिस्तारै सुधार हुँदै जानेक्रममा रहेको मौसमविद्ले जानकारी दिए । तराईको हुस्सु र कुहिरो हट्न भने केही दिन लाग्नेछ । चिसो कायमै रहेकाले जोगिन पनि महाशाखाले अनुरोध छ ।
प्रदेश १ तथा बाग्मती प्रदेशको पहाडी भू-भागका एक-दुई स्थानहरुमा हल्का वर्षाको संभावना रहनुका साथै सो प्रदेशको उच्च पहाडी तथा हिमाली भू-भागका थोरै स्थानमा हल्का हिमपातको संभावना रहेकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउनु समेत महाशाखाले अनुरोध गरेकाे छ।
आगामी तीन दिनको मौसम पूर्वानुमान
माघ १४गते शुक्रबार
प्रदेश १, बाग्मती तथा गण्डकी प्रदेशको पहाडी भू-भागमा आंशिक देखि सामान्यतया बदली रही देशका बाँकी भू-भागमा आंशिक बदली देखि मौसम सामान्यतया सफा रहने छ। प्रदेश नं १ तथा बाग्मती प्रदेशको पहाडी भू-भागका एक-दुई स्थानमा हल्का वर्षाको र सोही क्षेत्रको उच्च पहाडी तथा हिमाली भू-भागका थोरै स्थानहरुमा हल्का हिमपातको संभावना छ।
माघ १५गते शनिबार
प्रदेश नं १, बागमती प्रदेश र गण्डकी प्रदेशको पहाडी भू-भागमा आंशिक बदली रही बाँकी भू-भागहरुको मौसम सामान्यतया सफा रहनेछ ।
माघ १६गतेआइतबार
प्रदेश नं १, बागमती प्रदेश, गण्डकी तथा लुम्बिनी प्रदेशका पहाडी भू-भागमा आंशिक देखि सामान्य बदली रही बाँकी भू-भागहरुमा आंशिक बदली रहनेछ ।