काठमाडाैं । संचारिका समुह नेपालको अध्यक्षमा बिमला तुम्खेवा निर्वाचित भएकी छिन् । चैत ११ गते शुक्रबार भएकाे संचारिकाकाे २५ औ साधारण सभा तथा ८ औ महाधिवेशनबाट अध्यक्ष तुम्खेवासहित १३ सदस्यीय नेतृत्व चयन भएकाे हाे ।
संचारिकाकाे महाधिवेशनबाट उपाध्यक्ष पबित्रा सुनार, महासचिव बसन्ती बास्तोला, सचिव दुर्गा कार्की, कोषाध्यक्ष उर्वशी बस्नेत निर्वाचित भएका छन् । यसैगरी सदस्यमा सलोजा दहाल, सजना तामाङ, पर्वता चौधरी, नुनुता राई, मन्जिमा ढकाल, लोग्सरी कुँवर, राधा खनाल पबित्रा मुडबरी चयन भएका छन् ।
स्थानीय तहको निर्वाचनमा चुनावी तालमेल गर्ने नगर्ने विषयमा नेपाली कांग्रेसभित्र दुईधार देखिएको छ । कांग्रेसको संस्थापन पक्ष सत्ता गठबन्धन आबद्ध दलहरूबीच चुनावी तालमेलको पक्षमा छ भने संस्थापन इतर पक्ष तालमेलको विपक्षमा छ ।
शुक्रबारबाट सुरु केन्द्रीय समिति बैठकमा सत्ता गठबन्धनमा रहेका दलबीच चुनावी तालमेल गर्ने नगर्ने’bout नेताहरूको फरकफरक धारणा आएको हो ।
कांग्रेस सभापतिसमेत रहेका प्रधानमन्त्री शेरबहादुर देउवा स्थानीय तहको निर्वाचनमा तालमेलको पक्षमा उभिँदै आइरहेका छन् । तर, इतर पक्षका नेता डा. शेखर कोइराला भने तालमेलको पक्षमा खुलेका छैनन् ।
देउवा पक्षमा, शेखर विपक्षमा
जिल्ला खटिएका केन्द्रीय प्रतिनिधिसँग राय लिइँदै
प्रधानमन्त्रीसमेत रहेका देउवाले भने स्थानीय तहको निर्वाचनमा आवश्यकताको सिद्धान्तका आधारमा चुनावी तालमेल हुने बताउँदै आइरहेका छन् ।
कांग्रेस प्रवक्ता डा. प्रकाशसरण महतले जिल्लामा खटाइएका केन्द्रीय प्रतिनिधिबाट जिल्लाको वस्तुगत अवस्था बुझ्ने काम भइरहेको जानकारी दिए । उनका अनुसार शुक्रबारको बैठकमा जिल्ला खटिएका २१ जना केन्द्रीय प्रतिनिधिले जिल्लामा पार्टीको अवस्था’bout जानकारी गराएका हुन् ।
महतले पार्टी सभापति देउवा गठबन्धन आबद्ध दलहरूबीच आवश्यकताको सिद्धान्तका आधारमा तालमेल गरिनुपर्ने पक्षमा रहेकोसमेत जानकारी दिए ।
‘प्रधानमन्त्री देउवा आवश्यकताको सिद्धान्तका आधारमा चुनावी तालमेल गर्ने विषयमा सकरात्मक हुनुहुन्छ, कहाँ कस्तो अवस्था छ हेरेर तालमेल गरौं भन्ने उहाँको भनाइ हो,’ कांग्रेस प्रवक्ता महतले भने ।
कांग्रेस बैठकमा स्थानीय तहको निर्वाचनका लागि ७७ जिल्लामा खटाइएका केन्द्रीय प्रतिनिधिहरूले जिल्लाको वस्तुगत अवस्थाका विषयमा नेतृत्वलाई जानकारीसमेत गराएका छन् ।
बैठकमा केन्द्रीय सदस्यहरूबाट आवश्यकताअनुसार नेकपा एमालेसँगसमेत चुनावी तालमेल गर्नुपर्ने राय आएको छ । कांग्रेस महाधिवेशनमा सबैभन्दा बढी मत ल्याएर केन्द्रीय सदस्य निर्वाचित बनेकी मुक्तकुमारी यादवले स्थानीय तहको निर्वाचनमा नेकपा एमालेसँग पनि आवश्यक परे तालमेल गर्नुपर्ने राय राखेकी हुन् ।
यादवलाई स्थानीय तहको निर्वाचनका कांग्रेसले सिन्धुली खटाएको थियो । उनले सिन्धुलीमा कांग्रेसले जित्नका लागि एमालेसँग तालमेल गर्नुपर्ने धारणा राखेकी हुन् ।
यसैगरी, बैठकमा कर्णाली प्रदेश सभापति ललितजंग शाहीले कांग्रेसले एक्लै उम्मेदवार उठाउँदा सहज रूपमा जित्न सकिने नभए सो प्रदेशमा माओवादीसँग भन्दा एमालेसँग तालमेल गर्दा सहज हुने धारणा राखेका छन् ।
चुनावी तालमेलका विषयमा कांग्रेसका प्रदेश सभापतिहरूसमेतको फरकफरक राय आएको छ । बैठकमा सहभागी भएका कांग्रेसका चारवटा प्रदेशका सभापति गठबन्धनको विपक्षमा देखिएका छन् । मधेस प्रदेशका कृष्ण यादव, गण्डकीका शुक्रराज शर्मा, लुम्बिनीका अमरसिंह पुन, कर्णालीका ललितजंग शाही गठबन्धनबीच चुनावी तालमेलको विपक्षमा देखिएका हुन् ।
बैठकमा सुदूरपश्चिमका वीरबहादुर बलायर भने सहभागी थिएनन् । यस्तै, प्रदेश १ का सभापति उद्धव थापा र बाग्मती प्रदेशका सभापति इन्द्र बानियाँ गठबन्धनको पक्षमा छन् । राजधानी दैनिकबाट
मकवानपुर । बागमती प्रदेशको राजधानी मकवानपुरको हेटौंडामा मेयर कप रेपिड चेस प्रतियोगिता सुरु भएको छ । नेपाल खेलकुद महासंघ (नेकोस) र बागमती प्रदेश बुद्धिचाल संघको संयुक्त आयोजनामा हेटौंडा मेयर कप रेपिड चेस प्रतियोगिता सुरु भएको हो ।
प्रतियोगिताको पहिलो दिन शुक्रबार चार चरणका खेल सम्पन्न भए । चार चरणको समाप्तिमा फिडेमास्टर क्षितिज भण्डारी र प्रकाश नेपाल शतप्रतिशत नतिजा निकाल्दै संयुक्त अग्रता बनाउन सफल भएका छन् । उनीहरूको समान चारचार अंक भएको छ । चार खेलमा तीनमा जीत र एकमा बराबरीमा गरेका फिडेमास्टर रुपेश जयसवाल ३ दशमलव ५ अंक बनाउँदै अंकतालिकाको दोस्रो स्थानमा रहेका छन् ।
त्यस्तै वर्तमान राष्ट्रिय च्याम्पियन पुरुषोत्तम चौंलागाई, पूर्व राष्ट्रिय च्याम्पियन फिडेमास्टर मनिष हमाल, मकवानपुरका क्यान्डिडेटमास्टर कृष्ण थापा, झापाका राजन सुवेदी तथा सुश्रुत दाहाल, दोलखाका आशिष फुयाँल, धनुषाका सुशील चौधरी, धनकुटाका सुमन श्रेष्ठ, मकवानपुरका नवीनकुमार श्रेष्ठ, चितवनका सन्तोष गौतम र रुपन्देहीका चमन गाहा मगर समान तीन–तीन अंक बनाउन सफल भए ।
पहिलो चरणमा पूर्व राष्ट्रिय महिला च्याम्पियन सिन्दीरा जोशीमाथि जित हात पारेका क्षितिजले दोस्रोमा सर्लाहीका कमल श्रेष्ठ, तेस्रोमा सुशील चौधरी तथा चौथो कृष्ण थापालाई हराए । त्यसैगरी प्रकाशले पहिलो चरणमा सुदेश श्रेष्ठ, दोस्रो चरणमा सर्लाहीका रवीन्द्र बहादुर थापा, तेस्रो चरणमा मनिष हमाल तथा चौथो चरणमा सुश्रुत दाहालमाथि विजय प्राप्त गरे । शनिबार हुने पाँचौं चरणको खेलमा क्षितिज र प्रकाश आमनेसामने हुनेछन् ।
तीन पटकका राष्ट्रिय च्याम्पियन बद्रीलाल नेपालीले शुक्रबारका चार खेल मध्ये एकमा हार र एकमा बराबरीमा रोकिएपछि २ दशमलव ५ अंक बनाएका छन् । तेस्रो चरणमा कृष्ण थापासँग हार व्यहोरेका बद्रीलाल चौथो चरणमा पुरुषोत्तम चौंलागाईंसँग बराबरीमा रोकिएका हुन । बद्रीसँगै काभ्रेका खोमप्रसाद तिमिल्सना, मकवानपुरका बलराम श्रेष्ठ र सुदेश श्रेष्ठ समान २ दशमलव ५ अंक बनाउन सफल भएका छन् ।
हेटौंडा उपमहानगर पालिकाका प्रमुख हरिबहादुर महत तथा नेपाल बुद्धिचाल संघका अध्यक्ष एकालाल श्रेष्ठले चेस गोटी चालेर औपचारिक उद्घाटन गरको प्रतियोगितामा ५२ जना खेलाडीको सहभागिता रहेको छ । विभिन्न विधामा गरी नगद २ लाख ५ हजार पुरस्कार रहेको दुई दिने प्रतियोगिता फिडेको स्विस लिग प्रणाली अनुसार ७ चरणसम्म प्रतिस्पर्धा हुनेछ ।

हेटौंडामा बाल साहित्य कार्यशाला
Tags: No Comments
मकवानपुर । हेटौंडामा बाल साहित्य कार्यशाला सुरु भएको छ । हेटौंडा उपमहानगरपालिका शिक्षा महाशाखाको आयोजनामा दुईदिने बाल साहित्य कार्यशाला सुरु भएको हाे ।
कार्यशालाको पहिलाे दिन शुक्रबार निबन्ध लेखन भएको छ । सिद्धार्थ माविको सभाकक्षमा भएको कार्यक्रममा प्रशिक्षक श्यामकुमार बानियाँले निबन्धका सैद्धान्तिक पक्ष, विद्यालय तहको पाठ्यक्रममा निबन्धको स्वरुपका साथै निबन्ध लेखनका सीपसम्बन्धमा सहजीकरण गरेका थिए । कार्यशालाका सहभागीलाई विभिन्न विषयमा निबन्ध लेख्न लगाई उत्कृष्ट निबन्धहरूलाई पुस्तकका रुपमा प्रकाशित गर्ने उद्देश्य रहेको कार्यशाला संयोजक छविलाल श्रेष्ठले बताएका छन् ।
कार्याशाला उद्घाटनमा बाेल्दै हेटाैडा उपमहानगरपालिका शिक्षा महाशाखा प्रमुख गंगाधर रिमालले यस प्रकारका कार्यक्रम बालबालिकाको व्यक्तित्व विकासमा भूमिका रहने बताए । कार्यशाला अन्तरगत शनिबार ‘बालबालिकाले के पढ्ने र कसरी लेख्ने ?’ विषयमा बहस कार्यक्रम सञ्चालन हुँदैछ । बहसमा बाल साहित्य समाज नेपालका अध्यक्ष प्रा. डा. ध्रुवकुमार घिमिरे, लेखक अनुराधा शर्मा, प्रकाशक रामचन्द्र तिमोथी र बाल साहित्यका अभियन्ता दीपक गौतमको सहभागीता रहनेछ ।
हर्नामाडीस्थित मकवानपुर बाल विद्या सदनमा बिहान ८ बजेदेखि हुने कार्यक्रममा मकवानपुरका कविहरूका शिक्षा सम्बन्धी कविता समेत वाचन हुनेछन् । कार्यशालामा उपमहानगरभित्रका २५ वटा सामुदायिक तथा संस्थागत विद्यालयका ५० जना बढी विद्यार्थीको सहभागीता रहेको छ ।
मकवानपुर । निर्माण व्यवसायी संघ मकवानपुरले जिल्ला प्रशासन कार्यालय मकवानपुरमार्फत प्रधानमन्त्रीलाई ज्ञापनपत्र बुझाएकाे छ । मुल्यवृद्धिको विरोध र खरिद नियमावलीको केही बुँदाहरू संशोधनको माग सहित निर्माण व्यवसायी संघ मकवानपुरले शुक्रबार ज्ञापन पत्र बुझाएको हाे ।
संघका प्रथम उपाध्यक्ष बालगोपाल कँडेलको नेतृत्वमा गएको टोलीले मकवानपुरका प्रमुख जिल्ला अधिकारी भरतमणि पाण्डेलाई ज्ञापन–पत्र बुझाएको हाे । वरिष्ठ उपाध्यक्ष कडेँलले प्रमुख जिल्ला अधिकारी भरतमणि पाण्डेमार्फत् प्रधानमन्त्री शेरबहादुर देउवालाई नौ बुँदे ज्ञापन पत्र बुझाएका हुन् ।
उनीहरुले निर्माण सामग्रीमा अप्रत्याशितरुपमा भएको मूल्य वृद्धिका कारण व्यवसाय नै सञ्चालन गर्न नसक्ने अवस्था सिर्जना भएको बताएका छन् । सार्वजनिक खरिद ऐनको संशोधनले साना निर्माण व्यवसायीलाई समस्या भइरहेको र यसले निर्माण व्यवसायीवीच ठूलो अन्तर पैदा गर्ने संघले जनाएकाे छ । सार्वजनिक ऐनमा आफूहरुले गरेको विरोधको सुनुवाइ तत्काल नभए निर्माण व्यवसायी थप आन्दोलित हुने कडेलले बताए ।
आन्दोलनको कार्यक्रमअन्तर्गत् शुक्रबार ७ प्रदेश महासंघ, ७७ जिल्ला संघ, एसोसिएट तथा वस्तुगत संघले प्रमुख जिल्ला अधिकारीमार्फत् प्रधानमन्त्रीलाई ज्ञापन पत्र बुझाएका छन् । ज्ञापनपत्र बुझाउन संघका महासचिव बालकुमार मल्ल, कोषाध्यक्ष ईश्वर पाठक, उपमहासचिव भवनाथ अधिकारीलगायत निर्माण व्यवसायी जिल्ला प्रशासन कार्यालय पुगेका थिए ।