मकवानपुर । नवौं राष्ट्रिय खेलकुद २०७९ को लोगो, मस्कट र नारा सार्वजनिक गरििएकाे छ । राष्ट्रिय खेलकुद परिषद् (राखेप) ले नवौं राष्ट्रिय खेलकुदका लागि लोगो, मस्कट र नारा सार्वजनिक गरेको छ । गण्डकी प्रदेशमा आयोजना हुने प्रतियोगिताको लोगो, मस्कट र नारा शनिबार युवा तथा खेलकुद मन्त्री महेश्वर गहतराज र राखेपका सदस्य सचिव टंकलाल घिसिङले संयुक्त रुपमा सार्वजनिक गरेका हुन् ।
राष्ट्रिय खेलकुद परिषद्ले ‘एकताबद्ध देश, खेलकुदको सन्देश’ भन्ने नारासमेत सार्वजनिक गरेको छ । लोगो र मस्कट भोलानाथ पौडेलले डिजाइन गरेका हुन् । लोगो र मस्कट छनोट खुल्ला प्रतिस्पर्धाबाट छनोट गरिएको हो । गन्डकी प्रदेशमा आगामी जेठ २२ देखि २८ गतेसम्म आयोजना हुने नवौं खेलकुदमा कस्तुरी मृगको मस्कट रहने भएको छ ।
लोगोको शीर्ष स्थानमा पोखराको पहिचानका रुपमा माछापुछ्रे हिमाल राखिएको छ । त्यसमुनि चारवटा रातो ट्र्याकले प्रदेश नम्बर संकेत गर्छ भने त्यसमुनि पंक्षीको आकृति दिइएको छ । गत वैशाख ४ गते राखेपले नवौं राष्ट्रिय खेलकुद प्रतियाेगिताकाे लागि लोगो, मस्कट, नारा र गीत निर्माणकाे लागि पुरस्कारको व्यवस्थासहित सार्वजनिक सूचना जारी गरेको थियो ।
सूचनाअनुसार लोगोका लागि १३ र मस्कटका लागि चार आवेदन परेको थियो । लोगोमध्येबाट भोलाको कला छनोट भए पनि मस्कटमा चारै आवेदनले मापदण्ड पूरा नगरेपछि भोलालाई नै बनाउने जिम्मा दिइएको राखेपले जनाएको छ । नवौं राष्ट्रिय खेलकुदको नारा ‘एकतावद्ध देश, खेलकुदको सन्देश’ रहेको छ । यो नारा खुला प्रतिस्पर्धाबाट शुयोग्यराज काफ्लेले जुराएका हुन् । लोगो र मस्कट बनाउनेले क्रमस: ५० र २५ हजार तथा नारा बनाउनेले १० हजार पुरस्कार प्राप्त गरेका छन् ।
राखेपले नवौं राष्ट्रिय खेलकुदका लागि गीत पेस गर्न पनि सूचना जारी गरेकोमा एउटामात्र आवेदन परेको तर त्यस गीत प्रतियोगिताका लागि सुहाउँदो नभएकोले पारित नगरिएको जनाएको छ । प्रतियोगिता तयारी तीव्र रुपमा भइरहेको राखेपले जनाएकाे छ । प्रतियोगितामा ३६ नियमित र २ प्रदर्शनी खेल समावेश गरिने भएकाे छ ।
मकवानपुर । आसन्न स्थानीय तहको निर्वाचनमा नेकपा एमालेका उम्मेदवारहरुले दोब्बर मतका साथ बिजय हासिल गर्ने बताएका छन । हेटौंडा १२ र १३ को चुनावी प्रचार कार्यक्रमलाई सम्बोधन गर्दै उनीहरुले बिपक्षीको भन्दा दोब्बर मत ल्याएर एमालेका उम्मेदवारले जीत हासिल गर्ने दाबी गरेका छ्न ।
`एमालेको जीत पक्का भैसक्यो । अब निर्वाचनबाट औपचारिकता पूरा गरेर प्रमाणपत्र दिन मात्र बाँकी हो ।´ एमाले केन्द्रिय सल्लाहकार समेत रहनुभएका बागमतीका प्रथम मुख्यमन्त्री डोरमणी पौडेलले भने । `अब १ दुई सय मतले मात्र जित्ने हैन । बिपक्षीले जति मत ल्याउँछ त्यो भन्दा दोब्बर मतले एमालेले बिजय हासिल गर्छ ।´ पौडेलले दाबीका साथ भने ।
एमालेको बिजयले मात्र बिकास सम्भव भएको भन्दै आफू प्रदेश सभाको निर्वाचनमा निर्वाचित भएपछि हेटौंडा प्रदेश राजधानी कायमदेखि नगरको सबै क्षेत्रमा उल्लेख्य बिकास गरेको उनले बताए । अब सबै जनताले बिकास गर्न एमाले नै आवश्यक भएको भन्ने कुरा बुझिसकेका छन पौडेलले भने एमालेलाई पराजित गर्न योजना र सिद्धान्त नै नभएका दलहरु जनताको बिचमा भोटको लागि गैंडा र हात्ती लिएर आउन सक्ने हुँदा सजग रहन समेत आग्रह गर्द्छु।
सरकार चलाउने हैसियत नभएका र सरकार चलाउन आवश्यक पर्ने उम्मेदवार खडा गर्न नसक्ने पार्टीलाई भोट दिएर भोट खेर नफाल्न समेत मतदाताहरुलाई उनले आग्रह गरे ।
यस्तै आसन्न स्थानीय तहको निर्वाचनमा एमालेको जीतलाई रोक्न कसैले नसक्ने नेकपा एमाले बागमती प्रदेश कमिटी सदस्य रघुनाथ खुलालले बताएका छन । एमाले नै बिकास गर्ने, समृद्धि ल्याउने, देशलाई अगाडि बढाउने पार्टी भएको जनताले बुझेकाले अब गठबन्धनको नाममा जसले जति भ्रम फैलाउने काम गरेपनि एमालेको जीत पक्का भएको खुलालले बताए ।
खुलालले भने, `एमालेले गरेको बिकासका काम देखेर जनताले गरेको मायाले अब एमाले त आयो आयो । एमालेको जीतलाई कुनै तागतले रोक्न सक्दैन ।´ एमाले बिरोधीहरु जनता र मतदाताको बिचमा झुठो आश्वासन लिएर आउने भएकाले एमालेका योद्धाहरुले मतदाताको बिचमा रहेर त्यस्ता भ्रमलाई चिर्न समेत उनले आग्रह गरे ।
हेटौंडाको १९ वटै वडामा अब एमालेको झण्डा फरफराउने उनले दावी गरे । अब सबै जनजनमा एमाले र मनमनमा एमाले भएको पनि खुलालले बताए ।
मकवानपुर । हेटौंडा उपमहानगरपालिका १५ नम्बर वडा अध्यक्षका स्वतन्त्र उम्मेदवारले गठबन्धनको उम्मेदवारलाई समर्थन जनाएका छन ।
१५ नम्बर वडामा अध्यक्ष पदमा स्वतन्त्र उम्मेदवारी दिएका प्रेमबहादुर भोम्जनले गठबन्धनका आधिकारिक उम्मेदवारलाई समर्थन जनाएका हुन। नेकपा एसका नेता भोम्जनले १५ नम्बर वडा अध्यक्ष पदमा स्वतन्त्र उम्मेदवारी दिएका थिए । शुक्रबार हेटौंडामा पत्रकार सम्मेलन गर्दै उनले गठबन्धनका आधिकारिक उम्मेदवार नवराज घलानलाई समर्थन गरेका जनाएका छन।
“मेरो समर्थन गठबन्धनका उम्मेदवारलाई दिएको छु । वहाँहरुको जित नै मेरो जित हुनेछ”, भोम्जनले भने, “म अहिल्यैबाट वहाँहरुलाइ जिताउन लागिपर्नेछु । १५ नम्बर वडाबासीलाई गठबन्धनका उम्मेदवारलाई मतदान गरी विजयी गराइदिनुहुन अनुरोध गर्दछु ।” गठबन्धनको तर्फबाट वडा अध्यक्षका उम्मेदवार नवराज घलानले साथ र सहयोगप्रति धन्यवाद व्यक्त गर्दै भोम्जनका योजनालाई समेत समेटेर अघि बढ्ने प्रतिबद्धता जनाए ।
कार्यक्रममा गठबन्धनको तर्फबाट मेयरका उम्मेदवार मीनाकुमारी लामा, उपमेयरका उम्मेदवार राजेश बानियाँलगायतको उपस्थिति थियो । गठबन्धनको तर्फबाट हेटौंडा १५ नम्बरको वडा अध्यक्षमा नवराज घलान तथा सदस्यहरुमा लिलाकुमार घलान, बिमला सिन्तान, तुलसी विक र बीरमान घलान उम्मेदवार रहेका छन् ।
मकवानपुर । आसन्न स्थानीय तहकाे सदस्य निर्वाचन २०७९ काे चुनावी प्रचारप्रसार कार्यक्रम अन्तर्गत मकवानपुरको मनहरी गाउँपालिकामा नेकपा एमालेले घरदैलो कार्यक्रम गरेको छ ।
गाउँपालिकामा एमालेबाट अध्यक्षका उम्मेदवार एकराज उप्रेती, उपाध्यक्षका उम्मेदवार सुजिता थिङ लगायतको उपस्थितिमा घरदैलो कार्यक्रम गरिएको हो । शुक्रबार मनहरी वडा नम्बर १ मा भएको घरदैलो कार्यक्रममा झण्डै २ सयको उपस्थिति रहेको अध्यक्षका उम्मेदवार उप्रेतीले बताए ।
मनहरी १ को चकरी, मकरी, गोगनपानी लगायतको क्षेत्रमा घरदैलो गरिएको थियो । मनहरीको सम्मृद्धिको लागि उम्मेदवारहरुले दिर्घकालिन योजना प्रतिवद्धता सहित घरदैलो कार्यक्रम गरिएको उप्रेतीले बताए । घरदैलो कार्यक्रममा वडा नम्बर १ मा एमालेका अध्यक्षका उम्मेदवार भीमसेन अधिकारी सदस्यका उम्मेदवारहरु विनामाया गोले, तारा घिमिरे, पोषक वावु विष्ट (पुष्कर), विशाल लामा थिङ लगायतको उपस्थिति थियो ।
मकवानपुर । मकवानपुरकाे कैलाश गाउँपालिकामा एमालेका उम्मेद्वारले घरदैलो अभियानलाई तिव्रता दिएका छन् । कैलाशमा एमालेका उमेद्वारलाई जिताउन प्रचार–प्रसारसँगै कोणसभा समेत गरिएको छ ।
कैलाश—२ को ऐबुङमा आयोजित कार्यक्रममा सम्बोधन गर्दै कैलाश गाउँपालिका अध्यक्षका उम्मेद्वार नरेन्द्र लाल रिजालले गाउँको विकास एमालेको स्थानीय सरकारले मात्र गर्ने बताए । पाँच वर्षसम्म एमालेको स्थानीय सरकार हुँदा गाउँमा सडक, शिक्षा, स्वास्थ्यको स्तर वृद्धि भएका भन्दै अझै अधुरा कामहरु विकास गर्नको लागि अबको निर्वाचनमा एमालेको उमेद्वारलाई मत दिई जिताउनु पर्ने उन बताए ।
त्यस्तै कैलाश गाउँपालिकाकाे उपाध्यक्ष पदका उम्मेदवार सुकुमाया थिङले विजय प्राप्त गरेपछि ५ वर्षमा आफनो पार्टीले गरेका विकास निर्माणका अधुरा कामलाई पुरा गर्ने प्रतिवद्धता व्यक्त गरिन् । उनले टोल टोलमा देखिएका समस्यालाई जनस्तरबाट बुझ्ने भन्दै निर्वाचन पछि ती समस्याकाे समाधान गर्न लागि पर्ने बताईन् । सुर्य चिन्हमा एक पटक भोट दिएर विकास गर्ने मौका दिन उम्मेदवारहरुले आग्रह गरेका छन् ।
कैलाश गाउँपालिका नेकपा एमाले वडा कमिटीले वडा नम्बर १ को चामाखर्कमा पनि कोणसभा तथा घरदैलो कार्यक्रम गरेकाे युवा नेता तथा पूर्व जिल्ला कमिटि सदस्य महेश चेपाङले बताए । यसैगरी कैलाश ६ मा भएको कार्यक्रममा स्थानीय पार्वती आलेमगरले आफूले भोट दिएर जिताएका जनप्रतिनिधिले गाउँको बाटो, पानी, ढल, शिक्षा, स्वास्थ्यको बारेमा चासो राखेर काम गरुन् भन्ने अपेक्षा व्यक्त गरिन् । ‘हामीले मत दिन्छौँ, उनीहरुले हामीलाई विकास दिनुप¥यो ।’ उनले भनिन्
त्यस्तै कैलाश गाउँपालिकाका जिल्ला सदस्य सानुभाई बिष्टले नजिकिंदै जाँदा एमालेलाई आम मतादाताबाट धेरै नै सकारात्मक प्रतिक्रिया र साथ आइरहेको बताए । नेता बिष्टको अनुसार पार्टीका आफ्ना उमेद्वारले कैलाशको वडा नम्बर १ ,२ , ५ र ६ को विभिन्न क्षेत्रमा घरदैलो कार्यक्रम सम्पन्न गरेको छ ।
