मकवानपुर । नेपाल विवेकशील पार्टीले मकवानपुर हेटौडा उपमहानगरपालिका १७ को मतदान केन्द्र सरसफाइ गरेको छ। विवेकशीलले हेटौंडा १७ स्थित लक्ष्मी आधारभूत विद्यालय मतदान केन्द्र सरसफाइ गरेको हो ।
पार्टीका जिल्ला अध्यक्ष नवीन विष्टको नेतृत्वमा नेपाल विवेकशील पार्टीका हेटौंडा १७ का उम्मेदवारहरू र सदस्यहरूको सहभागितामा मतदान केन्द्र सरसफाइ गरेको हो । लक्ष्मी आधारभूत विद्यालय मतदान केन्द्रमा रहेको पानीको बोतल र प्लास्टिकजन्य पदार्थ ८ बोरा संकलन गरेको गरेको अध्यक्ष बिष्टले बताए ।
सानो काम, ठूलो परिणाम (Small ACT, Big IMPACT) भन्ने नाराका साथ नेपाल विवेकशील पार्टीले सफाइ कार्य गरेको हो। “आज लक्ष्मी आधारभूत विद्यालयमा गरेको कामको निरन्तरता दिनेछौं। यस कार्यबाट प्रेरित भएर देशैभरका सबै टोलका युवाहरू सरसफाइ लगायतका अन्य सामाजिक काममा लाग्न आग्रह गर्दछु।” अध्यक्ष विष्टले भने।
सफाइ कार्यमा विद्यालयका सहयोगी अर्जुन चापागाईंले सहयोग गरेका थिए।

मकवानपुर । मकवानपुरको भीमफेदी गाउँपालिकाको अध्यक्षमा नेकपा एमालेका हिदम लामा विजयी भएका छन् ।
उनले गठवन्धन तर्फबाट माओवादीका अध्यक्ष उम्मेद्वार बद्रीबहादुर स्याङ्तानलाई पराजित गरेका हुन् । लामाले मत ५ हजार ५ सय ९१ प्राप्त गरि विजयी हुँदा उनका निकटत्म प्रतिस्पर्धी स्याङ्तानले ५ हजर २ सय ९ मत प्राप्त गरे ।
उपाध्यक्षमा भने गठवन्धनको तर्फबाट कांग्रेसका उम्मेद्वार संजिव श्रेष्ठ विजयी भएका छन् । श्रेष्ठले ५ हजार ३ सय १५ मत प्राप्त गर्दा एमालेकी पार्वती रानाले ५ हजार २ सय ९९ प्राप्त गरिन ।
राना १६ मतान्तरले पराजित भएकी छन् । लामा भीमफेदीका निवर्तमान अध्यक्ष समेत हुन् ।
यसैगरी भीमफेदीको वडा नम्बर १ को वडा अध्यक्षमा काग्रेस, २ को वडा अध्यक्षमा एमाले, ३ को वडा अध्यक्षमा माओवादी, ४ को अध्यक्षमा एमाले, ५ को वडा एमाले, ६ को वडा अध्यक्षमा काग्रेस, ७ को वडा अध्यक्षमा काग्रेस, ८ को वडा अध्यक्षमा एमाले र ९ को अध्यक्षमा एमाले विजयी भएका छन ।
मकवानपुर । मकवानपुरको थाहा नगरपालिका वडा नंबर ५ मा नेकपा एमाले विजयी भएको छ ।
थाहा ५ मा एमालेबाट वडा अध्यक्षका उम्मेद्वार विष्णु बहादुर गुरुङ विजयी भएका हुन् ।
उनले नेकपा माओवादीबाट वडा अध्यक्षका उम्मेद्वार मान सिंह दोङलाई पराजित गर्दै वडा अध्यक्षमा निर्वाचित भएका हुन् ।
गुरुङ २०७४ मा भएको स्थानीय निर्वाचनमा पनि एमालेबाट वडा अध्यक्षमा निर्वाचित भएका थिए ।
मकवानपुर । हेटाैडा उपमहानगरपालिका वडा नम्बर १ मा नेपालीका कांग्रेसका सविन न्याैपाने अध्यक्षमा विजयी भएका छन् । स्थानीय तह निर्वाचन २०७९ अन्तरगत शनिबार विहानबाट सुरु भएकाे हेटाैडाकाे मतगणनाकाे आइतबार वेलुका प्राप्त मतपरिणाम अनुसार न्यौपानेले १ हजार ४ सय ४२ मत ल्याइ निर्वाचित भएका हुन् ।

उनका निकटतम प्रतिष्पर्धी नेकपा एमालेका उत्तमप्रसाद पौडेलले १ हजार ३ सय ११ मत ल्याएका छन् । त्यस्तै राष्ट्रिय प्रजातन्त्र पार्टी राप्रपाका सुजन शाहीले २ सय ७ मत ल्याएका छन् । हेटौंडा-१ मा ३ हजार २ सय ९३ मत खसेको थियो।
न्याैपाने २०७४ सालकाे स्थानीय तहकाे निर्वाचनमा पनि साेही वडाबाट अध्यक्षमा निर्वाचित भएका थिए ।
चितवन । भरतपुर महानगरपालिकामा भएकाे मतगणनाकाे विषयमा विवाद हुँदा स्थगित गरिएकाे मतगणना सुरु भएकाे छ । मतगणनामा मत सदर कि बदर भन्ने विषयमा विवाद हुँदा मतगणना स्थगित गरिएकाे थियाे । भरतपुर वडा नं २ को १ हजार ९ सय मतगणना सकिएर थप मत गन्दै गर्दा मतगणना रोकिएको हाे ।
मतपत्रकाे चुनाव चिन्हमा लागेकाे आंशिक स्वस्तिक छापलाई मान्यता नदिने सहमति भएपछि भरतपुर महानगरपालिकाको मतगणना पुनः सुरु भएको हाे । मतगणना स्थगित हुने वित्तिकै बसेको सर्वदलीय बैठकमा अब देखि कुनै पनि उमेदवारको चुनाव चिह्नमा परेको आंशिक छापलाई बदर गर्ने सहमति भएको छ।
मतगणनाको क्रममा एउटा मतपत्रमा स्वस्तिक छापको विषयमा विवाद उत्पन्न भएपछि मतगणना स्थगित भएको थियो । स्थगित भएको २५ मिनेटपछि मतगणना पुनः सुरु भएको हाे । भरतपुर–२ को ८ स्थानमा मत गणना भइरहेको बेला विवाद भएकाे थियाे । मतपत्रमा छाप प्रस्ट नभएको भन्दै उम्मेदवारका प्रतिनिधिबीच विवाद भएपछि मतगणना रोकिएको थियो ।
मतगणना अवरुद्ध हुनुअघि सम्म ५ हजार १ सय ७७ मतगणना सकिएको थियो । जसमा मेयरकी उम्मेदवार रेनु दाहालले १ हजार ८ सय ६६ मत पाएर अग्रता कायम राखेकी छन् । यस्तै विजय सुवेदीले १ हजार ८ सय १४ मत पाउँदा स्वतन्त्र उम्मेदवार जगन्नाथ पौडेलले ६ सय १९ मत पाएका छन् ।
