मकवानपुर । हेटौडा उपमहानगरपालिकाका नव निर्वाचित नगर प्रमुख र उप प्रमुखले पदभार ग्रहण गरेका छन् । बैशाख ३० गते सम्पन्न स्थानीय तह सदस्य निर्वाचनबाट निर्वाचित हेटौंडा उपमहानगरपालिकाकी मेयर मीना कुमारी लामा, उपमेयर राजेश बानियाँले पदभार ग्रहण गरेका हुन् ।
यससँगै हेटाैडाकाे १९ वटा वडाका वडा अध्यक्ष तथा सदस्यहरुले सोमबारनै पदभार ग्रहण गरेका छन् । यस अघी निर्वाचित नगर प्रमुखले सोमबार बिहान मुख्य निर्वाचत अधिकृत तथा मकवानपुरका जिल्ला न्यायधिस डिल्लीरत्न श्रेष्ठबाट पद तथा गोपनीयताको सपथ ग्रहण गरेका थिए । लगत्तै नगर प्रमुख लामाबाट उप प्रमुख बानिया तथा वडा अध्यक्ष र सदस्यहरुले पद तथा गाेपनियताकाे सपथ खाएका थिए ।
यसैबीच सोमबारै हेटाैडा उपमहानगरपािलकामा पदभार ग्रहणपछि प्रमुख लामाले अति विपन्न १ हजार ५ सय ४१ घर परिवारलाई निःशूल्क स्वास्थ्य बीमा गरिदिने, मासिक १५ हजार लिटर पानी, २५ युनिट विजुली निशूल्क उपलब्ध गराउने नीतिगत निर्णय गरेका थिए ।
यस्तै आर्थिक अवस्थाका कारणले शिक्षा हासिल गर्नबाट बञ्चित विद्यार्थीलाई मेयर छात्रवृत्ति कार्यक्रम सञ्चालन गर्ने, सडक विस्तार गर्ने क्रममा सडकमै रहेका विद्युतका पोलहरु सार्ने निर्णय पनि गरिएको छ । उत्त नीतिगत निर्णयलाई आर्थिक वर्ष २०७९।०८० काे नीति तथा कार्यक्रममा समावेश गरी कार्यान्वयन गरिने बताइएकाे छ ।
मकवानपुर । आइतबार देशका विभिन्न भागमा आज हावाहुरी र चट्याङ्सहित बर्षाको सम्भावना रहेको छ । बिहानै सुरु भएको बर्षा अहिले कम भएको छ ।
हाल नेपालमा स्थानीय वायु, भारतको उत्तर प्रदेश, बिहार, पश्चिम बंगाल आसपास रहेको न्यून चापीय रेखा र पश्चिमी वायुको प्रभाव रहेकोले हावाहुरी तथा चट्याङ सहितको क्षणिक बर्षा हुँदै आएको जल तथा मौसम बिज्ञान बिभागको मौसम पुर्वानुमान महाशाखाले जनाएको छ ।
आज दिउँसो देशभर आंशिकदेखि सामान्य बदली रहनेछ । लुम्बिनी प्रदेश र मधेस प्रदेशका केही स्थानमा मेघगर्जन, चट्याङ् र हावाहुरीसहित हल्कादेखि मध्यम वर्षाको सम्भावना रहेको महाशाखाले जानकारी दिएको छ ।
देशका अन्य प्रदेशका पहाडी भू-भागका केही स्थानमा मेघगर्जन र चट्याङ्सहित हल्का वर्षाको सम्भावना रहेको छ ।
आज राति प्रदेश-१, मधेस प्रदेश, वागमती प्रदेश र गण्डकी प्रदेशलगायत अन्य प्रदेशका पहाडी भू-भागमा आंशिकदेखि सामान्य बदली रहनेछ । देशका बाँकी भू-भागमा आंशिक बदलीदेखि मौसम सामान्यतया सफा रहनेछ ।
प्रदेश-१, मधेस प्रदेश, वाग्मती प्रदेश र गण्डकी प्रदेशका केही स्थानमा मेघगर्जन र चट्याङ्, हावाहुरीसहित हल्कादेखि मध्यम वर्षाको सम्भावना रहेको मौसम पुर्वानुमान महाशाखाले जनाएको छ ।
देस भरका केही स्थानहरूमा मेघ गर्जन, चट्याङ्ग र हावा हुरी सहित हल्कादेखि मध्यम वर्षाको सम्भावना रहेकोले आवश्यक सतर्कता अपनाउन महाशाखाले अनुरोध गरेकोछ ।
मकवानपुर । मकवानपुरको ईन्द्रसरोवर गाउँपालिका–२, कुलेखानी सिमखोला जीप दुर्घटना हुँदा ४ जनाको मृत्यु भएको छ ।
पर्सा बीरगन्जबाट काठमाडौं जाँदै गरेको ना ४ च २३१५ नम्बरको जीप आज साँझ ५ बजे दुर्घटना हुँदा ४ जनाको मृत्यु भएको र ४ जना घाइते भएकाे मकवानपुर प्रहरीले जनाएकाे छ ।
८ जना सवार जीपमा घाइते भएकाहरुलाई हेटाैडा र काठमाडाैं उपचारका लागि पठाइएकाे हाे । दुर्घटनामा घाइते भएकाहरु मध्य हेटौंडा अस्पतालमा २ जना, चुरेहिल अस्पतालमा १ जना र १ जना काठमाण्डौं स्थीत ट्रमा सेन्टरमा उपचारकाे क्रममा मृत्यु भएको जिल्ला प्रहरी कार्यालय मकवानपुरले जनाकारी दिएकाे छ ।
घटनामा मृत्यु भएकाको पहिचान नखुलेको प्रहरीले बताएकाे छ । घाइतेमध्ये चालकसहित ३ जनाकाे हेटौंडा र १ जनाको काठमाडौंमा उपचार भइरहेको छ ।
मकवानपुर । मकवानपुरको मनहरी गाउँपालिकामा दुर्घटना हुँदा ४ जना घाइते भएका छन । पुर्व पश्चिम राजमार्गअन्तर्गत मनहरीमा रोकिराखेको ट्यांकरसँग कार ठक्कर खाँदा ४ जना घाइते भएका हुन् ।
शनिवार विहान चितवनबाट हेटौंडा तर्फ आइरहेको प्रदेश ३-०१-०२४ च २९३१ नम्बरको कार सडकमा रोकिराखेको ट्यांकरसँग ठोक्किएर दुर्घटना भएको जिल्ला प्रहरी कार्यालय मकवानपुरले जनाएको छ । दुर्घटनामा घाइते हुनेमा हेटौंडा–९ का योग्यराज सापकोटा र उनको परिवार रहेको छ ।
दुर्घटनामा घाइते भएका सबैको चितवन स्थित पुरानो मेडिकल कलेजमा उपचार भइरहेको छ । घाइते हुनेमा २ जनाको अवस्था गम्भिर र २ जनाको सामान्य रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार ट्याङ्कर तथा चालकलाई नियन्त्रणमा लिइएको छ।
काठमाडौं । सामुदायिक विद्यालयमा कार्यरत शिक्षक तथा कर्मचारीहरूको विद्यालय पोसाक परिवर्तन भएको छ । शिक्षा मन्त्रालयअन्तर्गतको शिक्षा तथा मानव स्रोत विकास केन्द्रले सामुदायिक विद्यालयमा कार्यरत शिक्षक कर्मचारीहरूको विद्यालय पोसाक परिवर्तन गरेको हो ।
केन्द्रले सबै पालिकाहरूका लागि सूचना प्रकाशित गर्दै परिवर्तन गरिएअनुसारको पोसाक चालू शैक्षिक सत्रभित्र कार्यान्वयनको व्यवस्था मिलाउन निर्देशन दिएको छ । केन्द्रले ७ सय ५३ वटै स्थानीय तह र शिक्षा विकास तथा समन्वय एकाइलाई परिवर्तन गरिएको पोसाक कार्यान्वयन गर्न निर्देशन दिएको हो ।
केन्द्रले शिक्षक महासंघको अनुरोधमा विद्यालयमा कार्यरत शिक्षक कर्मचारीहरूको हाल प्रचलनमा रहेको विद्यालय पोसाक परिवर्तन गरिएको जनाएको छ ।
परिवर्तन गरिएको पोसाकमा महिला पुरुषका लागि गाढा खैरो रङको सुट (कोट पाइन्ट), हल्का निलो रङको सर्ट, मौसमअनुसारको गाढा खैरो ज्याकेट कलेजी स्वेटर र कालो जुत्ता राखिएको छ । साडी ब्लाउज कुर्था सुरुवालमा भने रङ परिवर्तन नगरेको केन्द्रले जनाएको छ । पोसाकको नमुना शिक्षक महासंघबाट प्राप्त गर्न सकिनेछ । राजधानीबाट
