मकवानपुर । नेकपा एमाले मकवानपुर निर्बाचन क्षेत्रनम्बर १ का प्रतिनिधि सभा सदस्यका उम्मेद्वार कमल थापाले एमाले अध्यक्ष केपी ओलीकाे नेतृत्वमा राष्ट्रबादी सरकार बन्ने बताएका छन् ।
नेकपा एमाले निर्बाचन परिचालन कमिटीले हेटाैंडा उपमहानगरपालिका वडा नम्बर १२ र १३ मा पदमपाेखरीमा आयाेजना गरेकाे प्रचार प्रसार कार्यक्रममा बाेल्दै राप्रपा नेपालका अध्यक्ष थापाले निर्वाचन पछी ओलीकाे नेतृत्वमा राष्ट्रबादी सरकार बन्ने उद्घाेष समेत गरेका छन् ।
मकवानपुरकाे बिकासमा याेगदान दिँदै आएकाे एमाले र राप्रपा नेपाल एकै ठाऊमा उभिँदा मकवानपुरकाे बिकासले गति लिने भएकै कारण आफू सुर्य चिन्हबाट उम्मेदवार बनेकाे थापाले बताए । ‘मुलुकमा राजनैतिक स्थायित्वका लागि पनि राष्ट्रबादी शक्ती एकजुट हुनु आबश्यक रहेकाे छ’ थापाले भने ।
कार्यक्रमका प्रदेश सभाका उम्मेद्वार एकालाल श्रेष्ठले एमालेका उम्मेद्वारहरू जिल्लाकाे बिकासकाे संकल्प बाेकेर चुनाबी प्रतिस्पर्धामा आएकाे बताए । चुनावी प्रचारप्रसारका क्रममा उम्मेदवार सहित एमालेका नेताहरू मतदाताकाे घरदैलाेमा पुग्दा दहि सगुन खुवाएर माला र खादाले स्वागत गरेका थिए । कार्यक्रममा बागमती प्रदेशका प्रथम मुख्यमन्त्री डाेरमणि पाैडेल, एमालेकी केन्द्रीय सदस्य जुनेली श्रेष्ठले पदमपाेखरीकाे बिकासका लागि एमालेकाे नेतृत्वमै सरकार बन्नुपर्ने बताएका छन् ।
मकवानपुर । प्रतिनिधि सभा र प्रदेश सभा निर्वाचनकाे मिति नजिकिएसँगै मकवानपुरमा उम्मेदवारहरु घरदैलाे तथा काेणसभा तथा भेटघाटमा व्यस्त हुन थालेका छन् । कार्तिक १७ गतेबाट उम्मेदवार तथा राजनैतिक दलहरुले चुनाव प्रसार प्रचार गर्न पाउने भएपछि प्रचार प्रसार कार्यक्रम समेत तिव्र गर्दै लगेका छन् ।
२ प्रतिनिधि सभा तथा ४ प्रदेश सभा क्षेत्र रहेकाे मकवानपुरमा सत्तागठबन्धन तथा नेकपा एमालेकाे बीच प्रतिस्पर्दा हुने आँकलन गरिरहँदा दवै पक्षले प्रचार प्रसार व्यापक गर्दै गरेका छन् । चुनावी घरदैलाेमा स्थानीय मतदाताले उम्मेदवारसँग आफ्नाे क्षेत्रमा विकास निर्माण शिक्षा स्वास्थ्य लगायतका आधारभूत कुरामा सुलभ पहुँचकाे माग गरेका छन् भने उम्मेदवारहरुले समेत विभिन्न आश्वासन दिन थालेका छन् ।
प्रचार प्रसारकै क्रममा नेकपा एमालेबाट मकवानपुर निर्वाचन क्षेत्र नम्बर–२ का उम्मेदवार महेश बर्तौलाले मनहरीको रजैया बस्ती बचाउन बाइपास सडक निर्माण गर्ने प्रतिवद्धता गरेका छन् । बर्ताैलाले आफू निर्वाचित भएमा रजैया बस्ती बचाउँदै बाइपास सडक निर्माणमा जोड दिने बताएका हुन् । मनहरीको रजैयामा नेकपा एमालेद्वारा आयोजित कोणसभा तथा भेटघाट कार्यक्रममा बर्तौलाले परजैया बस्तिलाई राप्तिखोलाबाट बचाउदै रजैयादेखि आश्रम क्षेत्रसम्म बाइपास सडक निर्नाणमा आफूले काम गर्ने प्रतिवद्धता व्यक्त गरेका हुन् ।
यसैगरी नेकपा एमालेको निर्वाचन केन्द्रित कार्यक्रममै मनहरी ८, सिम्पानी स्थित टासी फुन्छ्योक छोइलीङ्ग गुम्बामा ६५ फिट अग्लो बुद्दको मुर्ति निर्माण गर्ने बताएका छन् । मनहरी गाउँपालिका अध्यक्ष एकराज उप्रेती हुँदा सुरुवात गरिएको गुम्बामा पर्यटन क्षेत्र बिकास गरि पर्यटन भित्र्याउने, तामाङ भाषा, संस्कृति बिकासमा आफूले महत्त्वपूर्ण भूमिका खेल्ने बर्ताैलाले बताए । उम्मेदवार बर्तौलाले आफूले मनहरी राक्सिराङ्ग र कैलाश भेगमा अशिक्षा, गरिबी र बेरोजगारी रहेको बताउँदै शिक्षा, स्वास्थ्यको बिकास, युवा श्रम शक्तिलाई रोजगारीसँग जोड्ने, स्वरोजगार सिर्जना, सार्बजनिक सेवा प्रवाहलाई चुस्त दुरुस्त बनाउने आफ्नो योजना रहेको प्रष्ट पारे ।
कार्यक्रमपछि रजैया आसपास र ज्यामिरेको केही क्षेत्रका स्थानीयसँग बर्ताैलाले भेटघाट समेत गरेका थिए । कार्यक्रममा क्षेत्र नम्बर–२ को प्रदेश सभा (ख) का उम्मेदवार लालबहादुर थापाले अन्य दलका उम्मेदवारलाई लक्षित गर्दै फिरन्ते उम्मेदवार भएर पाहुना बन्दै भोट मागेको बताए । थापाले आफू चेपाङ्ग र तामाङ्ग समुदायको बिचमा खाई, खेली हुर्केर जनताको सेवा गर्दै आइरहेको तथा तामाङ्ग र चेपाङ्गको जात्रा, संस्कार र संस्कृतिमा सहभागी भई संस्कृति जगेर्नामा लागेकाे समेत बताए । यसैले यस क्षेत्रबाट नेकपा एमालेले जीत हासिल गर्ने बताए ।
कार्यक्रममा एमाले मकवानपुरको नेता श्रीधर पोखरेलले एमालेको उम्मेदवार ३२ लक्षणले युक्त रहेको दावी गरेका थिए । पोखरेलले गठबन्धनका उम्मेदवारलाई इंगित गर्दै भोटे कुकुर पालेर गेटमा ठुला ताल्चा झुंड्याउने काजी साप जसरी बोरामा लुटेको धन बोकेर गाउँ पसेको आरोप लगाए । उनले मंसिर ४ गते जनताले सुर्य ध्वजाबाहक उम्मेदवारलाई जिताएर न्याय गर्ने र एमालेको सरकार निर्माण भइ पाँच बर्ष जनमुखी काम गरिने दावी गरे ।
मकवानपुर । मकवानपुर क्षेत्र नम्बर–२ मा नेकपा एमालेका उम्मेदवार महेश बर्तौलाले भीमफेदिको निबुवाटारमा बन्दै गरेको रंगाशाला स्तरीकरणमा आफूले ध्यान दिने बताएका छन । राष्ट्रिय खेलाडी उत्पादन गर्नु पर्ने बताउदै नेकपा एमाले भीमफेदी ४ वडा कमिटीले आयोजना गरेको बैठकमा बर्तौलाले भने आफुले निर्वाचन जितेपछी रंगाशालाको स्तरीकरणमा ध्यान दिने छु।
बर्तौलाले रंगाशालाको लागि आवश्यक भौतिक पूर्वाधार र सबै व्यवस्थापनमा योजना बनाएर काम गर्ने बताए । बागमती प्रदेसमा अघिल्लो सरकार एमालेको हुंदा र पालिकामा एमालेको नेतृत्व हुंदा कामको सुरुवात भएको बताउदै उनले भने भीमफेदीको बिकासको लागि आवश्यक योजना रहेको छ । २ सय बिद्यार्थी अटाउने छात्रावास, प्रत्यक घरमा खानेपानीको सुनिश्चितता, चिसापानी गढि र मैत्री बगैंचाको पर्यटन व्यवस्थापन, होमस्टे, कृषि उधम लगायको क्षेत्रमा योजना बैक तयार गरेर काम गरिने बर्तौलाले बताए ।
कार्यक्रममा बोल्नुहुंदै संघीय निर्वाचन क्षेत्र नम्बर–२ को (क) का उम्मेदवार बिष्णु प्रसाद ढकालले बिपक्षी गठबन्धनले नेपालको मौलिकता र सहिष्णुता भड्किने गरि जातको कुरा गरेको बताउदै एमालेले पनि प्रदेश सभामा समानुपातिक तर्फ बलराम बललाई उम्मेदवार बनाएको बताए । उम्मेदवार ढकालले आफू लामो समय पार्टी काममा भीमफेदिसंग जोडिएको बताउदै भने थाहानगर भीमफेदीसंग जोडिएकोले समृद्धिको लागि आफुले योजना बनाएर बिकासको काम जनता संग सल्लाह गरेर गर्ने बताए ।
कार्यक्रममा सहभागी पार्टिको नेता, कार्यकर्ता संग उम्मेदवार बर्तौला र ढकालले सुझाब लिएका थिए । उम्मेदवार द्वयले जनतासंग आफुहरुको मन गाँसिएको र आफ्नो गठबन्धन जनतासंग भएको बताउदै आफुहरु जनताले दिएको सुझाव अनुसार अघि बढ्ने प्रष्ट पारे । सहभागी कान्छी थापाले एमालेले चुनाब जितिसकेको बताउदै २०७४ मा जितेका बिरोध खतिवडा जस्तो गाउँ नफर्किने काम नगर्न आग्रह गरेकी थिइन् ।
मकवानपुर । लोकतान्त्रिक बाम गठबन्धनबाट मकवानपुर प्रतिनिधि सभा क्षेत्र नम्वर २ प्रदेश सभा (ख) का उम्मेदवार इन्द्रबहादुर बानियाँले गठबन्धनकै नेतृत्वमा अब आम जनताको अवस्थामा परिवर्तन आउने बताएका छन् ।
बिहीबार कैलाश गाउँपालिकामा भएको बृहत सभालाई सम्बोधन गर्दै कांग्रेस बागमती प्रदेश सभापतिसमेत रहेका बानियाँले भ्रष्टाचार न्यूनिकरण गर्दै देश र जनतालाई आर्थिक समृद्धितर्फ लैजान गठबन्धनकै नेतृत्व आवश्यक भएको बताए ।
केपी ओली नेतृत्वको सरकारले २र२ पटक प्रतिनिधिसभा विघटन गरी समावेशी लोकतन्त्र, धर्मनिरपेक्षता, संविधान जस्ता महत्वपूर्ण उपलब्धी मास्न खोजेको भन्दै संविधानविरोधी तत्वलाई यो निर्वाचनबाट जरैदेखि उखेल्नुपर्ने उनले बताए ।
बानियाँले भने, ‘गणतन्त्र ल्याउने बेलामा लाखौँ जनता सडकमा हुँदा ओली कुनै आन्दोलनमा थिएनन्, बयलगाडा चढेर अमेरिका पुग्नु र गणतन्त्र आउनु एकै हो भन्दै बसेका ओली सत्तामा रहँदा भ्रष्टाचार र विभिन्न घोटालामा संलग्न रहे ।’
४ वर्ष केन्द्र र प्रदेश सरकारको नेतृत्व गर्दा बजेट विनियोजनमा कैलाश गाउँपालिकालाई एमालेले उपेक्षा गरेको भएपनि गठबन्धनको सरकार आउनासाथ १० महिनामा १८ करोड बजेट पूर्वाधार विकासमा विनियोजन गरिएको उनले बताए ।
कैलाश–९ लोकतान्त्रिक बाम गठबन्धन निर्वाचन प्रचारप्रसार समितिका संयोजक भुवनसिं घलानको सभाध्यक्षतामा भएको कार्यक्रममा गठबन्धनबाट मकवानपुर प्रतिनिधिसभा क्षेत्र नम्वर २ का उम्मेदवार विरोध खतिवडा, कांग्रेस बागमती प्रदेश सदस्य चम्फुरत्न लामा, माओवादी केन्द्रका बागमती प्रदेश सचिवालय सदस्य जनक बर्तौला, कांग्रेस मकवानपुर क्षेत्र नम्वर २ का संघीय सभापति लोकबहादुर मुक्तान, महासमिती समस्य उमा दाहाल, एकीकृत समाजवादी जिल्ला सदस्य अरुण बर्तौलालगायत नेताहरुको उपस्थिति रहेको थियो ।
मकवानपुर । मकवानपुरमा आसन्न निर्वाचनमा उम्मेदवारी दर्ता गराएका उम्मेदवारहरु ग्रामिण बस्तीहरुमा घरदैलो कार्यक्रममा व्यस्त हुन थालेका छन् । उम्मेदवारहरुसँग मतदाताहरुले आ आफ्नो स्थानमा रहेको व्यक्तिगतदेखि सामाजिक विकासका समेत माग गर्ने गरेका छन् ।
मकवानपुरको बागमती गाउँपालिकामा भएको मतदाता भेटघाटमा गुणस्तरीय शिक्षा र स्वास्थ्यको माग उम्मेदवारसँग राखेका छन् । बागमती गाउँपालिका ३ माझगाउँका मतदाताले त्यसै क्षेत्र अन्तर्गत प्रतिनिधि सभा १ प्रदेश सभा क का उम्मेदवार प्रेम बहादुर पुलामीसँग गुणस्तरीय शिक्षा र स्वास्थ्यको माग गरेका हुन् । नेकपा माओवादी केन्द्र बागमती प्रदेश उपाध्यक्ष तथा सत्ता गठबन्धनका प्रदेश सभा उम्मेदवार पुलामीसँग शिक्षा स्वास्थ्य लगायत भौतिक पूर्वाधारको निर्माण समेतको माग गरेका हुन् ।
बागमती गाउँपालिका १ का डोर बहादुर थापाले नेता पुलामीसँग गाउँपालिकामा प्रदेश सरकार र स्थानीय सरकारले विकास गरेको भए पनि त्यो पर्याप्त नभएको बताए । थापाले भने– भौतिक विकासका धेरै काम भएका छन् तर शिक्षा स्वास्थ्य जस्था जनताको आधारभूत आवश्यकताको विकासमा समेत पहल गरिदिनु होला ।’ नेता पुलामीको गृह पालिका भएकोले उहाँले आफ्नो क्षेत्रमा उलेख्य विकास गर्नु पर्ने थापाले सुझाव दिए ।
अर्का मतदाता भेष बहादुर घिसिङले पहिलाको बागमती र अहिलेको बागमतीमा आकाश जमिनको फरक भएको बताउँदै नेता पुलामीको पहलमा विकास निर्माणले गति लिएको बताए । बागमती २ की बिक्की पहरीले बर्तमान राईगाऊँ, माझगाऊँमा विकासले गति लिएको भएपनि खहरे नियन्त्रण, पुल लगाएतका कार्य पुरा हुन अझ बाँकी रहेको भन्दै नेता पुलामीबाट नै यस क्षेत्रका मतदाताहरुले अपेक्षा राखेको बताइन् ।
उम्मेदवार पुलामीले आफु निर्वाचित हुँदा होस वा उम्मेदवार नै नरहेको अबस्थामा होस यस क्षेत्रका जनतालाई साथ नछोडेको बताए । ब्यबस्था बदल्न भएको निर्वाचनको कार्यभार पुरा गर्न सफल भएको भन्दै अब अबस्था बदल्न पनि सफल हुने बिस्वास ब्यक्त गर्दै जनअपेक्षा बमोजिम आफुले काम गर्ने प्रतिबद्धता समेत उनले ब्यक्त गरे ।
