मकवानपुर । मकवानपुरकाे हेटौंडा १० स्थित टिसिएन चौरमा माघ ११ गतेदेखि जारी महोत्सवमा राष्ट्रिय कलाकारको प्रस्तुतीमा दर्शकहरु उत्साह पुर्वक झुमेका छन् । महोत्सवको पाँचौ दिन माघ १५ गते आइतबार समेत अवलोकन गर्न आएका दर्शक गीतसंगीतमा झुमेका हुन् । यस अघी समेत राष्ट्रिय तथा स्थानीय कलाकारकाे प्रस्तुतीमा दर्शकले भरपुर साथ दिएका थिए ।
आइतबार दर्शकदीर्घामा नाच्दै कम्मर मर्काउँदै गायक रमेशराज भट्टराई र गायिका सहिमा श्रेष्ठको गीतमा दर्शकहरु रमाएका हुन् । गायक भट्टराईले बेहुला बनाउँछु भन्थी बहुला बनाएर गई…, तिमी लास्टै क्यूटि छौ र म फिदा भाको छु…,आखिर सिन्दुरपोते अर्कैको सजाएर गई…, टन्न पैसा कमाउला भन्थेउ भन्ने गीत लगायत विभिन्न गीत प्रस्तुत गर्दै हेटौंडेली दर्शकलाई नचाएका थिए ।
गीतमा रमाउँदै गरेका हेटौंडेलीहरु स्याण्टअप कमेडीमा चर्चित रहेकी कमेडियन सीता न्यौपानेले सबैलाई हसाउँन सफल भएकी छिन् । व्यङ्ग्यात्मक रुपमा प्रस्तुत भएकी न्यौपानेले युवापुस्तालाई व्यङ्ग्य गर्दै सबैलाई हसाएकी थिइन् । शनिबार राष्ट्रिय कलाकार गायिका टिका प्रसाई र गायक किरण भुजेल, कमेडियन राजा राजेन्द्र पोखरेलले आफ्नो प्रस्तुती दिएका थिए ।
सोमबार चर्चित बाल गायक अशोक दर्जी, गायक÷संगीतकार टंक बुढाथोकी, गायिका मञ्जु पौडेल, हेटौंडेली कलाकार सुलेमान शंकर ईकु, गायक प्रदीप त्रिपाटी आउने महोत्सवका कलाकार मनोञ्जन समितिका संयोजक एवम् संघका उपाध्यक्ष उज्वल चौलागाईले बताए ।
महोत्सवमा हेटौंडा आइडलगायन प्रतियोगिता र हेटौंडा डान्सिङ स्टार प्रतियोगिता पनि भइरहेको छ ।हेटौंडा आइडल र हेटौंडा डान्सिङ स्टारमा मकवानपुरका विभिन्ननवप्रतिभाहरुले प्रतिस्पर्धा गरिरहेका छन् । महोत्सवलाई हेटौंडाको उत्पादन शिवम सिमेन्टले प्रायोजन गरेको छ भने सह—प्रायोजकमा युनिलिभर नेपाल लिमिटेड, नेपाल ब्रुअरिज र लक्ष्मी ग्रुप (हुण्डाई) रहेको महोत्सवका मुल संयोजक एवम् मउवा संघका अध्यक्ष कृष्ण कुमार गुप्ताले बताए ।

मेला सम्पन्न गर्न जिल्ला समन्वय समिति मकवानपुर र हेटौंडा उपमहानगरपालिका प्रवर्द्धकको रुपमा रहेका छन् भने महोत्सवको सह—आयोजकमा बागमती प्रदेश सरकारको उद्योग वाणिज्य तथा आपूर्ति मन्त्रालय, संस्कृति तथा पर्यटन मन्त्रालय र कृषि तथा पशुपन्छी विकास मन्त्रालय रहेको मकवानपुर उद्योग वाणिज्य संघले जनाएकाे छ । महोत्सवको टिकट प्रायोजकमा शौर्य सिमेन्ट, रिद्धिसिद्धी सिमेन्ट रहेको छ । महोत्सवको आधिकारिक विमा कम्पनीको रुपमा एनएलजी विमा कम्पनी रहनुका साथै लोगो प्रायोजकमा राष्ट्रिय वाणिज्य बैंक र नेपाल ईकरात रहेको मुख्य आयोजक संघले जानकारी दिएकाे छ ।
महोत्सव माघ २३ गतेसम्म सञ्चालन हुनेछ १० औं राष्ट्रिय औद्योगिक व्यापार महोत्सवमा हेटौंडा आइडल डान्सिङ स्टार, जुम्लाको मार्सी चामल, केराको मःम, रैथाने बाली कोदोको पिठो बाटकोदोको विष्कुट, निमकिन, पोखराको खुवा, नेपाल टेलिकमको फ्री सिमकार्ड, हिमाली भीरमौरीको मह, भोजपुरे खुकुरी, प्राचिन हस्तकलाको झ्याल, ढोका, पुस्तक प्रदर्शनी, आइसगोला र मकवानपुरे आइसक्रिम, ल्यापटप एवम् मोवाइलको फ्रि सर्भिससिङ रहेकाे संघका महासचिव दिपक उप्रेतीले बताए ।
यस्तै मोडुलर किचेन,टाटा, सिजीका विभिन्न किसिमका इलेक्ट्रिक गाडीहरु,बालबालिकाको लागि फन पार्क,स्थानीय एवम् राष्ट्रिय कलाकारहरुको दैनिक प्रस्तुती, हेटौंडा र अन्य अस्पतालका डाक्टरहरुबाट निःशुल्क स्वास्थ्य शिविर,क्यारियर काउन्सिलिङ र दैनिक उपभोग्य वस्तुहरुसमेत विक्री वितरण भइरहेको उप्रेतीले जानकारी दिए ।
मकवानपुर । सिकाईलाई केन्द्रबिन्दु मानेर प्रबिधिमैत्री पठनपाठन आवश्यकता रहेकाे बताइएकाे छ । सामुदायिक विद्यालयमा शैक्षिक गुणस्तर सुधार गर्न विद्यालयका प्रधानाध्यापकसँग हेटाैडामा भएकाे अन्तरक्रियामा सामाजिक विकास मन्त्रालयका सचिव रामशरण सापकोटाले उक्त कुरा बताएका हुन् ।
सापकाेटाले प्रविधिमैत्रीसँगै विद्यालयमा विद्यार्थी केन्द्रित सिकाईलाई केन्द्रबिन्दु मानेर पाठ्यक्रममा आधारित शिक्षणमा जोड दिन समेत आग्रह गरेका छन् । शिक्षा विकास तथा समन्वय ईकाई हेटौंडाको आयोजनामा गरिएको अन्तरक्रियामा प्रधानाध्यापकका सम्बन्धमा ऐन, नियमावली तथा निर्देशिकामा भएका ब्यवस्थाहरु, विद्यालयमा देखिएका चुनौती, विद्यालय शिक्षाको गुणस्तर सुधारका उपाय सम्बन्धमा अन्तरक्रिया गरिएको थियो ।
कार्यक्रममा शिक्षा विकास निर्देशनालयका निर्देशक पूर्णबहादुर दर्जीले सामुदायिक विद्यालयका प्रधानाध्यापक सक्रिय भएमा विद्यालयकाे शिक्षामा सुधार ल्याउन सकिने बताए। शिक्षा क्षेत्रमा लामाे समय काम गरी सेवानिबृत्त भएका डा. तोयानाथ खनालले सहजीकरण गरेकाे अन्तरक्रियामा राट्रिय शिक्षानीति २०७६, विद्यालय शिक्षा सम्बन्धी नीतिगत चुनौती, विद्यालय शिक्षामा सुधारका उपायका बारेमा बिभिन्न जिल्लामा भएका अभ्यासकाे जानकारी गराएका थिए ।
कार्यक्रममा डिभिजन बनकार्यालय राप्तीका प्रमुख बिष्णुप्रसादआचार्यले संरक्षण शिक्षासम्बन्धी वन कार्यालय राप्ती, मनहरीले प्रकाशन गरेको वातावरण शिक्षा पुस्तककाे जानकारी दिंदै सो पुस्तकलाई सबै विद्यालयमा पठनपाठन गर्न आग्रह गरेका थिए । मकवानपुरलाई सालकको जिल्लाका रुपमा परिचित गराउन र सालक संरक्षणमा बालबालिकामार्फत् अभिभावकसम्म जानुपर्ने आचार्यले बताए ।
शिक्षा विकास तथा समन्वय ईकाई हेटाैडाका प्रमुख दिनानाथ गौतमको सभाध्यक्षता र जिल्ला समन्वय समितिकाअध्यक्ष ललित घलानको प्रमुख आतिथ्यमा भएको कार्यक्रममा मुख्यमन्त्री तथा मन्त्रिपरिषद्को कार्यालय बागमतीका उपसचिव बद्री बहादुर पाठक, राष्ट्रिय परीक्षा बोर्ड हेटौंडा प्रमुख कृष्णप्रसाद घिमिरे, हेटाैडा उपमहानगरपालिका शिक्षा महाशाखा प्रमुख गंगाधर रिमाल र मकवानपुरका सामुदायिक तथा संस्थागत विद्यालयका प्रधानाध्यापकहरुको सहभागिता रहेको थियो ।
मकवानपुर । अख्तियार दुरुपयोग अनुसन्धान आयोगको कार्यालय हेटौंडाले आयोजना गरेको निबन्ध प्रतियोगितामा रेजा विष्ट प्रथम भएकी छिन् । प्रतियोगितामा ९५ जना प्रतिस्पर्धीलाई पछि पार्दै विष्ट प्रथम भएकी हुन् ।
अख्तियार दुरुपयोग अनुसन्धान आयोगको ३२ औं स्थापना दिवसको अवसरमा आयोजित माध्यमिक तहस्तरीय निबन्ध प्रतियोगितामा १० कक्षामा अध्ययनरत विष्ट प्रथम भएकी हुन् । नवोदय शिशुसदन हेटौंडा–४ मा अध्ययनरत विष्टले प्रतियोगिताका ९५ प्रतिस्पर्धीलाई पछि पार्दै प्रथम भएकी आयोगका उपसचिव विष्णु प्रसाद सापकोटाले जानकारी दिए ।
बागमती प्रदेश भित्रका विद्यालयहरुमा माध्यमिक तहमा अध्ययनरत विद्यार्थीहरुकाे सहभागिता प्रतियोगितामा काठमाडौं मोडेल सेकेण्डरी स्कुलका कक्षा १२ मा अध्ययनरत आकांक्षा पाण्डे द्वितीय र पोलार स्टार सेकेण्डरी इङ्लिस बोर्डिङ स्कूल भरतपुर–८ चितवनमा कक्षा ११ मा अध्ययनरत आदित्य सापकोटा तृतीय भएकाे सापकाेटाले बताए ।
अख्तियार दुरुपयोग अनुसन्धान आयोगको कार्यालय हेटौंडाको निबन्ध मुल्याङ्कन समितिको १५ माघमा भएको बैठकको निर्णयबाट नतिजा सार्वजनिक गरिएको उपसचिव सापकोटाले जानकारी दिए ।
मकवानपुर । हेटौंडा उपमहानगरपालिकाको स्थापना दिवस सप्ताहाव्यापी कार्यक्रम गरी मनाइने भएकाे छ । उपमहानगरपालिकाकाे ५४ औं स्थापना दिवसकाे अवसर पारेर माघ २५ बाट सप्ताहाव्यापी कार्यक्रम घोषणा गरिएको छ ।
कार्यपालिका बैठकले स्थापना दिवस मनाउन नगर प्रमुख मिनाकुमारी लामाको संयोजकत्वमा मुल समारोह समिति गठन गरेको छ । समितिको सह–संयोजकमा उपप्रमुख राजेश बानियाँ र सदस्यहरुमा नगरका १९ वटै वडाका अध्यक्ष तथा कार्यपालिका सदस्यहरु रहेका छन् । समितिका सदस्य सचिवमा प्रमुखप्रशासकियअधिकृत शिबराज चौलागाई रहेका छन् ।
मुल समारोह समितिले उपमहानगरको ५४ बर्षको इतिहासबारे जानकारी गराउन कार्यपालिकाका प्रवक्ता तथा हेटौंडा उपममहानगरपालिका वडा नम्बर १ का अध्यक्ष सबिन न्यौपाने संयोजक रहेको स्मारीका प्रकाशन समिति हेटौंडा–६ का अध्यक्ष बिष्णुबहादुर दहाल संयोजक रहेको सम्मान तथा शिष्टाचार समिति, प्रमुखप्रशासकियअधिकृत शिबराज चौलागाइ संयोजक रहेको नगर दिवस व्यवस्थापन समिति गठन गरेको छ ।
कार्यपालिका बैठकले स्थापना दिवस मनाउनकालागि गठन गरेको अतिरिक्त क्रियाकलाप समितिले विभिन्न क्रियाकलाप गरी नगरकाे स्थापना दिवस मनाइने जनाएकाे छ । स्थापना दिवसकाे अवसरमा माघ २५ गते हेटौंडा–७ को नागस्वती खेल मैदानमा पुरुष तथा महिला फुटबल, माघ–२६ गते हेटौंडा–४ हुप्राचौरमा महिला तथा पुरुष भलिवल, माघ–२७ गते महिला तथा पुरुष डण्डिबियो, माघ २८ गते टोल बिकास सस्था नगर र वडा समन्वयसँग म्युजिकल चियर प्रतियोगिता गरिने भएको छ ।
त्यस्तै दिवसकोअवसरमा उपमहानगरले सञ्चालन गर्दै आएको ‘सफा हेटौंडा अभियान’ अन्तर्गत हेटौंडा–१० बसपार्क क्षेत्रमा सरसफाई सहित माघ २९ गते रक्तदान कार्यक्रमको तयारी गरेको समितिका संयोजक तथा हेटौंडा उपमहानगरपालिका वडा नम्बर १५ का वडा अध्यक्ष सुनिल मुक्तानले जानकारी दिए ।
स्मारीका प्रकाशन समितिको सदस्यमा उपमहानगरका सामाजिक विकास महाशाखा प्रमुख भिमप्रसाद तिमल्सिना, समन्वय शाखाका प्रमुख जगन्नाथ सापकोटा, सूचना प्रविधि अधिकृत भानुभक्त थपलिया रहेका छन् । सम्मान तथा शिष्टाचार समितिको सदस्यमा हेटौंडा–१४ का वडा अध्यक्ष दिपक खड्का, हेटौंडा १६ काअध्यक्ष रामकृष्ण कोइराला, कार्यपालिका सदस्य इश्वरी बिक, नगरसभा सदस्य रञ्जु लामा र सदस्य सचिवमा उपमहानगरका प्रशासन महाशाखा प्रमुख शान्ति विश्वकर्मा रहेका छन् ।
अतिरिक्त कृयाकलाप समितिको सदस्यमा कार्यपालिका सदस्य साधना श्रेष्ठ, नगरसभा सदस्य सविना बिडारी, सन्तुमाया पाख्रिन, इन्द्रप्रसाद रिजाल रहेको समितिको सदस्य सचिवमा वसन्तकुमार सिटौंला रहेका छन् । स्थापनादिवसको लागि गठित नगर दिवस व्यवस्थापन समितिको सदस्यमा सबै महाशाखा प्रमुख, आर्थिक प्रशासन, कृषि, सूचना प्रविधि, फोहर मैला तथा व्यवस्थापन, समन्वय शाखा प्रमुख र नगर प्रहरी इन्चार्ज रहेका छन् ।
कार्यपालिका बैठकबाट स्थापनादिवस मनाउन समिति गठन भएकाे तथा सबै समितिहरुले जिम्मेवारी वहन कार्य जिम्मेवारी अघि बढाएका उपमहानगरपालिकाका प्रवक्ता सबिन न्यौपानेले जानकारी दिए । उपमहानगरले तत्कालिन नगर पञ्चायतको २०२६ फागुन १ गते बसेको प्रथम बैठकलाई आधार मानि स्थापना दिवस मनाउने नगर सभाकाे १२ औं अधिवेशनमा निर्णय भएकाे थियाे । साेही अनुसार नगर स्थापना दिवस मनाउने तायारी गरिएकाे न्याैपानेले बताए ।
केशव भट्टराई
चितवन । रत्ननगर नगरपालिकाका मेयर, उपमेयरलगायत जनप्रतिनिधिहरुको टोलीले रत्ननगर–५, ६ र ७ भित्र भएका पछिल्ला विकास निर्माणका आयोजनाहरुको अनुगमन गरेको छ ।
नगरप्रमुख प्रल्हाद सापकोटा, उपप्रमुख यादवप्रसाद पाठक, वडा नं–५ का वडाध्यक्ष बालकृष्ण चापागाईं, वडा नं–६ का वडाध्यक्ष किरण चौधरी, वडा नं–७ का वडाध्यक्ष सजना महतो, आर्थिक समितिका संयोजक एवं वडा नं–३ का वडाध्यक्ष सोहेन्द्रराज खरेल, विज्ञ सल्लाहकार रामहरि न्यौपाने, इन्जिनियर पंकज गिरीलगायतको टोलीले नगरभित्र चालू अवस्थामा रहेका ठूला र नगरगौरवका आयोजनाहरुको स्थलगत अनुगमन तथा निरीक्षण गरेको हो ।
नगरप्रमुख सापकोटाको नेतृत्वमा विभिन्न आयोजनाहरुको स्थलगत अनुगमनमा निस्किएको नगरको टोलीले रत्ननगर–६ र ७ मा नमुना पर्यटकीय मार्गअन्तर्गत भइरहेको साइकल लेन, नाला र फुटपाथसहितको १५ मिटर सडक, राप्ती ड्याकदेखि मगरटोल हुँदै खैरहनी बोटेतालसम्म सडकको अधिकारभित्र पर्ने स्थायी तथा अस्थायी संरचना भत्काउन निर्देशन दिएको छ ।
सहरी विकास मन्त्रालयअन्तर्गत सघन सहरी भवन निर्माण आयोजनाको लागि लोहनी–लोहनी एन्ड सन्स्–हेमन्त जेभी निर्माण कम्पनीसँग ठेक्का सम्झौता भई आयोजनाको काम अगाडि बढेको छ । सो कम्पनीलाई निर्माण सामग्रीको गुणस्तरदेखि समयमै काम गर्न निर्देशन दिइएको नगरप्रमुख सापकोटाले बताए ।
यस्तै, प्रदेश मन्त्रालयको आव २०७९/०८० को समपुरक योजनाअन्तर्गत वडा नं ६ राप्ती ड्याक मालपुरको चराचोक हुँदै निर्माणाधीन नाला, फुटपाथसहितको नमुना पर्यटकीय सामुदायिक मार्गको पनि अवलोकन तथा अनुगमन गरी निर्माण कम्पनी शिवम् कन्ट्रक्सनलाई गुणस्तरमा कैफियत नगरी काम गर्न निर्देशन दिइएको छ ।
वडा नं–६ का वडाध्यक्ष किरण चौधरीका अनुसार जनप्रतिनिधिको प्रत्यक्ष निगरानीमा दुवै आयोजनाको काम अगाडि बढेको बताए । उनले भने, ‘निर्माण सामग्रीको गुणस्तरमा कुनै सम्झौता हुँदैन । निर्माण कम्पनीलाई कुनै बहानामा ढिलासुस्ती गर्न छूट छैन ।’
नगरका कुनै पनि विकास निर्माणका आयोजनाहरुको विशेष अनुगमन गरिरहेको बताउँदै नगरप्रमुख सापकोटाले विकास निर्माणका आयोजनाहरुमा ढिलाइ गर्ने, लापर्बाही गर्ने र राजनीति गर्न खोज्नेलाई नगरले कडारूपमा कारबाही गर्ने चेतावनी दिए । ‘विकास निर्माणमा अवरोध पुर्याउन खोज्ने र पुर्याउने दुवैलाई कारबाही गरिन्छ’, उनले भने, ‘विकासका काममा तेरो र मेरो भनेर ढिलासुस्ती गर्ने ठेकदारहरुलाई क्रमैसँग नगरपालिका कारबाहीमा उत्रिन्छ ।’
‘हामी रत्ननगरलाई रत्न बनाउने अभियानमा छौँ’, नगरप्रमुख सापकोटाले भने, ‘विकास निर्माणका कामले गति लिइरहेको छ । हामी नमुना नगरका रूपमा स्थापित गर्न प्रयत्नशील छौँ ।’
