मकवानपुर । बागमती प्रदेशको प्रदेश नीति तथा योजना आयोगमा दुइ जना नियुक्त भएका छन् ।
आज बिहान बसेको मन्त्रिपरिषद्को बैठकले प्रदेश नीति तथा योजना आयोगको सदस्यमा दुइजनालाई नियुक्त गरेको हो । बैठकले आयोगको सदस्यहरुमा डाक्टर दिपेन्द्र श्रेष्ठ र डाक्टर जयन्त खनाललाई नियुक्त गरेको आर्थिक मामिला तथा योजना मन्त्री तथा प्रदेश सरकारका प्रवक्ता जगन्नाथ थपलियाले बताए।
यसैगरी मन्त्रिपरिषद्को बैठकले प्रदेशमा खर्च कटौतीको प्रस्ताव पारित गरेको छ । अब कार्यान्वयनमा जाने समेत उनले बताए। यसैगरी कर्मचारी सम्वन्धी कानूनका विषयमा संसदमा छलफलका लागि लैजाने निर्णय भएको मन्त्री थपलियाले बताए ।
हेटौँडा । मकवानपुरको बकैया गाउँपालिकामा भएको आखा शिविरमा ५१ जनाको शल्यक्रिया गरिएको छ । बकैया जेसिसको आयोजनामा बकैया ४ गरगरे स्थित बकैया आधारभूत अस्पतालमा तीन दिनेसम्म संचालन भएको निःशुल्क आँखा जाँच तथा मोतिविन्दुको शल्यक्रिया शिविरमा ५ सय ५६ जनाको आँखा परीक्षण गरिएको छ ।
बकैया जेसीजले बकैया गाउँपालिको आर्थिक सहयोग, नेपाल आँखा अस्पताल त्रिपुरेश्वर, काठमाडौं र बकैया आधारभूत अस्पतालको प्राविधिक सहयोगमा शिविर सञ्चालन गरेको हो ।
बकैया गाउँपालिकामा भएको शिविरबाट गाउँपालिकाका १२ वटै वडा तथा छिमेकी बागमती गाउँपालिकाका आँखामा समस्या भएकाहरुलाई समेत लाभ पुगेको जेसीजका कोषाध्यक्ष विवेक बोलखेले बताए ।
जेसिसका कार्यकारी उपाध्यक्ष सुशील घिमिरेको संयोजनमा भएको समापन कार्यक्रममा बकैया जेसिज वर्ष २०२३ का अध्यक्ष अमोद बस्नेतले आगामी दिनमा पनि बकैया जेसीजले सामजिक क्रियाकलापलाई निरन्तरता दिने बताए ।
शिविर समापनमा बकैया गाउँपाकिला उपाध्यक्ष भक्तबहादुर खत्री, वडा नंबर ४ का वडाध्यक्ष राजन दंगाल, नेपाल आँखा अस्पताल त्रिपुरेश्वरकी डाक्टर पुनम श्रेष्ठ, हेटौँडा जेसिजका पब्लीक रिलेशन अफिसर संग्राम बल लामा, बकैया जेसीजका संस्थापक अध्यक्ष रमेश फुँयाल लगाएतको उपस्थिति थियो ।
मकवानपुर । हेटौंडामा जारी सहिद स्मृति स्थानीय तह अन्तर्राष्ट्रिय फुटबल प्रतियोगिता–२०७९ मा सशस्त्र प्रहरीको एपीएफ क्लबले सेमिफाइनलमा स्थान बनाएको छ ।
पाचौं सस्करणको प्रतियोगिता अन्तर्गत विहीबार हेटौंडा–५ स्थित पिप्ले क्याम्पा रंगशालामा भएको खेलमा विभागीय टोली त्रिभुवन आर्मीलाई टाइब्रेकरमा ४–२ गोलअन्तरले पराजित गर्दै एपीएफले सेमिफाइनल प्रबेश पाएको हो । खेलको निर्धारित समय गोल रहित बराबरीमा टुंगिएपछि खेल टाइब्रेकरमा धकेलिएको थियो ।
टाइब्रेकरमा एपीएफका नवीन लामा, सुदिप सिखाकार, सनी श्रेष्ठ तथा दिपेश धिमालले गोल गरेका थिए । आर्मीका लागि टेकबहादुर बुढाथोकी र विकास खवासले मात्र गोल गरे । नवयुग श्रेष्ठ र दीपक गुरुङको प्रहार सशस्त्रका गोलरक्षक राजु नगरकोटीले बचाएका थिए ।
खेलको म्यान अफ दी म्याच सशस्त्रका गाोलरक्षक राजु नगरकोटी घोषित भए । उनले नगद दशहजार रुपैयाँ प्राप्त गरेका छन् । मकवानपुरको हेटौंडा-५ स्थित पिप्ले क्याम्पा रंगशालामा जारी खेलमा ७ वटा ए डिभिजन र एक अन्तराष्ट्रिय क्लबसहित १२ टिमको सहभागिता रहेको छ ।
प्रतियोगिताको उपाधि विजेता टोलीले नगद १५ लाख र उपविजेता टोलीले १० लाख रुपैयाँ प्राप्त गर्ने छन् । प्रतियोगितामा विद्यागत उत्कृष्ट खेलाडीले २५ हजार र म्यान आफ दि म्याच खेलाडीले १० हजार रुपैयाँ प्राप्त गर्नेछ ।
पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ मा भएको तेस्रो संस्करण र गत जेठमा सम्पन्न चौथो संस्करणको उपाधि त्रिभुवन आर्मी फुटबल क्लबले जितेको थियो ।
प्रतियोगिताको सर्वोकृष्ट खेलाडीले रोयल इन्फिल्ड (बुलेट) मोटरसाइकल पाउने छन् । त्यसका लागि अघिल्लो दुई संस्करणमा झैं यस वर्ष पनि हेटौंडा स्कूल अफ म्यानेजमेण्ट एण्ड सोसियल साइन्सेसले प्रायोजन गरेको छ ।
शुक्रबार आयोजक मकवानपुर ११ र मनाङ मर्स्याङ्दी क्लबवीच प्रतिस्पर्धा हुनेछ ।
मकवानपुर। मकवानपुरकाे बकैया गाउँपालिकामा भएकाे निःशुल्क आखाँ शिविरमा ३७ जनाकाे अप्रेशन गरिएकाे छ । बकैया जेसिसको आयोजनामा पूर्वि मकवानपुरको बकैया ४ गरगरेमा भएकाे शिविरकाे दाेस्राे दिनसम्म ४ सय २४ जनाले सेवा लिएका छन् ।
बकैया आधारभूत अस्पतालमा तीन दिनसम्म सचालन हुने निःशुल्क आँखा जाँच तथा मोतिविन्दुको शल्यक्रिया शिविरको पहिलाे दिन १ सय ७५ र दोस्राे दिन आज २ सय ४९ जनाकाे आखाँ परीक्षण गरिएकाे हाे । बकैया जेसिसकाे आयाेजना तथा बकैया गाउँपालिका, नेपाल आँखा अस्पताल त्रिपुरेश्वर, काठमाडौं र बकैया आधारभूत अस्पतालको प्राविधिक सहयोगमा सञ्चालन गरेको शिविरमा ५० जनामा मोतिविन्दुको समस्या देखिएकोमा ३७ जनाको सफल परिक्षण गरिएको बकैया जेसिसका कार्यकारी उपाध्यक्ष जितेन्द्र दाहालले बताए ।
आँखा सम्बन्धी समस्याका बिरामीलाई लक्षित गर्दै बकैया जेसिजले गाउँपालिका, आँखा अस्पताल त्रिपुरेश्वर र आधारभूत अस्पतालको प्राविधिक सहयोगमा शिविर सञ्चालन गरेको हो । जेसिसका कार्यकारी उपाध्यक्ष शुसिल घिमिरेको संयोजनमा भएको कार्यक्रममा बकैयाका सयौँ आँखामा समस्या भएकाहरुलाई सहयोग गरेको छ । शिविरले आँखामा समस्या भएपनि अस्पतालसम्म पुगेर उपचार गर्न नसक्नेहरुलाई राहात दिएको हो । शिविर विहीबारसम्म सञ्चालन हुने जेसिसका सचिव सरोज ढुंगेलले बताए ।
मकवानपुर । मकवानपुरको हेटौंडामा जारी पाँचौं संस्करणको सहिद स्मृति स्थानीय तह अन्तर्राष्ट्रिय फुटबल प्रतियोगिता–२०७९ को बुधबार भएको खेलबाट एभिनियर एफसी क्यामरुन सेमिफाइनलमा प्रवेश गरेको छ ।
खेलमा वीरगञ्ज युनाइटेडलाई २–० गोलअन्तरले पराजित गर्दै क्यारुनी टोलीले अन्तिम चारमा स्थान बनाएको हो । एभिनियर एफसीको जीतमा यानिक योहाना र साबाले गोल गरेका थिए । यानिकले खेलको मिनेट ३९ र साबले ७४ औं मिनेटमा गोल गर्दै जीन सुनिश्चित गरेका हुन् ।
खेलको म्यान अफ दी म्याच वीरगञ्जका उमेश कार्की घोषित भए । उनले नगद दशहजार रुपैयाँ प्राप्त गरेका छन् ।
मकवानपुरको हेटौंडा-५ स्थित पिप्ले क्याम्पा रंगशालामा जारी खेलमा ७ वटा ए डिभिजन र एक अन्तराष्ट्रिय क्लबसहित १२ टिमको सहभागिता रहेको छ ।
प्रतियोगिताको उपाधि विजेता टोलीले नगद १५ लाख र उपविजेता टोलीले १० लाख रुपैयाँ प्राप्त गर्ने छन् । प्रतियोगितामा विद्यागत उत्कृष्ट खेलाडीले २५ हजार र म्यान आफ दि म्याच खेलाडीले १० हजार रुपैयाँ प्राप्त गर्नेछ ।
पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ मा भएको तेस्रो संस्करण र गत जेठमा सम्पन्न चौथो संस्करणको उपाधि त्रिभुवन आर्मी फुटबल क्लबले जितेको थियो ।
प्रतियोगिताको सर्वोकृष्ट खेलाडीले रोयल इन्फिल्ड (बुलेट) मोटरसाइकल पाउने छन् । त्यसका लागि अघिल्लो दुई संस्करणमा झैं यस वर्ष पनि हेटौंडा स्कूल अफ म्यानेजमेण्ट एण्ड सोसियल साइन्सेसले प्रायोजन गरेको छ ।
विहीबार त्रिभुवन आर्मी क्लब र सशस्त्र प्रहरीको एपीएफ क्लबबीच खेल हुनेछ ।
तस्बिर सौजन्य: पत्रकार दिपेश दाहाल
