मकवानपुर । निर्वाचन आयोगले प्रतिनिधिसभा तथा प्रदेश सभा सदस्यको निर्वाचनमा उम्मेदवार भई निर्वाचन खर्चकाे विवरण पेश नगर्ने उम्मेदवारलाई जरिवाना गर्ने निर्णय गरेकाे छ । आयाेगले २०७९ मंसिर ४ गते सम्पन्न निर्वाचनमा खर्च विवरण पेस नगर्ने उम्मेदवारलाई जनही १५ हजार रुपैयाँ जरिवानाकाे निर्णय गरेको हाे ।
मंगलबार आयोगले विज्ञप्ति प्रकाशन गरी विवरण सार्वजनिक नगर्ने प्रतिनिधिसभातर्फका १ हजार ३७ र प्रदेश सभातर्फका १ हजार ३ सय ९८ गरी जम्मा २ हजार ४ सय ३५ जनालाई १५ हजार रुपैयाका दलले जरिवाना गर्ने निर्णय गरिएको जनाएकाे छ ।
निर्वाचन आयाेगले गत बैशाखमा आफू उम्मेदवार रहेकाे प्रदेश तथा जिल्ला निर्वाचन कार्यालयमा नियमानुसार खर्च विवरण सार्वजनिक गरेकाे लिखित जानकारी गराएकाे थियाे । प्रतिनिधिसभातर्फ २ हजार ३ सय ७४ उम्मेदरवार र प्रदेश सभातर्फ ३ हजार १ सय ८८ उम्मेदवार गरी ५ हजार ५ सय ६२ उमेदवारलाई निर्वाचन खर्च सार्वजनिक गरेकाे जानकारी गराउन भनिएकाेकाे विज्ञप्तीमा उल्लेख गरिएकाे छ ।
जरिवाना गर्ने निर्णय भएका उम्मेदवारहरुले ३५ दिन भित्र राजश्व दाखिला गरेकाे भाैचर सहित निर्वाचन आयाेग वा निर्वाचन कार्यालयमा निवेदन दिनु पर्ने भएकाे छ भने ७ दिन भित्र निर्वाचन खर्चकाे विवरण बुझाउन पर्ने समेत आयाेगका प्रवक्ता शालिकराम शर्मा पौडेलद्वारा हस्ताक्षरित विज्ञप्तिमा उल्लेख गरिएकाे छ ।
मकवानपुर । नेकपा एमाले बागमती प्रदेश कमिटी अधिवेशन आगमी असोजमा हुने भएकाे छ । अधिवेश असाेज ८ र ९ गते हुने मिति तय भए पनि स्थान भने तय भएकाे छैन।
हालकाे बागमती प्रदेश कमिटीका सदस्यलाई जिल्ला र पालिका स्तरमा जिम्मेवारी दिने तथा प्रदेश कमिटीकाे आकार समेत घटाएर सानो आकारको कमिटी बनाउने तयारी गरिएकाे बुझिएकाे छ । एमाले केन्द्रीय कार्यालय सचिव डा. भिष्म अधिकारीका अनुसार गण्डकी प्रदेशको मिति तोक्न बाँकी छ । बाँकी प्रदेशले अधिवेशनको मिति तय गरिसकेका छन् ।
यसैगरी कोशी प्रदेशको अधिवेशन असोज १२ र १३ गते हुनेछ भने मधेश प्रदेशले असोज ५ र ६ गते अधिवेशन गर्ने भएकाे छ ।
लुम्बिनी, कर्णाली र सुदूरपश्चिम प्रदेशले भदौभित्रै अधिवेशन गर्ने निर्णय गरेको छ । भदौ १६ र १७ गते लुम्बिनी, भदौ २२ र २३ गते सुदूरपश्चिम प्रदेशले अधिवेशनको मिति तोकेको छ ।
प्रदेश अधिवेशनमा १ सय संगठित सदस्य बराबर १ जना प्रतिनिधि हुने व्यवस्था रहेकाे छ । प्रतिनिधि मध्ये ३३ प्रतिशत महिला अनिवार्य गर्ने, उत्पीडित समुदाय र मजदुरलाई कोटाबाट प्रतिनिधिमा ल्याउने तयारी गरिएकाे एमालेले जनाएकाे छ ।
प्रतिनिधि प्रक्रियाको चयन १५ साउनमा एमाले संगठन विभागले अभिलेखीकरण गर्ने सदस्यताको आधारमा हुनेछ । ‘पार्टी सदस्यको अन्तिम नामावली तयार भएपछि त्यही आधारमा अधिवेशनको प्रतिनिधि चयन र प्रतिनिधि छनोट हुनेछ’, कार्यालय सचिव अधिकारी भने ।
एमालेले आगामी एक वर्षभित्रै प्रदेश, जिल्ला र पालिका अधिवेशन गर्ने तालिका तय गरेको छ । त्यसअनुसार, सवैभन्दा पहिले प्रदेश अधिवेशन गर्ने तयारी एमालले थालेकाे हाे । प्रदेशपछि जिल्ला र पालिका तहको अधिवेशन हुनेछ । त्यसका लागि एमालेले फरक भूगोलका नेताहरुलाई जिल्ला इन्चार्ज बनाएर पठाएको छ भने प्रदेशको इन्चार्ज पार्टी सचिवहरुलाई जिम्मा दिएको छ ।
मनोरञ्जन क्षेत्रका श्रमिककाे अवस्था नाजुक
Tags: No Comments
मकवानपुर । मनोरञ्जन क्षेत्रमा कामगर्ने श्रमिकहरूको अवस्था सुधार गर्न सबै स्थानीय तहहरुसँग नियमित र निरन्तर अनुगमन तथा समन्वय आवश्यक रहेको बताइएको छ ।
हेटौंडामा आयोजना गरिएको एक कार्यक्रममा भएको बहसमा यस्तो बताइएको हो । कार्यक्रममा जिल्ला समन्वय समिति मकवानपुरका सभापति ललित घलानले सबैको सहकार्यबिना मनोरञ्जन क्षेत्रमा कामगर्नेहरूको अवस्थामा सुधार ल्याउन संभवन नभएको बताए ।
विश्वास नेपालको आयोजनामा भएको मनोरञ्जन तथा सत्कार सेवा क्षेत्रमा काम गर्ने श्रमिकहरुको हकहित र मर्यादित श्रम सम्बन्धी न्यूनतम मापदण्ड तथा अनुगमन निर्देशिका २०७० कार्यान्वयन सम्बन्धि जिल्ला स्तरिय कार्यशाला गोष्ठीमा यस्तो बताइएको हो ।
कार्यक्रममा हेटौंडा उपमहानगरपालिका महिला बालबालिका महाशाखा प्रमुख विष्णुकुमारी लामिछाने यो क्षेत्रका श्रमिकहरुको सुरक्षा र अधिकारको सवालमा धेरै तयारी बाँकी रहेको बताइन् ।
कार्यक्रममा मनहरी गाउँपालिका उपाध्यक्ष सिता पुलामीले अनौपचारिक क्षेत्रमा काम गर्ने श्रमिकहरुको अवस्था अत्यन्तै नाजुक रहेको बताइन् । उनीलाई शोषण दमनबाट मुक्त गराउनको लागी सचेतना आवश्यक रहेको पुलामीले बताइन् । कला प्रदर्शन गर्न पाउनु पर्ने तर, श्रम शोषण गर्न नपाइने उनले बताइन् ।
कार्यक्रममा विश्वास नेपालको अध्यक्ष तारा भण्डारीले प्रस्तुत गरेकी थिइन् । श्रमिकहरुको अवस्था सुधारको लागि सरोकारवालहरुसँगै आफूहरुले नियमित सहकार्य गर्ने भण्डारीले बताइन् ।
श्रम वा रोजगार कार्यालयका प्रमुख छन्दनारायण श्रेष्ठ श्रम ऐन र यसमा तोकिएको पारिश्रमिक बारे जानकारी गराएका थिए । यसैगरी जिल्ला प्रहरी कर्यालय महिला बालबालिका तथा ज्येष्ठ नागरिक सेवा केन्द्र प्रमुख चुडा खड्काले अधिकारको सवालमा सँगसँगै जिम्मेवारीको सवाल पनि उठाउनु जरुरी भएको बताइन् ।
मनोरन्जन क्षेत्रको लागि बनेको २०७७ को अनुगमन निर्देशिका सम्बन्धि जानकारी गराउने, अनुगमन समिति गठनका लागि कार्ययोजना तयार बनाउन पहल गर्ने, मनोरञ्जन तथा सत्कार सेवा व्यवसायमा नियमित अनुगमन गर्न पहल गर्ने उदेश्यले कार्यक्रम गरिएको अध्यक्ष भण्डारीले बताइन् ।
विश्वास नेपालले रेष्टुरेण्ट क्षेत्रमा कार्यरत श्रमिकहरूको हक अधिकार सुनिस्चित गर्ने पेशालाई मर्यादित र सम्मानित बनाउन पहल गर्ने, साथै श्रमिक महिलाहरूको आर्थिक तथा सामाजिक स्तर वृद्धि गर्ने उद्देश्यका साथ कार्यक्रमहरु गर्दै आएको छ ।
मकवानपुर । निर्माण व्यवसायी संघ मकवानपुरले हेटौंडा बजार क्षेत्रको सडक विस्तारको विषयमा धारणा सार्वजनिक गरेकाे छ । संघले साेमबार विज्ञप्ती प्रकाशित गर्दै भनेकाे छ ‘हेटौडाकाे सडक विस्तार गर्दा मुआब्जा नपाएका घरधनीहरुलाई उचित व्यवस्थापन गर्नु पर्छ ।
हेटौडाकाे राताेमाटेदेखि राप्तिपुलसम्म मापदण्ड अनुरुप २५ मिटर सडक फराकिलाे बनाउने गरी डिभिजन सडक कार्यालय मकवानपुरले प्रकाशन गरेकाे सूचना स्वागतयोग्य रहेको समेत संघ महासचिव राजेन्द्रप्रसाद चौलागाईद्वारा जारी विज्ञप्तीमा भनिएकाे छ ।
सडक फराकिलो बनाउनुपर्छ तर विकासको नाममा मुआब्जा नपाएका घरधनीहरुको बास नै नहरने गरी सडकमा पुर्याउने कार्य जनताको अभिभावक बन्नुपर्ने सरकार पक्षबाट हुन नहुने विज्ञप्तीमा उल्लेख गरिएकाे छ । प्रदेश राजधानी समेत रहेको हेटौंडा साँघुरो सडकका कारण भीडभाड र दुर्घटना बढी हुने गरेको छ । सडक विस्तार हुनुपर्छ तर बाँकी मुआब्जा वा क्षतिपूर्ति र व्यवसायीको व्यवस्थापनमा तीन तहकै सरकारले आवश्यक समन्वय र सहकार्य गरिनुपर्ने संघको आधिकारिक धारणा भएकाे महासचिव चौलागाईद्वारा हस्ताक्षरित विज्ञप्तीमा उल्लेख छ ।
डिभिजिन सडक कार्यालयले सडक सिमाभित्र पर्ने संरचना हटाउन असार १० गते ३५ दिने सार्वजनिक सूचना जारी गरेको थियाे ।

मकवानपुर । मनसुनको न्यून चापीय रेखा सरदर स्थानको दक्षिणतिर अवस्थित रहेकोले देशभर मनसुनी वायुको प्रभाव रहेको छ।
देशभर आंशिकदेखि सामान्य बदली रही मधेश प्रदेशका एक-दुई स्थानमा तथा देशका बाँकी भू-भागमा मेघ गर्जन/चट्याङ्ग सहित हल्कादेखि मध्यम वर्षा महाशाखाले जनाएको छ ।
महाशाखाका अनुसार सोमबार दिउँसो देशभर आंशिकदेखि सामान्य बदली रही सबै प्रदेशका पहाडी भू-भागका केहि स्थानहरूमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको छ । देशका बाँकी भू-भागका थोरै स्थानहरूमा हल्का वर्षाको सम्भावना रहेको छ।
सोमबार राति भने देशभर आंशिकदेखि सामान्य बदली रहनेछ। बागमती, गण्डकी र सुदूरपश्चिम प्रदेशका केही स्थानहरू तथा बाँकी प्रदेशका थोरै स्थानहरूमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको छ।
सबै प्रदेशका पहाडी भू-भागका केहि स्थानहरूमा मेघ गर्जन र चट्याङ्गसहित हल्कादेखि मध्यम वर्षाको सम्भावना तथा देशका बाँकी भू-भागका थोरै स्थानहरूमा हल्का वर्षाको सम्भावना रहेको छ। तसर्थ वर्षाको कारण हुने गेग्रान बहाव, बाढी, पहिरो तथा भू-क्षयका जस्ता प्रकोप र हावा हुरीको जोखिम वा क्षतिबाट बच्न आवश्यक सतर्कता अपनाउन महाशाखाले आग्रह गरेको छ।
