मकवानपुर । साहित्य सङ्गम मकवानपुरको नियमित साहित्य सन्ध्यामा अप्सरा तिमल्सिना विशेष कार्यक्रम गरिएकाे छ । शनिबार संगमकाे ३ सय ३३ औँ सन्ध्या अन्तर्गत अप्सरा स्मृति विशेष रचना वाचन गरिएकाे हाे ।
साहित्य सङ्गम तथा सिस्नुपानी मकवानपुरको हेटौडा ४ मा रहेकाे भवनमा आयाेजना गरिएकाे कार्यक्रममा स्रष्टाहरूले रचना वाचन गरी स्वर्गीय तिम्सिनाकाे सम्झना गरिएकाे थियाे । साहित्य सङ्गम मकवानपुरकी अध्यक्ष अनिता न्यौपानेको सभाध्यक्षता र निर्मोही व्यासको प्रमुख आतिथ्यतामा भएकाे रचना वाचनमा सर्जक सञ्जाल मकवानपुरका संयोजक निमेष निखिल विशिष्ठ रहेका थिए ।
बाल सर्जक अनुसुया खनालका साथै अनिल कोइराला, बैकुण्ठ लामिछाने, आँचल साहित्य कला पुञ्जकी सचिव सबिता तिमल्सिना, यश लामा, नेपाली लेखक संघ मकवानपुरका अध्यक्ष छवि अनित्य, किशन पौडेल, पुरूषोत्तम आचार्य, गीतकार शम्भुजित बासकोटा, देवराज खरेल, जनार्दन खनाललगायतले रचना वाचन गरेका थिए ।
स्मृति विशेष रचना वाचनमा नेपाली लेखक संघका केन्द्रीय सदस्य हयग्रीव आचार्य, सिस्नुपानी मकवानपुरका अध्यक्ष राजकुमार लामिछाने, गजल मञ्च मकवानपुरका अध्यक्ष केशव समर्पण, कवि रमेश अधिकारी, टिका अविरल, सुवास खनाल, साहित्यसेवी मुक्तीगोविन्द वैद्य संगम सचिव डिबी बर्तौला, यमनदेव उत्प्रेरक, भवानी तिमल्सिना न्यौपाने, कुवेर पराजुलीलगायतकाकाे उपस्थिति रहेकाे थियाे ।
मकवानपुर। नेपाल कुरियर सेवा संघ बागमती अध्यक्षमा विनोद बहादुर पाख्रिन चयन भएका छन् । शनिबार हेटौंडामा भएकाे संघकाे प्रथम प्रदेश अधिवेशनले मकवानपुरका पाख्रिनको अध्यक्षमा ११ सदस्यीय कार्यसमिति चयन गरेको हो ।
समितिको उपाध्यक्षद्वयमा चितवनका अर्पणवावु सुवेदी र मकवानपुरका केदारनाथ गौतम चयन हुँदा सचिवमा मकवानपुरका रामप्रसाद पुडासैनी, सहसचिवमा चितवनका श्रीभद्र खनाल चयन भएका छन् । यसैगरी कोषाध्यक्षमा मकवानपुरकै कर्णराज गौतम चयन भएका छन् ।
यसैगरी, सदस्यहरुमा सिन्धुलीका कपिलकुमार श्रेष्ठ, धादिङका प्रेमबहादुर नेपाल क्षेत्री, चितवनका प्रवल भट्टराई, आईत गुरुङ र मकवानपुरका दिपकप्रसाद खनाल चयन भएका छन् । अधिवेशनले समितिको सल्लाहकारमा रामकृष्ण ढुंगानालाई चयन गरेको छ । नेपाल कुरियर सेवा संघ केन्द्रीय उपाध्यक्ष अनिलराज भण्डारीको प्रमुख आतिथ्यतामा भएकाे अधिवेशनमा केन्द्रीय उपाध्यक्ष सञ्जय मण्डल, केन्द्रीय सदस्य किरण थापा लगायतको आतिथ्यता रहेको थियो ।
मकवानपुर । नेपाली चलचित्र सरी ममकाे हेटौडामा विशेष प्रदर्शन गरिएकाे छ । शनिबार हेटौडा ४ स्थित ओम म्याक्स सिनेमा हलमा विशेष प्रदर्शन गरिएकाे हाे । हेटौडा उपमहानगरपालिका वडा नं. ४ काे मुख्य आयाेजना तथा हेटौडा लेडी जेसीज र एनआएफ क्रियसनकाे संयुक्त आयाेजनामा चलचित्र प्रदर्शन गरिएकाे हाे ।
लागुऔषध दुर्व्यसन विरुद्धकाे उक्त चलचित्र प्रदर्शन अघि आयाेजित कार्यक्रमका प्रमुख अतिथी संविधान सभा सदस्य अनन्त पौडेलले पानी र बानी उकालो लगाउन धेरै गारो हुने भन्दै मानवीय जीवनमा उकालाे (प्रगती) तर्फ लैजान संघर्ष नै हुने बताए । ‘बानी एक पटक बिग्रिएपछि सुधार्न सहज छैन’ पौडेलले भने ‘आफ्नो नानीबाबुलाई घर परिवारले समय दिने, बेलाबेला उनीहरुका कृयाकलाप निरीक्षण गर्ने गर्दा उमेर बढ्दै जादा कुलतमा फस्ने सम्भावना कम हुन्छ ।’
कार्यक्रममा हेटौंडा उपमहानगरपालिका वडा नम्बर ४ का वडा अध्यक्ष नवीन सिग्देलले स्थानीय तहले भौतिक निर्माणका अलावा शिक्षा सचेतनामुलक कार्य समेत विकास हो भनेर बुझ्नु पर्ने बताए । हेटौंडा ४ ले शिक्षा र चेतनामूलक कार्यमा लगानी गर्दै आएको सिग्देलले बताए । ‘समाज चेतनशील भए विकासले फड्को मार्छ हामीले नयाँ आर्थिक वर्षकाे सुरुवात सामाजिक कामबाटै सुरु गरेका छाै’ सिग्देलले भने । उनले स्कुलका भाइबहिनीहरु बढी संबेदनशील हुने भएकाले अभिभावकले उनीहरुका कियाकलाप निगरानी गर्नु पर्नेमा जोड दिए ।
सामाजिक अभियान सञ्जाल हेटौडा ४ काे मुल व्यवस्थापनमा कार्यक्रम गरिएकाे थियाे । सञ्जालकाे संयाेजक माया तामाङले समाजमा युवा उमेरमा आउने समस्यालाई परिवारले गम्भिर भएर निगरानी गर्नु पर्ने बताइन् । लागूऔषध मुक्त वडा घोषणा गर्ने गरि कार्य गरिएकाेमा सञ्जालकाे पुर्ण सहयाेग हुने तामाङले बताइन् । माइती नेपाल मकवानपुर प्रमुख समेत रहेकी उनले लागू औषध सेवनको लतले घर झगडा सुरु हुने र सम्बन्ध बिच्छेदसम्मको घटना समाजमा बढ्ने भएकोले बेलैमा सचेत हुनुपर्ने बाताइन् ।
यसैगरी मकवानपुर प्रहरी प्रबक्ता टेक बहादुर कार्कीले दुर्व्यसनले अपराध बढाउने बताए । आत्महत्य, हत्या, बलात्कारजस्ता अपराधमा लाग्न उत्प्रेरित गर्ने तत्व लागू औषध भएकोले यस्तो कुलतबाट बेलैमा बच्नुपर्छ । मकवानपुर लागूऔषध ओसारपसारको क्षेत्र समेत भएको त्यस्को विकल्प समेत खोजी कुलत रहित समाज निर्माणमा सबै क्षेत्रबाट सहयोग हुनुपर्ने कार्कीले बताए ।
हेटौंडा लेडि जेसिजकी वर्ष २०२३ अध्यक्ष दिलमाया घर्तीले सकारात्मक सोचका साथ लागुऔषध दुर्व्यसन अन्त्य गर्न सबैले पहल गर्नुपर्ने बताइन् । कार्यक्रम जेसीज वर्ष २०२३ अध्यक्ष घर्तीकाे सभाध्यक्षता भएकाे थियाे । लागुऔषध दुर्व्यसनीले व्यक्ति, परिवार र समाजमा पार्ने प्रभाव तथा उचित व्यवस्थापनसँगै शैक्षिक जनचेतनामुलक सन्देश चलचित्रमा देखाइएकाे छ । चलचित्र ‘सरी मम’मा सरिता लामिछाने, सरोज खनाल.उत्तम केसी, प्रभात पाल,अलिश राई लगायतका कलाकारकाे अभिनय रहेकाे छ ।
आयुष बुढाथाेकीले लेखकाे चलिचत्रकाे कथा तथा स्क्रिनप्ले र कार्यकारी निर्माता बिनाेद लामा रहेका छन् । एनएफआई क्रियसन प्रालीबाट उत्पादन गरिएकाे चलचित्रकाे निर्देशन नविन बाेगटीले गरेका हुन् ।
मकवानपुर । सडक डिभिजन कार्यालयले हेटौडा उपमनहागर क्षेत्रमा पर्ने राजमार्ग क्षेत्रकाे २५ गज क्षेत्र भित्र पर्ने घरटहरा भत्काउन सूचना निकालेकाे समय सकिनै लाग्दा हेटौडामा प्रदर्शन भएकाे छ । हेटौंडाको मुख्य बजार क्षेत्र भएर जाने पूर्व पश्चिम राजमार्गबाट दायाँबायाँ २५ गज भित्र पर्ने घरटहर मुआब्जा बिना भत्काउन नहुने भन्दै व्यावसायी र घरधनीले शनिबार हेटौँडामा बिरोध प्रदर्शन गरेका हुन् ।
मकवानपुर उद्योग बाणिज्य संघ र हेटौंडा बसोबास संरक्षण समितिको आयोजनामा शनिबार दिउँसो हेटौँडाकाे बुद्धचाेकमा भेला भएर विरोध प्रदर्शन गरिएकाे थियाे । विरोध प्रर्दशनमा सहभागीले बिना मुआब्जा घर भत्काए त्यसको प्रतिकारमा उत्रने चेतावनी समेत दिएका छन् ।
डिभिजन सडक कार्यालयले केही दिन अघि क्षेत्राधिकार भित्र पर्ने हेटौँडा–१५ को वडा कार्यालय र जनजागृती माविको पर्खाल र त्यहाँ बनेको संरचना भत्काइसकेको छ । सूचनाकाे म्याद सकिए पछि अन्य स्थानमा समेत सडक विस्तार गरिने कार्यालयले बताउँदै आएकाे छ । गत असार १० गते कार्यालयले पूर्व पश्चिम राजमार्गकाे हेटौडा १५ राताेमाटेदेखि हेटौडा १० राप्तिपुल क्षेत्रसम्मकाे सडक दायाँबायाँ २५/२५ गज भत्काउने गरी सूचना जारी गरेकाे थियाे ।
गीता अर्याल
थिएन हिजो राती
मस्त निन्द्रा पनि
सोचिँरहे मनभरी
मन पोलेका कथा कहानी पनि।
स्वार्थीले भौतिकता छामेर
हृदय दुखाएका दिन पनि
भनीरहेँ कस्तो जिन्दगी यो
भावीको खेल पनि।
सम्झिरहेँ कसैले भनेका कुरा
मन शान्त पार स्वार्थ छैन केहि
हृदय खुशी हुने मात्र काम गर
यस्तै अमृतरुपी वचन पनि।
फेरि सम्झिए,
केहि लेख केहि गर
केहि त गर भनेर
प्रेरणा दिएका प्रसंग पनि।
तर ,
म नि:शब्द छु आज
कसैका त्यी प्रेरणामा खेल्न नसक्दा
न लेख्न आउछ
न शान्त बस्न
न खुशी हुन।
मात्र मन पोलेको छ
एउटै प्रश्नले जिस्काएको छ
कोही कसैले स्वार्थ लुटेर
बेहद खुशी हुँदै रमाएको दिन सम्झेर
ब्वाँसाका निर्दयी नङ्ग्रा संझेर
किन खेल्यो खेल भनेर ।
निन्द्रा बिर्सिएर रातको सन्नाटामा सम्झदैछु म
नसोचेका दिनहरू, पलहरु
अनि थोपरेका एकोहोरो क्षणहरु
स्वार्थमा सजिलै रुमलिएका परिवेश हरु
दु:खीरहेछन कसैको खुशीको लागि
आफ्नो हृदयमा लागेका घाउहरु।
फेरि मनको कलम बन्द गर्छु
तुलना गर्छु यथार्थ र कल्पनाको
सपना देखाउने र मलम लगाउनेको।
संझनामा तरंगित हुन्छु
समाजका अगुवा भनाउदाको
चर्तीकला
एक्लो हो एक्लो छ भनेर गरिने व्यबहार
बोलिने शब्द
हेरिने दृष्टिकोण
मान्छेका स्वार्थी र नालायकीपनहरु।
कसैका वास्तबिक त्याग र समर्पणहरु
बिना मोलमोलाइ चुक्ता गरिने
मायाका पहाडहरु।
फेरि फर्कन्छु कोल्टे
एउटा दृश्यले सताउछ
पुरुष र पुरुषका झुन्ड र झुठ
सलबलाउन थाल्छन
प्रश्न उब्जिएको छ मनको गहिराइमा
सुनेका देखेका भोगेका बिषयमा
घरमा श्रीमती छ
छोराछोरी पनि
पुरुषको भेषमा कोही
म अविवाहित छु भन्छ
नभए पनि एक्लै छु भन्छ
पासोमा पार्न मायाको बल्छि फाल्छ
सपनाको सागर ढालेर
हातमै राखिदिन्छु भन्छ
पासो थापेर स्वार्थ पुरा गर्छ
अनि फरक हुन्छ ब्यबहार
सुरु हुन्छ कसम कहानी र तर्कने बानी
फेरि सोचें सबै यस्ता हुन्नन
न पुरुष न महिला ।
मध्यान्तर भैसकेको थियो
म मनका उकालि ओरालि गरेर
आफैले आफैंलाई सोधिरहेको थिएँ
किन? के का लागि?
मैले मलाई बेचेँ कुनै दाम नलिएर
मात्र कसैको खुशीको लागि
आफ्नो मुटुमा घाउ लगाएर
कसैको विस्वासमा आगो लगाएर !
म उठें अठोट लिएर
अब म सत्य हुँ सत्य बन्छु भनेर
त्यै भएर ,
आजभोलि चिन्दैछु मान्छेहरुलाई
मान्छेभित्रका स्वभावहरुलाई
सोझोपनको फाइदा उठाउन जान्ने
ध्रुत स्यालहरुलाई
चटक देखाउन सिपालु चाटुकारहरुलाई
तैपनि ,विबस भएर छटपटाइरहेछु
निन्द्रा बिर्सिएर
मस्त निदाएर फेरि लुट्ने सपना देख्ने
स्वार्थीलाई सम्झेर
