मकवानपुर । विभिन्न माग सहित आन्दोलरत शिक्षकहरुले बागमती प्रदेश सामाजिक विकास मन्त्री कुमारी मोक्तानलाई ध्यानाकर्षण पत्र बुझाएका छन् ।
लामो समयदेखि आन्दोलनरत उनीहरुले शिक्षा सम्बन्धी कानून संशोधन गर्न माग गर्दै मन्त्री मुक्तानलाई ध्यानाकर्षणपत्र बुझाइएका हुन् । सामूदायिक बिद्यालय ब्यवस्थापन समिति महासंघका सचिब महमद समीम सहितको टोलीले मन्त्री मुक्तानलाई ध्यानाकर्षणपत्र बुझाएको हो ।

मन्त्रीपरिषदमा विचारधीन रहेको शिक्षा सम्बन्धी क़ानून संशोधन र एकीकरण गर्न बनेको विधेयक कुनै पनि सरोकारवालाहरुसंग छलफल र परामर्श बिना नै तयार गरेको ,विधेयक मस्यौदामां विद्यालय ब्यवस्थापन समिति सम्बन्धी व्यवस्था त्रुटीपूर्ण रहेकोले सच्याउका लागि माग गरिएको हो ।
बिद्यालय संचालन र व्यवस्थापनमा अभिभावकको कुनै पनि सहभागिता संलंग्नता र भूमिका नरहने गरी विधेयक मस्यौदा तयार भएको बुझीएकोले उक्त विधेयकको व्यवस्थाप्रति विद्यालय व्यवस्थापन समिति महासंघ को गम्भिर ध्यानआकर्षण भएको जनाउँदै सच्याउनका लागि माग गरिएको हो ।
वडा अध्यक्षलाई बिधालय व्यवस्थापन समितको नेतृत्व दीने विधेयकको उक्त व्यवस्थाबाट सामुदायिक बिद्यालयको मर्म माथि प्रहार भएको, विद्यालय सञ्चालन र व्यवस्थापनमा अभिभावक तथा सामुदायकों सहभागिताको अधिकार हस्तक्षेप भएको,सामुदायिक बिद्यालय अभिभावक,सामुदायको हातबाट खोसीएकों र समग्र सार्वजनिक शिक्षा प्रणालीलाई नै कमजोर बनाउने खेल भएकोमा बिरोध जनाएका हुन् ।
उनीहरु यसका विरुद्धमा सरोकारवाला निकायमा धर्ना तथा ध्याकर्षण कार्यलाई जारी राखेका छन् । मकवानपुरको १० वटा स्थानीय तहको कार्यालयमा धर्ना सहित स्थानीय तह प्रमुखलाई ज्ञापनपत्र बुझाएको शिक्षक महासंघ मकवानपुले शिक्षा विकास तथा समन्वय इकाईको कार्यालयलगायतमा धर्ना तथा ध्यानाकर्षण पत्र बुझाएका छ ।

शिक्षक महासंघ राष्ट्रिय समितिको आह्वानमा पहिलो चरणको कार्यक्रम अन्तर्गत धर्ना दिएको हो । शिक्षक संगठन मकवानपुर अध्यक्ष श्रीराम दाहालले सरकारले शिक्षकहरुलाई सडकमा आउन बाध्य पारेको बताए । मागलाई सुनुवाई नगरे शिक्षकहरुको सिंहदरबारं घेर्न बाध्य हुने चेतावनी दाहालले दिए ।
शिक्षक संघ मकवानपुरका अध्यक्ष गणेशप्रसाद हुमागाईले विभिन्न वैचारीक आस्थाभन्दा माथि उठेर शिक्षाको हितको लागि आन्दोलन गरिएको बताए ।
एकीकृत अखिल नेपाल शिक्षक संगठनका मकवानपुर अध्यक्ष वसन्त राई, अखिल नेपाल शिक्षक संघ मकवानपुर अध्यक्ष कृष्णबहादुर बिष्ट,हिष्टुन बागमती प्रदेश अध्यक्ष रामशरण पौडेल, राहत शिक्षक समिति मकवानपुर अध्यक्ष जीवन तिमल्सिनालगायतकाले अहिले आन्दोलन र सरकारको बलमिचाहिबारे आफूहरुको ध्यानाकर्षण भएको बताए ।
नेपाल कम्युनिस्ट पार्टी (एमाले)का अध्यक्ष केपी शर्मा ओली र नेता डा. भीम रावलबिच भेटवार्ता भएको छ । एमाले केन्द्रीय कार्यालय च्यासल ललितपुरमा ओली र रावलबिच डेढ घण्टाभन्दा बढी समय ‘वान टु वान’ छलफल भएको हो ।
भेटवार्तामा दुई नेताबिच विभिन्न विषयमा छलफल हुनुका साथै मन माझामाझ भएको बताइएको छ । चितवनको सौराहामा भएको एमालेको १०औं महाधिवेशनपश्चात् ओली र रावलबिच यो पहिलो भेटवार्ता हो । करिब २० महिनापछि भएको भेटवार्तामा मन माझामाझ भएको बताइन्छ ।
चितवन महाधिवेशनपश्चात पार्टी राजनीतिमा निष्क्रिय रहेका रावललाई पार्टीमा विशेष जिम्मेवारी दिनुपर्ने आवाज उठ्दैआएको छ । ओली र रावलबिच मुलुकको पछिल्लो राजनीति, पार्टीको आन्तरिक राजनीतिका साथै रावललाई पार्टीमा जिम्मेवारी दिने लगायतका विषयमा छलफल भएको छ ।
पार्टी राजनीतिमा निष्क्रिय रहेका रावल पछिल्लो एक महिनायता गृहजिल्ला अछामको पार्टी कार्यक्रममा सहभागी भएका थिए । ओलीसँग भेटवार्ता गरेका रावलले छलफल सकारात्मक भएको बताए । पार्टी, मुलुकको राजनीतिक अवस्थाका ’boutमा सकारात्मक छलफल भएको बताउँदै उनले फेरि पनि भेटवार्ता हुने बताए ।
‘धेरै लामो समयपश्चात हाम्रो भेटवार्ता भयो, हामीबिच भलाकुसारी भयो, एकले अर्काको के छ ? कस्तो छ भन्ने कुराकानी भयो, मुलुक र पार्टीको पछिल्लो राजनीतिक अवस्थाका ’विषयमा पनि छलफल भयो, एकअर्काको सोच र दृष्टिकोण राख्यौं,’ नेता डा. रावलले भने, ‘छलफल सकारात्मक भयो, हामी फेरि पनि कुराकानी गर्छौं, धेरै पछि कुराकानी भयो, सकारात्मक नै भयो ।’
रावल समसामयिक राजनीतिक एवं राष्ट्रिय विषयवस्तुका ’बारेमा टिप्पणी गर्दै चर्चामा आउने गरेका छन् । उनले विभिन्न विषयमा गर्ने गरेको टिप्पणी चर्चामा आउने गरेको भए पनि एमालेको कुनै जिम्मेवारीमा नरहेका रावललाई पार्टीको सक्रिय राजनीतिमा ल्याउन ठोस जिम्मेवारी दिने ’boutमा समेत छलफल हँुदैआएको छ ।
एमाले प्रचार विभाग प्रमुख राजेन्द्र गौतमले एमाले अध्यक्ष ओली र पूर्वउपाध्यक्ष रावलका बिचमा मुलुक र पार्टीको पछिल्लो राजनीतिक अवस्थाका ’boutमा छलफल भएको बताए । साथै, एमाले पार्टी निर्माणमा सक्रिय हुने र ठोस जिम्मेवारीका ’boutमा समेत छलफल भएको गौतमले बताए । अहिलेको अवस्थामा पार्टीको काममा सक्रिय रूपमा लाग्ने विषयमा छलफल भएको बताउँदै गौतमले अन्य विषयमा समेत छलफल भएको बताए ।
एमालेको चितवनमा भएको १०औं महाधिवेशनमा उनी अध्यक्षका उम्मेदवार थिए । एमाले अध्यक्ष ओलीसँग रावल पराजित भए । एमालेको पूर्वउपाध्यक्षसमेत रहेका रावल ओलीको इच्छाविपरीत उम्मेदवारी दिएको भन्दै ओलीसहित उनीनिकटका नेताहरू रावलबाट असन्तुष्ट थिए । महाधिवेशनमा ओलीसँग प्रतिस्पर्धा गरेको र ओलीको गलत काम तथा कार्यशैलीको आलोचना एवं कडा विरोध गरेका कारण उनले पार्टी राजनीतिमा कुनै जिम्मेवारी पाउन नसकेका हुन् ।
समयसमयमा डा. रावलले एमाले छोड्ने चर्चा पनि चल्नेगरेको छ । तर, उनले आफूले लामो समय पार्टी निर्माणमा योगदान पु¥याएको भन्दै एमालेमै एउटा सदस्यका रूपमा रहने बताउँदै आएका छन् । पार्टी राजनीतिमा ठोस जिम्मेवारी दिनका लागि रावलसँग एक चरणको वार्ता थियो । एमालेको १८ चैतमा भएको सचिवालय बैठकले रावलसँग वार्ता गर्नका लागि एक समिति गठन ग¥यो । पार्टी उपाध्यक्ष विष्णु पौडेलको संयोजकत्वमा गठन भएको सो वार्ता समितिमा पार्टी सचिव लेखराज भट्ट र स्थायी कमिटीका सदस्य कर्णबहादुर थापा सदस्य तोकिएका थिए । वार्ता समितिमा रहेका तीनै जना नेताहरूसँग रावलको आन्तरिक सम्बन्ध त्यति राम्रो भने छैन ।
उपाध्यक्ष पौडेल नेतृत्वको वार्ता समितिसँग पार्टी केन्द्रीय कार्यालय च्यासल ललितपुरमा एक चरणको वार्ता भयो । गत ३ वैशाखमा भएको सो वार्ता सकारात्मक भएको कुरा सार्वजनिक भयो । तर, दोस्रो चरणको वार्ता वा पार्टीमा जिम्मेवारी दिने कुराको टुंगो लाग्न नसकेको अवस्था ओली र रावलबिच भेटवार्ता हुनुलाई कतिपयले पार्टीमा जिम्मेवारी दिने विषयमा समेत छलफल भएको अनुमान गरेका छन् ।
एमालेले केही समयअघि चलाएको ‘मिसन ग्रासरुट’ अभियानका क्रममा उपाध्यक्ष पौडेल रावलको गृहजिल्ला अछाम पुगेका थिए । अछाममा उनले रावलको आलोचना गरेपछि कार्यक्रममै रावलका कार्यकर्ताले प्रतिवाद गरेका थिए । सुदूरपश्चिममा एमालेभित्र अझै बलियो मानिएका रावलको गृहजिल्लामै पुगेर पार्टी उपाध्यक्ष पौडेलले आलोचना गरेपछि पार्टीकै कार्यकर्ताले प्रतिवाद गर्दा त्यसपछि वार्ता समिति गठन गर्न एमाले बाध्य भयो । अछामको सो घटनापश्चात पौडेल र रावलका बिचमा केही दिन जुहारी नै चलेको थियो ।
सुदूरपश्चिम प्रदेशको विषय भएको र पार्टीको मिसन ग्रासरुट अभियानकै समयमा आन्तरिक विवाद समाधान गर्न भन्दै पार्टीले सुदूरपश्चिममा खटाएका उपाध्यक्ष पौडेल र सुदूरपश्चिमकै भट्ट र थापा रहेको वार्ता समिति बनाइएको थियो । समिति गठन भएको दुई सातापश्चात सो समितिले रावलसँग वार्ता गरेको थियो । राजधानी दैनिकबाट
मकवानपुर । मकवानपुर प्रहरीले लागुऔषधसहित ३ जनालाई नियन्त्रणमा लिएको छ ।
प्रहरीले १२ किलो ६ सय ग्राम गाँजासहित २ जना र ३० एम्पुल विभिन्न लागू औषधसहित १ जना लाई नियन्त्रणमा लिएको हो ।
मंगलबार बिहानको समयमा हेटौँडा–१० स्थित बसपार्कमा बसिरहेका मकवानपुरगढी गाउँपालिका–१ की ३२ वर्षीया र ३५ वर्षीया महिलालाई शंकालागि नियन्त्रणमा लिइएको जिल्ला प्रहरी कार्यालय मकवानपुरले जनाएको छ ।
महिलाद्वयले बोकेको झोला जाच गर्दा उनीहरुको साथबाट १२ किलो ६ सय ग्राम गाँजा बरामद गरेको हो । प्रहरीले पक्राउ परेका महिलाको परिचय भने खुलाएको छैन ।
यसै गरी मकवानपुर प्रहरीले साउन २९ गते हेटौंडा १५ रातोमाटेबाट ३० एम्पुल लागूऔषध सहित १ जना नियन्त्रणमा लिएको छ
सोमबार साझ हेटौडा १५ रातोमाटे चेकपोष्ट स्थित पुर्व पश्चिम सडकखण्डमा बिरगंजबाट हेटौडातर्फ आउदै गरेको ना १ ज. ६३९० को माईक्रो बसलाई जाँच गर्दा हेटौंडा १० का ३० वर्षीय सुशील अर्याललाई नियन्त्रणमा लिइएको हो
अर्यालको साथबाट डाईजेपाम १० एम्पुल, फेनार्गन १० एम्पुल र नुफिन -१० एम्पुल फेला परेको प्रहरीले जनाएको छ ।
लागूऔषध सहित तिनै जनालाई नियन्त्रणमा लिई थप अनुसन्धान भईरहेको मकवानपुर प्रहरीले जनाएको हो।
मकवानपुर । समाजमा हुने अपराधिक गवितिधि नियन्त्रण तथा नियमनको लागि प्रहरी, प्रशासन र अभियानकर्मीहरु लागि परिरहेको दाबि गरिए पनि अपराधको तथ्याङ्ख्या भने घट्न सकेको छैन ।
स्वयम व्यक्ति वा संस्थाको सानातिना त्रुटीका कारण समेत ठुला ठुला अपराधिक गतिविधिहरु हुने गरेको छ । बागमती प्रदेशमा अपराधिक घटना बढ्दो क्रममा रहेको प्रदेश प्रहरीको तथ्याङ्कले देखाएको छ। प्रदेश प्रहरी कार्यालय हेटौंडाका अनुसार आर्थिक वर्ष २०७८/७९ को तुलनामा २०७९/८० मा ६ दशमलव २२ प्रतिशतले अपराध बढेको हो । प्रदेश प्रहरी कार्यालयका अनुसार २०७८/७९ मा ४ हजार ४०५ वटा अपराधिक मुद्दा दर्ता भएकोमा २०७९/८० मा बढेर ४ हजार ६७९ वटा पुगेको छ। २०७८/७९ मा प्रदेशभर कर्तव्य ज्यान सम्बन्धि ५८ वटा मुद्दा दर्ता हुँदा अघिल्लो आर्थिक वर्ष ४३ वटा भएको छ ।
तथ्याङ्क अनुसार ज्यान मार्ने उद्योग सम्बन्धी अपराध आर्थिक वर्ष २०७८/७९ मा ११३ वटा दर्ता भएका छन् । यो शिर्षकमा अघिल्लो आर्थिक वर्षमा ६८ वटा दर्ता भएका थिए । बागमती प्रदेश प्रहरी कार्यालयका प्रवक्ता प्रहरी वरिष्ठ उपरीक्षक दीपक रेग्मीका अनुसार २०७८/७९ मा प्रदेशमा लागूऔषध सम्बन्धी ३४३ वटा मुद्दा दर्ता भएको छ । आथिएक वर्ष २०७९/०८ मा ३६३ वटा मुद्दा दर्ता भएका थिए । बागमती प्रदेशमा आर्थिक वर्ष २०७८/७९ मा जबरजस्ती करणी सम्बन्धी मुद्दा २६५ वटा र करणी उद्योग सम्बन्धी ६८ वटा मुद्दा दर्ता भएको देखिन्छ ।
यि शिर्षकमा आर्थिक वर्ष ०७९/०८० मा क्रमशः जबरजस्ती करणी सम्बन्धी २६४ वटा र करणी उद्योग सम्बन्धी ६३ वटा मुद्दा दर्ता भएको थियो। आर्थिक वर्ष २०७८/७९ मा ९०२ वटा आत्महत्याको मुद्दा दर्ता हुँदा अघिल्लो आर्थिक वर्ष बढेर ९४० वटा पुगेको छ।
आर्थिक वर्ष २०७८/७९ को तुलनामा गत आर्थिक वर्ष २०७९/८० मा ६ दशमलव २२ प्रतिशतले अपराध बढ्नुमा प्रहरी सक्रियताको कारण रहेको प्रदेश प्रहरीको दाबि छ । “अपराधिक घटना हुन नदिन प्रहरीले आफ्नो सक्रियता बढाइरहेकै छ, कतिपय घटनाहरु प्रहरीको सक्रियतापछि तथ्याङ्कमा बढी देखिने र घटना नै बढेको जस्तो लाग्ने हुन्छ” बागमती प्रदेश प्रहरी प्रवक्ता रेग्मीले भने । अपराध बढ्न नदिन प्रहरीसँगै समुदायको पनि उत्तिकै भूमिका रहने गर्दछ। यस्तै बागमती प्रदेश प्रहरी प्रमुख (प्रहरी नायब महानिरीक्षक) किरण राणाले पछिल्लो समय लागूऔषध दुव्र्यसन ठूलो समस्याको रुपमा देखा परेको बताइन् । लागूऔषध उत्पादन, सेवन र विक्रीवितरणमै रोक लगाउन बागमती प्रदेश अघि रहेको छ, उनले भनिन्, “यो हामी सबैका लागि चुनौतीको विषय हो ।”
फरार अपराधी पक्राउ, सबै किसिमको तस्करी नियन्त्रण, लागूऔषध खेति, विक्री वितरण, ओसारपसार र प्रयोग विरुद्ध विशेष अभियान संचालन गर्ने योजना रहेको जानकारी दिइन्। “हामीले गाँजाको विकल्पमा कफी खेतीलाई प्रोत्साहन गर्दै आएका छौ, स्थानीय सरकारको तर्फबाट पनि राम्रो प्रतिक्रिया पाएका छौ” रानाले भनिन् ।
निगरानी गर्न कार्ययाेजना तयार
यसैबीच बागमती प्रदेश प्रहरी कार्यालयले चालु आर्थिक वर्षको लागि सञ्चालन गरिने कार्यक्रमहरुको प्राथमिकीकरण गरेको छ । प्रहरी सेवा प्रवाहलाई प्रभावकारी बनाउन जिल्ला प्रहरी कर्याालय मकवानपुरबाट सुरु गरिएको स्मार्ट कन्ट्रोल रुम अवधारणालाई चालु आर्थिक वर्षमा चितवन, नुवाकोट र काभ्रेमा समेत संचालन गर्ने लक्ष्य लिइएको छ । यसैगरी चालु आव मै जनचेतनामुलक कार्यक्रम संचालनको परम्परागत शैलीलाई परिवर्तन गरी सचेतना आवश्यक पर्ने वर्ग, क्षेत्रको पहिचान गर्न जिल्लागत ५ वर्षको अपराधको गहन विश्लेषण गरी वास्तविक कार्यक्रम संचालनको लागि योजना तयार गरिएको छ ।
चितवन र मकवानपुर जिल्ला स्थित बढ्दो अवैध गाँजा/अफिम खेतिलाई विस्थापित गरी कृषकलाई कृषि/नगदे बाली तर्फ आकर्षित गर्न पहिलो चरणमा चितवनको राप्ती नगरपालिका र मकवानपुर जिल्लाको राक्सिराङ स्थितमा सरोकारवाला निकाय र स्थानीय तहसंगको समन्वयमा ३५ हजार थान कफिका विरुवा वृक्षारोपण गरिएको साथै चालु आवमा थप ५ लाख कफिका विरुवा हस्तान्तरण गर्ने गरी मास्के मल्टिप्रपोज एग्रिकल्चर एण्ड रिसर्च प्रा.ली. चितवन र स्थानीय तहसंग सम्झौताको तयारी भईरहेको डिआइजी रानाले बताइन् ।
यसैगरी फरार अपराधी पक्राउमा तिब्रता दिने, सबै किसिमको तस्करी नियन्त्रणमा प्रहरी फोर्सलाई अझै चुस्त पारिने, गम्भीरर एवं जघन्य पुराना पेण्डिङ मुद्धा सफल अनुसन्धानमा जोड दिने, अवैध प्राकृतिक स्रोतसाधनको दोहनलाई पुर्णरुपमा निषेध गर्ने, लागु औषधको खेति, विक्री वितरण, ओसारपसार र प्रयोग विरुद्धविशेष अभियान संचालन गरिने योजना बनाइएको छ ।
यसैगरी प्रहरी जनशक्ति सुदृढिकरण एवंशुन्य सहनशिलताको नीति अबलम्बन गर्ने, प्रहरी कर्मचारीको आचरण व्यवहारमा सुधार गर्ने, सेवा प्रवाहमा प्रभावकारिता ल्याउन प्रहरी उत्प्रेरणाका गतिविधिहरु संचालन लक्ष्य लिइएको छ ।
मकवानपुर । प्राकृतिक विपत्तिको समयमा जनताको अवश्यकतालाई सम्बोधन गर्न सत्तासिन नेपाली काँग्रेसले आग्रह गरेको छ ।
नेपाली काँग्रेस बागमती प्रदेश सभापति इन्द्रबहादुर बानियाँले जनताको पीर मर्कामा सरकार चुप रहनु नहुने बताएका छन् । अविरल बर्षाका कारण बागमती प्रदेशमा भएको प्राकृतिक विपत्तिमा उद्धार तथा राहतका लागि नेपाली कांग्रेस बागमती प्रदेश समितिले अपिल गरेको हो ।
प्रदेश सभापति बानियाँद्वारा जारी विज्ञप्तिमा पछिल्ला दिनहरूमा अविरल वर्षाका कारण बागमती प्रदेशका विभिन्न जिल्लाहरुमा भएको प्राकृतिक विपत्तिबाट जनधनको क्षति भएकोप्रति दुःख व्यक्त गर्दै राहतका लागि आग्रह गरेको हो ।
निरन्तर वर्षाका कारण पहाडी भू–भागमा पहिरो र नदीहरूमा पानीको बहाव बढ्दा तटीय क्षेत्रका नागरिक उच्च जोखिममा रहेको विज्ञप्तिमा उल्लेख छ ।
“बागमती प्रदेश सरकारले विपदको पूर्व तयारी र जोखिम सम्भाव्य क्षेत्रहरूको पहिचान गरी त्यस क्षेत्रका नागरिकलाई सम्भाव्य जोखिमबारे पुर्व जानकारी दिई सुरक्षित रहने वातावरण बनाउनु जरुरी छ, यसका लागि प्रदेश सरकार अन्तरर्गतका निकायहरूलाई जोखिम क्षेत्रहरूको निगरानीका लागि आफ्ना सबै संयन्त्र परिचालन गर्नु आवश्यक छ”–विज्ञप्तिमा भनिएको छ ।
प्रदेशभर प्राकृतिक विपत्तिमा परेका नागरिकलाई तत्काल उद्धार, आवश्यक स्वास्थ्य उपचार, उचित राहतका साथै क्षतिपुर्ति प्रदान गर्न कुनै पनि कसर नराख्न र तयारी अवस्थामा रहन बागमती प्रदेश सरकारसँग नेपाली कांग्रेस बागमती प्रदेश कार्यसमितिले अपिल गरेको छ ।

काँग्रेसको विशेष अभियान समापन
नेपाली कांग्रेस मकवानपुरले केन्द्रीय परिपत्रअनुसारको आन्तरिक विशेष अभियान २०८० अनुसारको १० दिने अभियान समापन गरेको छ । समापन कार्यक्रममा पार्टी केन्द्रीय सदस्य तथा अभियानका मकवानपुर प्रतिनिधि लक्ष्मी खतिवडाले काँग्रेस विगतमाभन्दा बलियो जनविश्वास लिएर अघि बढीरहेको दाबि गरिन् ।
कार्यक्रममा बागमती प्रदेश सदस्य मकवानपुर प्रतिनिधि कैलाश कोइरालाले पार्टीलाई जनस्तरमा अझै बलियो बनाएर लैजान अभियानको अवश्यकता रहेको बताए । मकवानपुरको वडा, पालिका, प्रदेश तथा संघीय तहमा यही साउन २० गतेदेखि २९ गतेसम्म खटिएका जिल्ला तथा प्रदेशबाट खटिएका प्रतिनिधिहरुबाट पार्टीको अहिलेको अवस्था र पार्टी सुदृढिकरणको लागि भावी दिनमा गर्नुपर्ने क्रियाकलाप र सुझाव समेटी बनाईएको प्रतिवेदन जिल्ला कमिटी, बागमती प्रदेश प्रतिनिधि र केन्द्रीय प्रतिनिधिलाई बुझाएका थिए ।
केन्द्रीय प्रतिनिधि र बागमती प्रदेश प्रतिनिधिले वडा, गाउँपालिका, क्षेत्रीय र संघीय तहको आन्तरिक विशेष अभियानबाट आएको सुझावसहितको प्रतिवेदन लिएर आफ्नो रायसुझाव र आफूले बुझेको संगठनको अवस्थाबारे प्रतिबेदन तयार पारी केन्द्रीय कार्यालय र बागमती प्रदेश कार्यालयमा प्रतिवेदन बुझाउने छन् ।
कार्यक्रममा बागमती प्रदेशबाट खटिएका प्रदेश क्षेत्रीय प्रतिनिधिहरु देवकी गौतम, कृष्णकुमार श्रेष्ठ सिन्धुली, विवशकुमार वाइबा, कृष्णकुमार श्रेष्ठ चितवन, पूर्व सभापति रघुरमण न्यौपाने, उपसभापति आनन्द कठायत, सचिवद्वय भीमसेन महत र ईश्वर पाठक, जिल्ला सदस्यहरु, संघीयरप्रदेश सभापतिहरु, जिल्लाबाट वडामा खटिएका प्रतिनिधिहरु, गाउँपालिका वडा सभापतिलगायतको उपस्थिति रहेको थियो ।
