मकवानपुर । बागमती प्रदेशमामा पेश भएको राष्ट्रभाषा विधेयक सम्बन्धी प्रदेश सभा सदस्यसँग छलफल गरिएको छ ।
राष्ट्रिय आदिवासी जनजाति महिला मञ्च, नेवाःदेय् दबु स्वनिगः विशेष प्रदेश र नेपाल तामाङ घेदुङ बागमती प्रदेशले सभा सदस्यसंग मंगलबार संयुक्त छलफल गरिएको हो ।
छलफलमा प्रदेशसभामा प्रस्तुत बागमती प्रदेशको प्रदेश सरकारी कामकाजको भाषा सम्बन्धमा बनेको विधेयक २०८० को व्यबस्था, संशोधनको व्यहोरा, संशोधनको कारण र आधारहरुसहितको संशोधन प्रस्तावबारे सान्दर्भिकता र आवश्यकताबारे प्रस्तुती समेत गरिएको थियो ।
बागमती प्रदेश सामाजिक विकास मन्त्री कुमारी मोक्तानले छोटो समयमा धेरै मिहेनत गरेर भाषा सम्बन्धी विधेयक ल्याएको बताउइन् । “हामीले प्रदेश सरकारी कामकाजको भाषा सम्बन्धमा बनेको विधेयक २ महिना भित्रै बनायौ,’ उनले भनिन्, “जाति, भाषा, सामाजिक मोर्चा/संस्थासँग छलफल गरेर सुझाब लियौ र संस्थागतसँगै व्यक्तिगत सुझाव लिएर डेढ महिनामा खाका बनायौ ।”
भाषा विधेयकलाई पूर्णता दिन लिपीको कुरा चलेको भन्दै उनले त्यसलाई भाषा कानूनभित्र राखेर जाँदा राम्रो हुने जिकिर गरिन् । विधेयक सदनमा पेश भएपछि संसद र पास भएपछि राज्यको सम्पति बन्ने भन्दै भावी पुस्ताले गर्व लायक बन्नेमा उनको जोड थियो ।
प्रदेशकी पूर्व उपसभामुख राधिका तामाङले भाषा विधेयकलाई पूर्ण बनाउने र प्रभावकारी बनाउने सरकार, सांसद, आदिवासी जनजाति संघसंस्था र अगुवासँगै प्रदेशवासीको जिम्मेवारी रहेको बताइन् । प्रदेशको भाषाबारे सोचाई साँघुरो बनाउन नहुने भन्दै उनले फराकिलो सोच बनाएर अघि बढे भाषाको कार्यान्वयन र विकास हुने दाबी गरिन् । आर्थिक मामिला तथा योजना मन्त्री बहादुर सिं लामाले भाषा ऐन बनाउँदा सरल भाषामा बनाइने बताए ।
प्रदेश सभा सदस्य सरल सहयात्रीले विद्यालयमा भाषा पढ्ने वातावरण बनेमा भाषा दीर्घकालिन रुपमा संरक्षण हुने भन्दै भाषा आयोगले सरलिकरण गर्नुपर्ने तर्क गरे । अर्का सदस्य श्रीराम लामिछानेले भाषा संरक्षणसँगै आर्थिक, सांस्कृतिक र रहनसहनलाई पनि भाषा कानूनमा समेट्न सके समृद्धिमा सहयोग पुग्ने बताए । यसैगरी प्रेमभक्त श्रेष्ठले आउँदो पुस्ताका लागि रंजना लिपीबारे सचेतना जगाउन भाषा कानूनमा ब्यवस्था गर्नुपर्ने बताए ।
सभा सदस्य रमा आले मगरले ऐन बनाउनु स्वागत योग्य भएपनि नेवार र तामाङसँगै सुरेल, ह्यायु, सुनुवार लगायतको भाषाको संरक्षणमा पनि कानूनमा व्यवस्था गर्नुपर्नेमा जोड दिए ।
भाषा आयोगका सदस्य अमृत योन्जन, भाषा विज्ञ प्रा. डा. ओमकारेश्वर श्रेष्ठ, अधिबक्ताद्वय शंकर लिम्बु र नरेश श्रेष्ठ तथा नेवाः देय् दबु स्वनिगः उपत्यका प्रदेश सदस्य श्रीकृष्ण महर्जनले कार्यपत्र प्रस्तुत गरेका थिए ।
मकवानपुर । हेटौंडा–४ मा रहेको नवोदय शिशु सदनले कक्षा २ का विद्यार्थीहरुको ‘बुक टक’ तथा ब्याच वितरण कार्यक्रमको आयोजना गरेको छ ।
सोमबार आयोजित कार्यक्रममा करिब एक दर्जन विद्यार्थीले आफूले अध्ययन गरेको किताबको बारेमा आफ्ना साथी र अभिभावकमाझ प्रस्तुतीकरण गरेका थिए । कार्यक्रममा नृत्य प्रदर्शनीसमेत गरिएको थियो । तह ३ मा पुगी व्याच लगाउन २ सय ५० वटा पुस्तक अध्ययन गर्नुपर्ने कक्षा २ का शिक्षक सम्झना थापाले जानकारी दिए ।
विद्यार्थीहरुको पठन संस्कृतिको विकासका लागि उनीहरुले २ सय ५० वटा पुस्तक पढेर त्यसको भिडियो गुगलमा राखेपछी तह ३ मा पुग्छन् । त्यसपछि एक सय वटा पुस्तकको समीक्षा गरेपछि बल्ल पुस्तक परिचर्चा कार्यक्रममा सहभागी हुन पाउने नेपाली भाषा विभाग प्रमुख तथा माध्यमिक तहका संयोजक सिएम रिमालले जानकारी दिए ।
हरेक महिना यो कार्यक्रमको आयोजना गर्ने गरिएको साथै उनीहरुले अध्ययन गरेको विषयलाई सिर्जनात्मक ढङ्गले प्रस्तुती गर्ने क्षमताको विकास गराउन कार्यक्रमको आयोजना गरिएको रिमालले बताए ।
कक्षा २ की छात्रा अनुष्मा रिमालको अध्यक्षतामा भएको कार्यक्रममा साहित्यकार तथा पत्रकार केशव समर्पणको प्रमुख आतिथ्यता रहेको थियो । कार्यक्रममा साहित्यकार हरिप्रसाद पौड्यालको विशिष्ट आतिथ्यता रहेको थियो ।
मकवानपुर । मकवानपुरको हेटौँडामा प्रहरीले एम्बुलेन्स रोकेकाे कारण बिरामीकाे मृत्यु भएकाे घटनामा संलग्न सहायक हबल्दार डिल्लीराम शिवाकोटी निलम्बनमा परेका छन् ।
शिवाकाेटीले एम्बुलेन्स राेकेर बिरामीकाे आफन्तलाई समेत दुःख दिएकाे तथा एम्बुलेन्स समेत प्रहरी कार्यालयमा लगेपछि विभिन्न सञ्चार माध्यममा समाचार प्रकाशित भएकाे थियाे । उक्त विषयमा समाचार प्रकाशित भएपछि बागमती प्रदेश प्रहरी कार्यालय हेटौँडाले सहायक हबल्दार शिवाकोटीलाई निलम्बन गरेको हो ।
प्रदेश प्रहरी कार्यालयका प्रवक्ता दिपक रेग्मीले एम्बुलेन्स रोक्ने शिवाकोटीलाई निलम्बन गरेको जानकारी दिए । उनले निलम्बन गरेर घटनाको अनुसन्धान भइरहेको बताए ।
छानविन समिति गठन
यसैबीच घुमुवा प्रहरीको अवरोधका कारण बिरामीको बाटोमै मृत्यु भएको घटनाको छानविन गर्न जिल्ला प्रहरी कार्यालय मकवानपुरले प्रहरी नायव उपरीक्षक लक्ष्मी भण्डारीको संयोजकत्वमा ५ सदस्यीय छानविन समिति बनाएको छ । घटनाको सत्यतथ्य छानविन गर्न प्रहरी नायव उपरीक्षक भण्डारीको संयोजकत्वमा छानविन समिति गठन गरेको मकवानपुरका प्रहरी प्रमुख प्रहरी उपरीक्षक सिताराम रिजालले जानकारी दिए ।
काठमाडौंस्थित त्रिवि शिक्षण अस्पताल, महाराजगञ्ज परिसरमा रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचार सम्भव नभए पछि बकैया १ धाेवीडाँडाकी चिरमाया लाेलाई डिस्चार्ज गरिएकाे थियाे । लाेलाई ना २ च ८४३२ नम्बरको एम्बुलेन्सबाट बकैया घर लैजान लाग्दा हेटौँडामा आइतबार राती घुमुवा प्रहरी सहायक प्रहरी हबल्दार डिल्लीराम सिवाकोटीले अवरोध गरेका थिए ।
सादा पोशाकमा रहेका सिवाकोटीले प्रहरी हुँ भन्दै दुव्र्यवहार गर्नुका साथै हातपात समेत गरेपछि स्थिति तनावपूर्ण बनेको थियो । हेटौँडा–४, रानीदरबारमा काठमाडौंबाट आएको सुमोलाई छाडेर बकैयातर्फ जान अर्को सुमोमा सामान सार्दै गर्दा सहायक प्रहरी हबल्दार सिवाकोटी पुगेका थिए ।
सिवाकोटीको अवरोध र केहीबेरको तनावपछि सुरक्षागस्तीमा हिँडेको प्रहरी टोलीले घटनालाई साम्य पार्नुका साथै चिरमाया र उनको परिवारलाई जिल्ला प्रहरी कार्यालय पुर्याएको थियो । प्रहरीले रोकेकै कारण चिरमायाको सोमबार बिहान प्रहरी कार्यालय अगाडि एम्बुलेन्समै मृत्यु भएकाे परिवारले आराेप लगाएकाे छ । बिरामीकाे परिवारसँगकाे तनावकाे कारण सहायक हबल्दार सिवाकोटी घाइते भएकाेमा उपचारका लागि चितवन लगिएकाे थियाे ।
मकवानपुर । नेकपा एमाले कोशी प्रदेश अध्यक्षमा घनश्याम खतिवडा विजयी भएका छन् ।
खतिवडा प्रतिस्पर्धी विनोद ढकाललाई ७३ मतले हराउँदै अध्यक्षमा विजयी भएका हुन् । खतिवडाले ५ सय १२ मतसहित विजयी हुँदा ढकालले ४ सय ३० मत प्राप्त गरेका छन् ।
प्रदेश कमिटीको उपाध्यक्षमा यसअघि उपाध्यक्ष रहेका धनकुटाका टीकाराम चेम्जोङ निर्विरोध भएका छन् ।
यस्तै, सचिवमा पाँचथरका राजकुमार भण्डारी ५ सय २४ मत ल्याएर विजयी भण्डारी विजयी हुँदा अर्का उम्मेदवार उदयपुरका शैलेश लामाले ३ सय ८१ मत प्राप्त गरे ।
यस्तैगरी, उपसचिव २ पदमा झापाकी जलवर्षा राजवंशी ६ सय २८ मत र खोटाङका देवान राई ६ सय १० मत ल्याएर निर्वाचित भएका छन् ।
एमाले कोशी अधिवेशनमा कूल ९ सय ९७ प्रतिनिधि रहेकोमा ९ सय ७७ मत खसेको थियो ।
यो मन जल्यो, मुटु जल्यो तिम्रो शहरमा ।
आकाश फाट्यो ,धर्ती गल्यो तिम्रो शहरमा।
तिमीलाई बिर्सनकै लागि लेख्न छोडेकी हुँ ,
आज फेरि महफिल चल्यो तिम्रो शहरमा।
भत्किन्छ भन्ने डरले झुपडी भत्काएर आएँ
तिम्रो सामु बिश्वास ढल्यो तिम्रो शहरमा ।
जून जस्तै भयौ तिमी, तारा जस्तै भयौ,
आकाश हेर्दै यो रात टल्यो तिम्रो शहरमा ।
बस्तीहरु अधेरिए , चुल्हाहरु चिसा भए,
ढुङ्गामा पनि आगो बल्यो तिम्रो शहरमा ।
भरतपुर, चितवन
