मकवानपुर । बागमती प्रदेश सरकारले मन्त्रीण्डल बिस्तार गरेको छ । नेपाली कांग्रेस तर्फबाट थपिएका ४ मन्त्रीले आज सपथ लिएका छन । अब १३ मन्त्रालय रहेको बागमतीमा १४ मन्त्री भएका छन् । मुख्यमन्त्री बहादुरसिंह लामाले नियुक्त गरेका ४ मन्त्रीलाई प्रदेश प्रमुख यादवचन्द्र शर्माले शपथ ग्रहण गराएका हुन् ।
प्रदेश प्रमुख शर्माले कांग्रेसका सुरजचन्द्र लामिछाने, मीनकृष्ण महर्जन, हरिप्रभा खड्गी र विमल ठकुरीले शपथ ग्रहण गरेका हुन् ।
उनीहरूको शपथपछि मन्त्रालयको कार्यभार समेत तोकिएको छ । बुधवार नियुक्त भएका ३ र बिहीबार नियुक्त भएका ४ जना गरी कांग्रेसका ७ मन्त्रीको जिम्मेवारी तोकिएको हो ।
लामिछानेले आन्तरिक मामिला तथा कानुन मन्त्रालय, महर्जनले युवा तथा खेलकुद मन्त्रालय, खड्गीले सामाजिक विकास मन्त्रालय र ठकुरीले संस्कृति पर्यटन तथा सहकारी मन्त्रालयको जिम्मेवारी तोकिएको छ ।
यसअधि नियुक्त भएका कुन्दनराज काफ्लेले आर्थिक मामिला तथा योजना मन्त्रालयको जिम्मेवारी पाएका छन् भने श्यामबहादुर खड्काले खानेपानी, ऊर्जा तथा सिँचाइ मन्त्रालय पाएका छन् । मदुकुमार श्रेष्ठलाई बिना बिभागिय मन्त्री बनाइएको हो ।
मकवानपुर । ‘गल्ली संसार’ निबन्ध सङ्ग्रहका कृतिकार रोशन शेरचनसँग हेटौंडामा परिसंवाद हुने भएको छ । ‘उत्तमशान्ति पुरस्कार २०८०’ प्राप्त कृति गल्ली संसारका लेखक शेरचनका साथमा कवि भूपिन परिसंवादमा रहने छन् ।
शुक्रबारको साहित्य सङ्गम मकवानपुरको आयोजनामा हुने उक्त कार्यक्रममा वक्ताका रूपमा नेपाल प्रज्ञा प्रतिष्ठान काव्य विभाग सदस्य शान्ति प्रियवन्दना रहने सङ्गम सचिव मनोज पोखरेलले जानकारी दिए । कार्यक्रममा भूपिन र शेरचनबिच लेखनका साथसाथै समग्र निबन्ध लेखनको प्रवृत्ति तथा ‘गल्ली संसार’ को सेरोफेरोमा रहेर बहस सञ्चालन हुनेछ ।
‘गल्ली संसार’मा ४८ वटा निबन्ध समेटिएको छ । निबन्धहरूलाई ४ भागमा विभाजन गरी ‘वैचारिकी’ अन्तर्गत १४ वटा, ‘पर्यावरण’ अन्तर्गत ८ वटा, ‘स्मृति–सन्झ्याल’ अन्तर्गत १२ वटा र ‘यात्रा र यात्राहरू; अन्तर्गत १४ वटा निबन्धहरू समेटिएका छन् । पुस्तक पद्मश्री पुरस्कार २०८० का लागि उत्कृष्ट १५ भित्र परेको छ ।
शब्दहरूको देश (कविता सङ्ग्रह, वि.सं. २०५३), सरुभक्तहरू (लामो कविता सङ्ग्रह, वि.सं. २०५६), धोबीघाट एक्सप्रेस (निबन्ध सङ्ग्रह, वि.सं. २०७०), मस्तिष्कहरूको मृत्यु (निबन्ध सङ्ग्रह, वि.सं. २०५८), चम्पारन ब्लुज (निबन्ध सङ्ग्रह, वि.सं. २०६८) जस्ता शक्तिशाली पुस्तकहरूको रचना गरी नेपाली साहित्याकाशमा लगानी गरेका शेरचनले वातावरणीय विज्ञानमा विद्यावारिधि गरेका छन् ।
मकवानपुर । प्रतिनिधि सभाका सभामुख देवराज घिमिरेले युवालाई सिप सिकाएर दक्ष बनाउन सके देशको भविष्य उज्वल रहेको बताएका छन् ।
बागमती प्रदेशको राजधानी हेटौंडामा विहीबार आयोजित कार्यक्रममा उनले यस्तो बताएका हुन् । प्रदेश युवा परिषद बागमतीले टेलरिङ, फेसन डिजाइन, व्युटिसियन, मन्टेश्वरी, डकर्मी, प्लाम्बिङ,मोटरसाइकल मर्मत, कुक, मौरी पालन, बारिष्टालगायत २६ बिधामा बागमती प्रदेशको १३ जिल्लाका ५ हजार जना युवालाई प्रदान गरिएको सिप मुलक तालिमको सहभागीहरु दीक्षान्त समारोहमा उनले यस्तो बताएका हुन् ।
देशमा आर्थिक मन्दी लगायतको चुनौतिबारे चर्चा भइरहेको बेला सभामुख घिमिरेले चुनौती आफैमा एक अवसर भएको बताए । “चुनौतिलाई सही ढंगले सामना गर्न सक्नु पर्छ” उनले भन् “विश्वको मुलकमा हुने विविध चुनौति सामाना गर्ने युवा नै हो ।” राजनीतिक उदेश्य पूरा गर्न मात्रै हैन, राज्यको समृद्धिमा युवा लागाउनु पर्ने बताउँदै उनले भने “अब विकासमा युवा परिचालन अपरिहार्य छ ।”
कार्यक्रममा संघीय सांसद महेशकुमार बर्तौलाले युवालाई सिपले दक्ष बनाउन सकिने बताए । कार्यक्रममा बागमती प्रदेशका पूर्व मुख्यमन्त्री डोरमणि पौडेलले युवा लक्ष्यित कार्यक्रम सरकारको ध्यान रहेको बताए ।
यसैगरी बागमती प्रदेश आर्थिक मामिला मन्त्रालयका पुर्व मन्त्री जगन्नाथ थपलियालेयुवालाई स्वरोजगार बन्नको लागि पैसाको व्यवस्थापन सरकारले गर्ने बताए । जनतामा नेतृत्वको भरोसा टुट्दै आएको नेपाली काँग्रेस बागमती प्रदेश सभापति तथा प्रदेश सभा सदस्य इन्द्रबहादुर बानियाँले बताए ।
व्युटिसियन तालिमको सहभागी बिष्णु कुमारी परियारले लेभल २ तालिम आवश्यक भएको बताइन् । सरकारले गरेको लगानी व्याज सहित काम गरेर देखाउँने प्रतिबद्धता व्यक्त गरिन । सिपले बाँच्ने आधार दिएको उनले बताइन् । “देशले लगानी ग¥यो अब बिदेश जान्न“ उनले भनिन् । यसैगरी ट्रेनिङ सेन्टर नेपालका प्रशिक्षक णराज सिलवालले दक्ष जनशक्तिको लागि लगानी बढाउन पर्ने बताए । उद्योग धन्दा दक्ष जनशक्ति नपाएरै बन्द हुने, युवा चै किन विदेश जाने क्रम रोकिनु पर्ने उनले बताए ।
बागमती प्रदेश युवा परिषद्को आयोजनामा सञ्चालन भएका तालिममा सहभागि युवाहरुलाई हेटौंडामा एकै पटक प्रमाणपत्र वितरण गरिएको थियो। बागमती प्रदेश युवा परिषद्को आयोजनामा सञ्चालन भएका विभिन्न तालिममा सहभागि २ हजार जना युवाहरुलाई हेटौंडामा प्रमाणपत्र वितरण गरिएको हो ।
मकवानपुर, चितवन र सिंधुली जिल्लामा युवा परिषद् मार्फत सिप सिकेका युवाहरुलाई प्रमाणपत्र वितरण गरिएको हो । युवा सिप वर्ष २०८१ अन्तरगत ति तालिमहरु निःशुल्क प्रदान गरिएको थियो । कार्यक्रम प्रदेश युवा परिषद्का कार्यकारी अध्यक्ष सन्तोष चौलागाइले युवाशक्तिलाई स्वदेशमा टिकाउन र वैदेशीक रोजगारीमा जाँदा पनि समस्यामा नपर्ने गरी जानको लागि ति सिपहरु सहयोगी हुने बताए ।
हेटौंडा २ नम्बर वडा बालमैत्री घोषणा हुने
Tags: No Comments
मकवानपुर । मकवानपुरकाे हेटौंडा उपमहानगरपालिका वडा–२ बालमैत्री स्थानीय शासन युक्त वडा घोषणा हुने भएकाे छ । वडा कार्यालयले बिहिबार पत्रकार भेटघाट गर्दै साउन १२ गते शनिबार वडालाई बालमैत्री शासनयुक्त वडा घोषणा हुने जनाकारी दिएकाे हाे ।
वडाले बालमैत्री स्थानीय शासन घोषणाका लागि आवश्यक सूचक पुरा गरेपछि घोषण गर्न लागिएकाे पत्रकार भेटघाटमा बताइएकाे छ । बालमैत्री स्थानीय शासनकाे लागि तोकिएकाे आवश्यक ५१ वटा सूचकमध्ये ४५ वटा सूचक सतप्रतिशत, ३ वटा ९६ प्रतिशत १ वटा ९५ प्रतिशत र १ वटा ९० प्रतिशत पूरा भएकाेले घोषणाकाे तयारी गरिएकाे वडा अध्यक्ष विष्णुगोपाल महर्जनले बताए ।
बालमैत्री घोषणा सम्बन्धमा वडा अध्यक्ष महर्जनले वडामा १८ वर्षमुनिका १ हजार ८ सय ११ बालबालिका रहेकाेमा ५२.१३ प्रतिशत् (९ सय ४४) बालक र ४७.८७ प्रतिशत (८सय ६७) बालिका रहेकाे जानकारी दिए ।बालबालिकाको सक्रिय सहभागिताका लागि १९ वटा बालसमूह र १ वटा वडा बालसञ्जाल गठन गरिएकोमा ४ सय ६० बालबालिका आबद्ध रहेका छन् । विभिन्न संरचनागत् समितिमा थप २५ जनासहित कुल ४ सय ८५ बालबालिकाको प्रत्यक्ष सहभागिता रहेका उनले बताए ।
वडामा १ सामुदायिक र २ संस्थागत गरी ३ विद्यालय र २ वटा बालविकास केन्द्र सञ्चालनमा छन् जसले बालबालिकालाई शिक्षाको पहुँचमा ल्याएको छ । विद्यालयहरुमा छात्र र छात्राका लागि अलग शौचालय व्यवस्था, छात्राहरुकाे लागि सेनिटरी प्याड वितरण र बालमैत्री आचारसंहिता लागू गरिएको छ । ३ वटै विद्यालय बालमैत्री स्थानीय शासन युक्त घोषणा भइ सकेकाे छ ।
वडाले बालबालिकाको स्वास्थ्य र पोषण सुधारका लागि पूर्ण स्तनपान प्रवद्र्धन र स्तनपानकक्ष स्थापना गरेको छ । पोषण शिक्षा र ५० सुत्केरी तथा बालबालिकालाई पोषण सामग्री वितरण गरेको अध्यक्ष महर्जनले बताए । बालसंरक्षणका लागि वडाले बालविवाह, बालश्रम र बाल दुव्र्यवहारविरुद्ध सचेतना कार्यक्रमहरु गरेको छ । बालअधिकार समितिको सक्रिय काम भइरहेको र बालश्रममा भेटिएका बालबालिका उद्धार, मनोसामाजिक परामर्श र पारिवारिक पुनस्र्थापना गरिएको अध्यक्ष महर्जनले बताए ।
अध्यक्ष महर्जनका अनुसार विद्यालय र समुदायमा लागुपदार्थ दुर्व्यसन र साइबर अपराध सम्बन्धी सचेतना कार्यक्रम, बालमैत्री सम्पर्क व्यक्ति नियुक्ति, जन्मदर्ता अभियान र विद्यालय भर्नामा जन्मदर्ता अनिवार्य जस्ता कार्य गरिएका छन् । “बालबालिकामा लगानी सुनिश्चित भविष्यको थालनी हो । शनिबारको घोषणासँगै हामी बालबालिकाको सर्वांगीण विकासका लागि थप प्रतिबद्ध र जवाफदेही हुनेछौं’ उनले भने
‘बालबालिकाको सुन्दर भविष्य निर्माणमा घरपरिवारको साथै यस वडाको ठूलो जिम्मेवारी र दायित्व हुन्छ । भविष्यमा वडा सञ्चालनको महत्वपुर्ण हिस्सा ओगटेको आजको बालबालिकाको क्षेत्रमा वडाले लगानी गर्नु पर्दछ। यसमा परिवारको पनि अहम् भूमिका रहन्छ। बालवालिकाको बाच्न पाउने अधिकार, संरक्षणको अधिकार, बिकासको अधिकार र सहभागिताको अधिकारको बिषयमा सबै सरोकारवाला निकाय जिम्मेवार बन्नै पर्ने हुन्छ । बालबालिकाले अधिकारको मागसंगै उनीहरुले पनि कर्तब्यबोध पनि गर्नुपर्ने हुन्छ ।’ प्रेस विज्ञप्तिमा भनिएकाे छ ।
कार्यक्रममा स्थानीय जनप्रतिनिधि, सरकारी अधिकारी, नागरिक समाजका प्रतिनिधि र विशेषगरी बालबालिकाको उपस्थिति रहने जनाइएको छ । घोषणाकाे अवसरमा वडाको बालमैत्री यात्रा,उपलब्धीहरु र भावी योजनाको प्रतिवेदनकाे प्रस्तुति रहने बताइएको छ । यस अघि हेटौडाकाे ८ नम्बर वडा बालमैत्री स्थानीय शासन युक्त घोषणा भइ सकेकाे छ ।
पत्रकार सम्मेलनमा बालमैत्री सम्पर्क व्यक्ति तथा वडा २ काे सदस्य सुरज बर्ताैला, वडा सचिव रामप्रसाद गुरागाईं,बाल जागृति बाेर्डिङ स्कुलमा प्रिन्सिपल बिनाेद सुवेदी, बालमैत्री नगर सहजकर्ता सपना ढुङ्गानालगायतकाे सहभागीता रहेकाे थियाे ।
मकवानपुर । सत्ता समिकरणको नयाँ गठबन्धन अनुसार बागमती प्रदेशको मुख्यमन्त्रीको जिम्मेवारी पाएका बहादुर सिं लामाले पद तथा गोपनीयताको सपथ लिएका छन् ।
मंगलबार बागमती प्रदेशको मुख्यमन्त्रीमा नियुक्त भएका लामाको बुधबार सपथ ग्रहण गरेका हुन् । बुधबार नै मुख्यमन्त्री लामासहित प्रदेशको १० मन्त्रालयको मन्त्रीहरूको पनि सपथ लिएका छन् ।
लामालाई मंगलबार प्रदेश प्रमुख यादव चन्द्र शर्माले संविधानको धारा १६८ को २ अनुसार मुख्यमन्त्रीमा नियुक्त गरेका थिए ।
एमाले २७ र कांग्रेसका ३७ गरी ६४ सांसदहरूको समर्थन उनी मुख्यमन्त्री नियुत्त भएका हुन् ।
प्रदेश सभाको दुई ठुला दलहरु मिलेर सरकार सञ्चालनमा गएको यो पहिलो पटक हो । यो संगै बागमती प्रदेशमा नेपाली काँग्रेसले पहिलो पटक सरकारको नेतृत्व गरेको हो ।
नेपाली काँग्रेसको नेतृत्वमा रहेको प्रदेश सरकारमा एमालेले ६ वटा मन्त्रालय पाएको छ भने काँग्रेसले मुख्यमन्त्री सहित ७ मन्त्रालय पाएको छ ।
एमालेबाट प्रकाश श्रेष्ठले कृषि तथा पशुपन्छी, किरण थापाले स्वास्थ्य, कृष्णप्रसाद सिलवालले वन तथा वातावरण, सुकमाया तामाङले उद्योग, वाणिज्य, भूमि तथा प्रशासन, अमन मास्केले भौतिक पूर्वाधार विकाश र प्रेम भक्त महर्जनले श्रम रोजगार तथा यातायात मन्त्रालयको जिम्मेवारी पाएका छन् ।
कांग्रेसले मुख्यमन्त्री तथा मन्त्री परिषदको कार्यालय, आर्थिक मामिला तथा योजना मन्त्रालय, आन्तरिक मामिला तथा कानुन मन्त्रालय, सामाजिक विकास मन्त्रालय, संस्कृति पर्यटन तथा सहकारी मन्त्रालय, खानेपानी ऊर्जा तथा सिँचाइ मन्त्रालय र युवा तथा खेलकुद मन्त्रालय पाएको छ ।
जसमा कुन्दन राज काफ्ले, श्याम बहादुर खड्का र मधुकुमार श्रेष्ठलाई जिम्मेवारी पछि तोकिने गरि मन्त्री नियुक्त भएका छन् ।
नियुक्त भएका सबै मन्त्रीहरुले बुधबार नै पद तथा गोपनीयताको सपथ लिएका छन् ।