मकवानपुर । बागमती प्रदेश प्रहरी कार्यालय हेटौंडाले ६९ औं प्रहरी दिवस, २०८१ विभिन्न कार्यक्रम आयोजना गरी मनाएको छ ।
कार्यालयले मंगलबार र बुधबार दुई चरणमा विभिन्न कार्यक्रम गरी दिवस मनाएको हो । प्रहरी दिवस कार्यक्रमकाे पहिलो दिन मंगलबार श्रद्धाञ्जली तथा मृतक प्रहरीका परिवारलाई सम्मान कार्यक्रम गरेकाे थियाे । यसैगरी बुधबार विभिन्न विधामा उत्कृष्ट हुने, खेलकुद कार्यक्रममा उत्कृष्ट हुनेहरु र पुर्व प्रहरीलाई सम्मानसहित पुरस्कृत गरिएको थियो ।
प्रहरी दिवस कार्यक्रममा बागमती प्रदेश मुख्यमन्त्री बहादुर सिंह लामाले प्रदेश सरकारको स्थापनासँगै प्रदेशको शान्ति सुरक्षा कायम गर्ने जिम्मेवारीमा प्रदेश प्रहरीले काम गर्दै आइरहेको बताए । ‘प्रदेश प्रहरीलाई प्रभावकारी एवम् व्यवस्थित बनाउन सरकारले अभिभावकको भूमिका निर्वाह गर्दै आइरहेको छ’ उनले भने ।
यसैगरी बागमती प्रदेशका आन्तरिक मामिला तथा कानूनमन्त्री सुरज चन्द्र लामिछानेले प्रहरीको साहस, लगनशीलता र समर्पणले नै सबैको हरेक क्षण सुरक्षित भएको बताए । ‘निलो पोशाकलाई सम्मान गर्दै विभिन्न चुनौतिको सामना, हरेक परिवर्तनको साक्षि, सशस्त्र द्वन्द, असहज परिस्थिति, प्राकृतिक विपद्, दुर्घटनामा पनि नागरिक सेवामा समर्पित रहदैं सदैव अग्रपक्तिंमा रहि मुस्कान सहितको सेवा दिदै अहोरात्र खटिरहने प्रहरी संगठनलाई बागमती प्रदेश सरकारको निरन्तर सहयोग र समन्वय रहि रहनेछ’ उनले भने ।
बागमती प्रदेश प्रहरी कार्यालयका प्रहरी प्रमुख प्रहरी नायव महानिरीक्षक कृष्ण हरी शर्माले प्रदेशको शान्ति सु–व्यवस्थालाई मजबुत बनाउने कार्यमा बागमती प्रदेश सरकारबाट सहयोग भइरहेकाे बताए ।
उत्कृष्ट अनुसन्धानकतातर्फ काभ्रेस्थित इलाका प्रहरी कार्यालय मंगलटारका प्रहरी निरीक्षक कृष्ण गिरी, उत्कृष्ट विपद् व्यवस्थापकतर्फ जिल्ला प्रहरी काभ्रेका प्रहरी उपरीक्षक बसुन्धरा खड्का र काभ्रे जिल्लास्थित ईलाका प्रहरी कार्यालय देविटारका प्रहरी हवल्दार शम्भु बोहरा पुरस्कृत भए ।
यसैगरी पुरस्कृत हुनेहरुमा उत्कृष्ट प्रहरी कार्यतर्फ हेटौंडास्थित प्रहरी चौकी रातोमाटेका प्रहरी हवल्दार सुरेन्द्र साह, उत्कृष्ट वाह्य प्रशिक्षकको रुपमा बागमती प्रदेश प्रहरी तालिम केन्द्र दुधौलीका प्रहरी सहायक निरीक्षक कर्ण बहादुर तामाङ र उत्कृष्ट प्राविधिक जिल्ला प्रहरी कार्यालय काभ्रेमा कार्यरत प्रहरी सहायक निरीक्षक नवराज कार्की रहेका छन् ।
यस्तै नेपाल प्रहरी कार्यदक्षता मूल्याङ्कन २०८१ मा जिल्ला प्रहरी कार्यालय सिन्धुलीको नागरिक सहायता कक्षको उत्कृष्ट व्यवस्थापन गर्ने प्रहरी उपरीक्षक गोविन्द राज काफ्ले र सिन्धुलीको गोलन्जोर गाउँपालिका–७ स्थित नेपाल प्रहरी संगठनको सेवा प्रवाहलाई सरल, सहज र प्रवाहलाई प्रभावकारी बनाउन पुुर्याएको योगदानको कदर गर्दै रवि आचार्यलाई प्रशंंसा पत्र प्रदान गरिएको छ ।
नेशनल गोल्ड टेलिभिजन हेटौंडाका प्रबन्ध निर्देशक उज्वल चौलागाई, टिम टिभी हेटौंडाका प्रमुख रामशरण दुलाल, सिन्धुलीका पूर्वप्रहरी निरीक्षक राम बहादुर हायू र मकवानपुरका पूर्व प्रहरी सहायक निरीक्षक रामसिंह तामाङलाई कदरपत्रद्वारा सम्मानित गरिएको छ ।
यस्तै बागमती प्रदेश प्रहरीस्तरीय फूटबल, भलिबल, टेवलटेनिस, क्रिकेट, बास्केट बल, डोरीतान र ब्याडमिन्टन प्रतियोगितामा प्रथम तथा द्वितीय हुने प्रहरी कर्मचारीहरुलाई पुरस्कार वितरण गरिएको छ ।
यसैगरी प्रहरी दिवसकाे अवसरमा भएकाे रक्तदान कार्यक्रममा ४५ जनाले रक्तदान गरेका छन् । उक्त कार्यक्रममा बागमती प्रदेशका मुख्यमन्त्री बहादुर सिंह लामासहित ४५ जनाले रक्तदान गरेका थिए । बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्मासहित ४१ जना पुरुष र ४ महिला कर्मचारीले रक्तदान गरेका हुन् ।
मकवानपुर । नेपाल आयल निगमले पेट्रोलियम पदार्थको मूल्य बढाएको छ ।
निगमले मंगलबार राति १२ बजेदेखि लागू हुनेगरी प्रतिलिटर पेट्रोलको मूल्य एक रुपैयाँ, र डिजेल तथा मट्टितेलको मूल्य चार रुपैयाँको दरले बढाएको हो ।
योसँगै तेस्रो वर्ग अन्तर्गत काठमाडौँ, पोखरा र दीपायलमा पेट्रोलको मूल्य १५९ रुपैयाँ, दोस्रो वर्ग अन्तर्गतका सुर्खेत र दाङमा १५८ रुपैयाँ र पहिलो वर्ग अन्तर्गतका बाँकी क्षेत्रमा १५६.५० रुपैयाँ कायम भएको निगमले जनाएको छ ।
त्यस्तै, डिजेलको मूल्य तेस्रो वर्ग अन्तर्गतका क्षेत्रमा १५१ रुपैयाँ, दोस्रो वर्ग अन्तर्गतका क्षेत्रमा १५० रुपैयाँ र पहिलो वर्ग अन्तर्गतका क्षेत्रमा १४८.५० रुपैयाँ कायम भएको छ ।
निगमले हवाई इन्धन र एलपी ग्यासको मूल्य भने यथावत रहेको जनाएको छ ।
कास्की । माछापुच्छ्रे परोपकारी सस्था लाहाचोक कास्कीले वडा दशैंकाे अवसरमा दुई वटा कार्यक्रम गरेको छ। संस्थाले विद्यार्थीहरूलाई खेलकुद तथा शैक्षिक सामाग्री वितरण र सम्मान एवं सहयोग रकम हस्तान्तरण कार्यक्रम गरेकाे हाे ।
संस्थाले कास्कीको घाचोक स्थित जनजागरण प्राविका ५० जना विद्यार्थीहरूलाई शैक्षिक सामाग्री सहयाेग गरेकाे हाे । विद्यार्थीलाई १३ हजार रुपैंया बराबरकाे सामग्री सहयोग गरेकाे कार्यक्रम संयोजक राजु क्षेत्री अपुरोले जानकारी दिए । उक्त कार्यक्रम सस्थाका संरक्षक पुर्ण बहादुर शाही (नर्वे)को मुख्य प्रायोजन तथा सस्थाकी सदस्य देवी तिवारीको विशेष प्रायोजनमा भएको उनले बताए ।
यसैगरी दशैं आगमनको पुर्व सन्ध्यामा विद्यार्थी, अभिभावक तथा शिक्षकहरू बिच समसायीक छलफल तथा शुभकामना आदान प्रदान समेत गरिएको थियो। उक्त कार्यक्रममा राजिव पहारी, पुर्व डिएसपी राजेन्द्र अधिकारी स्थानिय समाजसेवी पदम नेपाल लगायतले माछापुच्छ्रे परोपकारी सस्थाबाट गरिएका थुप्रै कार्यहरूबाट आफुहरू निकै प्रभावित भएको बताए।
प्रदिप जिसीको अध्यक्षता भएकाे कार्यक्रमकाे सहजीकरण सुशील श्रेष्ठले गरेका थिए ।
यसैगरी सस्थाले लाहाचोकका बिपन्न जेष्ठ नागरिक टेक बहादुर सुनारलाई १२ हजार १११ रुपैयाँ सहयोग गरेको छ। यसैगरी नवमीमा भएको कालरात्री साँझ २०८१ का तीन दर्जन बाल कलाकार र कार्यक्रममा विशेष सहयोग गर्ने एक दर्जन सहयोगीहरूलाई सम्मान गरिएकाे थियाे ।
कार्यक्रममा गायिका समीक्षा अधिकारी, लोक दोहोरी गायक श्रीराम अधिकारी, जीवन दाहाल, गायीकाद्वय पार्वती जीसी , तुलसा जिसी, गायक दिपेश नेपाली लगायत स्थानीय कलाकारहरूले आ आफ्नो सांगीतिक प्रस्तुति गरेका थिए । उक्त कार्यक्रम
मान्द्रे गैचौर टोल सुधार समिती र कोटमौला समितिको आयोजना तथा माछापुच्छ्रे परोपकारी सस्थाले समन्वयमा भएकाे थियो ।
भिम बहादुर जिसीको अध्यक्षतामा भएकाे कार्यक्रम पान बहादुर जिसीको व्यवस्थापन, राजु क्षत्री अपुरोको संयोजनमामा भएकाे हाे । कार्यक्रममा वडाध्यक्ष मधुसूदन अधिकारीको विशेष उपस्थिति रहेको थियो।
मकवनापुर । मकवानपुरकाे मनहरी गाउँपालिकामा बस र ट्रक ठोक्किदा ३० जना घाइते भएका छन् ।
साेमबार दिउँसो मनहरी ६ चौकीटोल स्थित पूर्व–पश्चिम राजमार्ग अन्तरगत चितवनबाट हेटौडा तर्फ आउदै गरेको ना ७ ख ३१२० नम्बरको बस र मनहरीबाट चितवन तर्फ जादै गरेको ना ६ ख ३११९ नम्बरकाे ट्रक ठोकिएर दुर्घटना हुँदा ३० जना घाइते भएकाे मकवानपुर प्रहरीले जनाएकाे छ ।
जिल्ला प्रहरी कार्यालय मकवानपुरका अनुसार मनहरी इलाका प्रहरी कार्यालय समेतकाे प्रहरी टोलीले घाइतेहरुकाे उद्दार गरी उपचारकाे लागि चितवन र हेटौडा पठाइएकाे छ । भरतपुरस्थित पुरानो मेडिकल कलेज र नँया मेडिकल कलेजमा १३/१३ जना गरी २६ जना हेटौडा अस्पताल ४ जनाकाे उपचार भई रहेका छ ।
प्रहरीका अनुसार उपचाररत घाइतेहरुकाे अबस्था मध्यम रहेको छ । अहिले घटनास्थलमा बाटो दुई तर्फी सुचारू रहेको छ ।
घाईतेहरुकाे विवरण तथा अवस्थाः
नया मेडिकल कलेज भरतपुर चितवनमा उपचारत
१.जिल्ला रौतहट चन्द्रनिगाहपुर बस्ने बर्ष अं.४४ को शत्रु राज सिलवाल टाउकोमा चोट
२.जिल्ला पाल्पा घर भएका बर्ष अं.३६ की ममता नेपाली टाउकोमा चोट
३.जिल्ला चितवन राप्ति न.पा.११ बस्ने बर्ष अं. १० की मुना लोप्चन टाउकोमा चोट
४. जिल्ला मकवानपर हे.उ.म.न.पा ४ बस्ने बर्ष अं. ४५ की शुसिला पराजुली टाउकोमा चोट
५.जिल्ला चितवन राप्ति न.पा.११ बस्ने बर्ष अं. ३० की ममता तामाङ
६. ऐ.ऐ.बस्ने बर्ष अं.११ की मनिषा तामाङ हातमा चोट
७. जिल्ला बारा जितपुर सिमरा उ.म.न.पा १ बस्ने बर्ष अं.३५ को गणेश लामा ।( ट्रक चालक)
८. जिल्ला पाल्पा रामपुर ६ बस्ने बर्ष अं. १५ की आशिका नेपालीको खुट्टामा चोट
९. जिल्ला रौतहट चन्द्रनिगाहपुर ८ बस्ने अ.बर्ष १५ को भिम कुमार थापाको हातमा चोट
१०. जिल्ला तनहु घिरीङ गा.पा २ बस्ने बर्ष अं.३१ की नन्द कलि थापा टाउकोमा चोट
११.निजको छोरी बर्ष अं. ९कि मिनाक्सी थापा छातिमा भित्री चोट
१२. जिल्ला मोहतरी बर्दिबास ५ बस्ने बर्ष अं. ३४ को गोरे ब.परियार टाउकोमा
१३. ऐ.ऐ.बस्ने बर्ष अं.३० को बिमल कुमार परियार टाउकोमा र खुट्टामा चोट
पुरानो मेडिक कलेज उपचारतः
१.जिल्ला पाल्पा रामपुर न.पा ९ बस्ने बर्ष अं.३५ को भिम ब.नेपाली दाया खुट्टमा चोट अवस्था मध्यम
२. ऐ.ऐ.बस्ने निजको छोरी बर्ष अं.१० की अमिना नेपाली टाउकोमा चोट अवस्था मध्यम
३. निजको छोरा बर्ष अं.६ को अंकित नेपाली खुट्टामा चोट अवस्था मध्यम
४.जिल्ला चितवन राप्ति न.पा.११ बस्ने बर्ष अं.३५ की शान्ति माया थिङ छाति र टाउकोमा चोट अवस्था मध्यम
५. ऐ.ऐ.बस्ने निजको छोरा बर्ष अं.१२ को लख्वा दोर्जे तामाङ अनुहारमा चोट अवस्था सामान्य
६. ऐ.ऐ. बस्ने निजको छोरी बर्ष अं.११ की सुष्मा लोप्चन अवस्था सामान्य
७.जिल्ला सर्लाही लालबन्दी न.पा.९ बस्ने बर्ष अं.५७ को तिलक बि.क खुट्टामा चोट अवस्था मध्यम
८. जि.रौतहट चन्द्रनियापुर न.पा.४ बस्ने बर्ष अं.२१ कि तारा गुरुङ टाउकोमा चोट अवस्था मधयम
९. ऐ.ऐ.बस्ने बर्ष अं. २५ को पुस्कर गुरुङ हातमा चोट अवस्था सामान्य
१०. जिल्ला चितवन राप्ति न.पा.११ बस्ने बर्ष अं.३१ को चित्र तामाङ छातिमा चोट अवस्था मध्यम
११.जिल्ला मकवानपुर मनहरी गा.पा.६ बस्ने बर्ष अं. १८ की सुहाना राई अवस्था सामान्य
१२. जिल्ला महोतरी बर्दिवास ५ बस्ने बर्ष अं.३३ को बिनोद कु.परियार टाउकोमा चोट अवस्था मध्यम
१३. जिल्ला चितवन भरतपुर महानगरपालिका २१ बस्ने बर्ष अं. २८ को प्रभु सापकोटा दाहिने खुट्टमा चोट अवस्था सामान्य
हेटौडा अस्पताल उपचारतः
१. जिल्ला बारा निजगढ ७ माझीटोल बस्ने बर्ष अं. ३८ को हरी कुमार माझी (९८२१८६२६९४) को दुबै हात र टाउकोमा चोट अवस्था मध्यम
२. ऐ.ऐ. बस्ने बर्ष अं. ३६ की सम्झना माझी मुखमा र दुवै घुडामा चोट अवस्था सामान्य
३. जिल्ला चितवन खैरेनी न.पा. २ बस्ने बर्ष अं. २९ को प्रज्वल कुमाल टाउकोमा चोट अवस्था मध्यम
४.जिल्ला मकवानपुर हेटौडा उ.म.न.पा.१२ बस्ने बर्ष अं. ५४ की सिता ढुंगानाको हात र खुट्टामा सामान्य चोट अवस्था सामान्य
मकवानपुर । मकवानपुर जिल्लाका चार भिन्नाभिन्नै स्थानमा भएका सवारी दुर्घटनामा १४ जना घाइते भएका छन् । आइतबार जिल्लामा भएका सवारी दुर्घटनामा परी उनीहरु घाइते भएकाे प्रदेश प्रहरी कार्यालय हेटौडाले जनाएकाे छ ।
हेटौडा उपमहानगरपालिका वडा नम्बर–१५ को चार्जिङ पोइन्ट नजिक पूर्व–पश्चिम सडक खण्डमा दुइ वटा मोटरसाइकल एक आपसमा ठोकिदा चार जना घाइते भएका छन् । पथलैयाबाट हेटौडातर्फ आउदै गरेको ना २९ प ७९८३ नंबरको मोटरसाइकल र पथलैया तर्फ जादै गरेको ना ५९ प ७८३ नंंबरको मोटरसाइकल एकआपसमा ठक्कर खाई दुर्घटना हुदा चार जना घाइते भएका हुन् ।
यसैगरी मकवानपुरगढी गाउँपालिका वडा नम्बर–२ गढी रिसोर्ट नजिक नजिकै कान्तिलोकपथ सडक खण्डमा हेटौडा तर्फ आउँदै गरेको ना १ ह ९२११ नंबरको अटो ब्रेक फेल भई दुर्घटना हुँदा अटोमा सवार ६ जना घाइते भएकाे प्रदेश प्रहरी कार्यालय हेटौंडाले जनाएको छ ।
यस्तै मकवानपुरको बकैया गाउँपालिका वडा नम्बर–४ गोठखोला स्थित धरान चतारा सडखखण्डमा हेटौडाबाट फापरबारी तर्फ जादै गरको ना ३२ प ३२४४ नंबरको मोटरसाइकल अनियन्त्रित भई पल्टिदा दुइ जना घाइते भएको प्रहरीले जनाएको छ ।
यसैगरी मकवानपुरको मनहरी गाउँपालिका वडा नम्बर–१ मकरीमा भित्री सडक खण्डमा मकरीबाट हेटौडा तर्फ आउँदै गरेको बा प्र ०३–००५ प ९७१ नंबरको मोटरसाइकल र भित्रि शाखा रोडमा घैयाडाँडाबाट हेटौडा बजार तर्फ आउँदै गरेको बा प्र ०१–०२८च ८९४८ नंबरको कार दुर्घटनामा दुइ जना घाइते भएको प्रदेश प्रहरी कार्यालय हेटौंडाले जनाएको छ ।