मकवानपुर । बागमती गाउँपालिका खेलकुद बिकास समितीको आयोजनामा चौथो बागमती गोल्डकप राष्ट्रिय फुटबल प्रतियोगिता -२०७७ आगामी चैत १३ गतेबाट सुरु हुने भएको छ । चेत २३ गतेसम्म संचालन हुने फुटबल प्रतियोगितामा देश भरका विभिन्न स्थानबाट १० वटा क्लबको सहभागिता रहने आयोजकले जनाएको छ ।
देशको ए डिभिजन क्लबको समेत सहभागिता हुने खेलकुद विकास समिति सदस्य तथा जनता माबिका प्रध्यानाध्यापक वसन्त राईले बताए । खेलसँगै समृद्धि जोडिएकोले व्यावसायिकहरुले पनि सहयोग र साथ दिन उनले आग्रह गरे ।
छोटो समयमा धेरै तयारी गरेर खेलको तयारी थालिएको बागमती गाउँपालिका अध्यक्ष सर्केश घलानले बताए । नियमित खेलकुद प्रतियोगिता गरिदाँ खेलसँगै शिक्षा क्षेत्रको विकास हुने अध्यक्ष घलानले बताए । “गाउँपालिका भित्र रंगशालाको समेत आवश्यकता खड्किएकोले बढी चासो र आकर्षक आवश्यक छ” अध्यक्ष घलानले भने । आन्तरिक खेलाडीलाई मनोबल बढाउन र उत्कृष्ट खेलाडी बनाउने अवसर सिर्जना गर्न खेललाई निरन्तरता दिएको अध्यक्ष घलानले बताए ।
खेल क्षेत्रको विकाससँगै स्थानीय क्षेत्रको विकाससँग जोडिएकोले आफूहरूले नियमित खेल जारी राखेको बागमती गाउँपालिका खेलकुद विकास समिति सचिब प्रमोदकुमार राईले बताए । नगद १ लाखबाट सुरु गरिएको यो खेलमा समयसापेक्ष पुरस्कार राशि बढाउदै आएको बागमती गाउँपालिकामा आइतबार आयोजित पत्रकार सम्मेलनमा जानकारी गराइएको थियो ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ बागमती गाउँपालिका वडा नम्बर ८ शान्तिपुर स्थित जनता माबिको चौरमा खेल हुनेछ । दैनिक ७ देखि १० हजार जनाले खेलको अवलोकन गर्ने खेलकुद विकस समिति अध्यक्ष भीमबहादुर राई बताए । प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।
फुटबल प्रतियोगिताको पुरस्कार राशि यसवर्ष केही बढाइएको छ । गतवर्ष बागमती गोल्डकपको तेस्रो संस्करणको विजेताले नगद ६ लाख रुपैयाँ प्राप्त गरेका थिए । उपविजेता हुने समूहले ३ लाख रुपैयाँ प्राप्त गरेका थिए । बागमती गाउँपालिका खेलकुद विकास समितिले गत वर्षको तुलनामा प्रथम पुरस्कारमा २ लाख र द्वितीय पुरस्कारमा १ लाख रुपैयाँ थप गरेको हो ।

कुलखर्च चौहत्तर लाख, पैतालिस हजार अनुमान गरिएको र मुख्य प्रायोजक बागमती गाउँपालिकाले ३५ लाख आर्थिक सहयोग गर्ने बागमती गाउँपालिका खेलकुद विकास समिति पुर्व अध्यक्ष ध्रुव थापाले बताए । अपुग रकमका लागि उद्योगी व्यापारी तथा अन्य गाउँपालिकासँग सहकार्य गरिने उनले बताए ।
प्रतियोगितामा ए पि एफ क्लब काठमाडौ,नेपाल पुलिस क्लब काठमाडौ, च्यासल युवा क्लब ललितपुर,संकटा युवा क्लब काठमाडौ, जाउलाखेल युवा क्लब ललितपुर, मछिनन्द्र क्लब काठमाडौं, बागमती युवा क्लब सर्लाही , नव जनता जागृती युवा क्लब सिमरा, थ्री स्टार युवा क्लब काठमाडौ, हेटौंडा ११ हेटौंडा सहभागी हुन सक्ने आयोजकले बताएको छ ।
स्थानीय खेलाडी उत्पादन गर्ने र उनीहरुको सीप र कौसलतालाई प्रोत्साहन गर्ने मुख्य उद्देश रहेको उनले बताए । यसभन्दा अगाडि सम्पन्न गरिएको तीन वटा खेलको अनुभवलाई समेट्दै खेल सम्पन्न गर्ने तयारीमा लागेको आयोजकले जनाएको छ ।
तेस्रो बागमती गोल्ड कपको उपाधी र दोस्रो बागमती गोल्ड कप २०७५ को उपाधी सरस्वती क्लब काठमाडौं र पहिलो बागमती गोल्ड कप २०७५ को उपाधी हरिहरपुर गाउँपालिका, सिन्धुलीले पोल्टामा पारेका थिए ।
मकवानपुर । मकवानपुर उद्योग वाणिज्य संघको चैत अन्तिम साता हुने ५४ औं साधारण सभा सुरु भएको छ । निर्वाचनको लागि उम्मेदवारी घाेषणा गर्ने क्रम चलिरहेकाे छ । यसैक्रममा उद्योग वाण्ज्यि संघको अध्यक्षमा राजकुमार न्याैपाने सहित ४ उपाध्यक्षको शुक्रबार उम्मेदवारी घोषणा भएको छ । संघको निवर्तमान अध्यक्ष राजकुमार न्यौपाने अध्यक्ष रहने गरी प्यानल घोषणा भएको हो ।
न्यौपानेको अध्यक्षतामा उपाध्यक्ष बस्तुगत तर्फ राजु अधिकारीले उम्मेदवारी घोषणा गरेका छन् । अधिकारीले मकवानपुर कुखुरा व्यवसायी संघ लगायत व्यवसायी संघ संस्थाको नेतृत्व गरेका छन् । यस्तै हेटौंडा लेडी जेसिजकी अध्यक्ष समेत रहेकी प्रतिमा श्रेष्ठले उधोग तर्फबाट उपाध्यक्षको उम्मेदवारी घोषणा गरेकी हुन् । उनी उद्योग वाण्ज्यि संघको वर्तमान कार्यसमिति सदस्य समेत हुन् । यस्तै हाल मकवानपुर उद्योग वाणिज्य संघका उपाध्यक्ष रहेका रामप्रसाद न्यौपानेले वाणिज्य तर्फबाट उपाध्यक्षको उम्मेदवारी घोषणा गरेका छन् । न्यौपानेको नेतृत्वमा ब्रोडकास्टिङ एशोसिएसन(बान)का केन्द्रीय उपाध्यक्ष रहेको उज्जवल चौलागाइँले एशोसिएट तर्फबाट उपाध्यक्षको उम्मेदवारी दर्ता गरेका छन् ।
उम्मेदवारी घोषणामा बोल्दै अध्यक्षका उम्मेद्वार न्यौपानेले आफ्नो अघिल्लो कार्यकलामा काम गर्न ठुलो चुनौती भोग्नुपरेको बताए। आफ्नै कार्यसमितिबाट असहयोगको बाबजुद पनि धेरै काम गरेको भन्दै उनले अहिलेको कार्यसमितिले केन्द्रीय सदस्यको उम्मेदवारी दिन सिफारिस समेत रोकेको बताए । उनले शुक्रबार उद्योग वाणिज्य संघका केन्द्रीय सदस्य अरुणराज सुमार्गीले पत्रकारलाई गरेको व्यवहार प्रति लज्जित भएको भन्दै आफैंले पत्रकारहरु सँग माफी मागेका थिए ।
मकवानपुर । आउँदाे चैत्र अन्तिम साता हुने मकवानपुर उधोग बाणिज्य संघको ५४ औ वार्षिक साधारण सभामा कृष्ण कुमार गुप्ताले अध्यक्ष पदमा उम्मेदवारी घोषणा गरेका छन् । शनिवार हेटौंडामा पत्रकार सम्मेलन गर्दै उनले उम्मेदवारी घोषणा गरेका हुन । गुप्ताले आफ्नो उम्मेदवारी सँगै प्रतिवद्धता पनि सार्वजनिक गरेका छन ।
उनको प्रतिवद्धतामा वन्द रहेका उद्योगहरु सन्चालन गर्ने वातावरण तयार गर्ने , महिला उद्यमी लाई आवस्यक तालिम प्रदान गरी उद्यमी बनाएर स्वारोजगार बनाउने , कर सम्वन्धि सचेतना गराउने ,घरवहाल कर सम्वन्धि आउने समस्याहरु सम्वन्धित निकाय बाट छलफल गरी समाधान गर्ने, वजार क्षेत्रमा पार्किङ व्यवस्थित गर्न स्थानीय सरकारसँग सहकार्य गर्ने , कृषि सामग्री लाई जोड दिँदै उत्पादन सँग सँगै बजारको सुनिश्चितता गर्ने, लगायतका रहेका छन् ।
अध्यक्षमा उममेदवारी घाेषणा गरेका गुप्ताले समृद्धि र व्यवसायीक परिचालन हाम्रो अभियानको लागी आत्मसाथ गर्दै सफल नेतृत्वको लागी आफुलाई विजयी गराउन व्यवसायीहरु माझ अनुरोध गरेका समेत छन् ।
गुप्ताको अध्यक्षमा उम्मेदवारी सँगै उनकाे प्यानलमा काब्यमणी अधिकारी, दिपक खत्री, राजेश लामिछाने, धर्मराज बाँनिया, रुपकराज दाहाल, सन्तोस अर्याल, भुपेन्द्र अधिकारी, श्री कृष्ण कर्माचार्य, दिपक उप्रेती, राजाराम कार्की, बिष्णु खनाल , दामोदर पाठक, रबि कँडेल शर्मा, निलम वैद्य, निलम पाण्डे, सुनिल अधिकारी, प्रमोद सिंह रानाभाट, कुल प्रसाद चौलागाइ, राधिका सामारी, कृष्णहरी बर्तौला, पुष्प पुडासैनी, राजेश लामिछाने, गणेश भेटवाल,र अङ्किता सुमार्गी रहेका छन् ।
मकवानपुर । लैङ्गिक समानताको लागि पुरुष सहभागिता संजाल मकबानपुरले अन्तरक्रिया गरेकाे छ । लैङ्गिक हिंसा अन्त्य र लैङ्गिक समानताको लागि ममवानपुरका स्थानिय जनप्रतिनिधिहरुसँग अन्तरक्रिया गरिएकाे हाे । मकबानपुर जिल्लाको मकबानपुरगढी गाँउपालिका, बागमति गाँउपालिका र राक्सिाराङ्ग गाँउपालिकाको जनप्रतिनिधिहरुसँग लैङ्गिक समानताको लागि कार्यक्रम गरेकाे थियो ।
लैङ्गिक समानताको लागि पुरुष सहभागिता संजाल मकबानपुरका संयोजक प्रकाश खतिवडाको सभाध्यक्षतामा भएको कार्यक्रममा उनले मेन ईगेज एलायन्सले सामाजिक न्याय को बकालत गर्दै महिलालाई अग्रभागमा राखेर महिलाको हिंसा अन्त्य तथा संबिधानमा उल्लेखित महिला अधिकार स्थापितका लागि कृयाशिल हुने कार्य गर्ने बताए ।
यसका साथै यौनिक तथा लैङ्गिक अल्पसंख्यक को अधिकार स्थापित, अपाङ्गता भएकाहरुको समाजिक सुरक्षाको प्रत्याभूती दिलाउन र तमाम लैङ्गिक असमानता हटाउन स्थानिय सरकार संचालन ऐन अनुरुप पालिकाले गर्न सक्ने भूमिकाको बारेमा बताउँदै खतिवडाले लोकतान्त्रीक नेपालमा पालिकाका जनप्रतिनिधिहरुको कर्तब्यको बारेमा बोध समेत गराएका थिए ।
यौनिक तथा लैङ्गिक अल्पसंख्यकको अधिकारमा कार्यरत फ्रेन्डस हेटौडाका प्रतिनिधि एबं एलायन्सका सदस्य किरण थापाले यौनिक तथा लैङ्गिक अल्पसंख्यकले भोगिरहेको अपमान र हेलाका साथै बिभिन्न समस्याहरु बाट ग्रसित हुदै स्थीति भयाबह हुदै गएकोले सरकारले बेलैमा समाधान गर्न आग्रह गरे ।

नारि सिप सृजना केन्द्रका कार्यकारी निर्देशक एबं एलायन्सका सदस्य चिरन्जीबि पौडेलले लैङ्गिक समानताको लागि पुरुष सहभागिताको औचित्यको बारेमा, पत्रकार एबं एलायन्सका सदस्य सुरेश श्रेष्टले लैङ्गिक समानताको लागि पत्रकार गर्न सक्ने योगदानको चर्चा गरेका थिए। यसैगरि एस्थर बेन्जामिनका प्रतिनिधि एबं एलायन्सका सदस्य बुद्ध लामाले सिमान्तकृत किशोरिहरुको शिक्षाको अबस्था खस्कीरहेको अबस्थाको बारेमा चित्रण गरेका थिए ।
कार्यक्रममा राक्सिराङ्ग गाउपालिकाको सदस्य सुरेश घलान, बागमति गाँउपालिकाका सदस्य मठु पुलामी मगर , गढि गाँउपालिकाका सदस्य गणेशमान गोले न्यायिक समतिका अधिबक्ता रामशरण लामिछाने , हेटौडा उपमहानगरपालिका कार्यपालिकाको सदस्य कल्पना बिश्वकर्मा लगायतले अब पालिका पालिकाहरुले लैङ्गिक समानता र समाजिक न्यायको लागि मिहिन ढंगले लाग्नु पर्ने औल्याउदै यस तर्फ पालिकाको कार्ययोजना र बजेट बिनियोजन गर्न क्रियाशील हुने प्रतिबद्धता जाहेर गरेका थिए ।
नारी सीप सृजना केन्द्रकी अध्यक्ष सरस्वती बर्तौलाले लैङ्गिक समानताको लागि संजाल गठन हुनु र संजालले कार्य प्रारम्भ गर्नु सकारात्मक कार्य भएकोले सस्थाले संजाललाई कार्यक्रम संचालन र अन्य सहयोग, समन्वय र सहकार्य गर्ने बताइन ।
कार्यक्रममा महिलाजागरण समुहनगर सदस्य दुर्गा नेपाल,र राधिकाचौलागाई लगायतको उपस्थिति रहेको थियो ।
मकवानपुर । जनयुद्ध तथा जनआन्दोलनका शहीद तथा बेपत्ता परिवारलाई नेपाल कम्युनिष्ट पार्टी (नेकपा) नेकपा मकवानपुरको दाहाल–नेपाल पक्षले सम्मान गरेको छ । शहीद सप्ताहको अवसरमा पूर्वी मकवानपुरको बागमती गाउँपालिकास्थित झुरझुरेमा भएको कार्यक्रममा शहीद तथा बेपत्ता परिवारलाई सम्मान गरिएको हो ।
फागुन २१ गते राज्य पक्षबाट हत्या गरिएका दिलबहादुर रम्तेल र सुखानी हत्याकाण्डको स्मृतिमा शहीद सप्ताह मनाउने क्रममा आयोजित समापन तथा सम्मान कार्यक्रममा शहीद तथा बेपत्ता परिवारलाई सम्मान गरिएको छ । नेकपा मकवानपुरका सहइन्चार्ज तथा प्रदेशसभा सदस्य कुमारी मोक्तानले शहीद परिवारका एक जना तथा बेपत्ता परिवारका १३ जनालाई नगदसहित खादा ओढाएर सम्मान गर्नुभएको छ ।

नेकपा बागमती प्रदेश सदस्य तथा बागमती गाउँपालिका अध्यक्ष सर्केश घलानको अध्यक्षतामा भएको कार्यक्रममा नेकपा मकवानपुर जिल्ला अध्यक्ष मुनु सिग्देल तथा सचिव प्रेमबहादुर पुलामीको विषेश आतिथ्यता थियो । कार्यक्रमा प्रदेश कमिटी सदस्य वीरबहादुर घलान (ज्वाला), पार्टी जिल्ला कार्यालय सदस्य बद्री लम्साल, श्रीधर पोखरेल, प्रमिला पुलामी, सचिवालय सदस्यहरु लक्ष्मी पाख्रिन, ज्ञानसागर भ्लोन, सुमन पाख्रिन, लक्ष्मी माझी, सिर्जना थिङ, बागमती गाउँपालिका अध्यक्ष अरुण बललगायतको आतिथ्यता थियो ।