मकवानपुर । मकवानपुरमा भरूवा बन्दुक पड्किदा १ जना घाइते भएका छन् । बकैया गाउँपालिका वडा नं. ६ का २२ बर्षिय जिवन घिसिङ साेही वडकाे सृजना सामुदायिक वनमा सिकार खेल्न गएकोमा उनले बोकेको अबैध भरुवा बन्दुक पड्कदा घाइते भएकाे मकवानपुर प्रहरीले जनाएकाे छ ।
गत बैशाख ३० गते करिब १ बजेको समयमा सिकार खेल्न गएकोमा अवस्थामा बन्दुक अचानक पड्कन गई घिसिङकाे दाहिने कोखामा गोलि लागि घाईते भएकाे जिल्ला प्रहरी कार्यालयका प्रवक्ता प्रहरी नायब उपरीक्षक जयश्वर रिमालले जानकारी दिए ।
घिसिङका आफन्तले उनलाइ हेटौडा स्थित अस्पतालमा उपचार गराउन ल्याएकोमा अवस्था गम्भिर रहेकोले थप उपचारको लागि मेडिकल कलेज भरतपुर चितवन पठाएको प्रवक्ता रिमालले बताए । घटना स्थलमा जिल्ला प्रहरी कार्यालयबाट प्रहरी टोली खटिई गई अबैध भरुवा बन्दुक बरामद गरिएको र घटना बारे थप अनुसन्धान भईरहेको रिमालले जानकारी दिए ।
मकवानपुर । मकवानपुरको कैलाश गाउँपालिकाले १० वेडकाे आइसोलेसन तयार गरेकाे छ । मकवानपुर जिल्लका सवै स्थानीय तहमा काेराेना संक्रमित हुने संख्या बढ्रदै गएकाेमा कैलाश गाउँपालिकाले कोरोना भाइरस संक्रमित बिरामीको उपचारको लागि अक्सिजन सहितको १० बेडको आइसोलेसन तयार गरेको हाे ।
राष्ट्रिय परिचयपत्र बनाउने कार्यक्रममा सहभागी भएकाहरूमा काेराेना संक्रमित भएकाे समाचार प्रकाशित भए यता गाउँपालिकामा काेराेनाकाे जाेखिम बढ्दै गएकाे छ । हाल गाउँपालिका भित्र ५८ जना सक्रिय संक्रमित होम आइसोलेसनमा उपचाररत रहेकाे माेक्तानले बताए । गाउँपालिका भित्र संक्रमित भएर स्वास्थ्यमा समस्या देखिएकालाई तत्काल आइसोलेसनमा ल्याएर उपचार गर्ने व्यवस्था मिलाइएकाे गाउँपालिककाले जनाएकाे छ ।
गाउँपालिकाको वडा नंबर ९ को नामटारमा १० वटा ठुला अक्सिजन सहितको आइसोलेसन तयार गरिएको गाउँपालिकाअध्यक्ष टंक मुक्तानले बताए । आइसोलेसनमा खाना तथा खाजाको व्यवस्था गरिएकाे छ । आइसोलेसनमा डाक्टरसहितको स्वास्थ्यकर्मीहरु तयारी अवस्थामा रहेकाे बताइएकाे छ । संक्रमितहरूसँग् नियमित सम्पर्कमा रहेकाले स्वास्थ्यमा समस्या हुने बित्तिकै जुन सुकै समयमा पनि सम्पर्क गरे आइसोलेसनमा ल्याएर उपचार गराउने व्यवस्था मिलाइएकाे अध्यक्ष मुक्तानले जानकारी दिए ।
गाउँपालिका भित्रका काेराेना संक्रमितलाई आइसोलेसन सम्म ल्याउन र संक्रमितकाे स्वास्थ्य अवस्था राम्राे भए पछी घर पुर्याउन दुई एम्बुलेन्स तयारी अवस्थामा राखिएकाे समेत मुक्तानले बताए । याेसँगै स्वास्थ्य अवस्था गम्भिर भए बिरामीलाई रिफर गरेर उपचारको लागि सम्बन्धित कोभिड अस्पतालसम्म पुर्याउन समेत निःशुल्क एम्बुलेन्स सेवा तयारी अवस्थामा रहेकाे मुक्तान बताउँछन् । गत वर्ष पनि गाउँपालिकाले संक्रमित बिरामीको उपचारको लागि नि:शुल्क एम्बुलेन्स सेवा दिएको थियो ।
मकवानपुर । हेटाैडा अस्पतालमा अक्सिजनको अभावले काेराेना संक्रमितकाे उपचारमा समस्या हुने भएकाे छ । मदनभण्डारी स्वास्थ्य विज्ञान प्रतिष्ठान अन्तरगतकाे हेटौंडा अस्पतालले अक्सिजन अभावले थप बिरामी भर्ना गर्न र भर्ना भएकाहरुको उपचार गर्न समस्या परेको बताएको छ ।
अस्पताल सञ्चालन तथा व्यवस्थापन समितिले शुक्रबार विज्ञप्ति नै जारी गरेर अब आईसीयू र एचडीयूमा भर्ना भएका बिरामीका लागि ३ घण्टालाई मात्र पुग्ने अक्सिजन मौज्दातमा रहेको बताएको छ । अस्पताललाइ अावश्यक अक्सिजन अन्य जिल्लाका उद्योगहरुमा भर पर्नु परेको र विहीबारबाट अन्यत्रबाट समेत अक्सिजन आपूर्ति रोकिएकाले परिस्थिति अप्ठाराे सिर्जना भएको अस्पतालले जानकारी दिएको छ । अक्सिजन उपलब्ध हुन नसकेकाले बिरामीको उपचारमा पर्न गएको असुविधाप्रति क्षमापार्थी छौ, अस्पतालले भनेको छ ।
मकवानपुरमा अक्सिजन प्लान्ट नहुँदा बाहिरी जिल्लाबाट अक्सिजन ल्याउनुपर्ने बाध्यता रहेकाेले हेटाैडा अस्पतालमा अक्सिजन अभावले समस्या भएको बताइएकाे छ ।

मकवानपुर जिल्लाभर आज राति १२ बजेबाट निषेधाज्ञा
Tags: No Comments
मकवानपुर । बैशख ३१ गते शुक्रबार राति १२ बजेबाट मकवानपुर जिल्ला भर निषेधाज्ञा जारी हुने भएको छ । मकवानपुर प्रशासनले जिल्लामा कोरोना संक्रमणकाे संख्या बढेसंगै संक्रमणको जोखिमलाई कम गर्न यस अघी बैशाख १९ गते राती १२ वजेबाट ३१ गते राती १२ बजेसम्म मकवानपुरका ४ स्थानीय तहमा निषेधाज्ञा लागु गरेकाे थियाे ।
हाल जिल्लामा कोरोना संक्रमण दर दिनहुँ बढ्दै गएकाेले जिल्लाका १० वटै स्थानीय तहमा संक्रमणको जोखिमलाई मध्यनजर गर्दै आज बैशाख ३१ गते राति १२ बजेबाट जेठ १३ गते राति १२ बजेसम्म निषेधाज्ञा जारी रहने जिल्ला प्रशासन कार्यलय मकवानपुरले जनाएको छ ।
विहीबार जिल्ला कोभिड-१९ संकट व्यवस्थापन केन्द्रले यसअघि हेटौंडा उपमहानगरपालिका सहित थाहा नगरपालिका,भीमफेदी गाउँपालिका र मनहरी गाउँपालिकाको पूर्वपश्चिम राजमार्गको दाँयाबाँया ५/५ सय मिटर क्षेत्रमा जारी निषेधाज्ञालाई थप गरेर जिल्लाभर निषेधाज्ञा गर्ने निर्णय गरेको हो ।
निषेाज्ञामा के गर्न पाइने के गर्न नपाइने
१. औषधी उपचार र खाद्य वस्तु तोकिएको समयमा खरिद गर्न नजिकका पायक पर्ने स्थानमा जान बाहेक कुनै पनि व्यक्तिहरू घर बाहिर निस्कन, मर्निङ तथा इभनिङ्ग वाकमा जान र हिँडडुल गर्न नपाइने ।
२. अत्यावश्यक उपभोग्य वस्तु (खाद्यान्न, पानी, दूध, माछा, मासु, अण्डा, फलफूल तथा तरकारी) विक्रीवितरण गर्ने पसल विहान ५:०० बजेदेखि विहान ८:०० बजेसम्म मात्र खोल्न पाइने, औषधी पसल, पेट्रोल पम्म, ग्याँस डिपो, अक्सिजन सिलिण्डर पसल नियमित सञ्चालन गर्नुपर्ने । फलफूल तथा तरकारीको थोक बजारबाट खुद्रा विक्री वितरण गर्न नपाइने । अन्य सबै प्रकारका व्यवसायहरू बन्द रहने ।
तर, हेटौडा उपमहानगरपालिकाको मुख्य शहरी क्षेत्र उत्तरमा चौकीटोल, दक्षिणमा कर्रा खोला, पश्चिममा थाना भर्याङ र पूर्वमा क्याम्पा डाँडाभित्रका औषधी र अक्सिजन सिलिण्डर विक्री वितरण गर्ने पसल बाहेक अन्य अत्यावश्यक उपभोग्य वस्तु (खाद्यान्न, पानी, दूध, फलफूल तथा तरकारी) विक्री वितरण गर्ने पसलहरू हप्तामा मंगलबार र शुक्रबार मात्र विहान ५:०० बजेदेखि विहान ८:०० बजेसम्म खोल्न पाइने । खोपेगल्लीस्थित रहेको तरकारी तथा फलफूल पसल र बसपार्कस्थित खुद्रा तरकारी बजार र माछामासु पसल सम्पूर्ण समयमा बन्द रहने ।
३. एम्बुलेन्स, बिरामी बोकेका गाडी, खाद्य वस्तु, तरकारी, दूध, खानेपानी, पेट्रोलियम पदार्थ बोक्ने ट्याङ्कर, स्वास्थ्य सामग्री र अक्सिजन ढुवानी गर्ने साधन, शव वाहन, फोहोर व्यवस्थापन गर्ने गाडी, पशुपंक्षीका दाना बोक्ने गाडी, कृषि मल तथा बीउबीजन बोक्ने गाडी, स्वास्थ्यकर्मी, सञ्चारकर्मी, दूरसञ्चार, विद्युत, इन्टरनेट सेवा प्रवाह गर्ने सवारी साधन तथा सुरक्षा निकायले प्रयोग गर्ने सवारी साधन र जिल्ला प्रशासन कार्यालयहरूबाट अनुमति प्राप्त सवारी साधन बाहेक कुनै पनि प्रकारका सार्वजनिक (मयुरी, अटो, ट्यामेपो समेत) वा निजी यात्रुवाहक (मोटरसाइकल समेत) र अन्य ढुवानीका सवारी साधनहरू सञ्चालन गर्न नपाइने ।
४.सरकारी कार्यालय, सार्वजनिक संस्थान, बैंक एवं अत्यावश्यक सेवा प्रदान गर्ने क्षेत्रमा कार्यरत कर्मचारी तथा कामदारहरूलाई सम्बन्धित कार्यालयले जारी गरेको परिचयपत्रको आधारमा र समाचार संकलन/सम्प्रेषण कार्यमा खटिएका सञ्चारकर्मीहरूको हकमा पहिचान खुल्ने फोटो सहितको परिचयपत्रका आधारमा आवत जावत गर्न दिइने ।
५.पूर्व-पश्चिम राजमार्ग भई जाने लामो दूरीका सवारी साधन, मालवाहक सवारी साधनहरू तथा निर्माण सामग्री ढुवानीका साधनहरू यस जिल्लामा नरोकिने गरी आवत जावत गर्न पाइने । औद्योगिक कच्चा पदार्थ, तयारी उत्पादन एवं खाद्यान्न बोक्ने सवारी साधनहरू हेटौडा उपमहानगरपालिकाको तोकिएको शहरी क्षेत्रभित्र विहान १०:०० बजेदेखि दिनको ३:०० बजेसम्म मात्र आवत जावत एवं लोड अनलोड गर्न पाइने र सोही समयमा मात्र सवारी साधन मर्मत गर्ने वर्कसपहरू खोल्न सकिने ।
६. अत्यावश्यक सरकारी सेवाहरू एक चौथाई कर्मचारीको व्यवस्थापन गरी आलोपालो प्रणालीबाट सञ्चालन गर्ने ।
७. बैंकबाट प्रदान गरिने सेवाहरू जनस्वास्थ्यका मापदण्ड अनिवार्य अवलम्बन गरी भिडभाड नहुने गरी एक चौथाई कर्मचारीहरूबाट मात्र हप्तामा मंगलबार र शुक्रबार २ दिन विहान ९:०० बजेदेखि दिनको १:०० बजेसम्म मात्र सञ्चालन गर्ने । अन्य वित्तिय संस्था, इन्स्योरेन्स कम्पनी, मनी ट्रान्सफर तथा वित्तिय सहकारी संस्थाहरू पूर्णरूपमा बन्द रहने ।
८.मठ, मन्दिर, मस्जिद, गुम्बा, चर्च लगायतका धार्मिक स्थलहरूमा नित्य पूजा मात्र सञ्चालन गरी अन्य समयमा अनिवार्य बन्द गर्ने । धार्मिक, सांस्कृतिक र सामाजिक लगायत कुनै पनि प्रकारको जमघट तथा भेला हुने क्रियाकलाप सञ्चालन गर्न नपाइने । तर, विवाहका लागि बढीमा १५ जनासम्म नजिकको प्रहरी इकाईसँग समन्वय गरी आफ्नै निवासमा जनस्वास्थ्यका मापदण्ड पालना गरी सम्पन्न गर्न सकिने ।
९.विवाहका लागि जिल्लाभित्र एक ठाउँबाट अर्को ठाउँ वा अन्तर जिल्ला जानुपर्ने भएमा एकवटा सवारी साधनमा ७ (सात) जनासम्म मात्र जान सकिने ।
१०. औद्योगिक प्रतिष्ठानहरूले उद्योगमा कार्यरत मजदूर कर्मचारीहरूलाई जनस्वास्थ्यका मापदण्डहरू अनिवार्य पालना गरी, गराई सम्बन्धित उद्योग प्रतिष्ठानमा कार्यरत मजदूर कर्मचारीहरूसँग समन्वय गरी उद्योग परिसरभित्रै वा निश्चित स्थानमा राखी बाहिर आवत जावत नहुने सुनिश्चितता गरी उद्योग सञ्चालन गर्न सकिने ।
११. विकास आयोजना तथा निर्माण कार्य सञ्चालन गर्दा आयोजनास्थल वा निर्माणस्थलमा नै कामदार तथा कर्मचारी रहने व्यवस्था मिलाई जनस्वास्थ्यका मापदण्ड अनिवार्य पालना गरी, गराई निर्माण कार्य सञ्चालन गर्न सकिने ।


मकवानपुरमा थप ५७ जना काेराेना संक्रमण मुक्त
Tags: No Comments
मकवानपुर । पछिल्लो २४ घण्टामा मकवानपुरमा थप ५७ जना संक्रमित संक्रमण मुक्त भएका छन् । यो संगै मकवानपु्रमा कोरोना मुक्त हुनेको संख्या ४ हजार १ सय ५९ पुगेको छ ।
मकवानपुरमा विहीबार थप १ सय ८५ जनामा कोरोना भाइरस संक्रमण पुष्टि भएको छ । विहीबार ३ सय ४३ जनामा पिसिआर र एन्टीजेन परीक्षण गर्दा थप १ सय ८५ जनामा संक्रमण पुष्टि भएको स्वास्थ्य कार्यलय मकवानपुरले जनाएको छ ।
पुष्टि हुनेमा १ सय ४८ जना हेटौंडा उपमहानगरपालिकाका, १२ जना मनहरी गाउँपालिकाकाका, ११ जना थाहा नगरपालिकाका, ८ जना कैलाश गाउँपालिकाका ,५ जना मकवानपुगढी गाउँपालिकाका र १ जना राक्सिराङ गाउँपालिकाका रहेका छन् । यो संगै मकवानपुरमा कोरोना पुष्टि हुनेको संख्या ६ हजार १ सय ४० पुगेको स्वास्थ्य कार्यलयले जनाएको छ ।
यसैगरि मकवानपुरमा थप २ जना संक्रमितको मृत्यु भएको छ । मृत्यु हुने दुबै जना हेटौंडा उपमहानगरपालिकाका रहेको स्वास्थ्य कार्यलय जानकारी दिएकाे छ । यो संगै मकवानपुरमा कोरोनाको कारण मृत्यु हुनेको संख्या ५१ पुगेको छ ।
मकवानपुरमा हाल संक्रिय संक्रमितको संख्या १ हजार ९ सय ३२ रहेको छ । जसमा १ हजार ८ सय २८ जना घरमै रहेका छन् भने १ सय ४ जना संस्थागत आइसोलेसनमा उपचाररत रहेका छन् ।