स्वास्थ्याेपचारमा आर्थिक समस्या भएपछी सहयाेगकाे याचना
Tags: 3 Comments
मकवानपुर/ हेटौंडा उपमहानगरपालिका–३ बसामाडी निवासी ४३ वर्षीय दिनेश दाहालको स्वास्थ्य उपचारको लागि सहयोगको याचना गरिएको छ । क्यान्सरकाे कारण श्रीमती गुमाएकाे केही वर्षमै दिनेशलाइ नै स्वास्थ्य समस्या देखिएपछि उपचारमा आर्थिक समस्या परेकाे हाे ।
२ वर्षदेखि कलेजोको समस्याबाट पीडित दाहाल हाल हेटौंडाको सञ्चो हस्पिटलमा फलोअप गरिरहेका छन् । ‘नियमित उपचार कलेज अफ मेडिकल साइन्समा गराइरहेका थियौ, कोरोना महामारीको कारण जान सकिएन, अनि हेटौंडामै फलोअप गरिरहेका हौ, अवस्था धेरै नाजुक छ’ दिनेशकी बहिनी रीता दाहालले भनिन् ।
श्रीमतीको उपचारमा धेरै खर्च लागेको कारण नगद तथा जायजेथा सकेपछि बाहलमा बस्दै आएका उनी अहिले आफ्नो उपचारमा आर्थिक अभावकै कारण समस्या रहेको परिवार स्रोतले जनाएको छ । ‘भाउजुको जीवन बचाउनको लागि सबै खर्च गर्नुभयो, कमाउला भन्ने आँट दाइलाई थियो, भाउजुलाइ पनि बचाउन सकिएन २ वर्षदेखि दाइ नै बिरामी परेपछि वृद्ध आमा र साना साना २ सन्तानलाई भरण पोषणमा नै समस्या भयो’ बहिनी रीताले भनिन् ।
कलेजोसम्बन्धी समस्या (लिभर शिरोसिस) को कारण पेटमा पानी जमेर समस्या भएकोले तत्काल उपचार गर्नु पर्ने स्वास्थ्यकर्मीले सुझाव दिएको उनले बताइन् । ‘भाउजु गुमाएको चोट आलै, छ दाइको यो हालत भो, परिवारमा कमाउने र भरथेग गर्ने मान्छे कै यो अवस्था छ, मेरो दाइको जीवनको लागि सबैसँग मेरो अनुनय छ’ बहिनी रीताले सहीखबरसँग भनिन् ।
हालसम्म उपचारका लागि करिब ४० लाख रुपियाँ खर्च भएको र अबको आर्थिक अवस्था नै कमजोर भएपछि सहयोग माग्नु भन्दा कुनै विकल्पै नरहेको परिवारका सदस्यले जनाएका छन् ।
पछिल्लो समय डाक्टरले उपचारका लागि ६ लाख रुपैयाँ लाग्ने जानकारी दिएको बताइएको छ ।
दाहाल प्रतिष्ठान मकवानपुरले दिनेशको उपचारको लागि अभियान सुरु गरेको छ । तर कोरोना महामारीको कारण अभियानमा सहज रुपले आर्थिक संकलन हुन नसकेको प्रतिष्ठान अध्यक्ष सिताराम दाहाले बताए ।
दाहाल प्रतिष्ठानको आजिवन सदस्य समेत रहेका दिनेश दाहालको उपचाररार्थ आर्थिक सहयोग गर्नको लागि प्रतिष्ठानले आग्रह गरेको छ । उनको उपचारको लागि Comeupwith100 अभियानबाट २५००० स्वीकृत भएको दाहाल प्रतिष्ठान बागमती प्रदेश अध्यक्ष शिवहरी दाहालले बताए । रकम अपुग भएपछि प्रतिष्ठान जिल्ला शाखाले अभियान चलाएका हो ।

‘हुन त संसार नै अहिले महामारीको चपेटामा छ, हामीले आफ्नो सामान्य खर्च कटाएर पनि कसैको ज्यान बचाउन सकिन्छ भने सबैलाई सहभागी भैदिन अनुरोध गर्दछु’ दाहाल प्रतिष्ठान जिल्ला शाखा मकवानपुर कोषाध्यक्ष तथा दिनेश दाहाल बचाउ अभियान उपसमिति संयोजक तुलसा तिमल्सिना दाहालले भनिन् ।
यस अभियान अन्तरगत हालसम्म Comeupwith100 अभियानसँगै दाहाल प्रतिष्ठान बागमती प्रदेश समिती, दाहाल बन्धुहरु कुमारमणि दाहाल, सिताराम दाहाल (ए), दिपक दाहाल, सरिता दाहाल, सिताराम दाहाल (बी) दुर्गा दाहाल, राजेश्वर दाहाल, बिष्णु दाहाल, तारानाथ दाहाल गुरौखोला, गोपाल दाहाल तथा सहयाेगी ईन्द्रप्रसाद सन्जेलबाट समेत गरी ४६ हजार संकलन भएको प्रतिष्ठानले जनाएको छ । सहयोगको लागि दाहाल प्रतिष्ठान मकवानपुर शाखाको खाता नम्बर 05-085-01577768-01-8 मा र इ–सेवाबाट 9855075600मा जम्मा गर्न सकिने छ । अथवा दिनेश दाहालको नाममा प्रभु बैंकको खाता नम्बर ०४६०१३३९७६९०००३१२ मा जम्मा गर्न सकिनेछ ।
मकवानपुर /काेराेना संक्रमणकाे भइ उपचाररत रहेका बिरामीलाइ अक्सिजन सहज रूपले उपलब्ध गराउँन मकवानपुरका समाजिक संस्थाहरूले सहयाेगलाइ निरन्तरता दिंइरहेका छन् । यसैक्रममा अाइतबार जिल्ला युवा समिती मकवानपुरले पुनः ५० थान अक्सिजन सिलिन्डर हेटौंडा अस्पताललाई हस्तान्तरण गरेको छ ।
मदन भण्डारी स्वास्थ्य बिज्ञान प्रतिष्ठान हेटौंडा अस्पतालमा अक्सिजनको अभाव भएसंगै जिल्ला युवा समिति मकवानपुरले नेकपा एमालेको भ्रातृ संगठन राष्ट्रिय युवा संघ नेपाल र अनेरास्ववियुसङ्गको समन्वयमा बारा जिल्लाबाट ल्याइएको ५० थान अक्सिजन सिलिन्डर एक कार्यक्रम गरि हेटौंडा अस्पताललाई हस्तान्तरण गरेको हो ।
युवा समितिले अस्पताललाइ यस अघि पनि ५० सिलिन्डर हस्तान्तरण गरेको थियो । मकवानपुर जिल्लामा कोरोना महामारीको रुपमा दिनप्रतिदिन समुदाय स्तरमा फैलिरहेको र संक्रमितको संख्या पनि तिब्र रुपमा वृद्धि भैरहेकोले हेटौँडा अस्पतालमा अक्सिजनको समस्यालाइ टार्नको लागि अक्सिजन उपलब्ध गराइएको जिल्ला युवा समिती मकवानपुर अध्यक्ष शिबहरि दाहालले जानकारी दिए । अध्यक्ष दाहालले जिल्ला युवा समिती मकवानपुरले कोभिड महामारी सूचना तथा सहजीकरण केन्द्रको गठन गरि काम समेत गरिरहेको बताए ।
संबिधान सभा मन्चका अध्यक्ष माननिय अनन्त पौडेलले अस्पताल बिकास समितिका सदस्य हिरा वाइवालाइ अक्सिजन हस्तान्तरण गर्दै कोरोना महामारी बिरुद्द सबै एकजुट भै अगाडि बढ्नुको बिकल्प नभएको बताउदै सरकारलाइ सबैले साथ दिएर अगाडि बढन अनुरोध गरे । नेता पौडेलले मुलुकलाई समस्या परेको समयमा जिल्ला युवा समितिले यस्तै प्रकारका सृजनशिल काम गर्नुपर्ने बताए ।
कार्यक्रममा नेकपा एमाले मकवानपुरका अध्यक्ष एकालाल श्रेष्ठ, सुनचाँदी ब्यबसायी संघ बागमती प्रदेश समितीका सभापति ज्योतिरत्न बज्राचार्य, हेटौंडा उपमहानगरपालिका ३ नं वडा अध्यक्ष रामकुमार पुडासैनी, जिल्ला युवा समितिका अध्यक्ष शिवहरी दाहाल, युवा संघ नेपालका स्थाइ कमिटी सदस्य सन्तोष चौलागाइ, अनेरास्ववियुका केन्द्रिय सदस्य किसन घिसिंङ, राष्ट्रिय युवा संघका केन्द्रिय नेताहरु कृष्ण लामिछाने, नरेन्द्र भण्डारी, बिश्व राई, चन्द्र शाही, तिर्थ रोक्का तथा समाजसेवी जनार्दन नेपाल लगायतकाको उपस्थिति रहेको थियो ।
मकवानपुर । मकवानपुर उद्योग वाणिज्य संघको नेतृत्वमा काेराेना संक्रमितलाई घर र अस्पतालमा सेवाको पहल सुरू गरेकाे छ । मकवानपुर जिल्लामा कृयाशील विभिन्न संघसंस्थाको संयुक्त पहलमा ‘कोभिड हेल्प डेस्क मकवानपुर’ सञ्चालनमा ल्याइ सहयाेगकाे पहल थालेकाे संघले जनाएकाे छ ।
काेराेना संक्रमण खेपिरहेका विरामीहरू होम आइसोलेसनमै रहँदा कुनै कठिनाइ भएको वा अस्पतालमा रहँदा समस्यामा परेकाहरूकाे लागि उपचार सेवा दिन मकवानपुर उद्याेग वाणिज्य संघकाे पहलमा नागरिक समाजबाट भरपर्दो र उचित सेवाको थालनी गरिएकाे हाे ।
संघको सचिवालयमा स्वास्थ्यकर्मीसहितको टोली रहने तथा टोलीका सदस्यहरुले संक्रमितलाई काउन्सिलिङ गर्ने गरी व्यवस्था मिलाइएकाे संघ अध्यक्ष कृष्ण कटुवालले बताए । ‘स्वास्थ्यकर्मीले संक्रमितसंग कुराकानी गर्नेछन्, कुनै कठिनाइ भए तत्काल अस्पताल ल्याउन या संक्रमितको घरमै पुगेर उपचार र आवश्यक औषधिको व्यवस्था हुनेछ’ कटुवालले भने ।
‘हेटौंडा अस्पताल र अन्य अस्पतालमा उपचाररत बिरामीलाई पनि सहयोग हुनेछ,’ कोभिड हेल्प डेस्कका सचिवालय सदस्य तथा नारायणी संघ हेटौंडाका महासचिव सरोज खनालले भने,– ‘अक्सिजनको अभाव, उपचारमा समस्या तथा औषधि अभाव नहोस् भनेर सक्रिय रहनेछौं ।’
यसैगरी मानवीय संवेदना, सहकार्य र सहअस्तित्वको भावनाबाट प्रेरित भई मकवानपुरका विभिन्न क्रियाशील संघसंस्थाहरुले कोभिड १९ न्यूनिकरण अभियान एकीकृतरुपमा सञ्चालन गर्ने उद्देश्यले कोभिड हेल्प डेस्क मकवानपुर स्थापना गरेका छन् । मकवानपुर उद्योग वाणिज्य संघको कार्यालयमा सचिवालय रहेको डेस्कको संयोजक संघका अध्यक्ष कटुवाल रहेका छन् ।
डेस्कको सदस्यहरुमा नारायणी संघ हेटौंडाका सरोजकुमार खनाल, नारायणी यातायात कम्पनीका गोकर्ण पराजुली, निर्माण व्यवसायी संघ मकवानपुरका श्यामसुन्दर ढकाल, मकवानपुर होटल एशोसिएसनका शंकरलाल श्रेष्ठ, उपभोक्ता हित संरक्षण मञ्चका बासु खतिवडा, उपभोक्ता मब्चका कुमार पौडेल, लायन्स क्लबका शम्भु नकर्मी र टासिडोल्मा तुम्बाहाम्फे, नेपाल पत्रकार महासंघका मणिराज गौतम, रामकुमार एलन र अञ्जली थापा, मकवानपुर उद्योग वाणिज्य संघका माधव न्यौपाने र कृष्ण कुमार गुप्ता अग्रवाल सदस्य छन् ।
यस्तै, सामुदायिक प्रहरी सेवा केन्द्रका राम विष्ट, नेपाल औषधि व्यवसायी संघका नारायण श्रेष्ठ, कृष्ण प्रणामी समाजका बद्री चौलागाई, मारवाडी एशोसिएसनका पवन अग्रवाल, नारायणी पेट्रोलियम विक्रेता संघका उत्सव इटेनी र सार्वजनिक मकवानपुर यातायातका ज्ञानेन्द्र कार्की पनि सदस्य छन् ।
डेस्कको सल्लाहकारमा नेपाल उद्योग वाणिज्य महासंघका केन्द्रीय सदस्य अरुणराज सुमार्गी, नारायणी संघका अध्यक्ष हीरालाल श्रेष्ठ र नेपाल एल पि ग्या“स उद्योग संघका अध्यक्ष शिव प्रसाद घिमिरे रहेका छन् ।

यस्तै संक्रमितलाई उपचार, सेवा र औषधि वितरण प्रभावकारी बनाउन डेस्कले ७ सदस्यीय सचिवालय पनि गठन गरेको छ । कृष्ण कुमार गुप्ता अग्रवालको संयोजकत्वमा सरोज खनाल, बासु अतिवडा, राम विष्ट, शंकरलाल श्रेष्ठ, नारायणी यातायात कम्पनीका एकजना प्रतिनिधि र रामकुमार एलन सदस्य रहेकाे सचिवालय गठन गरिएकाे हाे ।
‘कोभिड हेल्प डेस्कसंग अहिले २५ थान अक्सिजन सिलिण्डर छ, संयोजक कृष्ण कटुवालले भने, ‘हेटौंडाबाहेक अन्य स्थानीय तहमा सिफारिस अनुसार अक्सिजन उपलब्ध गराउछौं ।’ डेस्कले अक्सिजन सिलिण्डरसंगै पिपिइ, औषधि, बिरामीलाई पौष्टिक आहार पनि उपलब्ध गराउने छ । आवश्यक्ता अनुसार उपचार सेवा पनि उपलब्ध हुने कटुवाल बताउँछन् ।
बिरामीलाई अस्पताल ल्याउन या अस्पतालबाट घर पठाउदा अक्सिजन सिलिण्डरको अभावमा कन्सन्ट्रेटर पनि प्रयोगमा ल्याउन सकिन्छ । ‘हामीसंघ दुईवटा कन्सन्ट्रेटर पनि उपलब्ध छ,’ कटुवालले भने, ‘कम्युनिटी पार्टनर्स इन्टरनेशनल तथा एन. आई. डि. यस. नेपाल, काठमाडौंले उक्त कन्सन्ट्रेटर सहयोगस्वरुप उपलब्ध गराएको हो ।’
आइसोलेसनको तयारी
मकवानपुरमा काेराेना संक्रमित हाल घरमै धेरै रहेका छन् भने संस्थागत अाइसाेलेसनमा केही रहेका छन् ।उनीहरुलाई परामर्श र उपचारमा डेस्कले सहयोग गर्ने हो । थप उपचारका लागि अस्पतालमा बेड अभाव र आइसोलेसनमा ठाउँ अपुग हुने अवस्था रहेकाेमा मउवासंघको पल्पसा हलमा आइसोलेसन सेन्टर सञ्चालन तयारी गरिएकाेछ’, डेस्कका सचिवालय सदस्य सरोज खनालले भने, ‘पल्पसामा आइसोलेसन चलाउन हामी तयार छौं र स्थानीय प्रशासनबाट अनुमति भए तत्काल स्वास्थ्यकर्मीकै निगरानीमा सञ्चालन गर्नेछौं ।’
यसैगरी, कोभिड संक्रमित, संक्रमितको परिवार वा छिमेकी जाे काेहीलाइ पनि कुनैपनि बेला डेस्कको सचिवालयबाट फोन आउन सक्ने बताइएकाे छ । बिरामी अवस्था, केही आवश्यक पर्ने भए डेस्कको टोली काेराेना संक्रमित कहाँ औषधि र अन्य सामग्री बोकेर आउनेछन् । लोकेसन सोध्न ०५७५२०३१०, ५२३३१० र ५२१२६० बाट फोन गर्ने गरी व्यवस्था मिलाइएकाे खनाल बताउँछन् । बिहान ८ बजेदेखि साँझ ६ बजेसम्म कोभिड संक्रमणको सूचना, सहयोगका लागि उक्त नम्बरमा फोन गरी जानकारी गराउन समेत सकिने खनालले बताए ।
काेराेना सक्रमितलाइ अप्ठ्याराे भएमा अस्पताल जानु पर्ने अवस्था भएका खबर पाउने बित्तिकै अक्सिजन सुविधासहितको एम्बुलेन्स सहयाेगकाे लागि तयारी अवस्थामा राखिएकाे छ । अस्पताल आउन वा अस्पतालबाट घर फर्किन स्वास्थ्यकर्मी, औषधि र एम्बुलेन्स सेवा उपलब्ध रहेकाे खनालले जानकारी दिए ।
नागरिक समाजका तर्फबाट चलाइएको अभियानमा मकवानपुर उद्योग वाणिज्य संघ, नारायणी संघ हेटौंडा, नारायणी यातायात कम्पनीले डेक्स सञ्चालनका लागि केही आर्थिक जोहो गरेका छन् । ‘पैसै नभएर उपचार नपाउने अवस्था नआओस् भन्नेमा छौं’, संयोजक कटुवालले भने, ‘सेवा सुविधासंगै बिरामीको अवस्था हेरेर आर्थिक सहयोग पनि गरिने छ ।’ यो अभियानमा नागरिक सामाजका सदस्यहरु निस्वार्थ जोडिएका छन् । सकेको स्वास्थ्य सामग्री, औषधिलगायत आर्थिक सहयोग गर्न समेत कटुवालले अनुराेध गरेका छन् ।
मकवानपुर । हेटौंडा भेट्रान्स क्लबले लायन्स लियो कोभिड इमर्जेन्सी फण्डलाई रकम सहयोग गरेको छ । काेराेना भाइरसकाे संक्रमणकाे जटिल अवस्थामा मानवीय सेवामा अघि बढ्दै अक्सिजन खरिदका लागि कोभिड फण्डलाई भेट्रान्स क्लबले ४० हजार नगद सहयोग गरेको हो ।
भेट्रान्सका सदस्य कबिन सङ्गामीको संयोजनमा कोभिड फण्डलाई नगद सहयोग गरेको हो । शनिवार एक औपचारिक कार्यक्रम गर्दै भेट्रान्सका उपाध्यक्ष नवराज बज्राचार्यले सहयोग रकमको चेक लायन्स ३२५ बि २ का डिस्ट्रिक गभर्नर शम्भु नकर्मीलाई हस्तान्तरण गरेका छन् । रकम हस्तान्तरण गर्दै क्लबका उपाध्यक्ष बज्राचार्यले भेट्रान्स क्लबले आगामी दिनहरुमा पनि मानवीय सेवा र समाजसेवाको क्षेत्रमा सहयोग गरिरहने प्रतिवद्धता व्यक्त गरे ।
लायन्स डिस्ट्रिक्ट गभर्नर नकर्मीले नगद सहयाेग गरेकाेमा भेट्रान्स क्लबलाई धन्यवाद दिए । यसैगरी कोभिड अस्पतालमा अक्सिजन र स्वास्थ्यकर्मीका लागि आवश्यक स्वास्थ्य सामाग्री वितरण गर्दै आएको उनले बताए । कोभिड इमर्जेन्सी फण्ड मुल समिति संयोजक, लायन्स ३२५ बि २ डिस्ट्रिक्ट क्यबिनेट सेक्रेटरी टासी डोल्मा टुम्बाहाम्फेले कोभिड नियन्त्रणमा राज्यबाट भएका काममा सहयोग गर्दै आएको बताए ।
लायन्सले २० वटा सिलिन्डर संकलन गरी आफ्नै खर्चमा बिरामीलाई निःशुल्क अक्सिजन उपलब्ध गराउँदै आएको छ। उनका अनुसार हालसम्म १ सय जना अस्पतालका बिरामी र अक्सिजन लगाउनुपर्ने दीर्घरोगका बिरामीलाई सेवा दिइसकेको छ । यस्तै कोरोनाको तेस्रो लहरका लागि पनि पुर्व तयारीमा रहनुपर्ने अवस्था भएकोले सबैजना सहयोगी मनहरुको साथ सहयोग आवश्यक भएको नकर्मीले बताए ।
कार्यक्रममा लायन्स कोभिड फण्डका आर्थिक उपसमिति सहसंयोजक जेपी यादव, भेट्रान्सका बोर्ड सदस्य बासुलाल श्रेष्ठ, राजकुमार श्रेष्ठ र सुरेन्द्र नकर्मीलगायतको उपस्थिति थियो ।
मकवानपुर । मकवानपुरमा थप १ सय १२ जना कोरोना संक्रमणमुक्त भएका छन् । पछिल्लाे समय काेराेना पुष्टि हुनेको संख्या थपिदै गएकाे भए पनि कोेरोना संक्रमणमुक्त हुनेकाे संख्यामा पनि उल्लेख बृद्धी भएकाे छ ।
गत २४ घण्टामा होम आइसोलेसनबाट १ सय ६ जना र संस्थागत आइसोलेसनबाट ६ जना काेराेना संक्रमणमुक्त भएकाे स्वास्थ्य कार्यलय मकवानपुरले जनाएको छ । कोरोना संक्रमणमुक्त हुनेमा सबैभन्दा बढी १ सय १ जना हेटौंडा उपमहानगरपालिकाका रहेका छन् । मकवानपुरगढीका ९ जना, मनहरी,भीमफेदी र कैलाशका २/२ जना तथा बागमती र राक्सिराङका !१/१ जना काेराेना मुक्त भएकाे कार्यलयले जनाएको छ । यो संगै मकवानपुरमा कोरोना जित्नेको संख्या ४ हजार ८ सय पुगेको छ ।
यस्तै मकवानपुरमा थप १ सय ७४ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ३ सय २८ जनामा गरिएको पिसिआर र एन्टीजेन परीक्षणमा थप १ सय ७४ जनामा कोरोना संक्रमण पुष्टि भएकाे स्वास्थ्य कार्यलय मकवानपुरले जनाएको छ ।
काेराेना संक्रमण पुष्टि हुनेमा १ सय १८ जना हेटौंडा उपमहानगरपालिकाका, १८ जना थाहा नगरपालिकाका, ११ जना मकवानपुसरगढीका, ९ जना राक्सिराङका, ८ जना भीमफेदीका ६ जना मनहरीका, ३ जना ईन्द्रसरोबरका र १ जना कैलाशका रहेका छन् । यो संगै मकवानपुरमा कोरोना पुष्टि हुनेको संख्या ७ हजार २ सय ३१ पुगेको छ ।
यसैगरी मकवानपुरमा हाल २ हजार ३ सय ६९ जना सक्रिय संक्रमित उपचाररत रहेको स्वास्थ्य कार्यलय मकवानपुरले जनाएको छ । जसमा २ हजार २ सय ४६ जना घरमा र १ सय २३ जना संस्थागत आइसोलेसनमा उपचारत रहेको कार्यलयले जनाएको छ ।
यस्तै गत २४ घण्टामा कोरोना संक्रमण पुष्टि भएर हेटौंडा उपचारत ३ जनाको मृत्यु भएको छ ।
हेटौंडामा रहेको मदन भण्डारी स्वास्थ्य विज्ञान प्रतिष्ठान अन्तर्गत हेटौंडा अस्पतालमा उपचाररत ३ जना कोरोना संक्रमितको मृत्यु भएको स्वास्थ्य कार्यलय मकवानपुरले जानकारी दिएको छ ।
मृत्यु हुनेहरुमा हेटौंडा उपमहानरपालिका वडा नंबर ६ का ७४ वर्षीय पुरुष, हेटौंडा–११ का ६० वर्षीय पुरुष र रौतहट चन्द्रपुर–१ का ४६ वर्षीय रहेका छन् । यो संगै मकवानपुरमा कोरोनाबाट मृत्यु हुनेको संख्या ६९ जना पुगेको छ ।
नेपालमा कोरोना संक्रमण पुष्टि भएका थप १ सय ७७ जनाको मृत्यु
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमण पुष्टि भएका थप १ सय ७७ जनाको मृत्यु भएको छ । यस्तै ८ हजार ६ सय ७ जना संक्रमित थपिँदा ७ हजार ८ सय ९० जना संक्रमणमुक्त भएकाे मन्त्रालयले जनाएकाे छ ।
२२ हजार ३ सय ५३ जनाकाे पीसीआर परीक्षणमा ८ हजार ४ सय ७ र ८ सय ७३ जनाकाे एन्टिजेन परीक्षणमा २ सय जनामा संक्रमण संक्रमण पुष्टि भएको स्वास्थ्य मन्त्रालयले जनाएकाे छ । योसँगै नेपालमा कोरोना भाइरस संक्रमितको कुल संख्या ४ लाख ९७ हजार ५२ पुगेको छ । जसमध्ये १ लाख १६ हजार १९२ जना सक्रिय संक्रमित छन् ।
संक्रिय संक्रमितमध्ये १ लाख ८ हजार ४ सय ९५ जना होम आइसोलेसनमा र ७ हजार ६ सय ९७ जना संस्थागत आइसोलेसन उपचाररत रहेका छन् । शुक्रबारसम्म १ हजार ७ हजार १६ जना आईसीयूमा र ५ सय ११ जना भेन्टिलेटरमा उपचाररत छन् । कोरोना भाइरस संक्रमणबाट मृत्यु हुनेको संख्या ६ हजार २४ पुगेको छ ।