मकवानपुर । स्थानीय तहकाे चुनाब सरकारले चैत महिनामानै गर्ने तयारी गरेकाे स्वास्थ्य तथा जनसङ्ख्यामन्त्री विरोध खतिवडाले बताएका छन् ।
समाजवादी प्रेस सङ्गठन नेपाल मकवानपुरको आयोजनामा आइताबार हेटौंडामा भएको पत्रकार भेटघाट कार्यक्रममा बोल्दै खतिवडाले चुनाव नियमित प्रक्रिया भएकाले समय सिमामा हुने बताए । अहिले रिक्त रहेका निर्वाचन क्षेत्रमा पनि चुनाब गर्ने तयारी सरकारले गरेकाे उनले बताए ।
यसैगरी ‘खोपको कारण नागरिकलाई कुनै समस्या नहुने समेत उनले बताएका छन् । खतिवडाले खोपको अहिले पनि समस्या नभएको र बिभिन्न देशबाट खोप आइरहेको अब पनि समस्या नहुने बताए। सङ्घीय तथा प्रदेश सरकारको मातहतमा रहेका अस्पताललाई स्तरोन्नति गर्दै आवश्यक चिकित्सकको दरबन्दी खुल्ला गरेर गुणस्तरीय र प्रभावकारी बनाउने सरकारको लक्ष्य रहेको मन्त्री खतिवडाले बताए ।
मन्त्री खतिवडाले छिमेकी राष्ट्र भारत, चीन र अमेरिकाबाट कोभिड विरुद्धको खोप ल्याई सबै नेपाली नागरिकलाई उपलब्ध गराउन थालिसकेको र अहिले १२ वर्षदेखि १८ वर्ष उमेर समूहका बालबालिकालाई खोप लगाइने जानकारी दिए । दुर्गम भेगका जनतालाई स्वास्थ्य सेवा सुलभ ढङ्गबाट उपलब्ध गराउन पायक पर्ने स्थानमा छिट्टै स्वास्थ्यचौकी स्थापना गरिने र सरकारको छात्रवृत्तिमा अध्ययन गरेका चिकित्सकलाई करार सेवामा नियुक्त गरी उपचार सेवालाई तीव्रता दिने लक्ष्यका साथ गृहकार्य भइरहेको पनि उनले जानकारी दिए ।
छात्रवृतिमा पढेका डाक्टरले २ वर्ष अनिवार्य सेवा गर्नुपर्नेमा दूर दराजमा त्यस्ता करारका डाक्टर पठाइएको खतिवडाले जानकारी दिए । सरकारले लागू गरेको स्वास्थ्य बिमाको उपचार राम्रो भएको तर, अस्पतालले भुक्तानी नपाएको गुनासो आइरहेको भन्दै त्यसबारे मन्त्रालयले चासो राखिरहेको उनले बता। समाजवादी प्रेस संगठनका केन्द्रीय सदस्य शिवकुमार काशीको अध्यक्षतामा कार्यक्रम भएको थियो ।
यसैबीच मदन भण्डारी स्वास्थ्य विज्ञान प्रतिष्ठानद्वारा सञ्चालित हेटौँडा अस्पतालको आजै निरीक्षण गर्दै मन्त्री खतिवडाले गुणस्तरीय स्वास्थ्यसेवा छिटोछरितो उपलब्ध गराउन आग्रह गरेका छन् । मन्त्री खतिवडाले अत्याधुनिक ‘ए ग्रेड’काे एम्बुलेन्स आजै सरकारका तर्फबाट हेटौँडा अस्पताल मेसु रामचन्द्र सापकाेटालाई हस्तान्तरण गरेका छन् । मन्त्री खतिवडाले नेपाल भारत सहयोग कार्यक्रम अन्तरगत प्राप्त आइसीयु र मेडिकल विशेषज्ञ सहितको सुविधा भएको एम्बुलेन्स हस्तान्तरण गरेका हुन् । ‘ए ग्रेड’को एम्बुलेन्स प्राप्त गरेसंगै मकवानपुरमा गम्भिर बिरामीलाई अन्यत्र उपचार गर्न लैजान थप सहज हुने भएको छ ।

एम्बुलेन्स हस्तान्तरण कार्यक्रममा खतिवडाले हेटौंडा बागमती प्रदेशको राजधानी भएकोले यहाँ प्रदेशस्तरको अस्पतालका रुपमा हेटौंडा अस्पताललाई स्तरोन्नती गरिनुपर्ने र त्यसका लागि मन्त्रालयको तर्फबाट आवश्यक सहयोग उपलब्ध गराउने प्रतिवद्धता व्यक्त गरेका छन् ।
कार्यक्रममा प्रदेश सभा सदस्य प्रेम बहादुर पुलामी, मुनु सिग्देल, प्रदेश स्वास्थ्य निर्देशक महेश्वरमान श्रेष्ठ, अस्पतालका मेसु सापकोटा, डा हरिबहादुर खड्का, नेकपा एकिकृत समाजवादी मकवानपुका अध्यक्ष श्रीधर पोखरेल लगायतको आतिथ्यता रहेको थियो ।
मकवानपुर । संघीयता कार्यान्वयन सहजीकरण सम्वन्धमा हेटौंडामा अन्तरक्रिया गरिएकाे छ । संघीय मामिला तथा सामान्य प्रशासन मन्त्रालयको समन्वय र हेटौंडा उपमहानगरपालिकाको आयोजनामा अन्तरक्रिया कार्यक्रम गरिएको हो ।
कार्यक्रममा संघीय मामिला तथा सामान्य प्रशासन मन्त्रालयका सचिब एकनारायण अर्यालले स्थानीयतहमा वेरुजु बढी रहेकाेमा चासाे व्यक्त गरेका थिए । उनले स्थानीय तहका कर्मचारीहरुकाे बृद्धी विकास हुनेगरी कानून निर्माणको चरणमा रहेको बताए । अर्यालले भने– स्थानीय तहका कर्मचारीहरुलाई पनि प्रदेश भित्र सरुवा हुने व्यवस्था सहीतकाे कानुन ल्याउने गृहकार्य भइरहेकाे बताए ।
‘स्थानीय सरकार संचालन सम्वन्धी ऐन बनेकाे तर नियमावली नबन्दा समस्या रहेकाे छ‘ अर्यालले भने ‘ सरकार स्थानीय सरकार सचालन ऐनलाई परिमार्जन गर्दै कर्मचारीसँग सम्बन्धी कानुन निर्माणकाे क्रममा रहेकाे छ ।’ अहिलेकाे अवस्थामा नदिजन्य पदार्थ उत्खनन सम्वन्धमा मापदण्ड बनाई संसदमा लैजाने तयारी रहेको उनले बताए ।

स्थानीय तहहरुमा ६० हजार स्थायी दरवन्दी स्वीकृत भएकाे भए २४ हजार हाराहारी स्थायी कर्मचारीले मात्र काम गर्नुपरेको मन्त्रालयका सह सचिन वसन्त अधिकारीले जानकारी दिए । ‘कर्मचारी समायाेज पश्चात स्थानीय तहमा एक किसिमकाे द्वन्द्वकाे अवस्था रहेकाे छ‘ अधिकारीले भने– संघीय कर्मचारी ऐन लागु भए पछी कर्मचारी वृत्ती विकाससँगै धेरै कुरा हल हुन्छ ।’
मकवानपुरका प्रमुख जिल्ला अधिकारी भरतमणि पाण्डेले मकवानपुरका हरेक स्थानीय तहमा नदिजन्य पदार्थ उत्खननमा समस्या रहेको बताए । प्रारम्भिक वातावरणिय मूल्याङकन आईई नभएकाे कारणा उत्खननमा समस्या भएकाेले अव आईई गरेर उत्खनन् कार्य गर्नु लागि परेकाे बताए ।
उपमहानगरपालिकाका प्रमुख प्रशासकिय अधिकृत शिबराज चौलागाईंले गत आर्थिक वर्ष चालु आर्थिक वर्षकाे प्रथम चाैमासिक र काेभिड प्रतिकार्य सम्बन्धमा प्रस्तुति गरेका थिए । प्रमुख प्रशासकीय अधिकृत चौलागाईंले चालु आर्थिक वर्षमा ३ वटा नदिजन्य पदार्थ उत्खनन आईई स्वीकृत भएकाे जानकारी दिए । त्यसैगरी आय तर्फका ठेक्का लागि कर संकलन शुरु भएको, सार्वजनिक निर्माण तर्फ ६ वटा ठेक्का सम्झाैता भएकाे, बसपार्क टर्मिनल भवनकाे ३० प्रतिशत कार्य प्रगती भएकाे कृषिथाेक बजार परियाेजना २० प्रतिशत प्रगति १ हजार २ सय याेजना मध्ये ४० प्रतिशत याेजान सम्झौता भएकाे बताए ।

यसैगरी कार्यालयकाे ओएण्डएम हुन नसक्दा कार्य विवरण अस्पष्टता रहेकाे, दरबन्दी अनुसार पदपूर्ति नभएकोले जनशक्तिको कमी रहेको कर्मचारी वृत्ति विकासले आकार लिन नसकेकाे, केही वडा कार्यालयहरु भाडाकाे भवनमा संचालन गर्नु पर्दा दैनिक सेवा प्रवाहमा असुविधा रहेकाे चौलागाईले जानकारी दिएका थिए । नागरिकको बढ्दो सेवा सुविधाको माग र आवश्यक पूर्वाधार निर्माणका लागि श्रोतको कमी रहेको समेत प्रमुख प्रशासकिय अधिकृत चौलागाईले बताए ।
यसै गरी गत आर्थिक वर्षमा उपमहानगरपालिकाकाे वित्तिय प्रगति ७२.२५ प्रतिशत र भाैतिक प्रगति ८० प्रतिशत रहेकाे समेत चाैलागाईले जानकारी दिए ।
उपमहानगरपालिकाका उपमेयर मिना कुमारी लामाको अध्यक्षता संघीय मन्त्रालयका सचिव अर्यालकाे प्रमुख आतिथ्यता र सहसचिव अधिकारीकाे आतिथ्यतामा भएको कार्यक्रममा वडा अध्यक्षहरु, कार्यपालिकाका सदस्यहरु, बिभिन्न महासाखाका प्रमुखहरु, शाखाका कर्मचारीहरुले स्थानीय तहमा कर्माचारी न्युन हुँदा सेवा प्रवाहमा कठिनाइ भएकाे, नदिजन्य पदार्थ उत्खनन गर्न नपाउँदा विकास निर्माणमा समेत असर परेकाे, कर्मचारीहरुकाे वृत्ति विकासकाे अवसर नभएकाे लगायतका समस्या बिषयमा जानकारी गराएका थिए ।

मकवानपुर । नेकपा (माओवादी केन्द्र)को देशव्यापी कार्यक्रम अन्तरगत मकवानपुरका सबै वडाको प्रथम सम्मेलन सम्पन्न भएको छ । शनिबार साँझसम्म वडा सम्मेलन नभएको विवरण प्राप्त नभएको माओवादी केन्द्र मकवानपुरका प्रचार विभाग प्रमुख कमानसिं पाख्रिनले बताए ।
यसैबीच हेटौंडा उपमहानगरपालिका वडा नम्बर १८ को भेलाले राजेश मग्रातीको अध्यक्षतामा ३५ सदस्सीय वडा कमिटी गठन गरेको छ । समितिको उपाध्यक्षमा रुपा आचार्य, सचिवमा सोमलाल घलान, कोषाध्यक्षमा महेश थापा लगायत रहेका छन् । नेकपा माओबादी केन्द्र मकवानपुरका अध्यक्ष प्रेमबहादुर पुलामी ‘छिन्तु’को प्रमुख आतिथ्यमा भएको कार्यक्रममा माओवादी केन्द्र मकवानपुरका प्रचार विभाग प्रमुख कमान सिं पाख्रिन, जिल्ला सदस्य कमलचन्द्र सुमन लगायतको आतिथ्य रहेको थियो ।
त्यस्तै, हेटौंडा उपमहानगरपालिका वडा नम्बर ७ को भेलाले बासु कटुवालको अध्यक्षतामा ३५ सदस्सीय वडा कमिटी गठन गरेको छ । समितिको उपाध्यक्षमा शिब प्रसाद लम्साल र हेमकान्त पौडेल, सचिवमा राधिका बिक, कोषाध्यक्षमा भानुभक्त दंगाल लगायत रहेका छन् ।
नेकपा माओबादी केन्द्र मकवानपुरकी केन्द्रीय सदस्य एवं बागमती प्रदेशकी सामाजिक विकास मन्त्री कुमारी मोक्तानको प्रमुख आतिथ्यमा कार्यक्रम भएको थियो । कार्यक्रममा माओबादी केन्द्र मकवानपुरका अध्यक्ष प्रेमबहादुर पुलामी ‘छिन्तु’, प्रचार विभाग प्रमुख कमान सिं पाख्रिन लगायतको आतिथ्य रहेको थियो ।
मकवानपुर । नेकपा एमाले जिल्ला कमिटी मकवानपुरको बिस्तारीत बैठक बसेको छ । चितवनमा हुने १० औं महाधिवेशनको तयारीको सन्दर्भमा पार्टीका जिल्ला अध्यक्ष बद्री प्रसाद लम्सालको अध्यक्षता एबम स्थायी कमिटी सदस्य टोपबहादुर रायमाझीको प्रमुख आतिथ्यतामा विस्तारित बैठक बसेकाे हाे । बैठकले महाधिवेशन ऐतिहासिक बनाउन लाग्ने उद्घोष गरेको छ ।
‘नेकपा एमालेको महाधिवेशन ऐतिहासिक हुनेछ’ कार्यक्रममा बोल्दै स्थायी कमिटी सदस्य रायमाझीले भने ‘अधिवेशन सफल बनाउन पार्टीको सम्पुर्ण शक्ति एकजुट हुन्छ।’ उनले नेपाली राजनीतिको मूलधार नेकपा (एमाले) भएको बताए। रायमाझीले एमालेले अङ्गालेको समृद्ध नेपाल, सुखी नेपालीको नारा र त्यसका लागि अवलम्बन गरेको समाजवाद उन्मुख बाटो र जनताको बहुदलीय जनवादका कारण एमाले आगामी निर्वाचनमा समेत प्रथम शक्ति बन्ने जानकारी दिए।
नेता रायमाझीले केपी ओली नेतृत्वको सरकारले देशको आर्थिक र सामाजिक रुपान्तरणका लागि गरेको कामबाट देशीविदेशी शक्तिहरु आत्तिएको र परमादेशको सरकार स्थापना गर्ने सम्मको हर्कत भएको स्पष्ट पारे। नेपालको कम्युनिस्ट आन्दोलनलाई कमजोर बनाउन चाहनेहरुले अझै पनि एमालेलाई प्रहार गरिरहेको उनले बताए । बैठकमा नेकपा एमालेका केन्द्रिय सदस्य एबम् बागमती प्रदेशका सह इन्चार्ज डोरमणि पौडेल, केन्द्रिय सदस्य रामेश्वर राना, प्रदेश कमिटी सङठन बिभाग प्रमुख अनन्त पौडेल सांसद कृष्ण प्रसाद दाहाल लगायत सहभागी थिए ।
महाधिवेशनका लागि विभिन्न समिति
नेकपा एमाले मकवापुरले केन्द्रिय महाधिवेशनमा सहभागिताका लागि जिल्ला अध्यक्ष बद्री प्रसाद लम्सालको संयोजकत्वमा २ हजार १ सदस्यीय जनपरिचालन समिती निर्माण गरेको छ । त्यसैगरी सचिब एकालाल श्रेष्ठको संयोजकत्वमा र्याली ब्यबस्थापन समिति, जिल्ला सदस्य बिश्वराज राईको संयोजकत्वमा यातायात ब्यबस्थापन, सचिवालय सदस्य नवीन सिग्देलको संयोजकत्वमा महाधिवेशन प्रचार प्रसार समिति, उपाध्यक्ष गोपाल बहादुर श्रेष्ठको संयोजकत्वमा आर्थिक ब्यबस्थापन, उपसचिव लालबहादुर थापाको संयोजकत्वमा सास्कृतिक झाँकी जातीय भेषभुषा ब्यबस्थापन समिति निर्माण गरिएको छ ।
यस्तै कार्यक्रममा सहभागिताका लागि मकवानपुरको बागमती गाउँपालिका सहजकर्तामा खेम जर्घा र शर्मिला बिक, बकैयामा कृष्ण चौलागाईं र बेलप्रसाद दाहाल, मकवानपुर गढीमा बिदुर हुमागाई र मेम्बर लो, भिमफेदीमा हिदम लामा र पार्वती राना, इन्द्र सरोबरमा डीके पुडासैनी, थाहानगरपालिकामा बिष्णु ढकाल र बुद्ध रत्न मानन्धर, कैलाशमा बच्छु ढुंगाना र बुद्धि ब मोक्तान , मनहरीमा हेम उप्रेती र गौतम लामा, हेटौंडामा नवीन सिग्देल फुर्वा लामा, सुनिल मोक्तान,मदन दाहाल, ध्रुब चौलागाईंलाई जिम्मेवारी दिइएको सचिब एकालाल श्रेष्ठले बताए ।
यसैगरी प्रदेश कमीटीमा रहेका अणराज जर्गा र जयबहादुर वाइवालाई बागमती, पद्मा पौडेललाई बकैया, हर्कमाया रुम्बा र नबराज तिमल्सिनालाई मकवानपुरगढी, भगवती पुडासैनीलाई भीमफेदी, सुभाषचन्द्र ठकुरी, देबराज रिमाल, नारायण सापकोटालाई ईन्द्रसरोबर, सुभाषचन्द्र ठकुरी र बरिना बलाई थाहा, महेश बर्तौलालाई कैलाश, सुन्तली प्रजालाई राक्सिराङ, एकराज उप्रेती, श्याम ढकाललाई मनहरी, अनन्त पौडेल, रघुनाथ खुलाल र जुनेली श्रेष्ठलाई हेटौंडा उपमहानगरपालिका, मधुसुधन खतिवडा, अर्जुन अर्याललाई इलाका, मजदुर र पेशागत महासंघको रधुनाथ खुलाललाई जिम्मा दिइएको छ ।
यस्तै सडकमा स्वागत द्वार, झन्डा, घडाहरु राख्ने, ब्यानर र पर्चा गाउँ गाउँ पुर्याउने, रेडियो टीभी अनलाइन तथा पत्रिकामा सूचना व्यापक बनाउनेलगायतका निर्णय गरेको नेकपा एमालेका जिल्ला सचिब एकालाल श्रेष्ठले बताए ।
मकवानपुर । नेपाल कम्युनिष्ट पार्टी माओवादी केन्द्र हेटौंडा उपमहानगरपालिका ५ नम्वर वडा कमिटीको अध्यक्षमा देवनारायण लामिछाने (भीमसेन) सर्वसम्मत रुपमा चयन भएका छन् । पार्टीको शनिवार सम्पन्न प्रथम वडा सम्मेलनले भीमसेनको नेतृत्वमा ३५ सदस्यीय वडा कमिटी निर्माण गरेको हो ।
कमिटीको उपाध्यक्षमा रोजिता लम्साल, सचिवमा रिता आचार्य, सह–सचिवमा विकास अधिकारी र कोषाध्यक्षमा कृष्णप्रसाद गौतम चयन भएका छन् । ध्रुव देवकोटा, बालकृष्ण पुडासैनी, भरत पराजुलीलगायत सदस्य चुनिएका छन् ।
२०५२/५३ सालदेखि नै कम्युनिष्ट विचार बोकेर विद्यार्थी राजनीतिमा सक्रिय रहँदै आएका भीमसेन पछिल्लो समय यातायात व्यवसायीको रुपमा परिचित छन् । उनले अखिल नेपाल यातायात मजदुर संगठनको जिल्ला सचिवको जिम्मेवारीसमेत कुशलतापूर्वक सम्हालिसकेका छन् । बागमती प्रदेश सामाजिक विकासमन्त्री कुमारी मोक्तानको प्रमुख आतिथ्यतामा भएको कार्यक्रममा माओवादीका नेता तथा कार्यकर्ताहरुको उपस्थिति रहेको थियो ।