मकवानपुर/छोरीलाई बढी संस्कारमा राख्न खोज्ने तर छोरालाई त्यै संस्कार बारे कम सचेत पार्ने गर्दा समाजमा हिंसा बढेको हेटौंडा ११ को वडा सदस्य जुना दाहालले बताएकी छन् । समाजमा हिंसा व्याप्त रहेको र रोकथामको लागि परिवारबाटै सचेतना, नैतिकताको सवालमा ध्यान दिनुपर्ने वडा सदस्य दाहालले बताएकी छिन् ।
हेटौंडा उपमहानगरपालिका वडा ११ मा आयोजना गरिएको लैङ्कि हिंसा विरुद्ध सचेतना कार्यक्रममा उनले यस्तो बताएकी हुन् । हिंसा विरुद्ध अभियानमा महिलासँगै पुरुषहरूको पनि उपस्थिति गराउन पर्ने दाहालले बताइन् । ‘बालिकालाई निश्चित परिधिभित्र राखेर मात्रै हिंसाको अन्त्य हुँदैन, हिंसा विरुद्धको अभियानमा बालकहरू, किशोरहरू, पुरूषलाई पनि अनिवार्य सहभागी गराउन पर्छ’ उनले भनिन् ।
वड स्तरीय महिला जागरण समूहको आयोजना,हेटौंडा उपमहानगरपालिकाको सहकार्य तथा नगर स्तरीय महिला जागरण समूहकाे समन्वयमा आयाेजित लैङ्गिक हिंसा विरुद्ध १६ दिने अभियान अन्तरगत महिलाहरूको लागि सचेतनामुलक अभिमुखिकरण कार्यक्रम मंगलबार गरिएको थियो ।
कार्यक्रममा वडा समन्वय समितिका देवकुमार श्रेष्ठले पुरूष प्रधान संस्कारकै कारण महिलाको नेतृत्व स्वीकार नगरिएको बताउँदै यसले पनि हिंसा बढेको बताए ।

घरैबाट सुरू गरौं, महिला हिंसा अन्त्य गरौ भन्ने नाराका साथ आयोजना गरिएको कार्यक्रममा अधिकारकर्मी तथा मकवानपुर महिला समूहको कार्यक्रम संयोजक निशा लामाले हिंसा विरुद्धको अभियान बारे कार्यपत्र प्रस्तुत गरेकि थिइन् । महिलाले गर्भावस्थादेखि नै कुनै न कुनै प्रकारको हिंसा भोग्नु परेको लामाले बताइन् ।
महिलाहरूले प्रजनन हकको रक्षा हुनुपर्नेमा प्रजनन विषयलाई नै लिएर हिंसा व्याप्त रहेको लामाले बताइन् । कार्यक्रममा नगर स्तरीय महिला जागरण समूह अध्यक्ष तारा ढुंगानाले महिलाहरूमा जागरण ल्याउन सकेमा हिंसाको घटनाहरू कम गर्न सकिने बताइन् ।
कार्यक्रममा वडाको टोल बिकास समूहका पदाधिकारी, सहकारीको प्रतिनिधि, सामाजिक अगुवाहरूको उपस्थिति रहेको वडा स्तरीय महिला जागरण समूह सचिब ‘सिता कंडेल बस्तोलाले बताइन् । कार्यक्रम समूहको कार्य बाहक अध्यक्ष शोभ लामिछानेको अध्यक्षतामा भएको थियो ।
मकवानपुर / हेटौंडा उपमहानगरपालिका प्रमुख हरिबहादुर महतले हिंसा सहेर नबस्न आग्रह गरेका छन् । हिंसा सहनाले थप हिंसा निम्तने जोखिम बढी हुने भएकोले हिंसाको प्रतिकार गर्न नगरप्रमुख महतले आग्रह गरेका हुन् ।
लैङ्गिक हिंसा विरुद्ध १६ दिने अभियान अन्तरगत हेटौंडा उपमहानगरपालिका १६ मा रहेको वडा स्तरीय महिला जागरण समुहले आयोजना गरेको सचेतनामुलक लोक दोहोरी कार्यक्रममा महतले यस्तो बताएका हुन् । समूहको अध्यक्ष सरला बानियाँको अध्यक्षतामा भएको कार्यक्रममा कार्यक्रम वडा अध्यक्ष रामकृष्ण कोईरालाले आर्थिक विपन्नताको कारण समाजमा हिंसा व्याप्त रहेको बताए ।
कार्यक्रममा हेटौंडा उपमहानगरपालिका महिला तथा बालबालिका महाशाखा प्रमुख जगन्नाथ सापकोटाले आर्थिक समृद्धिको लागि आ आफ्नो स्थानबाट लागि पर्नुपर्ने बताए । महिलाको आर्थिक अवस्था उकास्न, सामाजिक सचेतना अभिवृद्धि गर्न स्थानीय स्तरमा रहेका महिला जागरण समूहहरूले भूमिका निर्वाह गर्नुपर्ने सापकोटाले बताए ।

स्थानीय प्रहरी, समाुदायिव वनका प्रतिनिधिहरु, टोल विकास समूहका पदाधिकारी तथा प्रतिनिधिहरु, आमा समूहका पदाधिकारी तथा प्रतिनिधिहरुको उपस्थितीमा लैङ्गिक हिंसा विरुद्ध सचेतना अभिवृद्धीको लागि लोक दोहोरी कार्यक्रम गरिएको समूह अध्यक्ष बानियाँले बताइन् ।
गितका माध्यमबाट हिंसा विरुद्ध प्रतिकार गर्न, हिंसाको उजुरी गर्ने र सहेर नबस्न सन्देश मिलेको कार्यक्रममा सहभागीहरुले बताएका थिए ।
मकवानपुर / हिंसाको सवाल महिलाको मात्रै नभई सिङ्गो समाज र राष्ट्रिय सवाल भएको नेकपा एमाले केन्द्रिय सदस्य तथा अखिल नेपाल महिला संघ केन्द्रिय सचिवालय सदस्य जुनेली श्रेष्ठले बताएकी छन् ।
बागमती प्रदेशको पूर्व सामाजिक विकास राज्यमन्त्री श्रेष्ठले हिंसा उन्मुलनमा व्यक्ति व्यक्ति सचेत हुनुपर्ने बताइन् । “जहाँ हिंसा हुन्छ त्यहाँ अनेमसंघ पुग्नुपर्छ” श्रेष्ठले भनिन् “सबै बर्ग र समूदायको हिंसा विरुद्ध अनेमसंघ बोल्नुपर्छ ।”
अखिल नेपाल महिला संघ जिल्ला कमिटी मकवानपुरले लैङ्गिक हिंसा विरुद्ध १६ दिने अभियानको सन्दर्भमा आयोजना गरेको १ दिवसीय सचेतना कार्यक्रममा श्रेष्ठले यस्तो बताएकी हुन् । महिला, बालबालिका, ज्येष्ठ नागरिकमाथि हुने हिंसाको विरुद्ध न्यायको लडाईमा लागि पर्न श्रेष्ठले आग्रह गरिन । हिंसा गर्नेलाई नेकपा एमालेले कुनै पनि रूपमा संरक्षण नगर्ने उनले बताइन् ।
कार्यक्रम अनेमसंघ केन्द्रिय कमिटी सचिवालय सदस्य तथा मकवानपुर इन्चार्ज पद्मा पौडेलले हिंसा विरुद्धको अभियानपछि धेरै उपलब्धि भएको भए पनि ती उपलब्धि संस्थागत गर्न चुनौती रहेको बताइन् । “अनेमसंघको अभियान महिला माथिको हिंसा मात्रै हैन, मानव माथीको हिंसा विरुद्ध हो” पौडेलले भनिन् । अनेमसंघले २० बर्षदेखी यो अभियान जारी राखेको उनले बताइन् । हिंसा रोक्नको लागि कानुन बनाउने र कार्यान्वयन तहमा महिला पुग्नुपर्ने बताइन् ।
कार्यक्रम पार्टी जिल्ला अध्यक्ष बद्री लम्सालले हिंसाको सवाल महिलाको मात्रै नभई समाजले चासो राख्नुपर्ने सवाल भएको बताए । सचेत बर्गले आफू आवद्ध समुदाय समूह सन्जालमा सम्प्रेषण गरेर हिंसाको रूपहरू समाप्त गर्नेपर्ने अध्यक्ष लम्सालले बताए । हिंसाको उन्मुलन गर्न हिंसाको कारण पत्ता लगाएर उपचार विधि अवलम्बन गर्नुपर्ने उनले बताए । बिभेदयुक्त समाज समाजवाद उन्मुख हुन नसक्ने उनले बताए ।
यसैगरी पार्टी जिल्ला सचिब एकालाल श्रेष्ठले हिंसा मुक्त भएमात्र समाजवाद अगाडि बढाउन सकिने बताए । “समाज विकाससंगै नयाँ नयाँ समस्या जन्मनु स्वभाविक हो, त्यस्तो समस्या अन्त्यको लागि सामाजिक नेतृत्वले लागि पर्नु पर्छ” श्रेष्ठले भने “समाजमा बिबिधिकरणयुक्त समस्या हुन्छ, लैङ्गक,सामाजिक, मानसिक हिंसा सबैको अन्त्यको लागि संविधानमा व्यवस्था गरिएको छ ।” संविधान, ऐन कानुनी रूपमा महिला सहभागीता, निर्णयमा महिलाको उपस्थिति बारे गरेको व्यवस्था जानकारी उनले गराए ।
कार्यक्रम अनेमसंघ जिल्ला अध्यक्ष सुमित्रा काफ्लेको अध्यक्षतामा भएको थियो । कार्यक्रममा अध्यक्ष काफ्लेले अध्ययन अनुसन्धान गरेर क्षमता अभिवृद्धि गर्दै हिंसा विरुद्धको नेतृत्वमा लाग्नुपर्ने बताइन् । हिंसाको विरुद्ध अनेमसंघ सधै तत्पर रहेको उनले बताइन् । संगठनले स्थापनाकालदेखि नै सामाजिक न्यायको लडाइँलाई आत्मसात गर्दै आएको काफ्लेले बताइन् । जिल्लाको सबै पालिकामा कमिटी बनेको र हिंसा विरुद्ध न्यायको खातिर लागिपरेको उनले बताइन् । अनेमसंघले जिल्लाको सबै पालिकामा लैङ्गिक हिंसा विरुद्धको अभियानमा सचेतना कार्यक्रम गर्ने काफ्लेले बताइन् ।
अनेमसंघले हिंसा विरुद्धको अभियान बर्षैभरी विभिन्न रूपमा जारी राखेकोले कुनै पनि प्रकारको हिंसा सहेर नबस्न र सम्बन्धित निकायमा उजुरी गर्न अनेमसंघ जिल्ला सचिब साधना श्रेष्ठले अनुरोध गरिन ।
मकवानपुर । हेटौंडामा जारी जिल्ला स्तरीय प्रथम अन्तरपालिका फुटबल प्रतियोगितामा बकैयाले कैलाश गाउँपालिकालाई पराजित गरेको छ । जिल्ला समन्वय समिति मकवानपुरको आयोजनामा हेटाैडा-४ को हुप्रचौरमा भईरहेको नकआउट फुटबल प्रतियोगितामा बकैयाले कैलाशलाई २-० गोलअन्तरले पराजित गरेको हो ।
बकैयाले दुबै गोल दोस्रो हाफमा गरेको थियो । निर्धारित ८० मिनेटको खेलमा ७४ औं मिनेटमा बकैयाका नवराज घलानले गोल गर्दै टिमलाई अग्रता दिलाएका थिए । खेलको अतिरिक्त समयमा बकैयाका अभिषेक भ्लोनले गोल गरेपछि बकैया विजयी भएको हो । खेलको म्यान अफ दि म्याच भने बकैयाका नवराज घलान भएका छन् ।
प्रतियोगिताको उपाधि विजेताले २ लाख रुपैयाँ र उपविजेताले १ लाख रुपैयाँ प्राप्त गर्ने छ । प्रतियोगितामा विधागत रुपमा उत्कृष्ट खेलाडीले ५ हजार रुपैयाँ तथा अन्य विधागत खेलाडीले ३ हजार रुपैयाँको दरले पुरस्कार प्राप्त गर्ने आयोजकले जनाएको छ ।
मकवानपुर / नेपाली कांग्रेसको बागमती प्रदेशको सभापतिमा इन्द्रबहादुर बानियाँलाई सिटौला समूहका उम्मेदवार भीमसेन दास प्रधानले समर्थन गरेका छन् ।
सभापतिको उम्मेदवार प्रधानले आफ्नो समर्थन बानियाँलाई दिएका हुन् । हिजो भएको मतदानमा उनले तेस्रो स्थानमा नतिजा ल्याएका थिए । दोस्रो चरणको निर्वाचनमा उनले बानियाँलाई साथ दिनेबारे पत्रकार सम्मेलन गरेर बताएका हुन् ।
पत्रकार सम्मेलन गर्दै प्रधानले लोकतान्त्रिक प्रक्रियामा आफु पराजित भएता पनि अबको साथ सहयोग बानियाँलाई रहने बताए ।
आफुलाई अमुल्य मतदान गर्ने साथीहरुलाई धन्यवाद दिदैं अब बानियाँलाई सबैले मतदान गरी विजयी गराउन आग्रह समेत गरे । “एकता र सहमतिको लागि सन्देश दिन मेरो समर्थन बानियाँ रहेको छ” उनले भने । उनले विपीको सिन्द्धातमा रहने आफु जहिले पनि लोकतन्त्रमा विश्वास रहेको बताए ।
पत्रकार सम्मेलनमा केन्द्रीय सहमहामन्त्री प्रकाशशरण महत, केन्द्रीय सदस्य महालक्ष्मी डिना उपाध्याय, बहादुर सिं तामाङ लगायतका नेता तथा प्रनिनिधिहरुको उपस्थिती रहेको थियो ।
निर्वाचन समितिका अनुसार दोस्रो चरणको सभापतिको मतदान साढे ११ बजेबाट सुरूहुने तालिका रहेता पनि १ बजेबाट सुरु भएको छ ।