मकवानपुर । हेटौंडा उपमहानगरपालिका वडा न १३ पदमपाेखरीमा इसाई धर्मावलम्बीको पर्व क्रिसमसको शुभकामना आदान प्रदान कार्यक्रम भएकाे छ । संयुक्त मण्डली पाष्टर संगतीले शुभकामना आदान प्रदान कार्यक्रम गरेकाे हाे ।
शुभकामना आदान प्रदान कार्यक्रममा हेटाैडा उपमहानगरपालिकाका प्रमुख हरि बहादुर महतले क्रिसमसको उपलक्ष्यमा स्वदेश तथा विदेशमा रहेका सम्पूर्ण इसाई धर्मावलम्बी दाजुभाइ तथा दिदीबहिनीमा सुख शान्ति र समृद्धिका लागि शुभकामना दिएका छन् । महतले भने–‘विविध सांस्कृतिक परम्पराबाट समृद्ध हाम्रो मुलुकमा यस प्रकारका चाडपर्वको धर्म संस्कृति संरक्षण र सम्बर्दधनबाट देशमा आपसी विश्वास र सद्भावको अभिवृद्धि भई राष्ट्र निर्माण एवम् समुन्नत सामाजिक संरचनाको निर्माण गर्ने कार्यमा महत्वपूर्ण टेवा मिल्नेछ छ ।’
क्रिसमस पर्वले सबै नेपालीबीच बन्धुत्व र एकताको भावना बढाउने कार्यमा सहयोग पुग्छ’ कार्यक्रममा हेटाैडा उपमहानगरपालिकाका उप प्रमुख मिना कुमारी लामाले भनिन् – ‘नेपाल समृद्ध बनाउन हामी सबैलाई प्रेरणा प्राप्त हुनेछ भन्ने कामना गर्दछु ।’ यसै गरी मकवानपुर पास्टर यसोशियसनका अध्यक्ष दिपक भोलन, इसाई समाज मकवानपुर अध्यक्ष निमाटोल्मा आचार्यले क्रिसमसको उपलक्ष्यमा स्वदेश तथा विदेशमा रहनुभएका सम्पूर्ण इसाई धर्मावलम्बी दिदीबहिनी तथा दाजुभाइप्रति सुस्वास्थ्य, दीर्घायु, सुख, शान्ति, समृद्धि र उत्तरोत्तर प्रगतिको शुभकामना व्यक्त गरेका थिए ।
हेटाडा उपमहानगरपालिकाका प्रमुख महतकाे प्रमुख आतिथ्यता, उपप्रमुख लामाकाे विशिष्ट आतिथ्यता तथा मण्डली संगतिका अध्यक्ष चन्द्र गाेलेकाे अध्यक्षतामा शुभकामना कार्यक्रम भएकाे हाे ।
मकवानपुर । पहिलो संस्करणको अन्तरपालिका पुरुष फुटबलको उपाधि थाहा नगरपालिकाले जितेको छ । जिल्ला समन्वय समिति मकवानपुरको आयोजनामा भएको प्रतियाेगिता अन्तरगत शनिबार भएको फाइनल खेलमा हेटौँडा उपमहानगरपालिकालाई सडन डेथमा हराउँदै थाहा नगरले पहिलो संस्करणको उपाधि हात पारेकाे हो ।
हेटौँडा–४, स्थित हुप्राचौरमा शनिबार भएको उपाधि भिडन्तमा निर्धारित समयको खेल २–२ गोलको बराबरीमा सकिएपछि टाई ब्रेकरमा पनि बराबरी भएपछि सडन डेथमा थाहा विजयी भएको थियो । सडन डेथमा हेटौँडाका खेलाडीले प्रहार गरेको बल बाहिर गएपछि थाहा नगरपालिकाले २–१ उपाधि चुमेको हो ।
खेलको २७ औँ मिनेटमा हेटौँडाले अनिश महर्जनको गोलबाट अग्रता बनाएको थियो ।पहिलो हाफको अतिरिक्त समयमा विनोद घलानले गोल गर्दै २–० को अग्रता लिएको हेटौँडाले दोस्रो हाफमा सम्हालिएर खेल्न सकेन । खेलको ५६ औँ मिनेटमा थाहाका लागि राजन गोलेले गोल गर्दै थाहालाई खेलमा फर्काएका थिए । अन्तिम समय (७७ औँ मिनेट) मा हेटौँडाका आकाश कटुवालबाट आत्मघाती गोल भएपछि खेल पेनाल्टी सुट आउटमा धकेलिएको थियो ।
विजेता बनेसँगै थाहा नगरपालिकाले उपाधिसहित नगद २ लाख रुपैयाँ प्राप्त गर्यो भने, हेटौँडाले नगद एक लाख रुपैयाँ प्राप्त गरेकाेः छ । प्रतियोगितामा हेटौँडाका फत्तेमान घले सर्वोत्कृष्ट खेलाडी घोषित हुँदै नगद ५ हजार प्राप्त गरे । यस्तै विधागत रुपमा थाहा नगरपालिका राजन गोले उत्कृष्ट फरवार्ड, हेटौँडाका गगन सिलवाल उत्कृष्ट डिफेन्डर, थाहाका विशाल स्याङ्तान उत्कृष्ट मिडफिल्डर, हेटौँडाका सफल तिमल्सिना उत्कृष्ट गोलकिपर र थाहाका नरेन्द्र मोक्तान उत्कृष्ट प्रशिक्षक घोषित भएका थिए ।
उनीहरूले जनही ३ हजार नगर, शिल्ड र प्रमाणपत्र प्राप्त गरेका छन् । प्रतियोगिताका विजेताहरूलाई बागमती प्रदेशका निवर्तमान मुख्यमन्त्री डोरमणि पौडेल, जिल्ला समन्वय समिति मकवानपुरका प्रमुख रघुनाथ खुलाल, उपप्रमुख भगवती पुडासैनी, सदस्य देवराज रिमाल, हेटौँडा–४ का वडा अध्यक्ष नवीन सिग्देल, हेटौँडा–१४ का वडाध्यक्ष दिपक खड्का, हेटौँडा–१० का वडाध्यक्ष किताबसिंह लामा, खेलकुद विकास समितिका अध्यक्ष सानु लामा लगायतले पुरस्कार प्रदान गरेका थिए ।
मकवानपुर । मकवानपुर क्योकुशिन कराते संघ (बालकुमारी) को उपशाखा हर्नामाडी क्योकुशिन कराते संघको शुक्रबार प्रथम बेल्ट प्रमोसन टेष्ट भएको छ ।
हेटाैडा १८ हर्नामाडीकाे गुम्बाडाँडामा बेल्ट प्रमोसन टेष्ट हर्नामाडी शाखा डोजोका अध्यक्ष भिम लोप्चनको सभाध्यक्षतामा भएको हाे । बेल्ट प्रमोसन टेष्ट कार्यक्रममा ७५ जना खेलाडीहरुले सहभागिता जनाएका थिए ।
कार्यक्रममा जिल्ला खेलकुद विकास समितीका अध्यक्ष सानू कुमार लामा प्रमुख आतिथ्यता रहेको थियो । कार्यक्रममा केन्द्रीय अध्यक्ष सुरेन्द्र डँगोल विशेष आतिथ्यता रहेको थियो । कार्यक्रममा महासचिव तथा ब्रान्च चिफ विकास महर्जन ,श्याम महर्जन, हर्क रम्तेल, बुद्धि नाथ न्यौपाने, बिष्णु श्रेष्ठ ,सीता श्रेष्ठ ,सुजता भुजेल ,सुसन श्रेष्ठ , सुमन कर्माचार्य लगायतको उपस्थिती रहेको थियो ।
प्रमोसन टेष्ट कार्यक्रममा प्रशिक्षक सुदर्शन खतिवडाले स्वागत मन्तव्य ब्यक्त गरेका थिए ।
मकवानपुर । नेपाल अदिवासी जनजाति पत्रकार महासंघ (फोनिज) मकवानपुरकाे अध्यक्षमा अशाेक सुजन श्रेष्ठ चयन भएका छन् । फोनिज मकवानपुरकाे शनिबार भएको पाँचौं अधिवेशनले अध्यक्षमा श्रेष्ठलाई सर्वसम्मत चयन गरेको हाे ।
यसै गरी अधिवेशनबाट उपाध्यक्ष नवराज वाईबा, सचिव रुपा गुरुङ, कोषाध्यक्ष सन्देश थिङ र सहसचिव मनिता रानालाई चयन हुँदा सदस्यहरुमा जमुना थिङ, मञ्जरी बलामी, आशिष राना प्रज्ञा, भुपेन्द्र राना मगर, भुवन घलान र सम्झना मगर चयन भएका हुन् ।
यसैगरी मीना श्रेष्ठ, दुदुमाया सिन्तान, आदर्श थोकर, जनक तामाङ र उमेश राई प्रदेश प्रतिनिधि चयन भएका छन् भने केन्द्रीय प्रतिनिधिमा सुरेश श्रेष्ठ, कृष्ण सारु मगर, सूवर्णलाल श्रेष्ठ र रञ्जीता डंगोल चयन भएका छन् । अधिवेशनकै अवसरमा अग्रज पत्रकार सुवर्णलाल श्रेष्ठलाीई नगद ५ हजार रुपैयाँसहित सम्मान गरिएको छ
मकवानपुर । हेटौंडाबाट प्रहरीले लागूऔषधसहित २ जनालाई पक्राउ गरेको छ । प्रहरीले ६ ग्राम ४ सय ८० मिलिग्राम लागूऔषध खैरोहिरोइनसहित हेटाैडा उपमहानगरपालिकाकाे छुट्टाछुट्टै स्थानबाट २ जनालाई पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेहरुमा चितवनको रत्ननगर नगरपालिका वडा नम्वर २ टाँडी बस्ने ५२ वर्षीय नारायण खड्का र राप्ती नगरपालिका वडा नम्वर ७ बस्ने ३५ वर्षीय अर्जुन अधिकारी रहेको प्रहरीले जनाएकाे छ । शनिबार बिरगंज तर्फबाट काठमाण्डौ तर्फ जाँदै गरेको ना ५ ख ४८०२ नं. को यात्रुबाहक बसलाई हेटौंडा १५ रातोमाटेमा चेकजाँच गर्ने क्रममा उक्त बसमा सवार खड्काले लुकाइछिपाई ल्याएको ६ ग्राम २ सय ८० ग्राम लागूऔषध नाइट्रोभेट बरामद भएपछि निजलाई पक्राउ गरेको जिल्ला प्रहरी कार्यालय मकवानपुर प्रहरी नायव उपरीक्षक जयश्वर रिमालले बताए ।
यस्तै, शनिबार नै हेटौंडा उपमहानगरपालिका वडा नम्वर ११ सहिद स्मारक गेट नजिक शंकास्पल रुपमा हिडिरहेका अधिकारीलाई चेकजाँच गर्दा निजको साथबाट लागुऔषध खैरोहिरोईन जस्तो देखिने पदार्थ १ ग्राम २ सय मिलिग्राम बरामद भएपछि निजलाई पक्राउ गरिएकाे रिमालले बताए ।
पक्राउ परेका दुबै जनामाथि आवश्यक अनुसन्धानका साथै कानूनी प्रकृया अगाडि बढाइएको जिल्ला प्रहरी कार्यालय मकवानपुरले जनाएको छ ।