मकवानपुर । प्रेस चौतारी नेपाल, मकवानपुर अध्यक्षमा बालकृष्ण अधिकारी चयन भएका छन् । प्रेस चौतारी मकवानपुरको पुष ९ गते शुक्रबार मकवानपुरगढीमा भएको आठौँ जिल्ला सम्मेलनले अधिकारीको नेतृत्वमा ३१ सदस्यीय कमिटि निर्माण भएको हो ।
कमिटिको उपाध्यक्षमा पुष्पराज अधिकारी र सम्झना रिजाल चयन भएका छन् । समितिकाे सचिव रुपक कालिराज सह–सचिव दिपकसिंह रुम्बा तथा रविन ढुंगना कोषाध्यक्षमा प्रतिक्षा न्यौपाने चयन भएका छन् ।
यसैगरी कमिटिको सदस्यहरुमा सुमन दाहाल, निशा गुरुङ, सुशन लामिछाने, सरोज पौडेल, सुजन पुडासैनी, अनिष चौँलागाई, मनिता राना, पुष्पा कार्की, रामकुमार दानी, सुनिता विष्ट, सपना अधिकारी, रञ्जन पौडेल, अमिता लामिछाने, स्कृती न्यौपाने, समिर सिलवाल, जेनिसा घिमिरे, स्वस्तिका अर्याल, भूपेन्द्र रानामगर, अजिता नगरकोटी, शहनशिला ढकाल, बासुदेव विष्ट, विजु तिमल्सिना, जीवन पाख्रीन र संजिब रसाईली चयन भएका छन् ।
अधिवेशनले केन्द्रीय प्रतिनिधिमा धर्मेन्द्र दाहाल, दिपेन्द्र रोक्का, अशेष ढुंगना, नानीमाया सापकोटा र शान्ति विश्वकर्मालाई चयन गरेको छ भने प्रदेश प्रतिनिधिमा सुनिल गौतम, मनिल महत्तो, दिपेश दाहाल र प्रतिक्षा न्यौपानेलाई चयन गरेको छ ।
प्रेस चौतारी नेपालका निवर्तमान अध्यक्ष धर्मेन्द्र दाहालको अध्यक्षतामा भएको अधिवेशनले स्वर्गीय प्रेमनाथ चौँलागाई स्मृति पत्रकारिता पुरस्कारबाट नगद ११ हजार १ सय ११ रुपैँया सहित प्रेस चौतारी नेपालकी केन्द्रीय सदस्य सरिता दाहाललाई पुरस्कृत गरेको छ। अधिवेशनमा प्रेस चौतारी नेपाल मकवानपुरका सस्थापक उपाध्यक्ष धु्रवप्रसाद चौँलागाई तथा पत्रकार महासंघ मकवानपुरका निवर्तमान अध्यक्ष हरिप्रसाद हुँमागाईलाई सम्मान गरिएको छ ।
बागमती प्रदेशका पुर्व मुख्यमन्त्री डोरमणी पौडेलको प्रमुख आतिथ्यतामा भएको अधिवेशनमा एमालेकी केन्द्रीय सदस्य जुनेली श्रेष्ठ, संविधानसभा सदस्य अनन्तप्रसाद पौडेल, प्रेस चौतारी नेपालका केन्द्रीय उपमहासचिव एवम् बागमती प्रदेश इन्चार्ज हिरामान लामा, एमाले मकवानपुरका सचिवालय सदस्यहरु नविन सिग्देल, हिदम लामा, सुनिल मोक्तान, एमाले बागमती प्रदेशका प्रचार विभाग सदस्य उज्वल चौँलागाई, प्रेस चौतारी नेपालका बागमती प्रदेश सह–संयोजक प्रकाश दाहालकाे आतिथ्यता थियाे ।
यसै गरी नेपाल पत्रकार महासंघका केन्दीय सदस्य सुनिल खड्का, प्रदेश उपाध्यक्ष रुपेश दुलाल, जिल्ला अध्यक्ष मणीराज गौतम, प्रेस चौतारीका केन्द्र तथा बागमती प्रदेश कमिटिका सदस्यहरु, प्रेस युनियन मकवानपुरका सचिव केशव समर्पण लगातको आतिथ्यता रहेको थियो ।
शान्तिकाे “जिल खाइरहेकाे एक्काइसौं शताब्दी” प्रकाशित हुदै
Tags: No Comments
मकवानपुर । मकवानपुरे कवी शान्ति प्रियवन्दनाकाे कविता संग्रह “जिल खाइरहेकाे एक्काइसौं शताब्दी” प्रकाशित हुने भएकाे छ । कविता संग्रह प्रकाशनकाे अन्तिम तयारीमा रहेकाे कवी शान्तिले बताइन् ।
१२/१४ बर्षकाे उमेर देखि कविता लेख्दै साहित्यमा प्रवेश गरेकी उनकाे पहिलाे कविता २०५४ मा छापिएकाे थियाे । जिल खाइरहेकाे एक्काइसौं शताब्दी पहिलाे साहित्यिक संग्रह भएकाे कवी शान्ती प्रियवन्दना बताउँछिन ।
कविता बाहेक निबन्ध , गजल मुक्तक र अखबारीय लेखनमा समेत सक्रिय रहेकी कवी प्रगतिशील लेखक संघ मकवानपुरकाे वर्तमान अध्यक्ष हुन् । उनी जिल्लाकै पहिलाे महिला अध्यक्ष समेत हुँन् ।
आगामी पुष २४ गते शनिवार हेटाैंडामा कविता सङ्ग्रहकाे विमाेचन गर्ने तयारीम रहेकाे उनले बताइन् ।
मकवानपुर । मकवानपुरका ४० जना पत्रकारलाई ७ दिने आधारभूत पत्रकारिता तालिम दिन सुरु भएकाे छ । पुष ८ गते विहीबारबाट हेटौंडामा आधारभूत पत्रकारिता तालिम सुरु गरिएको हो ।
नेपाल पत्रकार महासंघ केन्द्रीय समितिको आयोजनामा तथा युरोपियन युनियनको सहयोग र पत्रकार महासंघ मकवानपुरको समन्वयमा ४० जना पत्रकारलाई आधारभूत पत्रकारिता प्रशिक्षण दिन सुरु गरिएको हो । तालिम दुई सिप्टका सञ्चालन हुने छ ।
तालिमको उद्घाटन् गर्दै पत्रकार महासंघ केन्द्रीय समितिका पूर्व अध्यक्ष धर्मेन्द्र झाले पत्रकारिता गर्न समर्पण आवस्यक रहेको बताए । कार्यक्रममा महासंघ मकवानपुरका पूर्व अध्यक्ष प्रताप विष्ट, सल्लाहकार बालकृष्ण अधिकारी, प्रदेश महासंघ महासचिव कृष्णसारु मगरले आफ्नो भनाइ राखेका थिए।
कार्यक्रममा मकवानपुर महासंघका पूर्व अध्यक्ष नवराज शर्मा, कौशल पाण्डे, राममणि दहाल, भानुभक्त आचार्य, हरि हुमागाई, महासंघ केन्द्रीय समितिका कार्यक्रम प्रवन्धक संघर्ष पन्त, इन्टरनेशनल एलर्टका वरिष्ठ कार्यक्रम अधिकृत विजय क्षेत्रीको आतिथ्यता रहेको थियो ।
मकवानपुर । जिल्ला स्तरीय पुरुष भलिवल प्रतियोगिता मकवानपुरगढीमा हुने भएको छ । आमभञ्ज्याङ युवा क्लब मकवानपुरगढी ५ को आयोजना र मकवानपुरगढी गाउँपालिकाकाे प्रायाेजनमा रनिङ शिल्ड पुरुष भलिवल प्रतियोगिता हुन लागेको हो ।
आयाेजक आमभञ्ज्याङ युवा क्लब मङ्गलबार हेटौंडामा पत्रकार सम्मेलन गर्दै आगामी पुस १४ गतेदेखि १७ गतेसम्म प्रतियोगिता हुने जानकारी दिएकाे हाे।
प्रतियोगितामा प्रथम हुनेलाई ६६ हजार ६ सय ६६ रुपैया सहित शिल्ड, मेडल र प्रमाणपत्र, द्वितीय हुनेलाई ३३ हजार ३ सय ३३ रुपैया सहित शिल्ड, मेडल र प्रमाणपत्र, तृतीय हुनेलाई १५ हजार सहित शिल्ड, मेडल र प्रमाणपत्र र सान्त्वना हुनेलाई ५ हजार नगद सहित प्रमाणपत्र प्रदान गरिने अध्यक्ष राजेश अधिकारीले बताए ।
प्रतियोगितामा उत्कृष्ट खेलाडीलाई ५ हजार, वेष्ट स्पाइकरलाई २ हजार, वेष्ट सेटरलाई २ हजार, वेष्ट ब्लकरलाई २ हजार र अनुशासित टिमलाई ३ हजार पुरस्कार रहेको आयोजकले जनाएको छ । प्रतियोगितामा टिम दर्ता गर्न २ हजार दस्तुर लाग्ने र टिम दर्ता १३ गते दिउँसो ३ बजे सम्म गरिसक्नुपर्ने कार्यक्रम संयोजक ईन्द्रप्रसाद सञ्जेलले बताए ।
खेलको टाइसिट पुस १३ गते दिउँसो ४ बजे सार्वजनिक गरिने सञ्जेलले बताए । प्रतियोगितामा करिब १० देखी १४ वटा टिमले भाग लिने अनुमान आयोजकले गरेको छ । प्रतियाेगितामा समावेश हुने टिमका खेलाडी मकवानपुर जिल्ला भित्रकाे मात्र हनु पर्ने आयाेजकले जनाएकाे छ ।
मकवानपुर । मकवानपुरको भीमफेदीबाट शनिबार राति चोरी भएको शालिक भेटिएकाे छ । लोककवि गणेशलाल श्रेष्ठको शालिक आइतबार अनावरण गर्ने गरी राखिएकाेमा शनिबार चाेरी भएकाे थियाे ।
भीमफेदी–६ स्थित चिसापानी पुल मुनी सोमबार अपरान्न ४ बजेर ४५ मिनेटको समयमा शालिक भेटिएको जिल्ला प्रहरी कार्यालय मकवानपुरले जानकारी दिएको छ । प्रहरीले फेला पारेकाे शालिक इलाका प्रहरी कार्यालय भीमफेदीमा राखिएको छ ।
भीमफेदीमै जन्मेर लोककविको उपाधि पाउनुभएका गणेशलाल श्रेष्ठको सम्मानमा नागरिकस्तरबाटै भीमफेदी–६, भीमफेदी बजारस्थित ज्योति पुस्तकालय परिसरमा शालिक स्थापना गर्न लागिएको हो । लोककवि श्रेष्ठको शालिक आइतबार अनावरण गर्ने कार्यक्रम तय गरिएको थियो ।
शालिक बरामद भए पनि प्रहरीले शालिक चोरीमा संलग्नलाई पहिचान गर्न सकेको छैन । शालिक चाेरी भएकाे घटनाकाे अनुसन्धान जारी रहेकोले घटनामा संलग्नलाई कारवाहीको दायरामा ल्याउने मकवानपुर प्रहरीले जनाएकाे छ ।