मकवानपुर । आसन्न स्थानीय तहको निर्वाचन -२०७९ को लागि मकवानपुरमा स्थापना गरिएको मुख्य निर्वाचन अधिकृत कार्यालय आज उद्घाटन गरिएको छ ।
मुख्य न्यायाधीश डिल्लीरत्न श्रेष्ठ र प्रमुख जिल्ला अधिकारी भरतमणी पाण्डेले कार्यालयको उद्घाटन गरेका हुन । कार्यालयको उद्घाटन गर्दै मुख्य न्यायाधीश श्रेष्ठले निर्वाचन भनेको समाजमा सुरक्षा र भयरहित बाताबरण सिर्जना गर्ने सकारात्मक अभ्यास भएको बताए ।
मकवानपुर जिल्लाको १० वटै स्थानीय तहमा आजैबाट कार्यालय खोलिएको प्रमुख जिल्ला अधिकारी भरतमणी पाण्डेले बताए ।
मकवानपुर जिल्लाको १९ वटा अति संवेदनशील मतदान स्थलमा जिल्लाका सबै सुरक्षा निकायका प्रमुखहरूले स्थलगत अनुगमन गरेको पाण्डेले बताए । हाम्रो नजरले केहि सुरक्षा चुनौती छन्, यद्यपि ति मतदान स्थलमा ढुक्क भएर मतदान गर्ने अवस्था भएकोले मतदातालाई सशंकित नहुन उनले आग्रह गरे ।
निर्वाचनलाई सफल पार्न राजनीतिक दलको भूमिका महत्त्वपूर्ण हुने भएकोले सकारात्मक समन्वय र भूमिका निर्वाह गर्न पाण्डेले अपिल गरे । यस अघि निर्वाचन सम्बन्धी आचारसंहिताको सवाल प्रजिअले हेर्ने भएकोमा आजको मितिबाट सम्बन्धित निर्वाचन अधिकृतले सम्बन्धित स्थलको आचारसंहिता अनुगमन गर्नेछन्
आज खोलिएका कार्यालयको सुरक्षाको लागि आजै बाट ५/५ जना शसस्त्र प्रहरी खटाएको प्रजिअ पाण्डेले बताए । चुनावी थप सुरक्षाको लागि मकवानपुर जिल्लामा १ हजार ४५१ म्यादी प्रहरी पनि खटाइने तयारी भएको पाण्डेले बताए ।
निर्वाचन अवधिको लागि ३ हजार कर्मचारी परिचालन गर्ने तयारी गरिएको छ । मतदानपछि मतपेटिकाहरू संकलनको लागि कार्ययोजना बनाएको पाण्डेले बताए ।
मकवानपुर जिल्लाको १० वटै मतगणना स्थलमा सिसि क्यामरा जडान गरेर केन्द्रीय तहबाट निगरानी राख्ने समेतको तयारी भएको छ । चुनाव एउटा उत्सव र अभियान जस्तै भएकोले उत्सवमा संयमित भएर सहभागी हुन मुख्य निर्वाचन अधिकृत डिल्लिरत्न श्रेष्ठले अनुरोध गरे । आचारसंहितामा बांधेर कसैको स्वतन्त्रता कुण्ठित गर्ने नभै लोकतान्त्रिक प्रक्रियालाई स्थापित गर्न लागेको श्रेष्ठले बताए।
कार्यालय उद्घाटन कार्यक्रम नेकपा एमालेका मदन दाहाल, माओवादीका प्रेमबहादुर पुलामी, नेकपा एकीकृत समाजवादीको मिना लामा, नेपाली कांग्रेसका बुद्ध लामालगायत पार्टी प्रतिनिधिहरूको पनि उपस्थिति रहेको थियो ।
मकवानपुर । आसन्न स्थानीय तहको निर्वाचन -२०७९ मा सत्ताधारी ५ दलीय गठबन्धनको बिरूद्वमा मकवानपुर कांग्रेस उठेको छ ।
पार्टीको सांगठनिक अवस्थालाई बेवास्ता गर्दै गठबन्धन गरेको भन्दै कांग्रेस मकवानपुरमा असन्तुष्टि सुरू भएको हो । पार्टी नेतृत्वले उक्त सहमति सच्याउन माग गर्दै दिनहुँ दबाबका कार्यक्रम भैरहेको छ । हिजो नेपाली कांग्रेस हेटौंडा उपमहानगरपालिका कमिटीले पत्रकार सम्मेलन मार्फत केन्द्रमा गठवन्धनले गरेको निर्णय हेटौंडामा नमान्ने चेतावनी दिएका थिए भने आज कांग्रेस मकवानपुरका सभापति बुद्ध लामा भन्दा बाहेकका नेताहरुले पत्रकार सम्मेलन गर्दै हेटौंडाको मेयरमा कांग्रेसलेनै पाउनुपर्ने माग गरेका छन् ।
कांग्रेस मकवानपुरका उपसभापतिहरू आनन्द कठायत, धर्म लामिछाने, सचिब भिमसेन महत, ईश्वर पाठक, सहसचिब ईन्दिरा न्यौपाने, पूर्व सभापतिहरु माइकल रामचन्द्र अर्याल, रघुरमण न्यौपाने, महासमिति सदस्य जयराम लामिछाने लगायतका जिल्ला स्तरका नेताहरुले पत्रकार सम्मेलन मार्फत हेटौंडाको मेयर कांग्रेसले नपाए छुट्टै उमेदवारी दिने सम्मको चेतावनी दिएका हुन्।
सरकारमा रहेका गठबन्धन दलहरुले हेटौंडाको मेयर समाजबादीलाई दिने निर्णय गरेपछी मकवनपुरका कांग्रेसका नेता तथा कार्यकर्ताहरु रुष्ट बनेका हुन् ।
गठबन्धनको निर्णय पुनराबलोकन नभए यथा स्थितिमा निर्वाचनमा जाँदा गठबन्धनको आवस्यक्ता, औचित्य र मर्म विपरित परिणाम आएमा त्यसप्रति आफुहरु जिम्मेवार र जवाफदेही नहुने उपसभापति कठायतले बताए । कांग्रेसले हेटौंडाको प्रमुख पद पाउँदा गठवन्धनमा रहेका सबै दलहरुलाई सहज रुपमा निर्वाचनमा जाने वातावरण सिर्जना हुने बताइएको छ । केन्द्रमा भएको निर्णय तत्काल सच्याएर मात्र चुनाबमा जान माग गरिएको छ ।
मकवानपुर । आसन्न स्थानीय तहको निर्वाचन -२०७९ मा सत्ताधारी ५ दलीय गठबन्धनमा सहमति खोज्दा महिलालाई पाखा लगाउने अवस्था आउन लागेको भन्दै नेपाली कांग्रेस मकवानपुरका नेतृहरूले आपत्ति जनाएका छन् ।
हेटौंडा उपमहानगरपालिकामा गठबन्धनबाट नेकपा एकीकृत समाजवादीले मेयर र कांग्रेसले उपमेयर पाउने केन्द्रिय सहमति भएसंगै मकवानपुरमा महिलाको नेतृत्व अवसर गुम्न लागेको प्रति ध्यानाकर्षण गराईएको हो । कांग्रेस हेटौंडा उपमहानगर कमिटीले यस अघि मेयर र उपमेयरमा नाम सिफारिस गरेर पठाइसकेको थियो । तर अब कांग्रेसले मेयर नपाउने भएपछि यस अघि मेयरको दाबिमा रहेकाहरू उपमेयरमा ओर्लिएर उपमेयरमा सिफारिस भएका महिला नेतृहरूलाई पाखा लगाउने खोजिएको भन्दै उनीहरूले आपत्ती जनाएका हुन् ।
यस अघि पार्टीको वडा हुंदै नगरकमिटिले उपमेयरमा सिफारिस गरेर पठाएको पार्टी सहसचिव इन्दिरा न्यौपाने, नेतृहरू अमृता थापा र तारा कुमारी राई कार्कीले आफूहरू मध्येबाटै उपमेयर टुङ्गिनु पर्ने माग गरेका हुन् ।
यस अघि पार्टीबाट हेटौंडाको मेयरमा दाबि गर्दै आएका भिमसेन महत, प्रभात दाहाल, राजेश बानियाँमध्ये उपमेयर फाईनल हुने आन्तरिक तयारी रहेको बुझिन आएपछि,त्यसो हुन नदिन उनीहरूले माग गरेका हुन् ।
मकवानपुर । मकवानपुरमा अन्य पार्टी परित्याग गर्दै राप्रपामा प्रवेश गर्नेको संख्या बढदै छन। आसन्न स्थानीय निर्वाचनको बेला बुधबार सुनचाँदी व्यवसायी बिबेक रसाईली सहित राप्रपा प्रवेश गरेका छन।
यसै गरि मंगलबार हेटौंडा १६ का नेपाली कांग्रेस पूर्व वडा सभापति बलराम थापा पुलामी मगरलाई पार्टी प्रवेश गराइएको जानकारी राप्रपा जिल्ल प्रवक्ता बिशभ अधिकारीले बताए। मकवानपुर मनहरी-७ निवासी नेपाली कांग्रेसका जिल्ला उपाध्यक्षको उमेदवार तथा क्रियाशिल सदस्य चन्द्र बहादुर पौडेल र कंग्रेसको क्षेत्रिय सदस्य धुर्व देवकोटा पनि राप्रपा समावेश भएका छन् ।
यस्तै नेकपा एमालेबाट गौत्तम लामा, सुजन श्रेष्ठ, राम पौडेल, चित्र बहादुर परियार, मोति बहादुर परियार र शम्भु गिरी लगायत पूर्व अखिल नेपाल मजदुर संघ सभापति दिपक बर्तौला र उद्योग ट्रेड यूनियनको सदस्य कमल चौलागाई समेत राप्रपा प्रवेश गरेका छन्। २७ गतेको आमसभामा ८ सय जना प्रवेश गराएको राप्रपाले पछिल्लो समय थप १ हजार २ सय जना प्रवेश गराएको जानकारी अधिकारले दिए ।
मकवानपुर । नेपाल निजामती कर्मचारी संगठन मकवानपुरको ३२ औं स्थापना दिवसका अवसरमा विहीबार हेटौंडा उपमहानगरपालिका २ चौकिटोलमा रहेको ओम बृद्धाश्रमलाई सहयोग गरिएको छ । स्थापना दिवसका अवसरमा कर्मचारी संगठनका अध्यक्ष यादबिन्द्र पौडेलले ओम बृद्धाश्रमका अध्यक्ष सिद्धीलाल श्रेष्ठलाई नगद १० हजार ५ सय रुपैयाँ सहयोग हस्तान्तरण गरेका छन ।
कार्यक्रममा निजामती कर्मचारी संगठनका पदाधिकारी, सदस्यहरु, ओम बृद्धाश्रमका पदाधिकारी तथा सदस्यहरु लगायतकाको सहभागिता रहेको थियो । सहयोग रकमले बृद्धाममा रहेका बृद्धबृद्धाहरुको हितका निम्ती खर्च गरिने बताइएको छ ।