मकवानपुर । हेटौंडा उपमहानगरपालिका वडा नंबर १९ मा एमालेका वडा अध्यक्षका उम्मेदवार नरनाथ सुवेदी विजयी भएका छन् ।
केहिबेर अघि आएको मतगणनाको नजिता अनुसार सुवेदीले १ हजार ४२३ मत ल्याउँदै वडा अध्यक्षमा निर्वाचित भएका हुन् ।
उनका प्रतिस्पर्धी नेपाली काँग्रेसका राम कुमार थापाले १ हजार २सय २ मत ल्याए । यसैगरि,वडा अध्यक्षका उम्मेदवार नेकपा माओवादी केन्द्रका प्रकाश लामा थोकरले ९ सय ६३ मत ल्याए ।
यसैगरि,हेटौंडा १९ को वडासदस्य पनि एमालेका उम्मेदवार विजयी भएका छन् ।
मकवानपुर । नेपाली कांग्रेस मकवानपुरका संगठन विभाग प्रमुख शैलेन्द्रराज बानियाँलाई प्रहरीले पक्राउ गरेको छ । सोमबार (बिहान) करिब ३ बजेको समयमा बानियाँलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
हेटौंडा उपमहानगरपालिका वडा नं २ स्थित मतगणना स्थलमा अनाधिकृत रुपमा प्रवेश गरेका बानियाँलाई प्रहरीले पक्राउ गरेको हो । उनले मादक पदार्थ सेवन गरी अनाधिकृत रुपमा मतगणना स्थलमा पुगेर होहल्ला गरेपछि प्रहरीले पक्राउ गरेको हो ।
‘मापसे गरी अनाधिकृत रुपमा मतगणना स्थलमा पुगेर होहल्ला गरेपछि हामीले पक्राउ गर्यौँ।’ मकवानपुरका प्रहरी उपरीक्षक सुरेन्द्र गुरुङले भने । बानियाँ अहिले पनि थुनामै छन् । उनीमाथि मुद्धा चलाउन पनि सकिने एसपी गुरुङले जानकारी दिए ।
बानियाँ नेपाली कांग्रेस बागमती प्रदेश सभापति ईन्द्रबहादुर बानियाँका भाइ हुन् । ईन्द्र बानियाँ गृहराज्यमन्त्री हुँदा शैलेन्द्र स्वकीय सचिव थिए ।
मकवानपुर । मकवानपुरको कैलाश गाउँपालिकामा नेपाली काङ्ग्रेसका उम्मेद्बार लोक बहादुर मोक्तान अध्यक्ष र उपाध्यक्षमा माओवादी केन्द्रका उम्मेदवार बालकुमार मल्ल बिजयी भएका छन् ।
नेकपा एमालेका नरेन्द्र लाल रिजाललाई पछि पार्दै मोक्तानले गाउँपालिका अध्यक्ष जितेका हुन् । लोक बहादुरले ४ हजार ८९७ मत पाउँदा रिजालले ४ हजार ९३ मत पाएका थिए । एकीकृत समाजवादीबाट गाउँपालिका अध्यक्षको उम्मेदवार रहेका टंक मोक्तानले जम्म १२० मत पाएका थिए भने राप्रपाका सन्तबहादुर रुम्बाले २९८ मत पाएका थिए ।
गाउँपालिका उपाध्यक्षमा माओवादीका बालकुमार मल्ल ४ हजार ८८ मत सहित विजयी भएका छन् पालिका एमालेबाट उपाध्यक्षको उम्मेदवार सुकुमाया थिई र राप्रपाको उम्मेदवार पार्वती लामाले क्रमशः ३ हजार ९३७ र २५१ मत पाएका थिए ।
गाउँपालिकामा १४ हजार ५८६ मतदाता रहेकोमा १० हजार ८६५ मत खसेको थियो ।
‘अवैधानिक’ रुपमा ओसार्न लागिएको १३३ गाई गोरु अलपत्र
Tags: No Comments
मकवानपुर । रूपन्देहीबाट झापा लैजादै गरेको कागज बनाएर ल्याइएको गाईगोरू हेटौडामा अलपत्र परेका छन् ।
खरिद बिलमा उल्लेख गरिएको र फिल्डमा देखिएको गाई गोरुको संङ्ख्या नमिलेपछि हेटौंडामा जिल्ला प्रशासन र प्रहरीले गाई गोरु बरामद गरेको थियो । पशु स्वास्थ्यकर्मी, प्रहरी र प्रशासनको रोहबरमा बरामद गरिएको गाई गोरु अहिले अलपत्र परेका हुन् ।
गाई र गोरुको संङ्ख्य नछुट्याइ बिलमा जम्मा ११७ वटा उल्लेख गरेर ल्याइदै गरेको तर वास्तममा गोरू ६४ गाई ६९ गरी १३३ वटा जनावर रहेको छ ।
जसका ३ वटा गाई गम्भिर बिरामी रहेका छन् । भेटेरेनरी अस्पताल तथा पशु सेवा बिज्ञ केन्द्र हेटौंडाको प्रमुख ब्रज किशोर ठाकुरले जनावर सहित ४ वटा ट्रक बरामद गरेको बताए ।
झापा भनेर बंगलादेश पु¥याइ मासुको प्रयोजनमा बिक्रि गर्न लागिएको आशंकामा गाईहरु बरामद गरिएको बिज्ञ केन्द्रका प्रमुख ठाकुरले बताए । उनका अनुसार हेटौंडालाई ट्राञ्जिट प्वाइन्टको रुपमा लिएर बर्षौदेखि गाईहरु तस्कार हुने गरेका छन् । जनवारसँगै तस्कार गर्न प्रयोग गरिएको लु २ ख ७५५, लु २ ख ६०४, लु २ ख ५९३ र लु २ ख ७५७ ट्रकहरू पनि प्रशासनले बरामद गरेको छ ।
“बिलमा उपलब्ध नम्बरमा सम्पर्क गर्दा नक्कली हो भन्ने पत्ता जानकारी आएको छ, तर आधिकारी भेरीफाइ गर्न बाँकी छ” मकवानपुरको सहायक प्रमुख जिल्ला अधिकारी बद्रीनाथ गैह्रेले भने ।
रुपन्देही देखि मकवानपुरको हेटौंडा रहेका दर्जनौ प्रहरी कार्यालय पासगर्दै अवैध जनवार बोकेको गाडी कसरी यहाँ आइपुगे, प्रहरीमाथि पनि शंका छ । यरबारे विस्तृत जानकारी अनुसन्धानपछि प्राप्त हुने सहायक प्रमुख जिल्ला अधिकारी गैह्रेले बताए ।
मकवानपुर । मकवानपुरको बकैया गाउँपालिका वडा नंबर ६ मा नेकपा एमाले विजयी भएको छ ।
बकैया ६ काे वडा अध्यक्षमा एमालेका उम्मेदवार फूल बहादुर भोम्जनले ८ सय ३४ मत प्राप्त गर्दै वडा अध्यक्षमा निर्वाचित भएका छन् । उनी सँगै वडामा एमालेकाे प्यानलै विजयी भएकाे हाे ।
यसैगरि,उनका निकटतम प्रतिस्पर्धीहरु नेपाली काँग्रेसका सेते मान बलले ५ सय ३६ र नेकपा माओवादी केन्द्रका बाग सिं भोम्जनले ४ सय ३९ मत प्राप्त गरे ।