मकवानपुर । जुवा खेल्ने खेलाउनेमा सक्रिय रहेको आरोपमा जिल्ला प्रहरी कार्यालय मकवानपुरले १८ जनालाई पक्राउ गरेको छ ।
मकवानपुर प्रहरीले हेटौंडा-६ चौघडामा जुवा खेलिरहेको अवस्थामा उनीहरूलाई पक्राउ गरेको हो । चौघडा स्थित धुर्ब राईको घरमा जुवा खेलिरहेको बेला उनीलाई पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।
उनीहरुको साथबाट कौडा १७ थान र नगद ३१ हजार ८२० रुपैयााँ बरामत गरिएको प्रहरीले जनाएको छ ।कौडा खेल्ने, च्याखे थाप्ने, हेर्ने १७ जना पुरुष र घरबेटी १ जना पुरुष गरी जम्मा १८ जनालाई नियन्त्रणमा लिइएको प्रहरीले जनाएको छ ।
मकवानपुर । हेटौंडा उपमहानगरपालिकामा वडा नम्बर–१० मा रहेको तरकारी बजारमा विहीबार आगोलागी भएको छ । हेटौंडा १० स्थित टीसीएनमा रहेको तरकारी बजारमा आगोलागी भएको हो । टिसिएन तरकारी बजार संगै रहेको एक होटलबाट सल्किएको आगो तरकारी बजारमा फैलिएको मकवानपुर प्रहरीले जनाएको छ ।
तरकारी बजारमा लागेको आगो प्रहरी, दमकल र स्थानीय वासिन्दाहरुको सहयोगमा नियन्त्रणमा लिइएको जिल्ला प्रहरी कार्यालय मकवानपुरका प्रहरी नायब उपरिक्षक टेक बहादुर कार्कीले बताए । प्रहरीका अनुसार आगलागीबाट आधा दर्जन बढी तरकारी पसल जलेर नष्ट हुनुका साथै लाखौ रुपैयाँ बराबरको सामान क्षेती भएको छ ।
तरकारी बजार लागेको आगो हेटौंडा उपमहानगरपालिकाको दमबल, एक्साभेटर, ससस्त्र, जनपथ प्रहरी, स्थानीयहरुको सक्रियतामा करिब एक घण्टापछी नियन्त्रणमा आएको छ । आगोलागीबाट कुनै मानवीय क्षेती नभएको प्रहरीले जानकारी दिएको छ ।

मकवानपुर । मोटरसाइकलको ठक्करमा परि मकवानपुरको हेटौंडा उपमहानगरपालिका वडा नंबर १८ मा एक जनाको मृत्यु भएको छ ।
धरान चतरा सडकखण्ड अन्तरगत हेटौडाबाट ठुलोदमार तर्फ जादै गरेको बा ५८ प ५६५४ नम्बरको मोटरसाइकलले पैदल यात्री हेटौंडा १८ रामधुनीका ३५ वर्षिय बिनोद रमतेललाई ठक्कर दिएको थियो ।
ठक्करबाट गम्भिर घाईते भएका रम्तेलको उपचारको क्रममा हेटौँडामा मृत्यु भएको जिल्ला प्रहरी कार्यालय मकवानपुरले जनाएको छ । ठक्कर दिने मोटरसाईकल चालकलाई प्रहरीले नियन्त्रणमा लिएको जिल्ला प्रहरी कार्यालय मकवानपुरका नायब प्रहरी उपरिक्षक टेकबहादुर कार्कीले बताए ।
चाडपर्वको समयमा तिव्र गतिमा सवारी नलचाउन प्रहरीले अनुरोध गर्दै टाइम कार्ड लागू गरेको छ, तर मोटरसाइकलहरूमा हुने तिव्र गति प्रहरीले पनि रोक्न सकेको छैन ।
मकवानपुर । रिफर सेन्टर भएको भनेर निकै आलोचना खेप्दै आएको मकवानपुरको हेटौंडा अस्पतालमा पहिलो पटक टाउकोको शल्यक्रिया सफल भएको छ ।
मकवानपुरको एकमात्र सरकारी अस्पतालको रुपमा रहेको हेटौँडा अस्पतालमा पहिलो पटक जटिल किसिमको टाउकको शल्यक्रिया सफल भएको बताउँदै अस्पताल प्रशासनले अहिले सेवा चुस्त पार्दै ल्याएको दाबि गरेको छ ।
टाउकोको दाहिने भागमा रगत जमेको र बेहोस अबस्थाका बिरामी हेटौँडा १५ का ५० वर्षीय पूर्णबहादुर थिङको अप्रेसन सफल भएको हो । हेटौँडा अस्पतालका न्युरो सर्जन डाक्टर विक्रमादित्यप्रसाद साह, एनेस्थेटिस्ट डाक्टर इश्वर सिलवाल, स्टाफ नर्स श्रीषा ढकाल सहितको टिमले थिङको शल्यक्रियालाई सफल बनाएको हो । श्रोतको अभावबिच पनि डाक्टर साहको टोलीले थिङको सफल उपचार गरेको बताईएको छ ।
गोल्ड मेडलिस्ट समेत रहेका डाक्टर साहको विशेष पहलमा हेटौँडा अस्पतालमा पहिलो पटक जटिल शल्यक्रिया सफल बनेको हो । थिङ बेहोसी अवस्थामा हेटौँडा अस्पताल पुगेका थिए । टाउकोमा रगत जमेको कारण हेटौंडा अस्पतालमा उपचार संवभ नहुने ठानेर अन्य स्थानमा उपचारको लागि पठाईएको थियो । बिरामीको उपचार गर्ने अन्यत्र लैजाने प्रयास भएपनि कमजोर आर्थिक अवस्थाको कारण उपचार गर्न नसकेपछि आफन्तले खुसी प्रकट गरे ।

डाक्टर साहको अनुसार ‘हेटौँडा अस्पतालमा अप्रेसनको लागि आवश्यक सामग्रीको अभाव र प्राईभेट तथा काठमाण्डौँका सरकारी अस्पतालमा समेत लग्न नसक्ने अवस्थाबिच आफुहरुले हेर्टौँडा अस्पतालको टिमसँग छलफल गरेर आवश्यक उपकरण ल्याउने काम गर्न सफल बन्यौ, मैले पनि आफुसँग भएका सामग्रीहरुको प्रयोग गर्ने र विरामीलाई पुनः हेटौँडा अस्पताल बोलाएर अप्रेसन गर्ने सोच बनाए । फलस्वरुप हामी सबैको प्रयासमा उहाँको अप्रेसन गर्न सफल बनेका छौँ । ’
टाउकोको शल्यक्रिया निकै जटिल विषय रहेको कारण हामीले निकै मेहनत गरेर काम गर्दा एकजना निकै कमजोर आर्थिक अवस्था भएको बिरामीको ज्यान जोगिएको उनको भनाई छ । हाल विरामीको अवस्था नर्मल रहेको भन्दै उनले आज भोलीमा डिस्चार्जको तयारी गरेको बताए ।
उपचारको क्रममा हुने छिटपुट सानोतिनो घटनामा समूदाय नै लागेर स्वास्थकर्मीमाथी दुर्ववहार हुने गरेपछि हेटौंडा अस्पतालले जटिल प्रकृतिको सेवामा आंट गर्न नसकेको डाक्टरहरूको भनाई छ ।
मकवानपुर । विशेष गरि हिन्दु समाजमा मनाइने दशैं पर्व भर्खरै सकिएको छ । यतिबेला चुनावी तयारीले छपक्कै ढाकेको छ ।
र, चुनावी सरगर्मी बढ्दै गर्दा तिहारको रमझम पनि सुरू भएको छ । फूलहरूको पर्वको रूपमा चिनिने तिहार घर आंगनमा भित्रदै छ । आँगनका डिल र बारीका कान्लाहरूमा मखमली र सयपत्री फूलहरू हांसिरहेका छन् ।
सदा जसो नेताहरूको कार्यक्रममा मालाको व्यवस्थापनमा लाग्ने हेटौंडा ६ चौघडाका पुष्पव्यवसायी बालकृष्ण चौलागाईंलाई अहिले तिहारको व्यस्तताले पनि छोएको छ ।
तिहार पर्वको पर्याय जस्तै हुन् पुष्पमाला, सेलरोटी, दाजुभाइ र दिदिबहिनी । फूलको सुगन्धले सबैको मन तान्छ, सबैलाई आकर्षण गर्छ । तर फूल जति आकर्षक छ, यसको व्यवसाय तेति सहज भने छैन ।
पुष्प व्यवसायी चौलागाईं सबै क्षेत्रमा संघर्ष र चुनौती रहेको बताउँछन् । “संघर्ष र रिस्क सबै क्षेत्रमा हुन्छ, फूलको व्यवसाय झन् रिस्की छ” उनले भने “छोटो समयमा उपलब्धि लिन सकिने भए पनि भण्डारणलय्यगायतको समस्या भएकोले लगानी डुब्ने चिन्ता पनि उस्तै हुन्छ ।”
चौलागाइले ५ कठ्ठा जमिनमा विगत ५ वर्षदेखि फूल खेती गर्दैै आएका छन् । चुनावी सरगर्मी बढ्दै गर्दा फूलमालाको माग बढीरहेको छ । सुरुसुरुका वर्षमा पुष्प व्यवसायबाट राम्रो आम्दानी लिएका चौलागाई पछिल्ला वर्षहरुमा भने समयले साथ नदिएको बताउँछन् । गतवर्ष कोरोनाको कारण औपचारीक कार्यक्रमहरु नै भएनन्, फूल खतप गर्नै समस्या भयो, अहिले माग राम्रो छ, तर मौसमले साथ दिएन” उनले भने । यो वर्ष झरीको समय लामो भएको कारण जिमा अर्थात पानी बढी भएर फूलका बिरुवाबाट राम्रो उत्पादन नभएको उनले बताए ।
फूलको विरुबा रोपेपछि ३ महिनामा आम्दानी दिन्छ । प्रति फूलको बिरुवामा कम्तिमा एक सय वटा फूल फुल्यो भने राम्रो आम्दानी हुने उनी बताउँछन् । हेटौंडा बजारमा हाल प्रतिमाला औषत ८० रूपियामा विक्री हुने गरेको छ ।
हाल हेटौंडामा मालाको माग सम्बोधन गर्न चौलागाई आफैंले सर्लाहीबाट माला झिकाएर पनि बिक्री गर्ने गरेका छन् । सर्लाही जिल्लादेखि ल्याइएको मालालाई स्टोर गर्न उनले भण्डारण कक्षको समेत व्यवस्था गरेका छन् ।
जुन स्टोरमा १० हजार माला अटाउने १५ दिनसम्म राख्न सकिने चौलागाईले बताए । उनी पूर्व लडाकुँ हुन, तर पछिल्लो समय उनी कुनै पनि दलमा आवद्ध छैनन् । “जहाँ निष्ठा सहित बाँच्न सकिन्छ, त्यही बसौ भनेर मैले कृषि रोजे” चौलागाई भन्छन् । उनले आफ्नो रोजाइ आज पनि हतियार नै भएको ठट्टाको शैलीमा भने “उबेला राजनीतिमा थिएँ, हतियार ९बन्दुक० चलाउँथे, अहिले कृषीमा छु, यहाँ पनि हतियार ९कुटो, कोदालो० नै चलाउँछु ।” हाल कुनै पनि दलमा आवद्ध नभएपछि सामाजिक कार्य र कृषि कर्ममा तल्लिन छन् उनी ।
पुष्प व्यवसायको काम उनी आफैं र परिवारको सदस्यहरुको सहायतामा गर्छन, नभ्याएको काम ज्यालामा लगाउँछ, जसले अरुलाई समेत सानोतिनो खर्चको जोहो हुने गरेको छ । माला उने बापत प्रतिमालाको २ रूपिया, फूल टिप्ने, तथा गोडमेल गरेको प्रतिघण्टाको सय रुपिया ज्याला तोकिएको छ ।
५ वर्ष पहिले घाँस फुल्दै आएको भिरालो जगामा पछिल्लो ५ वर्षदेखि फूल खेल्ने गरेको छ । स्वरोजगार बन्नको लागि यो बलियो आधार भएको बताउँछन् उनी ।
तिहारमा फूलको मालाले घर सजाउने मौलिक परम्परा हराउँदै गएको छ । यसको स्थान झिलिमिली बत्ती र प्लास्टिक तथा कागजका मालाहरूले लिंदै आएका छन् । जुन बातावरणमैत्री समेत छैन । युवाहरूलाई स्वरोजगार बन्नतर्फ प्रेरित गर्ने हो भने यो व्यवसायले पनि एउटा विकल्प बन्न सक्छ, र यसले पनि देशको अर्थतन्त्रमा टेवा दिन सक्छ ।
युवालाई कृषिमा आकर्षण गरि टिकाउको लागि स्थानीय सरकारले कसरत गरिरहेको बताईरहेको छ,तर युवाहरूको आकर्षण अहिले पनि वैदेशिक रोजगार नै छ ।
कृषि प्रधान देशमा कृषिमा यात्रीकिकरण र विबिधिकरणको खोजी अझै भएको छैन । स्थानीय तहले यसतर्फ ध्यान दिने हो भने नेपाललाइ फूलमा आत्मानिर्भर बनाउन सकिने बताउँछन् उनी ।
प्रतिबन्धित फूल बजारमा छ्यापछ्याप्ती

नेपाल सरकारले पछिल्लो समय प्लाष्टिक प्रतिबन्ध लगाउँदै आएको छ । हेटौंडा बजारमा पनि विगत १ दशकदेखि प्लाष्टिक न्यूनिकरण अभियान जारी छ । तर तिहारको संघारमा हेटौंडा बजारमा प्रतिबन्धित प्लाष्टिकका मालाहरु छ्यापछ्याप्ति विक्रिी भइरहेका छन् । यसको नियमन तर्फ स्थानीय प्रशासन र स्थानीय सरकारले चासो दिएको छैन ।
सरकारले प्लास्टिकका फूलगुच्छा, मालामा प्रतिबन्ध लगाउने निर्णय कार्यान्वयनमा ल्याउने भनेर ४ दिन अघि सूचना जारी गर्दै यस्ता मालाहरु विक्री नगर्ने आग्रह गरेको छ ।
वन तथा वातावरण मन्त्रालयले १२ साउनमा देशभर प्लास्टिकका फूलगुच्छा, मालाको उत्पादन, आयात, बिक्री वितरण र भण्डारणमा प्रतिवन्ध लगाएकामा तिहार नजिकिँदै जाँदा कार्यान्वयनमा लगेको हो ।
वातावरण विभागले बिहीबार सार्वजनिक सूचना जारी गरी तिहार र छठजस्ता चाडपर्वमा प्लास्टिकजन्य फूलमाला तथा अन्य सामग्रीको प्रयोग नगर्न भनेको छ । कसैले प्रयोग गरेको वा बिक्री वितरण गरेको पाइएमा वातावरण निरीक्षकबाट १५ हजारदेखि २० हजार रूपैँयासम्म जरिवाना हुने र विभागबाट १ लाखसम्मको जरिवाना हुनेसमेत सूचनामा उल्लेख छ । तर हेटौंडा उपमहानगरपालिकामा खुलेयाम यस्ता मालाहरु विक्री भइरहेका छन् । प्रशासनले वास्ता गरेको छैन ।
