मकवानपुर । हेटौंडा उपमहानगरपालिकाको स्थापना दिवस सप्ताहाव्यापी कार्यक्रम गरी मनाइने भएकाे छ । उपमहानगरपालिकाकाे ५४ औं स्थापना दिवसकाे अवसर पारेर माघ २५ बाट सप्ताहाव्यापी कार्यक्रम घोषणा गरिएको छ ।
कार्यपालिका बैठकले स्थापना दिवस मनाउन नगर प्रमुख मिनाकुमारी लामाको संयोजकत्वमा मुल समारोह समिति गठन गरेको छ । समितिको सह–संयोजकमा उपप्रमुख राजेश बानियाँ र सदस्यहरुमा नगरका १९ वटै वडाका अध्यक्ष तथा कार्यपालिका सदस्यहरु रहेका छन् । समितिका सदस्य सचिवमा प्रमुखप्रशासकियअधिकृत शिबराज चौलागाई रहेका छन् ।
मुल समारोह समितिले उपमहानगरको ५४ बर्षको इतिहासबारे जानकारी गराउन कार्यपालिकाका प्रवक्ता तथा हेटौंडा उपममहानगरपालिका वडा नम्बर १ का अध्यक्ष सबिन न्यौपाने संयोजक रहेको स्मारीका प्रकाशन समिति हेटौंडा–६ का अध्यक्ष बिष्णुबहादुर दहाल संयोजक रहेको सम्मान तथा शिष्टाचार समिति, प्रमुखप्रशासकियअधिकृत शिबराज चौलागाइ संयोजक रहेको नगर दिवस व्यवस्थापन समिति गठन गरेको छ ।
कार्यपालिका बैठकले स्थापना दिवस मनाउनकालागि गठन गरेको अतिरिक्त क्रियाकलाप समितिले विभिन्न क्रियाकलाप गरी नगरकाे स्थापना दिवस मनाइने जनाएकाे छ । स्थापना दिवसकाे अवसरमा माघ २५ गते हेटौंडा–७ को नागस्वती खेल मैदानमा पुरुष तथा महिला फुटबल, माघ–२६ गते हेटौंडा–४ हुप्राचौरमा महिला तथा पुरुष भलिवल, माघ–२७ गते महिला तथा पुरुष डण्डिबियो, माघ २८ गते टोल बिकास सस्था नगर र वडा समन्वयसँग म्युजिकल चियर प्रतियोगिता गरिने भएको छ ।
त्यस्तै दिवसकोअवसरमा उपमहानगरले सञ्चालन गर्दै आएको ‘सफा हेटौंडा अभियान’ अन्तर्गत हेटौंडा–१० बसपार्क क्षेत्रमा सरसफाई सहित माघ २९ गते रक्तदान कार्यक्रमको तयारी गरेको समितिका संयोजक तथा हेटौंडा उपमहानगरपालिका वडा नम्बर १५ का वडा अध्यक्ष सुनिल मुक्तानले जानकारी दिए ।
स्मारीका प्रकाशन समितिको सदस्यमा उपमहानगरका सामाजिक विकास महाशाखा प्रमुख भिमप्रसाद तिमल्सिना, समन्वय शाखाका प्रमुख जगन्नाथ सापकोटा, सूचना प्रविधि अधिकृत भानुभक्त थपलिया रहेका छन् । सम्मान तथा शिष्टाचार समितिको सदस्यमा हेटौंडा–१४ का वडा अध्यक्ष दिपक खड्का, हेटौंडा १६ काअध्यक्ष रामकृष्ण कोइराला, कार्यपालिका सदस्य इश्वरी बिक, नगरसभा सदस्य रञ्जु लामा र सदस्य सचिवमा उपमहानगरका प्रशासन महाशाखा प्रमुख शान्ति विश्वकर्मा रहेका छन् ।
अतिरिक्त कृयाकलाप समितिको सदस्यमा कार्यपालिका सदस्य साधना श्रेष्ठ, नगरसभा सदस्य सविना बिडारी, सन्तुमाया पाख्रिन, इन्द्रप्रसाद रिजाल रहेको समितिको सदस्य सचिवमा वसन्तकुमार सिटौंला रहेका छन् । स्थापनादिवसको लागि गठित नगर दिवस व्यवस्थापन समितिको सदस्यमा सबै महाशाखा प्रमुख, आर्थिक प्रशासन, कृषि, सूचना प्रविधि, फोहर मैला तथा व्यवस्थापन, समन्वय शाखा प्रमुख र नगर प्रहरी इन्चार्ज रहेका छन् ।
कार्यपालिका बैठकबाट स्थापनादिवस मनाउन समिति गठन भएकाे तथा सबै समितिहरुले जिम्मेवारी वहन कार्य जिम्मेवारी अघि बढाएका उपमहानगरपालिकाका प्रवक्ता सबिन न्यौपानेले जानकारी दिए । उपमहानगरले तत्कालिन नगर पञ्चायतको २०२६ फागुन १ गते बसेको प्रथम बैठकलाई आधार मानि स्थापना दिवस मनाउने नगर सभाकाे १२ औं अधिवेशनमा निर्णय भएकाे थियाे । साेही अनुसार नगर स्थापना दिवस मनाउने तायारी गरिएकाे न्याैपानेले बताए ।
विजुली माया वन: संगीत अन्तर्राष्ट्रिय पुरस्कारबाट किरण प्रधान सम्मानित
Tags: No Comments
मकवानपुर । यस वर्षको विजुली माया वनः संगीत अन्तर्राष्ट्रिय पुरस्कारबाट वरिष्ठ गायक तथा सङ्गीतकार डा. किरण प्रधान सम्मानित भएका छन्। भीम विराग संगीत, साहित्य कला प्रतिष्ठान नेपालले मकवानपुरको हेटौंडामा आइतबार लेखक तथा निर्देशक समेत रहेका प्रधानलाई १ लाख राशी सहित उक्त पुरस्कारबाट सम्मान गरेको हो ।
पुरस्कार हेटौंडाका कुशल व्यवसायी, सङ्गीतप्रेमी, समाजसेवी कन्हैयाकृष्ण श्रेष्ठले आफ्नी ममतामयी आमाको नाममा २०६४ सालमा स्थापना गरेका हुन् ।वरिष्ठ कलासाधक कवि एवम् गीतकार भीम विरागकाे स्मृती दिवसको अवसरमा आइतबार १४ औं पुरस्कार प्रधानलाई बरिष्ठ साहित्यकार एबं प्राज्ञीक तुलसी थापाले प्रदान गरेका हुन् ।
२०१० सालमा काठमाडौंमा जन्मिएका प्रधानको के सोचें मैले के भयो अहिले, छातीमा मेरो यो छोटो भोटो, भुल हो तेरो भागी हिँड्नु जीवनदेखि, रातो र चन्द्रसूर्य जङ्गी निशान हाम्रो, पत्थरको मुटु बोकेर मान्छे तिमी नबनिदे, अभागी आमा कुन देशमा, विपना नभई बाँचिदिने म भित्रका मेरा सपनालगायत ४ सय बढी गीतहरुमा स्वर दिएका छन् । प्रतिष्ठानले आइतबार हेटौंडामा पुरस्कार समर्पण तथा सांगितिक कार्यक्रमको समेत आयोजना गरेको प्रतिष्ठानका अध्यक्ष ह्यग्रीव आचार्यले जानकारी दिए । पुरस्कृत ब्यक्तित्व प्रधानले कार्यक्रममा आफ्ना कालजायी गीत प्रस्तुत गरेका थिए ।
यस अघी विजुलीमाया वनः श्रेष्ठ अन्तर्राष्ट्रिय सङ्गीत पुरस्कारबाट अम्बर गुरुङ (२०६४), प्रेमध्वज प्रधान (२०६५), भक्तराज आचार्य (२०६६), फत्तेमान राजभण्डारी (२०६७), शान्ति ठटाल (२०६८), प्रकाश श्रेष्ठ (२०६९), दीप श्रेष्ठ (२०७०), न्हुच्छे बहादुर डंगोल (२०७१), मीरा राणा (२०७२), कर्म योञ्जन (२०७३), चेतन कार्की ( २०७४) दावा ग्याल्माे (२०७७) र दीपक जङ्गम (२०७८) पुरस्कृत भइसकेका अध्यक्ष आचार्यले जानकारी दिए ।
वरिष्ठ कलासाधक कवि एवम् गीतकार भीम विरागकाे व्यक्तित्वप्रति सम्ममान स्वरुप भाषा साहित्य र कला क्षेत्रकाे संरक्षण एवम् संवर्धन गर्ने उद्देश्यले २०५९ सालमा स्थापना भएकाे प्रतिष्ठानले साहित्य संगीत साँस्कृतिक र कला क्षेत्रमा १२ वटा पुरस्कारकाे व्यबस्थापन गर्दै आएकाे छ ।
गत पुष १ गते शनिबार ६ जना व्यक्तित्वलाई ६ विधाकाे पुरस्कारद्वारा सम्मान गरेकाे थियाे । प्रतिष्ठानले अन्य विधाकाे पुरस्कार छिट्टै प्रदान गर्ने तयारी गरेकाे बताइएकाे छ ।
मकवानपुर । मकवानपुरको छुट्टाछुट्टै स्थानमा भएको सवारी दुर्घटनामा १ जनाको मृत्यु भएको छ भने ४ जना घाइते भएका छन ।
पूर्व–पश्चिम राजमार्गअन्तर्गत मकवानपुरको मनहरी ६ नयाँबस्तीमा सवारी दुर्घटना हुँदा मोटरसाइकल चालकको मृत्यु भएको छ । शुक्रबार हेटौंडाबाट चितवनतर्फ जाँदै गरेको ना ७ ख ८४७८ नम्बरको डिजल लोड ट्याङ्कर र विपरित दिशाबाट आएको ना १४ प ९९४३ नम्बरको मोटरसाइकल आपसमा ठोक्किएर दुर्घटना हुँदा मोटरसाइकल चालक हेटौंडा–१५ का अन्दाजी ४० वर्षीय शंकरत्न तितुङको मृत्यु भएको हो ।
दुर्घटनामा गम्भीर घाइते भएका तितुङको उपचारको क्रममा चितवन जिल्लाको भरतपुर स्थिय पुरानो मेडिकल कलेजमा मृत्यु भएको जिल्ला प्रहरी कार्यालय मकवानपुरले जानकारी दिएको छ । ट्याङ्कर चालक चितवन जिल्लाको राप्ती नगरपालिका–२ का ३६ वर्षीय ईश्वर बर्तौलालाई प्रहरीले नियन्त्रणमा लिएको छ ।
दुर्घटनापछि स्थानीयले सडक अवरुद्ध गरेका थिए ।
मोटरसाइकल दुर्घटनामा ४ जना घाइते,१ जना गम्भीर
मकवानपुरको बकैया गाउँपालिका–३, हात्तीसुडेमा शुक्रबार साँझ मोटरसाइकल दुर्घटना हुँदा १७ वर्षीय किशोर हिमाल जिम्बा गम्भीर घाइते भएका छन् । सोही दुर्घटनामा अन्य ३ जना घाइते भएका छन । शुक्रबार साँझ ६ बजेको समयमा हेटौंडा–सिन्धुली सडकखण्डको बकैया–३, हात्तीसुडेमा मोटरसाइकल आपसमा ठोक्किएर दुर्घटना भएको थियो । हात्तीसुडेबाट फापरबारीतर्फ जाँदै गरेको ना ४१ प ३००८ नम्बरको मोटरसाइकल र विपरित दिशाबाट आएको बा ८६ प ८७०४ नम्बरको मोटरसाइकल आपसमा ठोक्किएर दुर्घटना हुँदा ना ४१ प ३००८ नम्बरको मोटरसाइकल चालक बकैया–३, हात्तीसुडेका १७ वर्षीय जिम्बा गम्भीर घाइते भएको प्रहरी चौकी हात्तीसुडेले जनाएको छ ।
यस्तै बा ८६ प ८७०४ नम्बरको मोटरसाइकल चालक बकैया–३, हात्तीसुडेका १८ वर्षीय बसन्त डङ्गोल, मोटरसाइकलमा सवार बकैया–३, बाघमाराका २२ वर्षीय तीर्थ लामिछाने र २३ वर्षीय सुजन गुरुङ घाइते भएका छन् ।
डंगोल र लामिछानेको अवस्था मध्यम रहेको र गुरुङको अवस्था सामान्य रहेको प्रहरीले जनाएको छ । उनीहरुलाई उपचारका लागि हेटौंडा ल्याइएको मकवानपुर प्रहरीले जानकारी दिएको छ ।
मकवानपुर । पाँचौ संस्करणको स्थानीय तह सहिद स्मृति मकवानपुर गोल्डकप फुटबल प्रतियोगिता माघ २९ गतेबाट हुने भएकाे छ । फागुन ११ गतेसम्म नकआउट चरणमा संचालन हुने प्रतियाेगिताकाे साेमबार जिल्ला फुटबल संघ मकवानपुरले पत्रकार सम्मेलन गरी जानकारी दिएकाे हाे ।
पत्रकार सम्मेलनमा फुटबल संघ केन्द्रीय सदस्य समेत समेत रहेका जिल्ला अध्यक्ष टिका लामाले प्रतियोगितामा आयोजक मकवानपुरसहित १२ वटा क्लबहरुले भाग लिने जानकारी दिए । गोल्डकपको तयारी तीब्र पारिएको लामाले बताए । उनका अनुसार हेटौंडा–५ पिप्ले स्थित क्याम्पा रंगशालमा हुने प्रतियोगितामा आयोजक मकवानपुरसहित मनाङ् मस्र्याङ्दी क्लब, नेपाल पुलिस क्लब, थ्रिस्टार क्लब, एनआरटी क्लब, त्रिभुवन आर्मी क्लब, हिमालयन शेर्पा क्लब, मच्छिन्द्र क्लब, सातदोबाटो युवा क्लब, जवलाखेल युथ क्लब र एभिनिर एफ सि क्यामरुन क्लबले प्रतिस्पर्धा गर्ने छन् ।
प्रतियोगिताको उपाधि विजेता टोलीले नगद १५ लाख र उपविजेता टोलीले १० लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् । यसैगरी प्रतियोगिताको सर्वोकृष्ट खेलाडीले नगद ५० हजार, विद्यागत उत्कृष्ट खेलाडीले २५ हजार र म्यान आफ दि म्याच खेलाडीले १० हजार रुपैयाँ प्राप्त गर्ने आयोजकले जनाएकाे छ । सर्बोकृष्ट खेलाडीलाई यसअघिको तेस्रो र चौथो संस्करणमा हेटौंडा स्कुल म्यानेजमेन्टले रोयल इन्फिल्ड बाइकको प्रायोजन गर्दै आएको थियो । यस पटक पनि बाइकको प्रायोजनका लागि हेटौंडा स्कुल अफ म्यानेजमेन्टसँग छलफल गरिने जिल्ला फुटबल संघ मकवानपुरले जनाएकाे छ ।
जिल्लाको १० वटै स्थानीय तहहरुको आर्थिक सहयोगमा फुटबल संघले सहिद स्मृति गोल्डकप आयोजना गर्दै आएको छ ।२०६२/०६३ को जनआन्दोलनका सहिदहरुको स्मृतिमा २०६४ सालमा हेटौंडामा पहिलो पटक राष्ट्रिय फुटबल प्रतियोगिताको आयोजना फुटबल संघले गरेको थियो । पहिलो संस्करणको उपाधि थ्रिस्टार क्लबले जितेको थियो भने २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ मा भएको तेस्रो संस्करण र गत जेठमा सम्पन्न चौथो संस्करणको उपाधि त्रिभुवन आर्मी फुटबल क्लबले जितेको थियो ।
मकवानपुर जिल्ला फुटबल संघका अध्यक्ष टिका लामाको सभाध्यक्षता तथा बागमती प्रदेश फुटबल संघका अध्यक्ष राजेन्द्र श्रेष्ठको प्रमुख आतिथ्यतामा भएको पत्रकार सम्मेलनमा जिल्ला खेलकुद विकास समिति मकवानपुरका अध्यक्ष भेष खड्की, हेटौंडा उपमहानगरपालिका खेलकुद विकास समितिका अध्यक्ष चन्द्र शाही लगायतको उपस्थिति रहेको थियो ।
मकवानपुर । हेटौंडा–२ स्थित सिद्धार्थ माध्यमिक विद्यालयको ४७ औं वार्षिकोत्सवको अवसरमा आइतबार विभिन्न रचनात्मक कार्यक्रम गरिएको छ ।
विद्यार्थीहरू बिच विभिन्न प्रतियोगिता गरि उत्कृष्टलाई पुरस्कार प्रदान गरिएको छ । यसैगरी विभिन्न बिधामा शिक्षक, कर्मचारीलाई सम्मान गरिएको छ ।
कार्यक्रममा कार्यालय सहायक लेखापाल लक्ष्मी न्यौपानेलाई नगद ३ हजार रुपैयाँसहित सम्मान गरिएको छ । प्राथमिक तह द्वितीय श्रेणीमा कार्यरत शम्भु घर्तीलाई नगद ५ हजार रुपैयाँसहित सम्मान गरिएको छ ।
२०७८ सालमा उत्कृष्ट नतिजा ल्याउने विषयगत शिक्षकहरु र उत्कृष्ट नतिजा ल्याउने विद्यार्थीलाई पुरस्कृत गरिएको छ । अंग्रेजी विषयका गणेशप्रसाद हुमागाई, कार्यालय संचालन तथा लेखा विषयका रामशरण पौडेल, अतिरिक्त गणित विषयका खेमराज लामिछानेलाई पुरस्कृत गरिएको छ । प्रथम तह तृतीय श्रेणीमा कार्यरत सिर्जना कुमारी शर्मालाई सबैभन्दा बढी उपस्थित भएको भन्दै पुरस्कृत गरिएको छ । यसैगरी म्युजिकल चेयरमा प्रथम हुन सफल सुस्मा कँडेललाई पनि पुरस्कार प्रदान गरिएको थियो ।
बार्षिक उत्सव कार्यक्रम हेटौंडा उपमहानगरपालिका मेयर मिनाकुमारी लामाले बालबालिकालाई अब्बल बनाउन अभिभावकहरू पनि जागरूक हुनुपर्ने बताइन् । स्थानीय तहले बिद्यालय सुधारको लागि गर्नुपर्ने काममा जिम्मेवारी पुर्वक लागेको लामाले बताइन् ।
प्रदेशको राजधानीको सबभन्दा उत्कृष्ट बिद्यालय बनाउन लागि पर्नु विद्यार्थीको ब्यक्तिगत फाइल बनाएर सुधार गर्न उनले निर्देशन दिएकी छिन ।
बार्षिक उत्सवको अवसर विद्यार्थीहरूले आफैं निर्माण गरेका बिज्ञान सामगरि प्रदर्शनी, खाना महोत्सव समेत गरेका छ ।

२०७८ सालमा कक्षा–८ को परीक्षामा ३ दशमलव ६ जीपीए ल्याएर उत्कृष्ट हुन सफल छात्रातर्फ रस्मिता आलेमगर र छात्रतर्फ रविकिश्वर साहलाई पुरस्कृत गरिएको छ ।
एसईईमा उत्कृष्ट अङ्क ल्याउने छात्रातर्फ कोमल जैसवाल र छात्रतर्फ शिवप्रसाद सत्याल, कक्षा–१२ को वार्षिक परीक्षामा ३ दशमलव ७५ जेपिए ल्याएर उत्कृष्ट हुन सफल छात्रातर्फ सोनीकुमारी पासवान र जीपीए ३ दशमलव ४७ ल्याएर उत्कृष्ट हुन सफल रामकृष्ण यादवलाई स्टेशनरी सामग्रीसहित पुरस्कृत गरिएको छ ।
यसैगरी सिद्धार्थ बालबाटिका कृतिको विमोचन समेत गरिएको छ । सिद्धार्थ माध्यमिक विद्यालय व्यवस्थापन समितिका अध्यक्ष बलराम घिमिरेको सभाध्यक्ष तथा हेटौंडा उपमहानगरपालिकाकी नगर प्रमुख मिना लामाको प्रमुख आतिथ्यमा कार्यक्रम भएको हो ।
कार्यक्रममा २ नम्बर वडा अध्यक्ष विष्णुगोपाल महर्जन, १ नम्बर वडा अध्यक्ष सविन न्यौपाने, विद्यालय व्यवस्थापन समितिका निवर्तमान अध्यक्ष मधु बजगाई, राष्ट्रिय परीक्षा बोर्ड हेटौंडाका प्रमुख कृष्णप्रसाद घिमिरेलगायतले शैक्षिक सुधारको सवालमा सिद्धार्थ माबिलाई आफूहरूको सहयोग सदा रहने प्रतिबद्धता व्यक्त गरे ।
कार्यक्रम बिद्यालयका प्रअ मोहनप्रसाद शर्माले अभिभावकहरूमा शिक्षा र चेतना आवश्यक महसुस भएको बताए । कार्यक्रम बिद्यालय ब्यवस्थापन समिती अध्यक्ष बलराम घिमिरेको अध्यक्षतामा भएको थियो ।
