मकवानपुर । मनहरी गाउँपालिका अध्यक्ष कप फुटबल प्रतियोगितामा ६ र ७ नम्बर वडा विजयी भएका छन् ।
चौथो सस्करणको प्रतियोगिता अन्तरगत आइतबार भएको पहिलो खेलमा ६ नम्बरले ५ नम्बर वडालाई ३-० गोल अन्तरले पराजित गरेको छ । यस्तै आइतबार नै भएको दोस्रो खेलमा वडा नम्बर १ लाई ७-० गोलको फराकिलो गोल अन्तरले पराजित गर्दै ७ नम्बर बिजयी भएको छ ।
पहिलो खेलको म्यान अफ दि म्याच वडा नम्बर ६ का अभिषेक खड्का भए । उनले नगद २ हजार र ट्रफी प्राप्त गरे । यस्तै दोस्रो खेलको म्यान अफ द म्याज ७ नम्बरका टिम क्याप्टेन मनिष पौडेल म्यान अफ दि म्याच हुदै नगद २ हजार र ट्रफी प्राप्त गरे ।
मंसिर ३० गते देखि मनहरी-७ रमौली स्थित क्षेत्रीय मदन भण्डारी रंगशालामा चौथो अध्यक्ष कप फुटबल प्रतियोगिताको सुरु भएको हो । शनिबार बागमती प्रदेशसभा सदस्य ईन्द्रबहादुर बानियाँले प्रतियोगिताको उद्घाटन गरेका हुन् । उद्घाटन खेलमा ९ नम्बर वडालाई १– ० ले हराउँदै ८ नम्बर विजयी भएको छ ।
पुस ५ गतेसम्म सञ्चालन हुने नक आउट प्रतियोगितामा मनहरीका ९ वटा वडाका फुटबल टिमको सहभागिता रहेको छ । मनहरी गाउँपालिकाको सहयोगमा खेलकुद विकास समिति मनहरीले प्रतियोगिता आयोजना गरेको हो ।
मकवानपुर । मकवानपुरकाे हेटौंडा ८ मा कमाने महाेत्सव हुने भएकाे छ । हेटौडा उपमहानगरपालिका वडा नम्बर ८ को आयोजनामा आगामी पौष ६ र ७ गते कमाने महोत्सव हुने भएको हाे ।
आइतबार हेटौडामा पत्रकार भेटघाट गरी महाेत्सवकाे जानकारी गराइएकाे हाे । स्थानीय उत्पादनलाई प्रवर्द्धन तथा बजारीकरण गर्ने उद्देश्यले पौष ६ र ७ गते दुईदिने व्यापार प्रवर्द्धन तथा प्रदर्शनी (कमाने महोत्सव) हुने भएको महाेत्सव संयोजक विष्णुप्रसाद अर्यालले जानकारी दिए । वडाभित्रको स्थानीय व्यापार, व्यवसाय, साँस्कृतिक पहिचान, टोल विकास संस्थाको उत्पादन प्रवर्द्धन गर्ने उद्देश्यले महोत्सव आयोजना गर्न लागिएकाे अर्यालले बताए ।
७० वटा व्यापारिक स्टलहरु रहने प्रदर्शनी हेटौडा ८ कमानेको मुख्य सडकको निमचोकदेखि सागरचोकसम्मको सडक किनारा गरिने महोत्सव प्रचारप्रसार संयोजक सुदीपराज गिरीले जानकारी दिए । प्रदर्शनीमा स्थानीय उत्पादनको खानाको परिकार, साँस्कृतिक कार्यक्रमहरु समेत हुने महोत्सव आयोजक समितिले जनाएकाे छ ।
“कमानेको किनौं, कमानेलाई चिनौं” मूल नाराका आयोजना हुन लागेको महोत्सवमा ७ लाख रुपैंया खर्च हुने अनुमान गरिएको वडा अध्यक्ष रामकृष्ण थापाले जानकारी दिए । महोत्सव अवधिभर सो सडक खण्डमा चल्ने सवारी साधनलाई वैकल्पिक मार्गको व्यवस्था गरिएको महोत्सव आयोजक समितिले जनाएको छ ।
बकैयाको पोल्टामा जिल्ला लिग क्वालिफाईको उपाधी
Tags: No Comments
मकवानपुर । मकवानपुर जिल्ला लिग क्वालिफाई फुटबल प्रतियोगिताको उपाधि बकैया युवा क्लबले हात पारेको छ ।
शनिबार पिप्ले–क्याम्पा रंगशाला हेटौंडामा भएको फाइनल खेलमा हेटौंडा १२ को पञ्चशिल युबा क्लबलाई ४–० गोलअन्तरले पराजित गर्दै बकैयाले उपाधि आफ्नो पोल्टामा पारेको हो । बकैयाको जितका लागि बकैया युवा क्लबका अभिषेक ब्लोनले २ र छेवंग लामा, सुजन गुरुङले एक एक गोलको योगदान गरे ।
छनोट प्रतियोगिताको पहिलो सेमिफाइनल खेलमा पञ्चशील युवा क्बलले जनहित युबा क्लबलाई ३ –० गोल अन्तरले हराउँदै फाइनलमा स्थान बनाएको थियो । त्यस्तै प्रतियोगिताको दोस्रो सेमिफाइनलमा बकैया युबा क्लबले जनप्रवाह क्लबलाई १०–० गोलको फराकिलो अन्तरले हराउँदै उपाधी रक्षाको लागि फाइनल प्रबेश गरेको थियो ।
१२ टिमको सहभागिता रहेको प्रतियोगितामा उत्कृष्ट फरवार्ड बकैयाका अभिषेक ब्लोन, वेस्ट डिफेन्डर बकैयाका तारा नेगी, वेस्ट मिडफिल्डर पञ्चशिल युबा क्लबका सुकरा राज गोले , गोलरक्षकमा बकैयाका सरोज ब्लोन , बेस्ट कोच कृस्ना लो र सर्वाधिक गोलकर्ता खेलाडीमा बकैयाका सुजन गुरुङ घोषित भए ।
फाइनल प्रबेश गरे संगै मकवानपुर जिल्ला लिगका लागि बकैया युबा क्लब र पञ्चशिल युवा क्लब छनोट भएको छ । ती दुबै क्लबले आगमी चैतमा हुने मकवानपुर जिल्ला लिग खेल्न पाउँनेछन् ।
२०७६ सालपछि एन्फा रेलिगेटेड लिग गर्नुपर्ने नियम लागू भएपछि मकवानपुरले लिग सुरु गरेको मकवानपुर जिल्ला फुटबल संघका सचिव सुनिल लोप्चनले बताए । करिब ४ लाख ८५ हजार लागत अनुमान गरिएकाे प्रतियाेगितामा बागमती प्रदेश खेलकुद परिषद् र नारायणी कलेज हेटौडाले सहयाेग रहेकाे थियो ।
मकवानपुर । मकवानपुर थाहा नगरपालिकामा खानेपानी आयोजनाकाे साधारणसभामा जग्गादातालाई सम्मानित गरिएकाे छ । थाहा नगरपालिका वडा नम्बर ६ स्थित बज्रवाराही वृहत खानेपानी तथा सरसफाई आयोजनाको प्रथम साधारणसभामा जग्गादातालाई सम्मान गरिएकाे हाे ।
साधारणसभाको अवसरमा खानेपानी आयोजना निर्माणका लागि निःशुल्क जग्गा उपलब्ध गराउनुहुने सुर्य बहादुर श्रेष्ठलाई सम्मान गरिएको थियो । शनिबार थाहा नगरपालिका ६ को कार्यालय परिसरमा खानेपानीकाे साधारणसभा भएको हो । थाहानगर खानेपानी व्यवस्थापन बोर्डका सुरज कुमार भुजेलले नगरका सबै खानेपानी आयोजनाहरुलाई एकीकृत रुपमा बोर्ड मार्फत व्यवस्थापन गर्न नीतिगत रुपमै प्रक्रिया अघि बढाइएको बताए ।
उनले नगरबासीहरुलाई सर्वसुलभ र स्वच्छ खानेपानी वितरणका लागि बोर्डले काम गर्ने जानकारी दिए । ‘हाल उपभोक्ताहरुले पाउँदै आएको सेवामा कमी नगरी थप सुविधा दिन सकिने गरी बोर्ड मार्फत खानोपानी आयोजनालाई व्यवस्थित गरिनेछ’–भुजेलले भने ।
६ नम्बर वडाका पूर्व वडाध्यक्ष तथा खानेपानी बोर्डका संस्थापक सदस्य शशीधर सुवेदी वडाबासीले निकै दुःखका साथ निर्माण सम्पन्न भएको योजना स्थानीयकै सम्पत्ती भएको बताए । सुवेदीले खानेपानी आयोजनाको दीगो व्यवस्थापनका लागि स्थानीय सरकार जिम्मेवार बन्नु पर्ने बताए ।
अहिलेसम्म उपभोक्ताहरुले व्यवस्थापन गर्दै आएको योजनालाई थप व्यवस्थित गर्न नगरपालिकाकै संरचनाको रुपमा रहेको खानेपानी व्यवस्थापन बोर्डलाई जिम्मेवार बनाइ सहज र स्वच्छ खानेपानी विरणको व्यवस्था मिलाउन उनले आग्रह गरे । सानोतिनो मर्मत सुधारका काम उपभोक्ताहरुले गर्दै आएको बताउँदै सुवेदीले भने–‘आयोजनामा ठूलो क्ष्ति हुन पुगे नागरिकलाई पानी खुवाउने दायित्व नगरकै हुन्छ, त्यसैले खानेपानीको दीगो व्यवस्थापनतर्फ नगरपालिकाले ध्यान दिनै पर्छ ।’
बज्रवाराही वृहत बलामीको अध्यक्षतामा भएको कार्यक्रम सचिव सुविनभक्त श्रेष्ठले सञ्चालन गरेका थिए । साधारण सभाले खानेपानी तथा सरसफाई आयोजनाका अध्यक्ष चित्र बहादुर बलामीको प्रगती प्रतिवेदन, कोषाध्यक्षको आम्दानी खर्चको प्रतिवेदन पास गरेको छ ।
सभाले पुनः चित्र बहादुर बलामीको अध्यक्षतामा नयाँ समिति सर्वसम्मत पुर्नगठन गरेको छ । समितिको सचिव सविन भक्त श्रेष्ठ, कोषाध्यक्ष जानकी श्रेष्ठ, सदस्यहरु सुर्य बहादुर श्रेष्ठ, भरत गोपाली, रमिता बलामी, सुभद्रा महर्जन, नकुल बलामी, सोनु श्रेष्ठलगायत चयन भएका छन् । कार्यक्रममा समिति अन्तर्गतका कर्मचारीहरु तथा उपभोक्ताहरुको उपस्थिती रहेको थियो । साधारणसभामा आयोजनालाई दीगो व्यवस्थापनका लागि थाहानगर खानेपानी व्यवस्थापन बोर्डमा हस्तान्तरण गर्ने छलफल भएको छ । त्यस्तै बक्यौता महशुल पौष महिनाभित्रमा भुक्तानी नगर्ने ग्राहकको खानेपानी धाराको लाइन काट्ने समेत निर्णय गरेको छ ।
साधारणसभासंगै भएको उपभोक्ताहरुसंगको छलफलमा उठेका सवालहरुमा ६ नम्बर वडाका पूर्व अध्यक्ष शशीधर सुवेदी, समितिका अध्यक्ष चित्रबहादुर बलामी, सचिव सुविन भक्त श्रेष्ठ तथा खानेपानी बोर्डका सुरज कुमार भुजेललगायतले सहजीकरण गरेका थिए ।
बज्रवाराही वृहत खानेपानी तथा सरसफाई आयोजनाका अध्यक्ष बलामीको अध्यक्षतामा भएको साधारण सभा थाहानगर खानेपानी व्यवस्थापन बोर्डका भुजेलको प्रमुख आतिथ्यता र खानेपानी बोर्डका संस्थापक सदस्य सुवेदीको विशेष आतिथ्यतामा भएको थियो ।कार्यक्रममा साना किसान कृषि सहकारी संस्थाका व्यवस्थापक ध्रुर्वप्रसाद विडारीलगायतकाको आतिथ्यता रहेको थियो ।
मकवानपुर । बागमती प्रदेशका मुख्यमन्त्री शालिकराम जम्कट्टेलले असहाय बेवारीसे नागरिको अभिभावक प्रदेश सरकार बन्ने बताएका छन् । हेटौंडामा मानव सेवा आश्रमको नवनिर्मित भवनको उद्घाटन कार्यक्रममा बोल्दै मुख्यमन्त्री जम्कट्टेलले कोही नभएका नागरिकको अभिभावकत्व प्रदेश सरकारले गर्ने बताए ।
प्रदेश सरकारले मानव सेवामा समर्पित संस्थाहरुलाई सहयोग गर्दै मानवताका र असहाय नागरिकको संरक्षणमा काम गरिरहेको उनले बताए । प्रदेश सरकार स्थापना देखि हालसम्म मावन सेवा आश्रमको व्यवस्थापनका लागि विभिन्न कार्यत्तम अन्तर्गत बजेट विनियोजन गर्दै आएको उनको प्रदेश सरकारले स्थापना कालदेखि हालसम्मको अवस्थामा ४ करोड रुपैयाँ भन्दा बढी रकम सहयोग स्वरुप लगानी गरेको छ । चालु आर्थिक वर्षमा समेत प्रदेश सरकारले ४० लाख रुपैयाँ सवारी खरिदका लगि विनियोजन गरेको उनको भनाई छ ।
प्रदेश सरकारको स्रोत साधनले भ्याएसम्म आगामी दिनमा पनि आश्रमका विभिन्न काममा प्रदेश सरकारले सहयोग गर्ने उनले प्रतिवद्धता व्यक्त गरे । मुख्यमन्त्री जम्कट्टेलले नागरिकहरुको सहायताका विभिन्न विषयमा प्रदेश सरकारले लगानी गरिरहेको र मानव सेवाका काममा पनि निरन्तर रुपमा लगानी गर्ने सोच रहेकाले उचित योजनाका साथ प्रस्ताव पेश गर्न आग्रह गरे ।
‘सडक मानवमुक्त प्रदेश निर्माणको अभियानमा प्रदेश सरकार’ सामाजिक विकासमन्त्री मोक्तान
यसैगरीमासामाजिक विकास मन्त्री कुमारी मोक्तानले सडक मानवमुक्त प्रदेश निर्माणको अभियानमा प्रदेश सरकारले रहेकाे बताएकी छिन् । अभिभावक नभएका बालबालिका तथा असाहय नागरिक तथा वृद्धवृद्धाहरुको साथमा प्रदेश सरकार विगतदेखि नै रहँदै आएको र आगामी दिनमा पनि विभिन्न माध्यम मार्फत् क्रियाशिल रहने उनले बताएन् ।
संघीय लोकतान्त्रिक गणतन्त्रात्मक मुलुकमा संविधानले व्यवस्था गरे अनुसारको अधिकार जनतालाई दिलाउन राज्यका हरेक अंग तयार रहनु पर्छ उनले भनिन् । प्रदेश सरकार मानव सेवा आश्रममार्फत सडक मानवमुक्त प्रदेश बनाउने अभियान अघि बढिरहेको उनले बताइन् ।
आश्रममा आश्रित नागरिकहरुको विभिन्न समस्या समाधानमा प्रदेश सरकारले निरन्तर रुपमा सहयोग गर्दै आएको र नागरिकता लगायतका विषयमा रहेका जटिलता हटाउन संघीय सरकारसंग नियमित छलफल तथा समन्वय भइरहेको उनले जानकारी दिइन् ।
‘राजनीतिक दल मानवतावाद तर्फ केन्द्रीत हुनु पर्छ’–सभापति बानियाँ
नेपाली कांग्रेस बागमती प्रदेश सभापति इन्द्रबहादुर बानियाँले राजनीतिक दलहरुको मानवतावाद तर्फ केन्द्रीत हुनु जरुरी भएको बताएका छन् ।
शनिबार हेटौंडामा मानव सेवा आश्रमको नवनिर्मित भवनको उद्घाटन कार्यक्रममा बोल्दै सभापति बानियाँले राजनीति पनि मानव सेवा कै लागि हुनु पर्नेमा जोड दिदैं राजनीतिक मुल्य र मान्यता अन्य वादहरुमा भन्दा पनि मानवतावादसँग जाेडिनु पर्ने बताएका हुन् । ‘मानव सेवा नै महान धर्म हाे । मन्दिर, गुम्बा, मस्जिद तथा चर्चहरु धर्मको आस्थाको केन्द्र भएपनि सबै धर्मको सार मानव सेवा नै रहेको छ’ उनले भने ।
मानवसेवा आश्रमको माध्यमले हेटौँडाबाट मानवतावादी सन्देश विश्वभर फैलिएको उनले बताए । ‘राज्यले गम्भीर ढंगबाट मानव सेवाको कामलाई अघि बढाउन जरुरी रहेको छ’ उनले भने ‘सडक मानव मुक्त देश निर्माण अभियानमा राज्यले आफ्ना योजनाहरु केन्द्रीत गर्नुपर्छ ।’ उनले मानवसेवा आश्रमको अभियानलाई सरकारले साथ दिदै देशकै ध्यान मानवतावाद तर्फ केन्द्रित हुनु पर्ने बताए ।
‘मानव सेवा आश्रमले हेटौंडालाई विश्वभर चिनाएकाे छ’ उपप्रमुख बानियाँ
हेटौंडा उपमहानगरपालिकाका उपप्रमुख राजेश बानियाँले मानव सेवा आश्रमले हेटौंडालाई विश्वभर चिनाएकाे बताएका छन् । शनिबार हेटौंडामा मानव सेवा आश्रमको नवनिर्मित भवनको उद्घाटन कार्यक्रममा उपप्रमुख बानियाँले हेटौंडाबाट मानवताको सन्देश विश्वभर फैलिएकोले गरिमा बढेको बताए ।
मानवताको शहरको रुपमा हेटौडा चिनाउन भूमिका खेल्ने मानव सेवा आश्रम तथा संस्थापक अध्यक्ष रामजी अधिकारीलाई भएकाेले आश्रमको समस्या समाधनमा हेटौंडा उपमहानगरपालिकाले निरन्तर सहयोग उपलब्ध गराउने जानकारी दिए ।
पैसाले मात्र सबै कुरा किन्न पाईदैन भन्ने सन्देश आश्रम अध्यक्ष अधिकारीले सिकाएको बताउदै सबैलाई एकतावद्ध बनाउन सामाजिक कामले मात्र सकिने बताए । हेटौंडा बजार क्षेत्रको सडक विस्तारको विषयमा प्रधानमन्त्री प्रचण्डको ध्यानाकर्षण गराउँदै नागरिकहरुको उचित व्यवस्थापन हुने गरी निर्णय गर्न जरुरी रहेको समेत बताए ।
सडक विस्तारको मुद्दा सर्वोच्च अदालतमा बिचाराधिन अवस्थामा रहेको औल्याउदै उनले उचित निर्णय,निकास दिन आग्रह गरे । बारम्बर हेटौंडा बजार क्षेत्रको सडक विस्तारको नाममा जनता आतकिंत भएको भन्दै उनले तत्कालै नागरिकहरुको उचित व्यवस्थापन हुने गरी निर्णय गरिदिन प्रधानमन्त्री समक्ष आग्रह गरेका थिए ।