मकवानपुर । मनहरी गाउँपालिका वडा नम्बर ४ हाडिखाेला स्थित पशुपतिनाथ माध्यामिक विद्यालयले आफ्नाे स्थापनाकाे ४८ औं दिवस मनाएकाे छ । विद्यालय स्थापनाको ४८ औं बर्षको अवसरमा कक्षा १ देखि १० सम्मका बालबालिका बिच बिभिन्न मनोरन्जनात्मक खेलकुद प्रतियोगिताको आयोजना गरिएकाे थियो ।
स्थापना दिवसकाे अवसरमा आयोजना गरेकाे बिबिध खेलकुद प्रतियोगिताका बिजेतालाई पुरस्कृत समेत गरेकाे छ । खेलकुद प्रतियोगिताका बिजेता विद्यार्थीलाई गाउँपालिका ४ नम्बर वडा अध्यक्ष प्रकाश थापाले पुरस्कृत गरेका थिए । विद्यालयको स्थापना दिवसको अवसरमा आयोजित कार्यक्रममा विब्यस अध्यक्ष माधब गौतमलाई सम्मानीत गरिएको छ । विद्यालयका शिक्षक परिवारको तर्फबाट प्रधानाध्यापक भानुभक्त आचार्यले वडाअध्यक्ष थापाले गौतमलाई सम्मान गरेका हुन् ।

विद्यालय ब्यवस्थापन समितिमा रहेर उत्कृष्ठ कार्य गरेको भन्दै केही महिना अघि बागमती प्रदेश सरकारले अध्यक्ष गौतमलाई प्रदेश दीपप्रदान गरेको थियो । अध्यक्ष गौतम पछिल्लो ६ बर्षदेखि विद्यालयब्यवस्थापन समितिको अध्यक्ष रहेर विद्यालयमा योगदान गरिरहेका छन् । अध्यक्ष गौतमको योगदानको कदर गर्दै गाउँपालिकाले शिक्षा समितिको सदस्यमा मनोनित गरेको छ ।
२०२७ सालमा स्थानीय समाजसेबीहरुले ब्यक्तिगतखर्चबाट संचालन गरेको यस विद्यालयलाई २०३२ सालमंसिर १५ गते तत्कालीन सरकारले अनुमति दिएको थियो । पछिल्लो एक दशकदेखि विद्यालयले नियमित रुपमा स्थापना दिवस मनाउँदै आएको छ ।
मकवानपुर । मंसिर ४ मा हुने निर्वाचनका उम्मेदवारसंग नेपाल राष्ट्रिय शिक्षक संगठन मकवानपुरले शैक्षिक अन्तरक्रिया गरेको छ । मकवानपुरका नेकपा एमालेका प्रतिनिधि तथा प्रदेश सभाका प्रत्यक्ष तथा समाउपातिक उम्मेदवारहरुसँग शैक्षिक अन्तरक्रिया गरिएको हो ।
मकवानपुरको प्रतिनिधि सभा क्षेत्र नम्बर १ का कमल थापा,१ ख प्रदेश सभा एकलाल श्रेष्ठ ,प्रतिनिधि सभा क्षेत्र नम्बर २ का महेश बर्तौला र प्रदेश समानुपातिक उमेदवार नेकपा एमाले केन्द्रिय कमिटिका सदस्य भारती पाठक र अशोक ठकुरीको उपस्थितिमा शैक्षिक अन्तरक्रिया भएको हो ।
अन्तरक्रियामा प्रतिनिधि सभा क्षेत्र नम्बर १ का उम्मेदवार कमल थापाले एमालेसंग देशको विकास, समृद्धि र स्वाभिमानका निमित्त सदैव आफू लागेकाले बताए । शैक्षिक लगायतका राष्ट्रिय हितको पक्षमा रही जनताको भावनाअनुरुप अगाडि बढन एमालेको सूर्य ध्वजावाहक उम्मेदवारलाई जिताउनु पर्ने उनको धारणा थियो ।
यस्तै क्षेत्र नम्बर १ प्रदेश सभा ख का उम्मेदवार एकलाल श्रेष्ठले शिक्षा ऐन संसोधन गरी शिक्षकका तमाम खाले समस्याको अन्त्यका लागि आफूले सक्दो प्रयास गर्ने बताए । मकवानपुरलाई शैक्षिक हबको रुपमा स्थापित गर्ने, प्राविधिक विश्वविद्यालय हेटौंडामा निर्माण गर्दै हेटौंडामै रोजगारीको सिर्जना गर्न आफू लागि परेको बताए ।
यसै गरि प्रतिनिधि सभा क्षेत्र नम्बर २ का उम्मेदवार महेश बर्तौलाले शैक्षिक क्षेत्रमा देखिएका समस्याहरुको हल गर्न आफ्नो उम्मेदवारी रहेको जानकारी दिए । आफू बिद्यार्थी राजनीतिबाट यहा सम्म आएको भन्दै उनले भने नेकपा एमालेका उम्मेदवारहरुको जित पछि शैक्षिक क्षेत्रमा रहेका विकृति हटाउने छौ । उनले शिक्षकका पेशागतरुपमा देखिने समस्याको अन्त्यका लागि शिक्षकहरुसगै रहेर समाधानतर्फ अगाडि बढ्ने बताए ।
साथै प्रमुख अतिथि नेकपा एमालेका केन्द्रिय सदस्य रामेश्वर रानाले देशमा दीगो शान्ति र समृद्धिका साथै शिक्षणलाई मर्यादित पेशा बनाउन र शिक्षकका अधिकारहरुलाई सुनिश्चित गर्न एमालेले जित्नु पर्ने जिकिर गरे ।
संगठन अध्यक्ष श्रीराम दाहालको अध्यक्षता तथा नेकपा एमालेका केन्द्रिय सदस्य रामेश्वर रानाको प्रमुख आतिथ्यतामा भएको कार्यक्रममा नेकपा एमाले बागमती प्रदेश कमिटिका सदस्य रघुनाथ खुलाल, एमालेका जिल्ला सचिव नवीन सिग्देल,जिल्ला सचिवालय सदस्य पद्मा पौडेल, इन्द्र नेपाल र नेपाल राष्ट्रिय शिक्षक संगठनका केन्द्रिय सदस्य लक्ष्मी गजुरेल लगायतको उपस्थिति रहेको थियो।
मकवानपुर । मकवानपुरको बागमती गाउँपालिकामा पहिलाे पटक नमूना मतदान अभ्यास गरिएकाे छ । आगामी मंसिर ४ गते हुने प्रतिनिधि तथा प्रदेशसभा सदस्य निर्वाचन लक्षित नमूना मतदान अभ्यास गरिएकाे प्रदेश निर्वाचन कार्यालयले जनाएकाे छ ।
प्रदेश निर्वाचन कार्यालय हेटौंडाले आगामी मंसिर ४ गते हुने प्रतिनिधि सभा र प्रदेश सभा सदस्य निर्वाचनलाई लक्षित गरी आइतबार गाउँपालिका कार्यालय झुरझुरेमा नमूना मतदानको आयोजना गरेको हो ।
निर्वाचनमा मतदातालाई स्पष्टता दिन तथा मतदान केन्द्रसम्म पुग्ने, मतदान कति ठाउँमा दिने, कसरी मतदान गर्ने, मतपत्र मतपेटिकामा खसाल्नेलगायत जागरुक बनाउन नमुना मतदानको आयोजना गरिएको प्रदेश निर्वाचन कार्यालय बागमतीका निर्वाचन अधिकारी लुम्बनाथ पोखरेलले जानकारी दिए । उनले नमुना मतदानबाट मतदाताहरुलाई मत बदर हुनबाट जोगाउन मद्दत गर्ने समेत बताए ।
नमुना मतदानमा महिला र पुरुष गरी ५३ जना मतदाता सहभागी भएका थिए । नमुना मतदानका क्रममा प्रतिनिधि सभा प्रत्यक्षतर्फको मात्रै मतगणना गरिएको थियो । जसमा खसेको ५३ वटा मतमा ५२ सदर भएको र १ वटा मत बदर भएकाे पोखरेलले बताए । नमुना मतदानकाे अभ्यास साेमबार बकैया गाउँपालिकामा गरिने बताइएकाे छ ।
यसैगरी, मकवानपुरमा मतदाता शिक्षा कार्यक्रम सञ्चालन गरिएकाे छ । गत शुक्रबारबाट मतदाता शिक्षा कार्यक्रम सञ्चालन गरिएकाे निर्वाचन अधिकारी पाेखरेलले जनाएका छन् । आगामी मंसिर ४ गते हुने प्रतिनिधिसभा तथा प्रदेशसभा सदस्य निर्वाचनका लागि प्रदेश निर्वाचन कार्यालयले मकवानपुरको १० वटा स्थानीय तहको १ सय २ वटै वडामा मतदाता शिक्षा कार्यक्रम सुरु भएको हाे ।
मकवानपुरमा मतदाता शिक्षा कार्यक्रमका लागि स्थानीय तहहरुसँगकाे समन्वयमा वडा तहमा कर्मचारी परिचालन गरी मतदाता शिक्षा सुरु गरिएको पोखरेलले जानकारी दिए । वडा–वडामा खटिएका स्वास्थ्य स्वयंसेविकाहरुले मतदान केन्द्रसम्म पुग्ने, मतदान गर्ने, मतपत्र पट्याउने, मतपत्र मतपेटिकामा खसाल्नेलगायतकाे जानकारी मतदातालाई जानकारी दिने छन् ।
यस पटकको निर्वाचनमा ४ प्रकारको मतपत्रकाे प्रयाेग हुने निर्वाचन आयाेगले जनाएको छ । मतदाताले प्रतिनिधिसभाको प्रत्यक्षतर्फ तथा प्रतिनिधिसभाको समानुपातिकतर्फ मतदान पहिले गर्नुपर्नेछ । त्यसपछी प्रदेशसभाको प्रत्यक्षतर्फ र प्रदेशसभाको समानुपातिकतर्फ मतदान गर्नुपर्नेछ । प्रतिनिधि र प्रदेशसभाको प्रत्यक्षतर्फको मतपत्र रातो रंग र समानुपातिकतर्फको मतपत्र कालो रंगको हुनेछ ।
गत स्थानीय तहकाे निर्वाचनमा मतदाता शिक्षा कार्यक्रम सञ्चालन नहुदाँ बदर मतकाे संख्या बढी भएकाेले यस पटक बदर मत कम गर्न मतदाता शिक्षा प्रभावकारी हुने बताइएकाे छ ।
मकवानपुर । विद्यार्थीहरुको नोबेल पुरस्कार भनेर चिनिने ‘हल्ट प्राइज’ मकवानपुर बहुमुखी क्याम्पसमा हुने भएको छ।
मकवानपुर बहुमुखी क्याम्पसमा अध्ययनरत विद्यार्थी ओम प्रकास खतिवडा (सुसान्त ) ‘हल्ट प्राइज’ क्याम्पस निर्देशक छनोट भएसँगै विद्यार्थीहरुको नोबेल पुरस्कार ‘हल्ट प्राइज’ क्याम्पसमा पहिलो पटक हुन लागेको हो । यो संगै मकवानपुर बहुमुखी क्याम्पसका विद्यार्थीहरुको लागि विश्वभरीका विद्यार्थीहरुसँग प्रतिस्पर्धा गर्ने ढोका खुलेको छ ।
बिश्वभरका दुई हजारभन्दा बढी विश्वविद्यालयका विद्यार्थीले भाग लिने उक्त कार्यक्रम हल्ट फाउन्डेसन, हल्ट इन्टरनेश्नल बिजनेस स्कुल र संयुक्त राष्ट्रसङ्घले संयुक्त रुपमा आयोजना गर्दछ । विद्यार्थीहरुलाई कुनै एउटा सामजिक विषयको शीर्षक दिएर सो शीर्षकमा आधारित भई उत्कृष्ट सामाजिक व्यवसायको योजना बनाउने विद्यार्थीको समूहले दश लाख अमेरिकी डलर जित्न सक्ने छ ।
खाद्य सुरक्षा, पानी, उर्जा, शिक्षाजस्ता विषयमा आधारित रहेर हरेक वर्ष अमेरिकी पूर्वराष्ट्रपति बिल क्लिन्टन्ले भिन्न शीर्षक छान्ने गर्दछन् । मकवानपुर बहुमुखी क्याम्पसमा प्रथम भएको विद्यार्थीको समूह क्षेत्रीय हुँदै अन्तिम चरणसम्म पुग्न सक्नेछन् । मकवानपुर बहुमुखी क्याम्पसमा हुने यस कार्यक्रममा क्याम्पसमा व्यवस्थापन, मानविकी तथा समाजशास्त्र र शिक्षा संकायमा स्नातक वा स्नातकोत्तर अध्ययनरत विद्यार्थीहरु सहभागी हुन पाउने छन् ।
विद्यार्थीहरुले तीन वा चार जनाको एउटा समूह बनाई सहभागी हुन सक्नेछन् । धेरै विद्यार्थीको सहभागिताको लागि हल्ट प्राइजको बारे जानकारीमूलक कार्यक्रमहरु गर्ने योजनामा रहेको क्याम्पस निर्देशक खतिवडाले बताए ।
मकवानपुर । सिमान्तकृत समुदायका लागि शिक्षा तथा नेतृत्व विकास कार्यक्रम अन्तर्गत मकवानपुरको विभिन्न ४ वटा विद्यालयका सयजना विद्यार्थीलाई खाद्यान्न वितरण गरिएको छ ।
कोर इन्टरनेशनल क्यानडाको आर्थिक सहयोग तथा हिमराइट्स मकवानपुरको आयोजनामा विद्यालयहरुमा निरन्तर शैक्षिक छात्रावृत्ति सहयोग गर्दै आइरहेको बालबालिकाहरुलाई खाद्यान्न सामाग्री वितरण गरिएको हो ।
मा खाद्यान्न वितरण गरिएको हो । प्रजा आधारभुत विद्यालय हाडिखोलामा आयोजना गरिएको कार्यक्रम विद्यालय व्यवस्थापन समितिका अध्यक्ष पूर्ण बहादुर थिङको सभाध्यक्षतामा भएको थियो । कार्यक्रममा विद्यालयका प्रधानाध्यापक तुलबहादुर सूनारले पौष्टिक युक्त खाद्यान्नले विद्यार्थीलाई मानसिक विकासमा समेत टेवा पुग्ने बताए ।
कार्यक्रम सिमान्तकृत समुदायका २७ जना विद्यार्थीहरुलाई चामल, दाल, तेल, चिउरा, मसला, नुनलगायतका अत्यावश्यकीय सामग्री वितरण गरिएको हिमराइट्स मकवानपुर प्रमुख कुमारी वाइवाले बताइन् ।
यसैगरी संस्थाले सगरमाथा आधारभुत विद्यालयमा पनि खाद्यान्न वितरण गरेको छ । विद्यालय व्यवस्थापन समितिका अध्यक्ष मकरलाल रुम्बाको सभाध्यक्षता तथा विद्यालयका प्रधानाध्यापक खडका बहादुर मुक्तानज्यूको प्रमूख आतिथ्यतामा २१ जना सिमान्तकृत समुदायका विद्यार्थीहरुलाई खाद्यान्न सामाग्री वितरण गरिएको वाइबाले बताइन् ।
राक्सीराङ्ग गाउंपालिकाका वडा नं ५ स्थित प्रजा जागृति आधारभुत विद्यालयका बालबालिकाहरुलाई पनि खाद्यान्न वितरण गरिएको छ । विद्यालय व्यवस्थापन समितिका अध्यक्ष जयकान्त प्रजाको सभाध्यक्षता तथा वडा नं ५का वडा अध्यक्ष हरिवहादुर प्रजाको प्रमूख आतिथ्यता खाद्यान्न वितरण गरिएको हो ।

कार्यक्रममा गैरसरकारी संस्था महासंघ मकवानपुरका जिल्ला सचिव बोलबहादुर कार्कीको समेत उपस्थिती रहेको थियो । यहाँ सिमान्तकृत बालबालिकाहरु २७ जनालाई खाद्यान्न सामाग्री वितरण गरिएको हो ।
सूर्योदय माध्यमिक विद्यालय सरिखेतमा विद्यालयका प्रधानाधाध्यापक सिताराम सुबेदीको प्रमूख आतिथ्यतामा २५ जना सिमान्तकृत समुदायका बालबालिकाहरुलाई खाद्यान्न वितरण कार्यक्रम गरिएको हो ।
सिमान्तकृत समुदायका बालबालिकाहरु प्राय गरी चाडपर्वमा खाद्यान्न समस्याका कारण विद्यालय छाडने बाहिर जाने हुनाले त्यस्तो समस्या नहोस साथै विद्यालय निरन्तरताका लागि पनि टेवा पुगोस भन्ने हेतुले चाडपर्वको पूर्व सन्ध्यामा खाद्यान्न सामाग्री वितरण गरिएको संस्थाले जनाएको छ । संस्थाले विगत ५ वर्षदेखि नियमित खाद्यन्न सहयाेग गर्दै आएकाे छ ।
