सांसद् सिंहद्वारा एष्ट्रोनोभा फाउण्डेशनको ल्याब अवलोकन
Tags: No Comments
मकवानपुर । मकवानपुर प्रतिनिधि सभा क्षेत्र नम्वर–१ का सांसद् एवम् पूर्व उर्जा राज्यमन्त्री दिपकबहादुर सिंहले एष्ट्रोनोभा फाउण्डेशन नेपालले सञ्चालन गर्ने तयारी गरेकाे ल्याबकाे अवलोकन गरेका छन् । फाउण्डेशनले संचालन गर्न लागेकाे क्रियटिभिटी एण्ड इनोभेशन वर्कसप ल्यावरोटरी एएफएन टिङ्करिङ ल्याबको सिंहले अवलाेकन गरेका हुन् ।
हेटौंडा उपमहानगरपालिका वडा नम्बर–५ स्थित निर्माणाधिन उक्त ल्यावको अवलोकन पश्चात सांसद् सिंहले निर्माण सम्पन्न गर्न आफूले सहयोग गर्ने प्रतिवद्धता समेत जनाएका छन् । प्रस्तावित प्रयोगशाला देशकै नमूना प्रयोगशाला हुने बताउँदै सांसद सिंहले देशमै केही गर्छु भन्ने युवाहरुको जोश जाँगर र सिर्जनशील क्षमतालाई यही सदुपयोग गर्न फाउण्डेशनले थालेकाे अभियानबाट सहयोग पुग्ने विश्वास व्यक्त गरे ।
फाउण्डेशनका अध्यक्ष किशन बास्तोलाले ल्याव निर्माण सम्पन्न गर्न सके, विद्यार्थीहरुमा विज्ञान, प्रविधि, नवप्रवर्तन, उद्यमशीलता लगायत उनीहरुको, जिज्ञासा र क्षमता अभिबृद्धिमा सहयोग पुग्ने बताए । उनले फाउण्डेशनको भावी योजनाबारे बताउँदै बालबालिकाहरुमा सानै उमेरदेखि वैज्ञानिक सोच संस्कृतिको विकास गर्दै प्रविधिमय वातावरणको निर्माण गरी उद्यमशीलताको क्षेत्रमा काम गर्ने उल्लेख गरे ।
फाउन्डेशनले हेटौंडामा वैज्ञानिक एवम् प्रविधिमय वातावरण बनाउने उद्देश्यका साथ रोबोटिक्स, आर्टिफिसिएल इन्टेलिजेन्स, फ्युचर टेक्नोलोजी र एष्ट्रोनोमीमा केन्द्रित कार्यशाला गर्दै आएको छ । फाउण्डेशनले यसअघि फिजिक्स, फिजिक्स इन एक्सन, म्याथ इन एक्सन, चन्द्रमा अवलोकन, नोबेल विजेता वैज्ञानिकहरूले हस्ताक्षर गरेको टेलिस्कोपबाट सोलार अवलोकन, ब्ल्याक होल, बिग ब्याङ थेउरी, थेउरी अफ रिलेटिभिटी, (स्पेशल/जनरल) को बारेमा चर्चा परिचर्चा गरेको थियो ।
त्यस्तै इन्बेडेड सिस्टम तथा रोबोटिक्स अन्तर्गत सी प्रोग्रामिङ ल्याङ्ग्वेज, अटो ट्राफिक लाइट सिस्टम, भूकम्प मापन सिस्टम, होम अटोमेसन सिस्टम, बेस्ट म्यानेजमेन्ट सिस्टम (स्मार्ट डस्टबिन) लगायतको विषयमा पनि विद्यार्थीहरुलाई प्रशिक्षण दिइसकिएको फाउण्डेशनले जनाएको छ ।
फ्युचर टेक्नोलोजीतर्फ आर्टिफिसियल इन्टेलिजेन्स, क्लाउड कम्प्युटिङ, साइबर सेक्युरिटी, अगमेन्टेड रियालिटी, भर्चुअल रियालिटी र डेटा सेक्युरिटी लगायतको विषयमा प्रशिक्षण दिइँदै आएको पनि फाउण्डेशनले जनाएको छ । यस अघि एष्ट्रोनोभा फाउण्डेशन नेपालले मकवानपुरका दुई विद्यालयमा एकैपटक निशुल्क रोबटिक्स र अटोमेशन सम्बन्धि कार्यशाला समे गरिसकेकाे छ । हेटौंडाको नवोदय शिशु सदन इङ्लिस बोर्डिङ् स्कुल र बालजागृती इङ्लिस बोर्डिङ स्कुलमा ६ दिने उक्त कार्यशाला गरेकाे थियाे ।
विद्यार्थीहरुमा वैज्ञानिक सोच, रचनात्मक एवम् सकारात्मक चिन्तन र सृजनशील तथा नेतृत्व विकासलगायत क्षमताको विकासमा सहयोग पुग्ने अपेक्षासहित विभिन्न समयमा विभिन्न कार्यशाला आयोजना गरिदै आएकाे फाउण्डेशनका अध्यक्ष किशन बास्तोलाले जानकारी दिए । उनले सानै उमेरदेखि विद्यार्थीहरूमा वैज्ञानिक सोच संस्कृतिको विकास गर्न, प्रविधिमय वातावरणको निर्माण गर्न, उद्यमशीलताको क्षेत्रमा काम गर्न कार्यशाला प्रभावकारी हुने समेत बताए ।
पशुपति माविले विद्यार्थी टिकाउन गर्याे साइकल वितरण
Tags: No Comments
मकवानपुर । मकवानपुरको एक विद्यालयले विद्यार्थीलाई नियमित गराउने साइकल वितरण गरेकाे छ । मनहरी गाउँपालिकाको पशुपति माविले विद्यार्थीलाई विद्यालयले आउने वातावरण बनाइराख्न र बीचैमा पढाइ छाड्ने प्रवृत्ति अन्त्यका साइकल वितरण गरेको हाे ।
मनहरी ४ मसिनेस्थित पशुपति माविले कक्षा ६ देखि १० सम्मका १ सय १५ जना विद्यार्थीलाई साइकल प्रदान गरेको हो । विद्यालयमा विहीबार एक कार्यक्रमको आयोजना गर्दे विद्यार्थीहरुलाई साइकल वितरण गरेको हो । बागमती प्रदेशका सामाजिक विकासमन्त्री कुमारी मोक्तानले विद्यार्थीलाई साइकल वितरण गरेकी थिइन् ।
साइकल वितरण गर्दै मन्त्री मोक्तानले विद्यालयले विद्यार्थीका लागि साइकल वितरण गरेर प्रशंसनिय काम गरेको बताइन् । साइकलले दैनिक घण्टाै हिडेर विद्यालय आउन बाध्य विद्यार्थीलाई विद्यालयमा टिकाइ राख्न र विचमै छाड्ने समस्या कमी ल्याउने उनकाे भनाइ थियाे । उनले ग्रामीण क्षेत्रका विद्यालयहरुमा विद्यार्थी भर्नादर बढाउने र टिकाई राख्नका लागी प्रदेश सरकारकारले पनि सहयोग पु¥याउँने प्रतिवद्धता व्यक्त गरिन् ।
बनकरिया समुदायका विद्यार्थी अध्ययन गर्ने विद्यालयमा साइकल विवरणले विद्यालय आउजाउ गर्न एक घण्टाभन्दा बढी पैदल हिँड्नु पर्ने बाध्यतमक अवस्थाको अन्त्य हुनेमा आशावादी रहेको प्रधानाध्यापक भानुभक्त आचार्यले बताए । प्रधानाध्यापक आचार्यका अनुसार वितरण गरिएकाे साइकल मनहरी गाउँपालिका ४ नम्बर वडा कार्यालयकाे आर्थिक सहयोगमा खरिद गरिएकाे हाे । प्रधानाध्यापक आचार्यले ४ नम्बर वडाका वडाध्यक्ष प्रकाश थापाको अगुवाइमा प्राप्त १० लाख रुपियाँ बजेटबाट साइकल वितरण गरिएको बताए ।
विद्यालयले बस संचालन गर्ने तयारी गरेपनि बस संचालन गर्ने स्रोत सुनिश्चित हुन नसकेपछि हाललाई साइकल वितरण गरिएकाे विद्यालय व्यवस्थापन अध्यक्ष माधब गौतमले बताए । विद्यालयले साइकल वितरण सम्बन्धी कार्यविधि बनाएर विव्यस बैठकबाट पारित गरेको उनले जानकारी दिए ।
विद्यालय ब्यवस्थापन समितिका अध्यक्ष माधब गौतमको सभाध्यक्षतामा भएको कार्यक्रममा गाउँपालिका शिक्षा प्रमुख प्रदीप पराजुली, पूर्ववडाअध्यक्ष ध्रुब खड्का, विद्यालय व्यवस्थापन समिति पूर्वअध्यक्ष रामहरि बिष्ट लगायतको उपस्थिती रहेको थियो ।
मकवानपुर । बागमती प्रदेशको शैक्षिक अवस्था सुधारको लागि सांसदहरुले ऐक्यबद्धता जनाएका छन् ।
प्रदेशको शैक्षिक अवस्था सुधारको लागि सरोकारवालाहरुले दिएको सुझावलाई संसदमा राख्ने र शैक्षिक सुधारको लागि नीति बनाउन आफूहरुले महत्वपूर्ण भूमिका निर्वाह गर्ने उनीहरुले बताएका हुन् ।
प्रदेश सांसद समिता खड्की श्रेष्ठले नेपालको शैक्षिक अवस्था सुधारको लागि प्राविधिक र व्यवसायिक शिक्षा आवश्यक भएको बताइन् । शिक्षाको गुणस्तर सुधारको लागि शिक्षकहरुलाई आपसमै सम्मानित महसुस गर्दै कक्षा प्रवेश गर्ने बातावरण आवश्यक भएको सांसद रामकुमार पाहाडीले बताए ।
अर्का सांसद कुमारी तामाङले विद्यालय-विद्यालयले आपसमा नतिजामा प्रतिष्पर्धा गरेर गुणस्तर सुधारको पहल गर्नु पर्ने बताइन् । पछिल्लो समय सामुदायिक विद्यालयहरुको भौतिक अवस्था सुधार भएको तर गुणत्मक पाटो झनै खस्केको प्रति उनले आपत्ति जनाइन् ।
बागमती प्रदेशको वर्तमान शिक्षाको अवस्था सम्बन्धमा सरोकारवालासंग सार्वजनिक सुनुवाई कार्यक्रममा यस्तो बताएका हुन् । मकवानपुरको हेटौडामा संसद सहयोग परियोजनामा संयुक्त राष्ट्रसंघ विकाश कार्यक्रम अन्तरगत शान्तिका लागि साझा अभियान कोक्यापले सार्वजनिक सुनुवाई गरेको थियो ।
कार्यक्रममा डाक्टर विजय नेपालले विश्व विद्यालयहरु सबैभन्दा जोखिममा रहेको बताए । शिक्षामा राज्यले गर्नुपर्ने धेरै जिम्मेवारी सामुदायिक क्याम्पसहरुले पुरा गरेको तर राज्यले तिनै क्याम्पसहरुलाई क्याम्पसको रुपमा स्वीकार नगरेको प्रति नेपालले आपत्ति प्रकट गरे ।
यसैगरी डाक्टर एम सिलवालले युवा पुस्ताहरु विदेश किन जान्छन् भन्ने सवालमा अनुसन्धान बिना उनीहरुलाई रोक्ने योजना सफल हुन नसक्ने बताए । पढ्नको लागि भनेर विदेश गएकाहरु पढ्न नै नभएर लेवर काम गरिरहेको उनले बताए । “उनीहरु यहाँबाट पढ्ने भनेर जाने अनि विदेशमा पुगेर दैनिक १० घण्टासम्म काम गर्छन, पढ्न गएकै हैनन्, मुख्य उद्देश्य कमाउने नै हो काम गर्ने नै हो” सिलवालले भने ।

राष्ट्रिय मानव अधिकार आयोग बागमती प्रदेशकी रेवा रेग्मीले व्यवसायिक शिक्षाले कमाउँदै पढ्दै गर्ने बातावरण सिर्जना गर्ने भएकोले युवालाई विदेश जानबाट रोक्नको लागि एउटा उपाय व्यासायिक शिक्षा हुन सक्ने सुझाव दिइन् ।
यसैगरी श्रमिक माविका प्रध्यानाध्यापक श्रीराम दाहालले शिक्षकहरुको सेवा सुविधाको पाटोमा पुनर्विचार गर्नुपर्ने औलाउँदै अहिलेका निवार्चित जनप्रतिनिधिको रवैया ठिक नभएको शिक्षकहरु हतोत्सायि हुनु पर्ने अवस्था आएको बताए ।
कोक्याप बागमति प्रदेशको अध्यक्ष दिनेश परियारको अध्यक्षतामा भएको कार्यक्रममा विद्यार्थी नेता अभि मैनालीले विद्यालय स्तरमा हुने राजनीतिक कार्यक्रम पूर्ण रुपमा रोक्नु पर्ने बताए । नेपालको संविधानमा राम्रो व्यवस्था भएको तर कार्यान्वयको पाटो फितलो भएको कारण शिक्षामा सुधार हुन नसकेको मैनालीले बताए ।
कार्यक्रममा सांसदहरु मोनिका श्रेष्ठ, उर्मिला लामा, सुष्पा भुजेल, शिक्षाका सरोकारवालाहरुको उपस्थिति रहेको थियो ।
मकवानपुर । विद्यालय शिक्षा विधेयेकका सन्दर्भमा नेपाल शिक्षक महासंघको नेतृत्वमा विभिन्न शिक्षक संघ तथा संगठनहरुले एमाले सचेतक महेशकुमार बर्तौलासंग भेट गरेको छ ।
विहीवार सचेतक बर्तौलासंग भेट गरेर महासंघको अध्यक्ष कमला तुलाधरले नेकपा (एमाले)ले शिक्षा विधेयेकमा भएका गलत प्रावधानहरु हटाउन संसदमा भुमिका खेलिदिन आग्रह गरेका छन् ।
नेपाल शिक्षक महासंघका अध्यक्ष तुलाधर सहित नेपाल राष्ट्रिय शिक्षक संघका अध्यक्ष विष्णु भण्डारी, नेपाल शिक्षक संघका अध्यक्ष सोमनाथ गिरीलगायतको टोली नेकपा (एमाले)को संसदीय दलमै पुगेर भेट तथा अनुरोध गरेको हो । शिक्षक महांघका प्रतिनिधिहरुसंग एमाले सचेतक बर्तौलाले शिक्षक र सरकारकाबीचमा भएका मुख्य सम्झौताहरु कार्यान्वयनमा सरकार पक्षकै मुख्य भुमिका रहने, सरकारले भएका सम्झौताहरु विधेयेक फिर्ता गररै विधेयेकमा समावेश गरि पुनः दर्ता गर्नुपर्ने बताए ।
सचेतक बर्तौलाले यद्यपी एमालेले शिक्षकका महत्वपुर्ण मुद्धाहरु आफ्ना मुद्धाका रुपमा संसदमा उठाउने, संसाधन प्रस्ताव हाल्ने तथा सरकारलाई दवाव सृजना गरेरै कार्यान्वयनमा लैजान पहल गर्ने बताए ।
भदौ २७ मा संघीय सांसद्मा दर्ता भएको विद्यालय शिक्षा विधेयकका प्रावधानलाई लिएर असन्तुष्ट शिक्षकहरूले असोज ३ गतेबाट राजधानी केन्द्रित आन्दोलन गरिरहेका थिए। आन्दोलनरत शिक्षक र सरकारकाबीचमा दुई चरणमा विभिन्न वुंदाहरुमा छलफल तथा सम्झौता भई शिक्षकहरुले आन्दोलन समेत फिर्ता लिई सकेको छ ।
सरकारले संसद्मा दर्ता भएको विधेयकमा शिक्षकका मागहरु समेट्ने प्रतिबद्धता जाहेर समेत गरेको छ।
मकवानपुर । मकवानपुरको हेटौंडामा सहिद आकाश मेमोरियल क्याम्पसले स्नातक तहको लागि अस्थायी सम्बन्धन पाएको छ ।
पूर्वाञ्चल विश्वविद्यालय विज्ञान तथा प्रविधि संकाय एवं व्यवस्थापन संकाय अन्तर्गत स्नातक तहको ४ वर्षे BIT र BBA शैक्षिक कार्यक्रम संचालन गर्नको लागि क्याम्पसले सम्बन्धन पाएको मंगलबार पत्रकार भेटघाटमा जानकारी दिइएको हो ।
क्याम्पसले स्नातक तहको ४ वर्षे BIT र BBA शैक्षिक कार्यक्रम संचालन गर्न आवेदन दिएकोमा पूर्वान्चल विश्वविद्यालयको कार्यकारी परिषदको जेठ ११ र साउन २६ गतेको निर्णयबाट सम्बन्धन प्राप्त गरेको हो ।
सहिद एकनाथ सुबेदी (आकश) स्मृति प्रतिष्ठान नेपालले आगामी तिहारपछी कक्षा सुरू गर्ने तयारी गरेको पत्रकार सम्मेलनमा क्याम्पस सन्चालक समितिका अध्यक्ष बिजय गौतमले बताए ।
हेटौंडा ५ मा रहेको रिलायन्स बोर्डिङ स्कुलमा आकाश मेमोरियल क्याम्पस सन्चालन हुने अध्यक्ष गौतमले बताए ।
हाल क्याम्पस सन्चालकको रूपमा सन्चालकहरू ११ जना,४ निकाय पदेन सदस्यहरू रहेका छन् । जसमा हेउमनपा, जिल्ला प्रशासन र जिसस रहेको सन्चालक समिती उपाध्यक्ष गोकर्ण पराजुलीले बताए । सन्चालक समितिका दिनेश कुमार सुवेदीलाई क्याम्पस प्रमुख रुपमा नियुक्त गरेको छ ।
‘विश्वविद्यालयको विज्ञान तथा प्रविधि संकाय एवं व्यवस्थापन संकाय, डीनको कार्यालयबाट क्याम्पसले सम्पूर्ण प्रक्रिया पूरा गरि क्याम्पस बीच दुई पक्षीय सम्झौता समेत र्भईसकेको हुँदा शैक्षिक सत्र २०८० ०८१ देखि स्नातक तहको ४ वर्षे BIT र BBA शैक्षिक कार्यक्रम (प्रत्येक शैक्षिक कार्यक्रममा विद्यार्थी भर्ना संख्या ४८ छात्रवृति समेत) संचालनका लागि पूर्वान्चल विश्वविद्यालय सम्बन्धन सम्बन्धी नीति, शर्त र प्रकृया २०७३ (सशोधन सहित) को बुदा नं. ४ अनुसार अस्थायी सम्बन्धन दिईएको व्यहोरा जानकारी गराउँदछु’ डा.कोमल प्रसाद दुलाल प्रमुख, योजना महाशाखाले हस्ताक्षर गरिएको सम्बन्धन पत्रमा भनिएको छ ।