जबजब झरी पर्न थाल्दछ,
तिम्रो याद विछट्टै आउँछ
कसैगरी रोक्न सक्दिन तिम्रो यादलाई,
न रोक्न सक्छु पानीका यि निरन्तर झरीरहेका थोपाहरु
बरु, आत्मा ग्लानिले म आफैं पानी पानी हुन्छ ।
यस्तो लाग्छ…
रातभर पानीले लफ्रक्क भिजेको
त्यो आँगनको लेउमा
तिमी विहानै पानीको गाग्रीसँगै लड्यौ कि ?
आफैंभन्दा भयङ्कर ठुला घाँस, सोतर र दाउराको बारी बोकेर
कसरी उक्लियौ होला तिमी,
झिसमिसे मै त्यो चिप्लो कान्लाहरुबाट ।
हिजो पसिनाले छपक्क भएका तिम्रो चोली र फरीयाहरु
आज झरीमा रुझेर अमिला भएका होलान्,
झरीमा घाँस, सोतर र पँधेरी भ्याएर,
चिसो चुल्होमा बडो मुस्किलले आगो फू…फू… गर्दै
तातो पानी तताएर एक गिसाल सुरूप्प पिएर,
फेरी उसैगरी दिनभर रुझ्नको लागी
पर्म तिर्न उकाली चढ्यौ काकीको खेततिर,
साँझ, थकित र रुझेको ज्यान लतार्दै लतार्दै
हतारीदै गोठमा हाजिर भयौ, ति चौपायका स्याहारको लागी,
रुझिरहेकै शरिरले चौपायको लागि न्यानाेपन भरेर,
फेरी त्यै चिप्लो पंधेरी, फेरी त्यै चिसो चुल्होमा
खुइया खुइया…., ठुइया ठुइया…. ।
रोगि शरिर लखतरान भएर आधा रातमा
ओछ्यानमा पुग्दा छाना चुहिएर लफ्रक्क भिजेकोे
त्यो ओछ्यानले कसरी साथ देला
थाकानले ढल्नै लागेको तिम्रो त्यो बुढो शरिरलाई ?
रुझेकै शरिर,
रुझेकै बिछ्यौना,
सायद रुझेकै तिम्रो मन,
रुझेरै बिहानीको छिसमिसे पर्खदो होला ।
वर्षातमा न छाना फेरेर ओत बन्न सके तिम्रो लागि
न नाना फेरेर न्यानोपन दिनसके
न उकालीमा तिमीलाई आड दिन सके, न ओरालीमा
न पधेंरामा साथ भए, न अधेरी रातहरुमा,
तिम्रा अभाव र दुःखलाई नदेखेझै गरिहरने
मसँग तिमीले कहिल्यै भनेनौः “छोरी म अभावमा छु ।”
रचनाकालः२०७८ जेठ १३ गते, हेटाैंडा–५ सिंचाइटाेल
मकवानपुर ।हाल देशमा बंगालको खादीमा रहेको यास (YAAS) नामगरिएको चक्रवातको आंशिक प्रभाव रहेकाले सामान्य तथा आंशिक बदली भइ वर्षा भइरहेकाे जल तथा माैसम विज्ञान विभाग माैसम पूर्वानुमान महाशाखाले जनाएकाे छ। अहिले बागमती प्रदेशका केही स्थानहरुमा हल्का देखि मध्यम वर्षा भैरहेको छ भने प्रदेश १, प्रदेश २, तथा गण्डकी प्रदेशमा समान्य बदली र बाँकी प्रदेशमा आंशिक वदली रहेकाे छ ।
प्रदेशहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ ।गण्डकी, बागमती र प्रदेश १ का हिमाली/ उच्च पहाडी भूभागका केहि स्थानहरुमा हल्का देखि मध्यम हिमपात/वर्षा को सम्भावना रहेकाले आवश्यक सतर्कता अपनाउन महाशाखाले अनुरोध गरेकाे छ।
३ दिनको मौसम पूर्वानुमान
जेठ १२ गते बुधबार प्रदेश १, प्रदेश २, बाग्मती, गण्डकी, लुम्बिनी प्रदेशमा सामान्य बदली र बाकी भू-भागमा आंशिक बदली रहने छ। प्रदेश १, प्रदेश २, बाग्मती, र गण्डकी प्रदेशका केहि स्थानहरूमा र बाकी प्रदेशहरुका एक वा दुइ स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश १ को एक-दुई स्थानमा भारी वर्षाको सम्भावना रहेको छ।गण्डकी, बागमती प्रदेश र प्रदेश १ का हिमाली/ उच्च पहाडी भूभागका केहि स्थानहरुमा हल्का देखि मध्यम हिमपात/वर्षा को सम्भावना रहेको छ।
जेठ १३ गते विहीबार देशभर सामान्य देखि पूर्णतया बदली रहने छ। प्रदेश १, प्रदेश २, बाग्मती, गण्डकी, लुम्बिनी र कर्णाली प्रदेशका केहि स्थानहरूमा र बाकी प्रदेशका एक वा दुइ स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश १, प्रदेश २, लुम्बिनी, गण्डकी तथा बाग्मती प्रदेशका एक वा दुई स्थानमा भारी वर्षाको सम्भावना रहेको छ।देशका हिमाली/ उच्च पहाडी भूभागमा हल्का देखि मध्यम हिमपात/वर्षा को सम्भावना रहेको छ।
जेठ १४ गते शुक्रबार देशभर सामान्य देखि पूर्णतया बदली रहने छ। देशका अधिकांश स्थानहरूमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना रहेको छ। प्रदेश १, प्रदेश २, लुम्बिनी, गण्डकी तथा बाग्मती प्रदेशका थोरै स्थानहरुमा भारी वर्षाको सम्भावना रहेको छ।देशका हिमाली/ उच्च पहाडी भूभागमा हल्का देखि मध्यम हिमपात/वर्षा को सम्भावना रहेको छ।
मकवानपुर । पूर्वीमध्य बंगालको खाडीमा रहेको न्यून-चापीय प्रणाली हाल चक्रवात (Cyclonic Storm) यास् (YAAS) मा परिणत भइ यास उत्तरउत्तरपश्चिम दिशा तर्फ गएकाे हुँदा यसकाे प्रभावले हाल मकवानपुर सहित देशका धेरै स्थानमा पूर्ण बदली भइ वर्षा भएकाे छ ।
चक्रवात उत्तरउत्तरपश्चिम सर्ने क्रममा मंगलबार जेठ ११ गते धेरै शक्तिशाली चक्रवात (Severe Cyclonic Storm) मा परिणत भएकाे जल तथा मौसम विज्ञान विभागकाे माैसम पूर्वानुमान महाशाखाले जनाएकाे छ । बुधबार जेठ १२ गते सम्ममा अति धेरै शक्तिशाली चक्रवात (Very Severe Cyclonic Storm) मा परिणत हुने भएकाेले उक्त चक्रवातको केही असर आउँदा केही दिनमा नेपालको अधिकांश भूभागमा समेत पर्ने सम्भावना रहेकोले सबैलाई सजक हुन मौसम सजग रहन महाशाखाले अनुरोध गरेकाे छ।
बागमती प्रदेश र प्रदेश १ का उच्च हिमाली/पहाडी भूभागका केहि स्थानहरुमा हल्का देखि मध्यम हिमपात र वर्षाको समेत सम्भावना रहेको छ । मंगलबार ११ गते अपरान्ह पछि देशका धेरै स्थानहरूमा सामान्य देखी पूर्ण बदली भई । उच्च हिमाली भूभागमा हावाहुरी समेत हुनसक्ने सम्भावना रहेकोले मंगलबार देखि केहि दिनसम्मका लागी पर्वतारोहिहरूलाई मौसम अनुसार सतर्कता अपनाई सुरक्षित रहन अनुरोध छ।

देशका धेरै स्थानहरुमा बुधबार १२ गते बाट केहि दिन हल्का देखि मध्यम वर्षाको सम्भावना छ। साथै प्रदेश १, प्रदेश २, बाग्मती प्रदेश, गण्डकी प्रदेश र लुम्बिनी प्रदेशका थोरै स्थानहरूमा भारी
वर्षा हुने पूर्वानुमान महाशाखाले जनाएकाे छ ।
बिहिबार १३ गते कर्णाली प्रदेश र सुदुर पश्चिम प्रदेश को एक-दुई स्थानमा समेत भारी वर्षाको समेत सम्भावना रहेको छ। उच्च हिमाली भू-भागहरू हिमपात र वर्षाको सम्भावना रहेकोले पर्वतारोहिहरूलाई सतर्क रहन समेत अाग्रह गरिएकाे छ।
यो सिजनमा मेघगर्जन / चट्याङ /हावाहुरी र असिना-पानीको समेत सम्भावना रहेकोले आवश्यक सतर्कता अपनाउनु महाशाखाले सवैलाइ भनेकाे छ ।
मकवानपुर । हाल देशका पहाडी तथा तराईका भू-भागमा आंशिक देखि सामान्य बदली रहेको जल तथा माैसम विज्ञान विभाग माैसम पूर्वानुमान महाशाखाले जनाएकाे छ । देशमा पश्चिमी न्यून चापीय प्रणालीको आंशिक प्रभाव रहेकाेले आंशिक देखि सामान्य बदली रहेकाे हाे ।
देशका थोरै स्थानहरुमा मेघगर्जन/चट्याङ्ग सहित हल्का वर्षाको सम्भावना रहेकाले आवश्यक सतर्कता अपनाउन समेत महाशाखाले आग्रह गरेकाे छ।
जेठ ९ गते आईतबार दिउँसो देश १, बाग्मती तथा गण्डकी प्रदेशका पहाडी भू-भागमा आंशिक देखि सामान्य बदली र बाकी भू-भागमा आंशिक बदली रहने छ। प्रदेश १ का पहाडी भू-भागका थोरै स्थान र बाकी प्रदेशका पहाडी भू-भागका एक दुइ स्थानमा मेघगर्जन/चट्याङ्ग सहित हल्का वर्षाको सम्भावना समेत रहेको माैसम पूर्वानुमान महाशाखाले जनाएकाे छ ।
यस्तै आईतबार राती प्रदेश १, बाग्मती तथा गण्डकी प्रदेशका पहाडी भू-भागमा आंशिक देखि सामान्य बदली र बाकी भू-भागमा आंशिक बदली रहने छ। प्रदेश १ का पहाडी भू-भागका थोरै स्थानहरूमा मेघगर्जन/चट्याङ्ग सहित हल्का वर्षाको सम्भावना रहेको छ ।
मकवानपुर । हिजाे रातीदेखि नै मकवानपुर जिल्ला सहित देशका प्रायः स्थानहरुमा हल्का वर्षा भईरहेको छ । आज दिनभर पनि वर्षा हुने जल तथा माैसम विज्ञान विभाग माैसम पूर्वानुमान महाशाखाले जानकारी दिएकाे छ ।
हाल देशमा पश्चिमी न्यून चापीय प्रणाली तथा भारतको गुजरातको देखि उतर पश्चिमतिर कमजोर हुँदै अगाडि बढेको चक्रवात ताउ-ते “TaukTae” को प्रभाव रहेकोले अहिले देशभर सामान्य देखि पुर्ण बदली रहेको जल तथा माैसम विज्ञान विभाग माैसम पूर्वानुमान महाशाखाले जनाएकाे छ।
देशका धेरै स्थानहरुमा मेघगर्जन/चट्याङ्ग सहित हल्का देखि मध्यम बर्षा र थोरै स्थानहरुमा भारी वर्षाको सम्भावना रहेको छ । उच्च हिमाली भू-भागका धेरै स्थानहरूमा हल्का देखि मध्यम हिमपात/ वर्षाको सम्भावना समेत रहेको हुनाले खोलानालाहरुमा जलप्रवाह बढ्ने र यातायत क्षेत्र समेत प्रभावित हुने संभावना रहेकोले महाशाखाले आवश्यक सतर्कता अपनाउन आग्रह गरेकाे छ।
आजकाे माैसम
जेठ ६ गते विहीबार दिउँसो देशभर सामान्य देखि पूर्ण बदली रहनेछ। देशका धेरै स्थानहरुमा हल्का देखि मध्यम वर्षाको सम्भावना रहेको छ । गण्डकि प्रदेश र बाग्मति प्रदेशका थोरै स्थानहरूमा भारी वर्षाको सम्भावना रहेको छ।उच्च हिमाली भू-भागका केहि स्थानहरुमा भारि हिमपात/वर्षाकाे समेत सम्भावना रहेको माैसम पूर्वानुमान महाशाखाले जनाएकाे छ।
यस्तै विहीबार राती देशभर सामान्य देखि पूर्ण बदली रहनेछ। देशका धेरै स्थानहरुमा हल्का देखि मध्यम वर्षाको सम्भावना रहेको छ । कर्णाली प्रदेश, सुदूरपश्चिम प्रदेश र लुम्विनि प्रदेशका थोरै स्थानहरुमा भारी वर्षाको पनि सम्भावना रहेको छ।उच्च हिमाली भू-भागका धेरै स्थानहरुमा हल्का देखि मध्यम हिमपात/वर्षाको सम्भावना रहेको छ।