मकवानपुर । मकवानपुरकाे हेटौंडा उपमहानगरपालिकामा पर्खाल ढलेर च्यापिदा एक जनाको मृत्यु भएको छ। मृत्यु हुनेमा हेटौडा ५ सिचाईटोलका बसन्त महर्जन रहेकाे प्रहरीले जनाएकाे छ ।
शुक्रबार अपरान्ह हेटौडा ५ सिचाईटोलमा खानेपानीको काम गर्ने क्रममा पर्खाल ढलेर च्याप्पिदा ४० वर्षीय महर्जनको मृत्यु भएको जिल्ला प्रहरी कार्यालय मकवानपुरले जनाएकाे छ । खानेपानीको काम गर्ने क्रममा ईट्टाको पर्खाल ढलेर च्याप्पिदा उनी गम्भिर घाईते भएका थिए । गम्भीर अवस्थामा उद्धार गरी उपचारार्थ हेटौंडा अस्पताल ल्याईएकोमा मृत्यु भएको मकवानपुरका प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।
शव हेटौँडा अस्पतालमा रहेको र घटनाको आवश्यक अनुसन्धान भइरहेको प्रहरीले जनाएको छ।
५३ किलो गाँजासहित ३ जना नियन्त्रणमा
Tags: No Comments
मकवानपुर । मकवानपुरको हेटौंडा उपमहानगरपालिका–११ थानाभर्याङबाट लागूऔषध गाँजा सहित ३ जनालाई प्रहरीले नियन्त्रणमा लिएकाे छ ।
जिल्ला ट्राफिक प्रहरी कार्यालय मकवानपुर र अस्थायी प्रहरी पोष्ट थानाभर्याङबाट खटिएको प्रहरीले ५३ किलो ५ सय ९० ग्राम लागुऔषध गाँजा सहित उनीहरुलाई नियन्त्रणमा लिएकाे हाे । उक्त परिमाणकाे गाँजासहित मनहरी गाउँपालिका–२ बस्ने २७ वर्षीय राजकुमार स्याङ्बो, २४ वर्षीय पलगु राजकुमार स्याङ्बो र २३ वर्षीय राम कुमार स्याङ्बोलाई नियन्त्रणमा लिइएकाे जिल्ला प्रहरी कार्यालय मकवानपुरले जनाएकाे छ ।
मनहरी तर्फबाट हेटौडा तर्फ आउँदै गरेको ग.२३ प ६४३८ नम्बरको मोटरसाइकललाई पूर्व पश्चिम राजमार्ग अन्तरगत थानाभर्याङकाे राप्ति पुल नजिकै जाँच गर्ने क्रममा मोटरसाइकलमा सवार राजकुमार र पलगुको साथबाट करिब ३५ किलो ८ सय ग्राम र बा.प्र.०३००५ प ८९८४ नम्बरको मोटरसाइकलमा सवार राम कुमारको साथबाट करिब १७ किलो ७ सय ९० ग्राम गाँजा बरामद गरिएको प्रहरीले जनाएको छ ।
गाँजा सहित तीनै जनालाई नियन्त्रण लिइ मकवानपुर जिल्ला अदालतबाट १२ दिनको म्याद अनुमति लिएर थप अनुसन्धान कार्य भईरहेको जिल्ला प्रहरी कार्यालय मकवानपुरले जनाएको छ ।
मकवानपुर । बालिका बलात्कारको आरोपमा पूर्वलडाकु हरि श्रेष्ठ पक्राउ परेका छन् । मकवानपुरकी एक बालिका बलात्कारको आरोपमा छिमेकी जिल्ला सिन्धुलीका पूर्वमाओवादी लडाकु कमाण्डर श्रेष्ठ पक्राउ परेका हुन् ।
पीडित पक्षको जाहेरी अनुसार श्रेष्ठले फागुन ४ गते १३ वर्षीया बालिकालाई बलात्कार गरेका थिए । सिन्धुली मरिन गाउँपालिका ७ का श्रेष्ठलाई पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले बताए ।
उनलाई पहिलोपटक म्याद थप गरेर अनुसन्धानको लागि हाल जिल्ला प्रहरीको हिरासतमा राखिएको छ । जनयुद्धकालमा प्रमोद नामले चिनिने श्रेष्ठ माओवादी जनमुक्ति सेनाको दोस्रो डिभिजन कमाण्डर थिए । उनी लडाकुलाई शिविरमा राखिएका बेला दुधौलीमा थिए ।
अहिले उनी बाबुराम भट्टराई नेतृत्वको नेपाल समाजवादी पार्टीको केन्द्रिय सचिवालय सदस्य छन् ।
मकवानपुर । मकवानपुर प्रहरीले लागूऔषधसहित हेटौंडाबाट एक जनालाई नियन्त्रणमा लिएकाे छ । प्रहरीले मकवानपुरको हेटौंडा उपमहानगरपालिका वडा नम्वर १५, रातोमाटेस्थित पुर्व–पश्चिम सडकखण्डबाट लागूऔषधसहित हेटौंडा १० बस्ने १९ वर्षीय असलम मिंयालाई नियन्त्रणमा लिएकाे हाे ।
मियालाई डाईजेपाम –१२ एम्पुल, फेनारगन –१२ एम्पुल, नुफिन–१२ एम्पुल गरी जम्मा ३६ एम्पुल लागूऔषधसहित प्रहरी चौकी रातोमाटेबाट खटिएको प्रहरी टोलीले पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए । उनका अनुसार वीरगंजबाट हेटौंडातर्फ आउँदै गरेको बा.प्र.०३ –००१ ज ०३३३ नम्वरको ईलेक्ट्रिक गाडीमा सवार उनलाई शंका लागि चेकजाँच गर्दा पाईन्टको खल्ती भित्र लुकाई ल्याएकाे उक्त परिमाणको लागूऔषध बरामद गरी नियन्त्रणमा लिइएकाे हाे ।
मकवानपुर । मकवानपुरको छुट्टाछुट्टै स्थानमा भएका सवारी दुर्घटनामा दुई जनाको मृत्यु भएको छ ।
मकवानपुरको इन्द्रसरोबर गाउँपालिका वडा नं.२ गोलढुंङगा भर्याङडाडामा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा हेटौंडा उपमहानगरपालिका वडा नं.६ चौघडा बस्ने ४५ बर्षीय राजेन्द्र पिठाकोटी रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार हेटौंडा–फाखेल–काठमाडौ सडकखण्ड अन्तर्गत काठमाडौंबाट हेटौंडातर्फ आउदै गरेको बा ९० प ३६०४ नम्बरको मोटरसाइकल सोमबार सडकबाट करिब ५०० मिटर तल खसेर दुर्घटना भएको हो ।
सुरक्षाकर्मीको टोलीले मोेटरसाइकल चालक पिठाकोटीलाई घाइते अबस्थामा उद्धार गरी उपचारका लागि हेटौंडा अस्पतालमा ल्याईएकोमा चिकित्सकले मृत घोषणा गरेको मकवानपुर प्रहरीले जनाएको छ ।
यसैगरी हेटौंडा उपमहानगरपालिका वडा नं.१० रानीमहल अगाडी ई–रिक्सा(मयुरी)मा स्कुटर ठोक्किँदा एक जनाको मृत्यु भएको छ । मृत्यु हुनेमा स्कुटर चालक हेटौंडा ९ एचआइडी बस्ने १९ बर्षीय प्रशान्त कुमार ठाकुर रहेका छन् ।
जिल्ला प्रहरी कार्यालय मकवानपुरका अनुसार शनिबार साँझ पूर्वपश्चिम राजमार्ग अन्तर्गत कर्रा पुलबाट फरेष्टीतर्फ आउँदै गरेको ना १ ह ३१२७ नम्बरको ई–रिक्सा दाहिने तर्फ मोडने क्रममा सोही दिशातर्फबाट आउँदै गरेको बागमती प्रदेश ०३–००५ प ६२०५ नम्बरको स्कुटर ई–रिक्साको पछाडी ठोकिएर दुर्घटना भएको थियो ।
दुर्घटनामा स्कुटर चालक ठाकुर घाईते भई उपचारका लागि नँया मेडिकल कलेजमा लगिएकोमा मृत्यु भएको प्रहरीले जनाएको छ ।