मकवानपुर । मकवानपुरको मनहरीमा ट्रकको ठक्करबाट स्कुटर चालकको मृत्यु भएको छ । आइतबार भएकाे दुर्घटनामा स्कुटरमा सवार अर्का एक जान गम्भीर घाइते भएका छन् ।
आइतबार दिउँसो पूर्व-पश्चिम राजमार्ग अन्तर्गत मनहरी गाउँपालिका वडा नम्बर – ७ रमनटारमा ना ६ ख ३०४० नम्बरको ट्रकले चितवनबाट हेटौडा तर्फ आउँदै बागमती प्रदेश ०३-०४ प ११६२ नम्बरको स्कुटरलाई ठक्कर दिएकाे थियो । ट्रककाे ठक्करबाट स्कुटर चालक चितवन भरतपुर महानगरपालिका-११ बस्ने ५२ वर्षीय मोति बहादुर क्षेत्रीको मृत्यु भएकाे जिल्ला प्रहरी कार्यालय मकवानपुरले जनाएकाे छ ।
मकवानपुरका प्रहरी प्रवक्ता प्रहरी नायब उपरीक्षक श्यामु अर्यालका अनुसार दुर्घटनामा घाइते भएका क्षेत्रीको उपचारको क्रममा हेटौंडा अस्पतालमा ज्यान गएको हाे । त्यसैगरी स्कुटरमा सवार भरतपुर महानगरपालिका ९ सरतपुरकी ३७ वर्षीय नरमाया गुरूङ घाइते भएकी छिन् । घाइते गुरुङकाे पुरानो मेडिकल कलेज चितवनमा उपचार भइरहेकाे प्रहरीले जनाइएको छ ।
स्कुटरलाई ठक्कर दिने ट्रक र चालक सप्तरी बाेदेबरसाइन नगरपालिका २ बस्ने ३५ वर्यीय अशोक यादव इलाका प्रहरी कार्यालय मनहरीकाे नियन्त्रणमा रहेकाे बताइएकाे छ ।
मकवानपुर । मकवानपुर प्रहरीले ६ हजार ४४३ एम्पुल लागुऔषध डाईजेपामसहित ४ जना भारतीय नागरिक पक्राउ गरेकाे छ ।
पक्राउ पर्नेमा देश भारत जिल्ला मोतीहारी गाँउ पाञ्चायत सुगौली पोष्ट थाना बन्जरीया ग्राम सुगौलीका २४ वर्षीय शेख गुल्जार, २५ वर्षीय बसिम अहमद, १९ वर्षीय नेसाब आलम र ४३ वर्षीय शेख सकुत रहेका छन्।
शनिबार कुलेखानी हुदै काठमाण्डौ जादै गरेको BR05PA9093 नम्बरको भारतीय स्कारपियो गाडीलाई रोकी चेक गर्दा उक्त गाडी भित्र बिभिन्न भागमा फल्स बटम बनाई ल्याईएको अवस्थामा डाईजेपाम २ हजार २२६ एम्पुल, नुर्फिन २ हजार ३५६ एम्पुल, प्रोमेथाईजिन हाईड्रोक्लोराईड १ हजार ८६१ एम्पुल गरी जम्मा ६४४३ एम्पुल र ट्रामाडोल ४९ ट्याबलेट फेला पारी बरामद गरिएकाे जिल्ला प्रहरी कार्यालय मकवानपुरले जानकारी दिएकाे छ ।
शनिबार सशस्त्र प्रहरी बल नेपाल बिपद व्यवस्थापन बेस कुलेखानी र इलाका प्रहरी कार्यालय भिमफेदीबाट खटिएकाे प्रहरी टोलीले शनिबार बेलुका इन्द्रसरोवर गाउँपालिका – २ हेवीबाट उक्त लागुऔषध डाईजेपामसहित उनीहरुलाई पक्राउ गरिएकाे प्रहरीले जनाएकाे छ ।
उक्त लागुऔषध, सवारी साधन उनीहरुलाई नियन्त्रणमा लिई अनुसन्धान भई रहेको प्रहरीले जानकारी दिएकाे छ ।
हेटौंडामा दुई जना बालश्रमिक भेटिए
Tags: No Comments
मकवानपुर । हेटौंडा उपमहानगरपालिका भित्र ७ वटा वडामा बालश्रम अनुगमन गरिएको छ । हेटौंडाका वडाहरु ६, ७, ८, ९, १६, १७ र १८ नं. का होटल, ग्यारेज, वर्कशप, किराना पसलहरुमा अनुगमन गरिएको हो ।
यस क्रममा हेटौंडा ८ कमाने निम चोकमा अवस्थित चाँद मोटरसाइकल वर्कशपमा १७ वर्षिय दुई बालकहरु बालश्रम गरिरहेको अवस्थामा अनुगमन टोलीले फेला पारेको छ । सो वर्कशप सञ्चालकहरुलाई श्रम तथा रोजगार कार्यालयले दश हजार रुपियाँ जरिवाना गराइएको श्रम तथा रोजगार कार्यालय हेटौंडाका प्रमुख रुद्र नारायण शाहले जानकारी दिनुभयो । उद्धार गरिएको दुई बालकहरुलाई सञ्चालकले १२ घण्टा बिना पारिश्रमिकमा काममा लगाइएको सञ्चालक स्वयमुले बताएका छन् । बालकहरुले काम सिकिरहेको अवस्था भएकाले पारिश्रमिक नदिएको उनको भनाइ छ । २ बालक मध्ये एक बालक रौतहट र अर्का बालक पर्सा जिल्लाका रहेको छन् ।
टोलीले चुच्चेखोला, पुतलीबजार, कमाने, नागसोती, हटिया, हर्नामाडी, पशुपतिनगर, तल्लो सिमेन्ट रोडका होटल, किराना, खुवा पसल, वर्कशप ग्यारेजहरुमा अनुगमन गरिएको हो । ५ वडामा जम्मा ११ वटा ग्यारेज तथा वर्कशपहरु, ७ होटल, २ वटा किराना पसलहरुमा गरिएको अनुगमनमा ८ नं. वडाका वर्कशपमा मात्रै २ बाल श्रम फेला पर्नुले व्यवसायीहरु बालश्रम प्रयोगमा तुलनात्मक रुपमा निकै सचेत भएको पाइएको बाल कल्याण अधिकारी बिनामाया थिंगले बताउनु भयो ।
हेटौंडा उपमहानगर बालमैत्री गाउँपालिका घोषणा भए तापनि यदाकदा बालश्रम भेटिइराख्ने हुँदा यो सवालमा सबै सरोकारवाला पक्षबाट निरन्तर सहयोग गरिरहन आवश्यक भएको अनुगमन समिति संयोजक बर्तौैलाले बताए ।
पहिले अनुगमनमा होटलहरुमा बालश्रमिक धेरै मात्रामा भेटिने गरेको थियो हाल छिटफुट मात्रा भेटिने गरेको छ तर वर्कशपहरुमा अझै पनि तुलनात्मक रुपमा सुधार त भएको छ तापनि केही मात्रामा फेला पर्ने गरेको बाल हेल्पलाइन मकवानपुर प्रमुख ज्ञवालीले अनुगमनको ताजा अनुभव बताउनु भयो । अनुगमनका क्रममा बाल श्रम प्रयोग नगर्नुभएका व्यवसायीहरुलाई प्रंशशासहित धन्यवाद समेत व्यक्त गरिएको उहाँले बताउनु भयो ।
श्रम तथा रोजगार कार्यालय, हेटौंडा उपमहानगरपालिका, प्रहरी, बाल हेल्पलाइनलगायतका सरोकारवालाहरुको सहभागितामा अनुगमन गरिएको थियो । टोलीमा हेटौंडा उपमहानगरपालिकाको बाल श्रम अनुगमन समितिका संयोजक सुरज बर्तौला, सदस्यहरुः श्रम तथा रोजगार कार्यालय हेटौंडाका नायब सुब्बा रेणु तामाङ्ग र सर्मिला राई, बाल कल्याण अधिकारी बिनामाया थिङ्ग, नासु निर्मल सिं रावल, प्रहरी चौकी चोकीटोलका असई निर्दोश लामा, हेटौंडा ६ नं. वडा सदस्य विजय पौडेल, सिविन बाल हेल्पलाइन १०९८ का प्रबन्धक झबिन्द्र ज्ञवाली र कार्यक्रम अधिकृत एवम् मनोविमर्शकर्ता सम्झना अधिकारीलगायतको उपस्थिति रहेको बाल हेल्पलाइन मकवानपुरले जनाएको छ ।
मकवानपुर । मानव अधिकार हरेक नागरिकको जन्मसिद्ध अधिकार हो । ती अधिकारहरुको सम्मान, संरक्षण तथा सम्बर्द्धन गर्नु राज्यको दायित्व हो । मानव अधिकारको संरक्षण तथा सम्बर्द्धनलाई प्रभावकारी बनाउन नेपालको संविधान २०७२ भाग २५ को धारा २४८ ले राष्ट्रिय मानव अधिकार आयोगको व्यवस्था गरेको छ । जसले मानव अधिकार हनन भएको सवालमा उजुरी लिने, अनुसन्धान गर्ने, कारवाहीको लागि उपल्लो निकायमा सिफारिस गर्ने जस्ता काम गर्दै आएको छ ।
बागमती प्रदेशमा मानव अधिकार हननको सवाल कमजोर बन्दै आएको तथ्याङ्कले देखाएको छ । अपाङ्गताको सवाल, बालअधिकार, महिला अधिकार, छुवाछुतका सवाल, उपभोक्ता अधिकारको सवालहरु विगतमा भन्दा पेचिलो बन्दै आएको आयोग बागमती प्रदेश कार्यालयले जनाएको छ ।
आयोगको बागमती प्रदेश कार्यालयमा आ।व। २०८१र०८२ मा मानव अधिकारको हनन भएकोमा २२ वटा उजुरी दर्ता भएको आयोग बागमतीको प्रमुख उपसचिव पवन कुमार भट्टले बताउनु भयो । आयेगमा हाल ५२७ वटा पुराना उजुरीहरु छन । गत आवमा आयोगले ७५ वटा उजूरीमा अनुसन्धान गरेको थियो । अनुसन्धान सम्पन्न गरी अन्तिम निर्णयकोलागि ३६ थान उजुरी फाइल केन्द्रीय कार्यालयमा पठाइएको भट्टले जानकारी दिए ।
यस बर्ष आयोगले मानव अधिकारको अवस्थाको सम्बन्धमा सिन्धुपाल्चोक, रसुवा, रामेछाप जिल्लामा र नेपाल सरकारको मानव अधिकार सम्बन्धी पाँचौ राष्ट्रिय कार्ययोजनाको अवस्थाको बारेमा रामेछाप, दोलखा, सिन्धुपाल्चोक, चितवन, मकवानपुर जिल्लामा तथा विश्वव्यापी आवधिक पुनरावलोकनबाट प्राप्त सिफारिस कार्यान्वयनको अवस्थाका सम्बन्धमा मकवानपुर, सिन्धुपाल्चोक र चितवन जिल्लामा अनुगमन कार्य सम्पन्न गरेको थियो । आयोगले दोलखा रामेछाप चितवन, धादिङ, रसुवा तथा मकवानपुर जिल्लामा प्रहरी हिरासत कक्ष र रसुवा कारागार कार्यालयको अनुगमन गरेको भट्टले बताउनु भयो ।
राष्ट्रिय मानव अधिकार आयोगको रणनीतिक योजना २०२१(२६ ले सरोकारवालासँग समन्वय र सहकार्यलाई महत्वपूर्ण स्थान दिएअनुरुप बागमती प्रदेश कार्यालयले पनि समय समयमा यस क्षेत्रका संघ सस्था, मानव अधिकारकर्मी, पत्रकार, नागरिक समाज, पेशागत संघ संगठन, संघ सस्था तथा तीनै तहका सरकारसँग मानव अधिकारको अवस्थाको बारेमा छलफल अन्तर्किया कार्यक्रम गरी मानव अधिकारको संरक्षण तथा संस्कृक्तिको विकासको लागि कार्य गर्दै आएको उहाँले बताउनु भयो ।
स्थानीय सरकारले मानव अधिकारमुखी विकास पद्धतीलाई केन्द्रविन्दुमा राख्नु पर्ने कुरामा जोडदिदै आयोगले सिन्धुली जिल्लाको ६ वटा स्थानीय तहमा मानव अधिकार सम्बन्धी अभिमुखीकरण कार्यक्रम सम्पन्न गरेको उहाँले बताउनु भयो ।
सवारी दुर्घटना, बाढी पहिरो जस्ता दैविप्रकोपबाट पनि वर्षेनी नागरिकले ज्यान गुमाउनु परेको छ । द्वन्द्वकालिन घटनाहरुको हालसम्म पनि सम्बोधन हुन सकेको छैन । लैगिंक तथा यौनिक अल्पसंख्यक, मनोसामाजिक अपाङ्गता भएका व्यक्ति गाउँ समाज र सरकारले हेर्ने दृष्टिकोणमा सकारात्मक परिवर्तनको खाँचो छ । उनीहरुको एकिन तथ्यांकको समेत अभाव छ । आप्रवासीको अधिकारको कुरा गर्दा बिदेश पठाईदिने निहुमा ठगिएका, विदेश गएर तलव नपाएका, स्वस्थ्य मान्छे बिमारी भएर रित्तो हात घर फर्कि आएका तमाम घटना यस प्रदेशमा छन । ‘उपभोक्ता अधिकारको अवस्था कहालि लाग्दो छ’ उहाँले भन्नुभयो । नागरिकले स्वच्छ तथा गुणस्तरीय वस्तुको उपभोग गर्न नपाएको उहाँले बताउनुभयो ।
यसैबिच आयोगले आर्थिक वर्ष २०८१र०८२ को प्रगति विवरण समेटीएको वार्षिक प्रतिवेदन बागमती प्रदेश प्रमुख दीपक प्रसाद देवकोटालाई बुझाएको छ । नेपालको संविधानको धारा २९४ को उपधारा ९१० बमोजिम संवैधानिक निकायले आफुले गरेको काम, कारबाहीको वार्षिक प्रतिवेदन राष्ट्रपति समक्ष पेश गर्ने र राष्ट्रपतिले प्रधानमन्त्री मार्फत त्यस्तो प्रतिवेदन संघीय संसद समक्ष प्रस्तुत गर्न लगाउने व्यवस्था रहेको छ । प्रदेश प्रमुख देवकोटाले आयोगको प्रतिवेदन ग्रहण गर्नुहुँदै माव अधिकारका हरेक सवालमा संवेदनशील हुनु पर्ने बताउनु भयो । आयोगलाई अफ्ठ्यारा भएका सवालमा सरकारलाई सुझाव पेश गर्नको लागि समेत प्रमुख देवकोटाले आग्रह गर्नु भयो ।
संविधान धारा २९४ को उपधारा ९३० मा संवैधानिक निकायले प्रत्येक प्रदेशको काम कारबाहीको सम्बन्धमा छुट्टाछुट्टै प्रतिवेदन तयार गरी प्रदेश प्रमुख समक्ष पेश गर्न व्यवस्था रहे बमोजिम प्रदेश प्रमुखलाई प्रतिवेदन बुझाइएको हे । राष्ट्रिय मानव अधिकार आयोग बागमती प्रदेश कार्यालयले विगत आ।व।२०७५र०७६ देखि हालसम्म निरन्तर आफ्नो प्रतिवेदन प्रदेश प्रमुखज्यू समक्ष पेश गर्दै आइरहेको र हरेक प्रतिवेदनमा समस्या औल्याएर पठाउने गरिएको भएता पनि उपलब्धि खासै नहुने गरेको आयोगले जनाएको छ ।
घर परिवार, गाउँ समाज, कार्यालय राजनीतिक दललगायत सबैतिर ईमान्दारिता र नैतिकताको अभाव हुँदा मानव अधिकार संस्कृक्तिको विकास हुन नसकेको प्रतिवेदनमा उल्लेख छ । स्वास्थ्य सेवा सबैका लागि पहुँच योग्य तथा सर्वशुलभ हुन सकेको छैन । समाजमा मनोसामाजिक अपाङ्गता भएका व्यक्तिको हेरचाह र उपचार सुनिशचित हुन नसकेको प्रतिवेदमा उल्लेख छ । अस्पतालको वातावरण समेत बिमारी तथा कुरुवा मैत्री नभएको प्रतिवेदनमा उल्लेख छ । यसैगरी उद्योग तथा कलकारखानाबाट निस्केको धुवा, धुलो तथा ध्वनीले वातावरण प्रदुषित भईरहेको छ भने रोकथामका उपायहरु अवलम्बन गरिएता पनि त्यो प्रयाप्त नभएको आयोगको ठहर छ ।
बागमती प्रदेशको सार्वजनिक स्थल, यातायातका साधन अपाङ्गमैत्री नहुन अपांगता भएका व्यक्तिको अधिकार समेत प्रत्यभुत भएको छन । ‘घर परिवार तथा विद्यालयमा बालबालिका माथि हिंसाका घटना भईरहेका छन, बालश्रम मुक्त वडा, वालश्रम मुक्त थानीय तह घोषणाले निरन्तरता पाए पनि बाल श्रम, विवाह गाउँ समाजमा कायमै छ’ भट्टले भने । यसैगरी बालबालिका यौनजन्य हिंसाका शिकार भईरहेको उहाँले बताउनु भयो । ‘जातीय छुवाछुत तथा विभेदका घटना ग्रामिण भेगमा मात्र हैन शहरी क्षेत्रमा पनि भईरहेका छन’ भट्टले भन्नुभयो ।
मकवानपुर । मकवानपुर प्रहरीले लागूऔषध खैरो हेरोइनसहित ७ जनालाई पक्राउ गरेको छ । शुक्रबार र शनिबार जिल्ला विभिन्न स्थानबाट उनीहरुलाई पक्राउ गरिएको जिल्ला प्रहरी कार्यालय मकवानपुरले जनाएकाे छ ।
उनीहरुको साथबाट प्रहरीले ६ ग्राम ९१० मिलिग्राम लागूऔषध खैरो हेरोइन बरामद गरेको प्रहरीले आइतबार सार्वजनिक गरेकाे हाे । लागूऔषधको कारोबार भइरहेको सूचनाको आधारमा जिल्ला प्रहरी कार्यालय र मातहतका प्रहरी कार्यालयबाट खटिएकाे प्रहरी टोलीले उनीहरुलाई पक्राउ गरेकाे हाे ।
प्रहरीले हेटौंडा–१ का २० वर्षीय सतिस लामा, हेटौंडा–५, सानोपोखराका २० वर्षीय सन्जिव लामा, भिमफेदी गाउँपालिका–२, कालिकाटार बस्ने १९ वर्षीया सन्ध्या पाख्रिन, मकवानपुरगढी गाउँपालिका–२, बाँसपानीकी १९ वर्षीया सन्ध्या घलानको साथबाट लागूऔषध खैरो हेरोइन २ ग्राम २१० मिलिग्राम बरामद गरेको जनाइएको छ । यसैगरी हेटौंडा–१५, रातोमाटेस्थित प्रहरी चेकपोष्टबाट ना ३७ प ६४४९ नम्बरको मोटरसाइकल चालक पर्सा जिल्लाको पोखरिया नगरपालिका–१, बनकटवाका २७ वर्षीय अकलेश महतो कुशहवाको साथबाट २ ग्राम ९१० मिलिग्राम खैरो हेरोइन बरामद गरेको छ ।
यस्तै सप्तरी जिल्लाको शम्भुनाथ नगरपालिका–६ घर भई हाल हेटौंडा–९, लामसुरे बस्ने ३६ वर्षीय शैलेन्द्र चौधरी र सप्तरी जिल्लाको राजगढ गाउँपालिका–२, बनैनिया घर भई हाल जिल्ला हेटौंडा–१० बस्ने ३६ वर्षीय अजय सिंहको साथबाट १ ग्राम २८० मिलिग्राम खैरो हेरोइन बरामद भएको जिल्ला प्रहरी कार्यालय मकवानपुरले जनाकारी दिएकाे छ । पक्राउ परेका सातै जनालाई लागूऔषधसम्बन्धी मुद्दामा अदालतबाट म्याद लिई कारवाही अगाडि बढाइएको प्रहरीले जनाएकाे छ ।