मकवानपुर । मकवानपुरगढी गाउँपालिकामा आगाेलागि हुँदा घर पूर्ण रुपमा क्षति भएकाे छ । गाउँपालिका वडा नं. ४ कालिखाेलाका काजिमान मोक्तानको घरमा कच्ची घरमा अचानक आगाेलागि भइ घर पूर्ण क्षती भएकाे प्रहरीले जनाएकाे छ ।
माेक्तानकाे जस्ताले छाएको,काठको फलेकले बारेको २ तले कच्चि घरमा असाेज २८ गते दिउँसाे साडे २ बजेकाे समयमा अचानक आगोलागि भई घर पुर्णरुपमा क्षति भएको प्रदेश प्रहरी कार्यालय बागमतीले जनाएकाे छ । आगाेलागिकाे खबर प्राप्त हुना प्रहरी टोलि घटनास्थमा पुगी घरमा लागेकाे आगो स्थानीयको सहयोगमा पूर्णरुपमा नियन्त्रण गरिएकाे प्रहरीले बताएकाे छ ।
घरमा काेही नभएकाे अवस्थामा केटाकेटीहरु खेल्नेक्रममा आगोलागि भएकाे हुनसक्ने प्रहरीले प्रारम्भिक अनुमान गरेकाे छ । आगोलागिबाट मानविय तथा पशुपंछीकाे क्षति नभएको बताइएकाे छ । तर घरमा रहेकाे काठ, अन्नपात, लत्ताकपडा तथा भाडाकुडा करिब ५ लाख बराबरकाे क्षति भएकाे बताएकाे छ ।
मकवानपुर । मकवानपुर प्रहरीले लागूऔषधसहित २ जनालाई पक्राउ गरेको छ । हेटाैडा उपमहानगरपालिका वडा नम्वर ४ गर्दाेइ बस्ने ३२ वर्षीय अनिल श्रेष्ठ र २५ वर्षीय अरमान अंसारीलाई लागूऔषध कोडिवेल १२ बोतलसहित पक्राउ गरिएकाे हाे । पूर्व–पश्चिम राजमार्ग अन्तर्गत हेटौंडा १५ बाट श्रेष्ठ र अंसारी पक्राउ परेकाे जिल्ला प्रहरी कार्यालय मकवानपुरले जनाएकाे छ ।
बिहीबार साँझ २०:१५ बजेको समयमा बिरगंजबाट हेटौंडातर्फ आउँदै गरेको ना ५७ प ३४९ नम्वरको मोटरसाइकल चेकजाँच गर्दा मोटरसाइकलको फिल्टर राख्ने स्थानमा लुकाई छिपाई ल्याएको उक्त परिमाणको लागूऔषध बरामद भएपछि निजहरुलाई पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए । लागूऔषध सहित पक्राउ परेका श्रेष्ठ र अंसारी माथि थप अनुसन्धान भइरहेकाे प्रहरीले जनाएकाे छ ।
यसैगरी, हेटौंडामा यात्रुहरुबाट तोकिएको भन्दा बढी भाडा लिने ५ जनालाई प्रहरीले पक्राउ गरेको छ । शुक्रबार हेटौंडा उपमहानगरपालिका वडा नम्वर २ पुरानो मकवानपुर रोडबाट काठमाडौं जाने यात्रुहरुसँग तोकिएको दर भन्दा बढी भाडा लिईरहेको अवस्थामा ५ जनालाई पक्राउ गरेको मकवानपुरका प्रहरीले जनाएकाे छ ।
पक्राउ पर्नेहरुमा बारागढी गाउँपालिका–१ बस्ने २२ वर्षीय अनिल साह कलवार, हेटौडा–२ मानसचोक बस्ने २२ वर्षीय रोहित थापा, हेटौंडा–४ कमलडाँडा बस्ने २० वर्षीय निकेश लामा, हेटौंडा–१० भुटनदेवी बस्ने १८ वर्षीय निशान श्रेष्ठ र सोही वडा बस्ने ३५ वर्षीय आकाश लामा रहेका छन् ।
पक्राउ परेका उनीहरुमाथि आवश्यक अनुसन्धानका साथै कानूनी प्रकृया अगाडि बढाइएको प्रहरीले जानकारी दिएकाे छ ।
मकवानपुर । मकवानपुर प्रहरीले जिल्लाको मनहरी गाउँपालिकाबाट लागूऔषध गाँजा सहित ३ जना पक्राउ परेको छ । मनहरी गाउँपालिका वडा नम्बर ८ सिम्पानीबाट साढे १२ किलो गाँजा सहित उनीहरु पक्राउ परेका हुन ।
पक्राउ पर्नेमा भारत मोतिहारी बस्ने ३५ वर्षीय रमेस माझी, भारत मोतिहारीकै ५५ वर्षीय हरिन्द्र माझी र भारत मोतिहारीकै ४० वर्षीय दिलिप माझी रहेको जिल्ला प्रहरी कार्यालय मकवानपुरले जनाएको छ ।
मकवानपुरको राक्सिराङ–देवकोट सडकखण्ड अन्तर्गत राक्सिराङबाट मनहरीतर्फ आउँदै गरेको बागमती प्रदेश ०३–००१च १३१८ नम्बरको बलेरो चेकजाँच गर्दा लागुऔषध गाँजा बरामद उनीहरुलाई पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले बताए ।
प्लाष्टिकको झोलामा प्याक गरि शरिरमा लुकाईछिपाई ल्याएको अवस्थमा साँढे १२ किलो परिमाणमा गाँजा बरामद गरिएको कार्कीले जानकारी दिए । बारामद गरिएको गाँजासहित तीनै जनालाई नियन्त्रणमा लिएर कारवाही प्रक्रिया अगाडि बढाईएको प्रहरीले बताएको छ ।
मकवानपुर । मकवानपुरमा १ हजार ६ सय ९९ जना म्यादी प्रहरी छनौट गरिएकाे छ । आगामी मंसिर ४ गते हुने प्रदेशसभा तथा प्रतिनिधिसभा सदस्य निर्वाचनका लागि जिल्ला प्रहरी कार्यालय मकवानपुरले छनौट भएका उक्त संख्यामा म्यादी प्रहरीको नाम सार्वजनिक गरेको छ ।
कार्यालयले पूर्व सुरक्षाकर्मी र पूर्व म्यादी प्रहरीतर्फ ८ सय ५ जना र खुलातर्फ ८ सय ९४ जना गरी १ हजार ६ सय ९९ जनालाई म्यादी प्रहरीकाे लागि छनौट गरेको हो । छनौट भएका म्यादी प्रहरीका लागि सफल उम्मेदवारहरुलाई बुधबारबाटै नियुक्तीपत्र प्रदान गरिएकाे जिल्ला प्रहरी कार्यालयले जनाएकाे छ । उनीहरुकाे लागि ३० गते आइतबाबाट १० दिनको तालिम दिइने बताइएकाे छ ।
परीक्षामा सहभागी उम्मेदवार मध्ये योग्यताक्रम अनुसार सफल र वैकल्पिक उम्मेदवारको नाम सार्वजनिक गरिएको छ । ३ सय ३५ जनालाई वैकल्पिक उम्मेदवारका रुपमा छनौट गरिको पनि जिल्ला प्रहरी कार्यालय मकवानपुरले जानकारी दिएको छ ।
मकवानपुर । मकवानपुरको भिमफेदी गाउंपालिका-६ मा भिरबाट खसेर १ जनाको मृत्यु भएको छ । भिमफेदी ६ जुरेथुम स्थित सुरुङखोलामा नजिकै घास काट्न जादा सोहि स्थान बस्ने ३१ बर्षिया समिता रानामगरको भिरबाट लडेर मृत्यु भएको अबस्थामा भेटिएको ईलाका प्रहरी कार्यालय भिमफेदीले जनाएको छ । बर्षापछी चिप्लो भएको माटोमा चिप्लेर लडेको हुनसक्ने प्रहरीले जनाएको छ ।