जिल्ला लिगमा गोरखा ब्वाइज र पदमपोखरी विजयी
Tags: No Comments
मकवानपुर । मकवानपुरकाे हेटौडामा जारी जिल्ला लिग फुटबल प्रतियाेगिता अन्तरगत बिहीबार ४ खेल भएका छन् । प्रतियोगिताबाट गोरखा ब्वाइज र पदमपोखरीले जीत हात पारेकाे छ ।
यसैगरी बिहीबार हटिया स्पोर्ट्स र ७ न वडा तथा एफसी नामटार र सानोपोखराले बराबरी खेले । गोर्खा ब्वाइजले महाबीर क्लवलाई बिहीबार ११–० गोल अन्तरले पराजीत गर्यो । गोर्खा ब्वाइजको लागि मनोज घलानले ८, सुरज लामा २ र प्रताप थोकरले एक गोल गरेका हुन् । खेलको म्यान अफ द म्याच गोर्खा ब्वाइजका मनोज घलान घोषित भए ।
अर्को खेलमा पदमपोखरी क्लवले न्यू कम्बाइन क्लवलाई १–० ले हरायो । पदमपोखरीका लागि दिवश गोलेले गरेको गोल नै निर्णायक बन्यो । खेलको म्यान अफ द म्याच पदमपोखरीका गोलरक्षक रोजक थिङ भए । बिहीबारै भएको अर्को खेलमा हटिया स्पोर्टस् एकेडेमी र ७ नम्बर फुटबल टिमले एक/एक गोलको बराबरी खेले । हटियाकाे लागि विवेक माझी र ७ नम्बरकाे लागि सुरेश राईले गोल गरे । खेलको म्यान अफ द म्याच ७ नम्बरका कुशल अधिकारी घोषित भए ।
अर्को खेलमा एफसी नामटार र सानोपोखरा क्लवले २/२ को बराबरी खेल्ला अंक बाडेका छन् । नामटारबाट साजन जिम्बा र सुदिप तामाङले गोल गर्दा सानोपोखराका सुमन राई र कमल मोक्तानले गोल गरे । खेलको म्यान अफ द म्याच सानोपोखराका कमल मोक्तान भए ।
जारी प्रतियोगितामा शुक्रबार ४ खेल खेलाइने छ । १४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् ।
अध्यक्ष कालाखेतीले बनाइदिए एकल महिलाकाे लागि घर
Tags: No Comments
मकवानपुर । मकवानपुरको मनहरी गाउँपालिकाका अध्यक्ष रञ्जन कालाखेतीले आफूले पाउने सेवा सुविधाकाे रकमले मनहरी गाउँपािलकाका एक जना एकल महिलाकाे लागि घर बनाइ दिएका छन् । मनहरी ५ बसन्तपुरकी एकल महिला सोनी राईलाई एककोठे घर निर्माण गरेर उनले मंगलबार हस्तान्तरण गरे।
गत स्थानीय तह निर्वाचनका बेला कालाखेतीले घोषणा गरेका थिए निर्वाचित भएपछि सुविधाकाे रुपमा पाइने राज्यको रकम आफूले नलिएर जनताको सेवामा खर्च गर्ने। सोही अनुसार गाउँपालिका अध्यक्ष कालाखेतीले सुविधा वापत प्राप्त गर्दै आएकाे रकम सामाजिक सेवामा खर्च गर्ने गरेका छन्।
साेही अनुसार उनले मनहरी ५ बसन्तपुरमा लामो समयदेखि आवासविहीन रहँदै आएकी राईलाई पक्की घर बनाएर हस्तान्तरण गरिएको हो। सेवा सुविधा जम्मा गर्नका लागि कालाखेतीले व्यक्तिगत बैंक खाता प्रयोग नगरी अध्यक्ष सामाजिक सुरक्षा कोष खडा गरेका छन्। सोही कोषबाट उनले आफ्नो सेवा सुविधा वापतकाे रकमले मनहरीकै एकल महिला राईलाई घर बनाइदिएर हस्तान्तरण गरेका हुन्।
८ वर्ष अघि सोनीका श्रीमान काठ काट्न जाँदा लडेर मृत्यु भएकाे थियाे । उनी लामो समयदेखि बसन्तपुरमा सानो छाप्रोमा जीवनयापन गर्दै आएकी थिइन्। घामपानी समेत नछेक्ने छाप्रोमा बस्दै आएकी उनलाई अध्यक्ष कालाखेतीले घर बनाइदिए पछि दंग छिन् । ‘ज्याला मजदुरी गरेर जसोतसो जीवन धान्दै आएकी सोनी बस्दै आएकाे छाप्रोमा पानी चुहिन्थ्यो। हावाहुरीले समस्या पार्थ्यो। तपाईंहरू सबैको सहयोगले घर बन्यो एकदमै खुसी छु,’ सोनीले भनिन्।
सोनुलाई ओत लाग्ने घर नभएको र आफैँ बनाउन सक्ने अवस्था नभएको भन्दै उनका छिमेकीहरूले अध्यक्ष कालाखेतीलाई जानकारी गराएका थिए। उक्त पक्की घर २ लाख १५ हजार रुपैयाँ खर्चिएर बनाइएको हाे । सोनीको परिवारमा उनीबाहेक कोही छैनन् । गाउँपालिका अध्यक्ष कालाखेतीले एकल महिला बर्खामा चुहिने छाप्रोमै दिन काटिरहेको खबर पाएपछि सेवा सुविधाकाे रकमले नै घर बनाइदिने निर्णय गरेको बताउँछन्। ‘स्थिती निकै दयनिय देखेपछि स्थानीयहरुले जानकारी गराए। म उहाँको घरमै गएर हेरेँ। स्थिती निकै दयनिय देखेपछि आफ्नाे सेवा सुविधाकाे रकम जम्मा हुने कोषको रकमले उहाँलाई एककोठे पक्की घर बनादिएकाे हुँ’ उनले भने ।
निर्वाचित भएपछि उनले सेवा सुविधा वापतको रकम विपन्न परिवारका लागि उपचारमा सहयोग, विभिन्न चाडपर्वमा रासन सामग्री हस्तान्तरण लगायतका सामाजिक कार्यमा सहयोग गर्दै आएका छन्।
मकवानपुर । मकवानपुरकाे हेटौडामा जारी जिल्ला लिग फुटबल प्रतियोगिता अन्तर्गत बिहीबारकाे खेलमा परेली युवा क्लब, ईन्टरनेट सिटि, राप्तीरिभर युवा क्लव, पिप्ले युवा क्लव विजयी भएकाे छ ।
बिहीबार हेटौडा ११ सिमलटार खेल मैदानमा एफसी इन्टरनेटलाई २–० ले हराउँदै परेली समूह क को शीर्षस्थानमा उक्लिएको छ । हेटौंडा १९ बस्तीपुरको परेलीले ५ खेलबाट ११ अंक जोड्दै शीर्षस्थानमा उक्लिएको हो । लिगमा परेलीले ५ खेल खेल्दा अपराजिता यात्रामा रहेको छ । परेलीले ५ मध्ये ३ जित र २ खेल बराबरी खेलेको हो ।
परेलीका लागि कप्तान राम लामा र होमराज स्याङ्तानले गोल गरेका हुन् । खेलको म्यान अफ द म्याच परेलीका होमराज स्याङ्तान घोषित भए । यसैगरी बिहीबारकाे खेलमा पिप्लेले महाबीर क्लवलाई ७–० ले गाेल अन्तरले हराएको हो । पिप्लेका लागि निरब घलानले ४ तथा सुसन वाइबा र आर्यन थापा मगरले समान एक/एक गोल गरेका हुन् । एक गोल भने उपहार स्वरुप पाएको थियो । यो खेलसंगै पिप्ले युवा क्लबले लिगको सुरुवाती जित निकालेको हो । ४ गोल गरेका घलान नै खेलको म्यान अफ द म्याच घोषित भए ।
हेटौडा ६ स्थित गौरिटार रंगशालामा भएको खेलमा आरआरवाइसीले विजय यूथ क्लवलाई १–० ले हराउदा सन्देश राईले गरेको गोल नै निर्णायक बन्यो । राई खेलको म्यान अफ द म्याच घोषित भए । बिहीबारै भएको खेलमा इन्टरनेट सिटीले हेटौंडा फुटबल एकेडेमीलाई ४–२ काे गोलले पराजीत गरेकाे छ ।
जारी प्रतियोगितामा शुक्रबार पनि ४ वटा खेल सञ्चालन हुनेछ । गौरीटार रंगशालामा पहिलाे खेल न्यु डाँफे र रियल स्टार क्लब बिच हुनेछ भने एफसी मल्टिभिजन र एफसी नामटार बिच दाेस्राे खेल हुनेछ । यस्तै सिमलटार खेल मैदानमा सानाेपाोखरा क्लब र ७ नम्बर फुटबल क्लब बिच पहिलाे खेल र हटिया स्पाेर्टस् र पदमपाेखरी बिच खेल हुने आयोजकले जनाएकाे छ ।
आयोजकका अनुसार प्रत्येक समूहबाट उत्कृष्ट तीन क्लवले ए डिभिजनस्तरको मान्यता प्राप्त गर्नेछन् भने समूहको पहिलो र दोस्रो हुने क्लवले मात्र नकाउट चरणका खेल खेल्नछन् ।
१४ भदौबाट सुरु लिगको प्रतियोगिताको फाइनल खेल ९ असोजमा हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन भइरहेकाे छ ।
यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्पोटर्स एकेडेमीले उपविजेतामा चित्त बुझाएकाे थियो।
मकवानपुर । मकवानपुरकाे हेटौडामा जारी जिल्ला लिग फुटबल प्रतियोगिता अन्तर्गत सोमबार ४ खेल खेलाइएकाे छ । मकवानपुर जिल्ला फुटबल संघकाे आयोजनामा भएकाे खेलमा गोर्खा ब्वाइज, एफसी इन्टरनेट र रियलस्टार क्लव विजयी भएका हुन् ।
साेमबारकाे खेलमा एक खेल बराबरीमा सकिएकाे छ । गोर्खा ब्वाइजले हेटौंडा फुटबल एकेडेमीलाई ६–० ले हराएको हो । यसैगरी रियलस्टार क्लब इन्टरनेट सिटीलाई ३–० ले हराउँदै विजयी हुँदा अर्को खेलमा एफसी इन्टरनेटले हेटौंडा भेट्रान्सलाई १–० ले हरायो । सोमबार भएकाे परेली युवा क्लव र आरआर एफसी बीचको खेल एक/एक गोलको बराबरीमा सकिएकाे हाे ।
आरआर एफसीले नियम विपरितका खेलाडी खेलाएको भन्दै परेलीले उजुरी गरेकाे छ । परेलीले टिम दर्ता गर्दा पेस गरेको भन्दा अर्कै खेलाडी खेलाएकाे, फोटो र नाम अर्कै भएकाे तर मैदानमा अर्कै खेलाडी खेलाएकाेलगायतकाे विषयमा उजुरी गरिएकाे बताइएकाे छ ।
उजुरीका विषयमा आवश्यक छानविन भइरहेकाे आयोजकले जानकारी दिएको छ । उजुरीका विषयमा आयोजकले २४ घण्टा भित्र निर्णय लिनु पर्ने व्यवस्था रहेकाे छ ।
मकवानपुर । मकवानपुरकाे हेटौंडामा जारी जिल्ला लिग फुटबल प्रतियोगिताअन्तर्गत आइतबार ४ खेल भए । मकवानपुर फुटबल संघकाे आयोजनामा भएकाे लिग अन्तरगत आइतबारकाे खेलमा हाँडीखोला र एफसी पोताला विजयी भएका छन् ।
युनाइनेट नाइन र सहिद स्मृतिबीचको खेल एक/एक गोलको बराबरी भ्एकाे छ । पशुपति युवा क्लब र प्रगतिशील युवा क्लबबीचको खेल ३–२ गोल अन्तरमा स्थगित भएको छ । खेल सञ्चालनको क्रममा रात परेका कारण खेल स्थगित भएको हो । हेटौंडा–६ स्थित गौरीटार रंगशालामा भएको खेलमा प्रतिभा युवा क्लबलाई हाँडीखोलाले १–० गोल अन्तरले पराजित गरेको हो ।
हेटौडा ११ स्थित सिमलटार मैदानमा भएको खेलमा सक्षम युवा क्लबलाई एफसी पोतालाले ५–१ गोल अन्तरले पराजित गरेको छ । गौरीटार रंगशालामा भएको युनाइनेट र सहिद स्मृतिबीचको खेल एक/एक गोलको बराबरीमा रोकिएको हाे । सिमलटारमा भएको पशुपति र प्रगतिशील बीचको खेल ३–२ गोल पछि रात परेका कारण स्थगित भएको छ ।
प्रतियाेगिता अन्तरगत सोमबार ४ खेल हुने आयोजकले जनाएकाे छ । गौरिटारमा रंगशालामा दिउँसो १ बजे आरआरएफसी र परेली युवा क्लब बीच खेल हुनेछ भने दिउँसो ४ बजे रियल स्टार र एफसी इन्टरनेट बीच प्रतिस्पर्धा हुने छ । यसैगरी सिमलटार मैदानमा दिउँसो १ बजे एफसी इन्टरनेट र हेटौंडा भेट्रान्स बीच खेल हुने आयोजकले जनाएकाे छ । यसैगरी दिउँसो ४ बजे हेटौंडा फुटबल एकेडेमी र गोरखा ब्वाइज बीच खेल हुनेछ ।
१४ भदौबाट सुरु लिगको प्रतियोगिताको फाइनल खेल असोज ९ गते हुनेछ । लिग विजेताले नगद १ लाख रुपैयाँ प्राप्त गर्ने छन् भने प्रदेशस्तरीय लिगमा सहभागिता जनाउने छन् । उपविजेता टिमले ५० हजार रुपैयाँ र विधागत उत्कृष्ट खेलाडीहरुले नगद पुरस्कार प्राप्त गर्नेछन् । जिल्लामा रहेका २८ वटा क्लवलाई वर्गीकरण गर्ने गरी जिल्ला लिग सुरु गरिएको हो । फुटबल संघमा आबद्ध रही अघिल्लो पटकको लिग खेलेका २८ क्लवलाई ४ समूहमा विभाजन गरि प्रतियाेगिता संचालन भइरहेकाे छ ।
यसअघि भएको जिल्ला लिगको उपाधि न्यु डाँफे युथ क्लबले जितको थियो भने हटिया स्पोटर्स एकेडेमीले उपविजेतामा चित्त बुझाएकाे थियो।