मकवानपुर । नेकपा (एमाले) मनहरी गाउँपालिका कमिटीले ३ महिने कार्ययोजना बनाएको छ ।
शुक्रबार मनहरी गाउँपालिका २, भुन्द्रुङटाँडीमा भएको पूर्ण बैठकले नेता तथा कार्यकर्तालाई पार्टी उपमहासचिव प्रदिप ज्ञावालीद्वारा प्रशिक्षण गर्ने निर्णय गरेको छ । यस्तै मातहतको वडा कमिटी एवम् जनसंगठनको बैठक नियमित गर्ने पनि निर्णय गरेको छ ।
यसैगरी जनसरोकारका बिषयहरुमा दरिलो ढंगले उपस्थिति जनाउने लगायतका निर्णय बैठकले गरेको छ । मनहरी कमिटिको प्रशिक्षण माघ १३ गते मनहरी ३ भुन्द्रुङमा आयोजना गर्ने एमाले मनहरी अध्यक्ष नवीन सुवेदिले बताए ।
बैठकमा प्रमुख अतिथि रहेका पार्टी पोलिटब्युरो सदस्य एवम मकवानपुर इन्चार्ज देवी प्रसाद ज्ञवालीले एमाले पार्टीले बनाएको कार्ययोजनामा रहेर पार्टी निर्माणमा लाग्न एमाले मनहरीका नेता/कार्यकर्ताहरुलाई निर्देशन दिए । यस्तै नेकपा (एमाले) संसदीय दलका सचेतक महेश वर्तौलाले आफू संसदमा मध्यवर्ती क्षेत्रका समस्या समाधानका लागि निकुञ्ज ऐनमा बसेर काम गरिरहेको बताए ।
बैठकमा एमाले प्रदेश कमिटी सदस्य एवम् मनहरी गाउँपालिकाका पुर्व अध्यक्ष एकाराज उप्रेती, पार्टी मकवानपुर जिल्ला कमिटी सदस्यहरु हेमलाल उप्रेतीलगायतका नेताहरुको उपस्थिति रहेको थियो ।
मकवानपुर । बागमती प्रदेश सरकारले आफ्नो एकवर्षे कार्य प्रगति बुधबार पत्रकारसम्मेलन गरी सार्वजनिक गरेको छ । गत २५ पुस २०७९ मा कार्यभार सुरु गरेको प्रदेश सरकारले एक वर्ष पुगेको उपलक्षमा प्रगती विवरण सार्वजनिक गरेको हो ।
मुख्यमन्त्री शालिकराम जम्कट्टेल नेतृत्वको सरकारले गरेको कामको प्रगति सार्वजनिक गरिरहँदा अघिल्लो कार्यकालयमा भएका कार्यलाई पनि प्रगतिकै रुपमा राखिएकाे देखिएकाे छ। कतिपय भौतिक प्रगति निराशाजनक भएको अवस्था देखिएका कामलाईसमेत प्रगति रिपोर्टमा समेटिएका छन् । तामझामका साथ आयोजिक प्रगति सार्वजनिक कार्यक्रममा प्रदेशका मुख्य सचिब घनश्याम उपाध्ययले सरकारको काम राम्रो रहेको प्रशांसा गरे । तर उपाध्याय मञ्चमा बोलिरहदाँ कर्मचारी वृत्तबाटै निराशाको लय गाइगुइ हलमै सुनिन्थ्यो ।
प्रदेश सरकारले एक वर्ष बिताउँदा जम्मा २४ पटक मात्रै मन्त्रिपरिषद् बैठक बसेकाे छ । जुन प्रायःजसो विवदीत नै बन्यो । यो बिचमा १ सय ३८ वटा निर्णय भएको मुख्य सचिव उपाध्यायले बताए । यो बिचमा प्रदेश सरकारले प्रदेश सभामा पेश गरेको ७ वटा ऐन जारी भएको छ भने ५ वटा नियमावली राजपत्रमा प्रकाशित भएको छ । प्रदेश सरकारको कार्य सरलीकरण तथा प्रभावकारी बनाउन निर्देशिका, कार्यविधि र मापदण्ड स्वीकृत भएको उपाध्यायले बताए ।
कुन कुन नीति, ऐन नियमावलीहरू जारी भए
यस अवधिमा प्रदेश श्रम तथा रोजगार नीति, २०८०, प्रदेश बालबालिकासम्बन्धी नीति, २०८०, मानव बेचबिखन ओसारपसार विरूद्धका संरक्षण नीति, २०८०, प्रदेश निजामति सेवा ऐन, २०७९, स्थानीय सेवा (गठन तथा सञ्चालन) ऐन, २०७९, प्रदेश सरकारी कामकाजको भाषा ऐन, २०८०, मदन भण्डारी स्वास्थ्य विज्ञान प्रतिष्ठान ऐन, २०७६ (संशोधन), सालबसाली विनियोजन तथा आर्थिक ऐनहरू, प्रदेश सञ्चार माध्यम व्यवस्थापन ऐन, २०७५ (संशोधन), प्रदेश मन्त्रालयहरूको कार्य विभाजनको परिमार्जनसहित प्रदेश सरकारको कार्य विभाजन नियमावली, २०८०, प्रदेश उच्च शिक्षा नियमावली, २०७९, प्रदेश प्राविधिक तथा व्यावसायिक शिक्षा एवम् तालिम परिषद् नियमावली, २०८० जारी भएका छन् ।
यसैगरी अन्य नीतिगत सुधारका कार्य पनि भएको मुख्यमन्त्री जमकट्टेलले जानकारी गराए । जसमा प्रदेश नीति तथा योजना आयोगद्वारा विषयगत विज्ञलगायत सरोकारवालासँग परामर्श गरी बागमती प्रदेशको दोस्रो आवधिक योजनाको अवधारणा पत्र तर्जुमा भएको, प्रदेश नीति तथा योजना आयोगद्वारा बागमती प्रदेशमा विश्वविद्यालय स्थापना अध्ययन प्रतिवेदन र कृषि क्षेत्रको नीतिगत, कानूनी र अवस्थासहितको विस्तृत प्रतिवेदन तयार भएको, बागमती प्रदेशको दिगो विकास लक्ष्यसम्बन्धी प्रदेशगत सार्वजनिक खर्चको खोजीनीति सर्वेक्षण, २०७९ तयार भएको छ ।
बागमती प्रदेशको विपद् पूर्वतयारी तथा प्रतिकार्य योजना, २०८० तयार पारिएको छ । कृषि, पशुपन्छी तथा मत्स्यको रूपान्तरणका लागि ४४ बुँदे प्रतिबद्धता सार्वजनिक गरिएको छ। कृषि विकासको सोचसहितको अध्ययन प्रतिवेदनले सिफारिस गरेका नीतिगत विषयहरू कार्यान्वयनका लागि कृषि तथा पशुपन्छी विकास कार्ययोजना तयार गरिएको जमकट्टेलले बताए ।
यस अवधिमा केही निर्देशिका, कार्यविधि, र मापदण्डहरू पनि स्वीस्कृत भएका छन् । सवारी चालक अनुमति पत्र परीक्षा सञ्चालन कार्यविधि, २०७७ (संशोधन) गरिएको छ । प्रदेशस्तरीय संयुक्त बजार व्यवस्थापन अनुगमन निर्देशिका, २०८० (संशोधन), सडक मर्मत सम्भार निर्देशिका, २०८०, मेला, महोत्सव, प्रदर्शनी सञ्चालन तथा व्यवस्थापन कार्यविधि, २०८०, प्रदेश गोदामघर व्यवस्थापन कार्यविधि, २०७९, सीपमूलक तालिम कार्यक्रम सञ्चालन कार्यविधि, २०७९, खरको छानामुक्त बागमती प्रदेश कार्यक्रम संचालन कार्यविधि, २०८० जारी गरिएको छ ।
यसैगरी चेपाङ, बनकरिया, माझी, बोटे एकीकृत बस्ती तथा आवास कार्यक्रम चितवन र धादिङ जिल्लालाई लक्ष्यित गरी कार्यविधि, २०८० बनाइएको छ । ज्यान जोखिममा परेका गर्भवती तथा सुत्केरी महिलाहरूका लागि निःशूल्क हवाई उद्धारसम्बन्धी कार्यविधि, २०८०, पर्यटन पूर्वाधार सञ्चालन तथा व्यवस्थापन कार्यविधि, २०८०, बागमती प्रदेश आयोजनाको बहुबर्षीय ठेक्कासम्बन्धी मापदण्ड, २०८०, हेभी इक्युपमेन्ट (निर्माण उपकरण) चालक अनुमतिपत्र जारी गर्नकालागि लिइने प्रयोगात्मक परीक्षा तथा अन्तरवार्ता परीक्षासम्बन्धी मापदण्ड, २०७९, प्रदेश विपद् कोष परिचालन कार्यविधि, २०८० ल्याइएको छ ।
प्रदेश सरकारले जनचेतनामूलक प्रचार सामग्री निर्माण, प्रसारण तथा वितरण कार्यविधि, २०८०, द्वन्द्वपीडितका लागि सवलीकरण कार्यक्रम कार्यान्वयन कार्यविधि, २०८०, यूवा सचेतना कार्यक्रम कार्यविधि, २०८० मौलिक चलचित्र निर्माण तथा प्रवर्द्धनमा सहयोग कार्यक्रम सञ्चालनसम्बन्धी कार्यविधि, २०८०, एक वडा एक कृषि, पशुपन्छी तथा मत्स्यजन्य उत्पादन कार्यक्रम कार्यान्वयन कार्यविधि, २०८० दुर्गम क्षेत्र विशेषज्ञ चिकित्सक प्रोत्साहन तथा विस्तारित अस्पताल सेवा सञ्चालनसम्बन्धी कार्यविधि, २०८० ल्याएको छ ।
वित्ततर्फको प्रगती
प्रदेश सरकारले गत एक वर्षमा वित्त तर्फ आर्थिक वर्ष २०७९/८० मा स्थानीय तहलाई कूल ४ अर्ब ६३ करोड रूपैयाँ बित्तीय हस्तान्तरण निकासा गरेको छ । २०८० साउनदेखि २०८० मसिरसम्म बाँडफाँटबाट प्राप्त हने राजस्व तर्फ ६ अर्थ ६० करोड, संघीय सरकारबाट प्राप्त अनुदानतर्फ ७ अर्ब ५६ करोड, प्रदेशको आफ्नो स्रोतबाट १ अर्ब ३७ करोड तथा बेरुजु र नगद मौज्दात गरी ६५ करोड ३३ लाख राजस्व संकलन भएको मुख्यमन्त्री जमकट्टेलले बताए ।
प्रदेश सरकारले बागमती सभ्यता शूल्क र नारायणी सभ्यता शूल्क खारेज गरेको छ । साथै केबुलकार, आकाशे सिसाको पुल र भ्युटावरमा मनोरञ्जन कर लाग्ने व्यवस्था गरिएको छ । सामुदायिक वन उपभोक्ता समितिले समिति बाहिर काठ तथा काठजन्य सामग्रीको बिक्रीबाट संकलन गर्ने राजस्वको बीस प्रतिशत प्रदेश सञ्चित कोषमा जम्मा गर्नुपर्ने व्यवस्था गरिएको छ ।
के भए पूर्वाधार तर्फ ?
बागमती प्रदेश सरकारले गत एक वर्षको अवधिमा २७२ किलोमिटरको पक्की तथा १५९ किलोमिटर ग्रावेलस्तरको सडक निर्माण तथा स्तरोन्नति गरेको दाबि गरेको छ । यसैगरी २६ वटा सडक पुल तथा ६ वटा झोलुंगे पुल निर्माण सम्पन्न भएको बताइएको छ ।
यसैगरी पर्यटकीय तथा ऐतिहासिक महत्व रहेको दक्षिण एसियाको पहिलो सुरूङ मार्गको रूपमा परिचित मकवानपुरको चुरियामाई सुरुङमार्ग मर्मत कार्य सम्पन्न भएको प्रदेश सरकारले जनाएको छ । यसैगरी २ वटा सरकारी, १७६ वटा सामुदायिक तथा अन्य भवन निर्माण, ६ वटा पार्क निर्माण सम्पन्न भएको छ । जनता आवास कार्यक्रमअन्तर्गत २५५ वटा व्यक्तिगत आवास निर्माण सम्पन्न भएको छ ।
३६४ किमि सडकको नियमित तथा ३७० किमि सडकको आवधिक तथा पटके मर्मत सम्भार भएको छ । बागमती प्रदेश सरकारको प्रशासनिक भवन निर्माणका लागि वातावरणीय अध्ययनको प्रक्रिया अघि बढेको छ ।
हेर्नुहाेस भिडियाे
मकवानपुर । राष्ट्रिय सभाको निर्वाचनको लागि बागमती प्रदेशमा रिक्त रहेको ४ पदको लागि १५ जनाको उम्मेदवारी दर्ता भएको छ ।
जसमा दलितबाट १ पदको लागि ३ जनाको उम्मेदवारी परेको छ भने, महिला, अपाङ्ग र अन्य कोटाबाट १/१ पदका लागि ४/४ जनाको उम्मेदवारी परेको छ । राप्रपाले दलित कोटामा उम्मेदवार बनाएन ।
सत्तागठबन्धन दल (नेपाली काँग्रेस, एकीकृत समाजवादी र नेकपा माओवादी), नेकपा एमाले, राप्रपा र नेपाल मजदुर किसान पार्टीको तर्फबाट उम्मेदवारी दर्ता गराइएको हो ।
एमालेबाट रोजकुमारी चौलागाई (दोलखा जिल्ला महिला कोटा) विवेक देवकोटा (काठमाडौ जिल्ला अपाङ्ग कोटा) ध्रुब विश्कर्मा (धादिङ जिल्ला दलित कोटा) त्रिलोचन निर्मल पौडेल (चितवन जिल्ला अन्य कोटा) को मनोनयन दर्ता भएको छ ।
सत्ता गठबन्धनको तर्फबाट नेपाली कांग्रेस विष्णुदेबी पुडासैनी (काठमाडौ जिल्ला,महिला कोटा) नेपाली कांग्रेसबाट जितजंग बस्नेत (ललितपुर जिल्ला, अन्य कोटा) माओवादीकेन्द्रबाट श्रीकृष्ण प्रसाद अधिकारी (नुवाकोट जिल्ला) नेकपा एसबाट घनश्याम रिजाल (दोलखा जिल्ला, दलित कोटा) ले मनोनयन दर्ता गराएका छन् ।
यसैगरी नेपाल मजदुर किसान पार्टीले पनि ४ जनाको उम्मेदवारी दर्ता गराएको छ । जसमा हिमालयश्वर लाल मुल (भक्तपुर जिल्ला, अपाङ्ग कोटा) श्रीकृष्ण महर्जन (काठमाडौ जिल्ला, अन्यकोटा) संगिता नेपाली (भक्तपुर जिल्ला दलित कोटा) कृष्ण लक्ष्मी दुवाल (भक्तपुर जिल्ला महिला कोटा) ले मनिनयन दर्ता गरेको मकवानपुरका जिल्ला न्यायाधीश तथा राष्ट्रिय सभा निर्वाचन अधिकृत श्रीप्रसाद संजेलले बताए ।
यसैगरी राप्रपा नेपालबाट हेमजंग गुरुङ (लमजुङ जिल्ला, अन्य कोटा), बालकुमारी डल्लाकोटी (मकवानपुर जिल्ला महिला कोटा), भरतमणी भट्ट (चितवन जिल्ला, अपाङ्ग कोटा) को उम्मेदवार रहेको निर्वाचन कार्यालयले जनाएको छ ।
प्रदेश निर्वाचन कार्यालय बागमती प्रदेश, हेटौंडाका निमित्त निर्वाचन अधिकारी तारा प्रसाद आचार्यका अनुसार बागमती प्रदेशमा ३ सय ३७ जना मतदाता रहेका छन् । हेटौंडामा राष्ट्रिय सभा सदस्य निर्वाचनका लागि हेटौंडा ४ स्थित भुटनदेवी माध्यमिक विद्यालयको प्राविधिक शिक्षालयको भवनमा मतदान केन्द्र तय गरिएको छ ।
मकवानपुर । राष्ट्रिय सभाको निर्वाचनको लागि बागमती प्रदेशमा उम्मेदारी दर्ता सुरु भएको छ । निर्वाचन कार्यालयले दिएको समय अनुसार २ वटा दलले उम्मेदारी दर्ता गराएको छ ।
एमालेबाट महिलाबाट राेजकुमारी चाैलागाई (दाेलखा) अन्यबाट विवेक देवकाेटा (काठमाडौ) दलितबाट ध्रुव विश्कर्मा (धादिङ) अपाङ्गताबाट त्रिलाेचन निर्मल पाैडेल (चितवन)को मनोनयन दर्ता गरेका छन् ।
यसैगरी नेमकिपा अपाङबाट हिमालयश्वर मुल (भक्तपुर) अन्यबाट श्रीकृष्ण महर्जन (काठमाडौ) दलितबाट संगिता नेपाली (भक्तपुर) महिलाबाट कृष्ण लक्ष्मी दुवाल (भक्तपुर) ले मनिनयन दर्ता गरेको मकवानपुरका जिल्ला न्यायाधीश तथा राष्ट्रिय सभा निर्वाचन अधिकृत श्रीप्रसाद संजेलले बताए ।
गठवन्धनबाट नेपाली कांग्रेस विष्णुदेवि पुडासैनि (काठमाडौ,महिला) नेपाली कांग्रेसबाट जितजंग वस्नेत (ललितपुर, अन्य) माओवादीकेन्द्रबाट श्रीकृष्ण अधिकारी (नुवाकोट) नेकपा एसबाट घनश्याम रिजाल (दोलखा) ले मनोनयन दर्ताको लागि निर्वाचन कार्यालय परिसरमा रहेका छन् ।
यसैगरी राप्रपा नेपालबाट हेमजंग गुरुङ बालकुमारी डल्लाकोटी(महिला), भरतमणी भट्ट (अपाङ्ग) र पुर्णबहादुर बिश्वकर्मा (दलित) उम्मेदवार रहने पार्टी जनाएको छ ।
प्रदेश निर्वाचन कार्यालय बागमती प्रदेश, हेटौंडाका निमित्त निर्वाचन अधिकारी तारा प्रसाद आचार्यका अनुसार बागमती प्रदेशमा ३ सय ३७ जना मतदाता रहेका छन् । हेटौंडामा राष्ट्रिय सभा सदस्य निर्वाचनका लागि हेटौंडा ४ स्थित भुटनदेवी माध्यमिक विद्यालयको प्राविधिक शिक्षालयको भवनमा मतदान केन्द्र तय गरिएको छ ।
यस्तो छ मतभार
आउँदो माघ ११ गतेका लागि तय भएको राष्ट्रिय सभा निर्वाचनको तयारी तीब्र बनाइएसँगै मतपरिणाममा प्रभाव पार्न दौडधुपमा जारी छ ।
१९ सिटका लागि हुन लागेको निर्वाचनमा बागमती प्रदेशमा चार सिटको निर्वाचन हुनेछ । एमालेबाट २, एकिकृत समाजवादीबाट १ र स्वतन्त्रबाट १ वटा पद रिक्त हुँदैछ । प्रदेशबाट एमालेबाट दिलकुमारी रावल र रामचन्द्र राई, एकीकृत समाजवादीका सिंगबहादुर विश्वकर्मा र स्वतन्त्र सांसद खिमलाल देवकोटाको पद फागुन २० गतेबाट रिक्त हुदैछ ।
यस अघि नै निर्वाचन हुनुपर्ने व्यवस्था अनुसार माघ ११ मा निर्वाचन हुँदैछ । रावल महिला, राई अपांगता/अल्पसंख्यक, विश्कर्मा दलित र देवकोटा अन्य समूहबाट निर्वाचित भएका थिए। अब ती चार वटै समूहमा छुट्टाछुट्टै प्रतिस्पर्धा हुनेछ।
सत्ता गठबन्धन दलको दबदबा रहेको बागमतीमा राष्ट्रिय सभामा पनि यिनै दलका मतदाताहरूको संख्या धेरै छ। प्रदेश सभातर्फ हेर्ने हो भने पनि ११० सांसदमध्ये सत्ता गठबन्धन दलमा आवद्ध तीन दलको संख्या मात्रै ६५ सिट छ । अहिले बागमती प्रदेशमा गठबन्धनमा आवद्ध नेपाली कांग्रेसका ३७, नेकपा माओवादी केन्द्रका २१ र नेकपा एकीकृत समाजवादीका ७ सांसद छन्।
हाम्रो नेपाली पार्टीका २ सांसद्को साथ पनि प्रदेश सरकार अर्थात् सत्ता गठबन्धनलाई नै छ। यो दलको समेत संख्या जोड्ने हो भने बागमतीमा सत्ता गठबन्धनको ६७ प्रदेश सभा सदस्य छन्। यसैगरी यि बाहेक विपक्षी दल नेकपा एमालेको २७, राष्ट्रिय प्रजातन्त्र पार्टीको १३ र नेपाल मजदुर किसान पार्टी (नेमकिपा) को ३ सिट छ ।
निर्वाचनको लागि तयारी तिव्रता बनाइदै गर्दा उम्मेदवारी दर्ता नभएसम्म प्रत्येक समूहबाट निर्वाचित हुनका लागि कति उम्मेदवार हुन्छन्, त्यो अहिल्यै आकलन गर्न सकिँदैन। तर कुल मतभारको बहुमत अर्थात् ५ हजार १७७ मत भए जित सुनिश्चित हुन्छ। जसका लागि प्रदेश सभामा रहेका हाम्रो नेपाली पार्टीका २ सांसद बाहेक पनि ६५ सांसदको ५३ मतभारले प्रदेशतर्फ मात्रै ३ हजार ४४५ मतभार हुन आउँछ ।
यता, सत्ता बाहिर रहेका एमाले, राप्रपा, नेमकिपा र हाम्रो नेपाली पार्टीका गरी ४५ सांसद छन् । बागमती प्रदेश सभातर्फ ५३ मतभारले प्रतिपक्षी दलहरुको कुल मतभार २ हजार ३८८ मात्रै हुन आउँछ। प्रदेश सभा तर्फ कुल ११० सांसदको ५ हजार ८३० मतभार छ।
यता बागमती प्रदेशमा रहेका ११९ स्थानीय तहमा प्रमुख, उपप्रमुख, अध्यक्ष र उपाध्यक्षको संख्या २३८ हो । प्रदेशको दोलखाको गौरीशंखर गाउँपालिका उपाध्यक्ष श्यामसुन्दर तामाङको गत असार ३१ गते हृदयाघातका कारण मृत्यु भएपछि यो सङ्ख्या पनि घटेको छ ।
अब एक मतदाता संख्या कम हँदा बागमती प्रदेशको कुल मतदाता २३७ छ । मतभार १९ रहेको स्थानीय जनप्रतिनिधिको बागमतीमा ४ हजार ५०३ मतभार हुन आउँछ ।
जसमा स्थानीय तहतर्फ सत्ता गठबन्धनमा आवद्ध नेपाली कांग्रेसका १०७, माओवादी केन्द्रको ५७, नेकपा एकीकृत समाजवादीका ९ जनप्रतिनिधि छन्। सत्ता गठबन्धनमा आवद्ध १७३ जना स्थानीय तहका जनप्रतिनिधिको १९ मतभारले ३ हजार २८७ मतभार हुन आउँछ।
यसबाहेक प्रतिपक्षमा रहेका नेकपा एमालेका ६०, र अन्य ४ दलका जनप्रतिनिधि गरी ६४ जना छन्। जसमा प्रतिपक्षी दलहरूको १ हजार २१६ मतभार हुन आउँछ। यसरी बागमती प्रदेशको ११९ स्थानीयतहको कुल मतभार ४ हजार ५०३ रहेको छ।
प्रदेशको ५ हजार ८३० र स्थानीय तहको ४ हजार ५०३ मतभार गरेर यहाँ कुल मतभार १० हजार ३३३ हुनेछ। बागमती प्रदेशमा कांग्रेस, माओवादी केन्द्र, नेकपा एकीकृत समाजवादीको गठबन्धन छ। उनीहरूले साझा उम्मेदवार तय गरेमा उक्त उम्मेदवारले जित्ने सम्भावना बलियो देखिन्छ । किनकी, उल्लेखित तीनवटा पार्टीसँग मात्रै ६ हजार ७७० मत छ ।
प्रमुख प्रतिपक्षी दलको भूमिकामा रहेको नेकपा एमाले र अन्य दल मिलेर उम्मेदवार तय गरेपनि कुनै सिट जित्ने मतभार छैन । एमालेको मात्रै पनि बागमती प्रदेशसभामा २७ सांसदको १ हजार ४३१ मत छ भने स्थानीय तहका ६० जनप्रतिनिधिको १ हजार १४० गरी कुल बागमती प्रदेशमा २ हजार ५७१ मात्रै मत छ। त्यसमा राप्रपालगायतका दलहरुको साथ रहदाँ समेत जितकोे सम्भावना कम रहेको विश्लेषकहरु बताउँछन् ।
तर यो निर्वाचनका केन्द्रमा सत्ता गठबन्धनसँगै प्रतिपक्षी एमालेले समेत मिलेर जाने आन्तरिक गृहकार्य गरिरहेको छ । राष्ट्रिय सभा निर्वाचनमा दलहरू कसरी जान्छन्, त्यो भने अझै हेर्न बाँकी छ ।
राष्ट्रिय सभा सदस्य निर्वाचनलाई व्यवस्थित र शान्तिपूर्ण रूपमा सम्पन्न गर्न सर्वदलीय बैठक, सुरक्षा व्यवस्थालगायतको तयारीलाई तिव्रता दिइएको छ ।




मकवानपुर । राष्ट्रिय सभा सदस्य निर्वाचनका लागि मतदाताकाे अन्तिम नामावली प्रकाशित गरिएकाे छ । स्वीकृत निर्वाचन कार्यक्रम अनुसार आगामी माघ ११ गते हुने राष्ट्रिय सभा सदस्य निर्वाचनका लागि आइतबार ७ वटै प्रदेशकाे अन्तिम मतदाता नामावली प्रकाशन गरिएको हाे।
निर्वाचन आयोगले राष्ट्रिय सभा सदस्य निर्वाचनकाे लागि प्रदेश सभाका सदस्यको प्रति मतदाता मतभार ५३ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखको प्रति मतदाता मतभार १९ कायम गरेकाे छ । उक्त मतभार अनुसार माघ ११ गते हुने राष्ट्रिय सभा सदस्य निर्वाचन प्रयोजनका लागि प्रदेश सभा सदस्यको कूल मतभार २९ हजार ९७ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखको कूल मतभार २८ हजार ४ सय ६२ गरी जम्मा ५७ हजार ५ सय ५९ मतभार कायम हुनेछ।
निर्वाचन आयोगका अनुसार प्रकाशित अन्तिम नामावली अनुसार बागमती प्रदेशमा प्रदेश सभा सदस्य तर्फको मतदाता सङ्ख्या १ सय १० तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय ३७ गरी जम्मा ३ सय ४७ जना मतदाता कायम भएका छन्। प्रदेशमा प्रदेश सभा सदस्यको मतभार ५ हजार ८ सय ३० र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ४ हजार ५ सय ३ गरी जम्मा १० हजार ३ सय ३३ मतभार कायम हुने भएकाे छ।
यसैगरी कोशी प्रदेशमा प्रदेश सभा सदस्य तर्फको मतदाता सङ्ख्या ९३ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय ७४ गरी जम्मा ३ सय ६७ जना मतदाता कायम भएका छन्। कोशी प्रदेशमा प्रदेश सभा सदस्यको मतभार ४ हजार ९ सय २९ कायम भएकाे छ । गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ५ हजार २ सय ६ गरी कायम भइ जम्मा १० हजार १ सय ३५ मतभार कायम हुने भएकाे निर्वाचन आयोगका प्रवक्ता शालिकराम शर्मा पौडेलले जानकारी दिए ।

लुम्बिनी प्रदेशमा प्रदेश सभा सदस्य तर्फको मतदाता सङ्ख्या ८७ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या २ सय १८ गरी जम्मा ३ सय ५ जना मतदाता कायम भएका छन्। प्रदेशमा प्रदेश सभा सदस्यको मतभार ४ हजार ६ सय ११ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ४ हजार १ सय ४२ गरी जम्मा ८ हजार ७ सय ५३ मतभार कायम हुने भएकाे पौडेलले बताए ।
यसैगरी कर्णाली प्रदेशमा प्रदेश सभा सदस्य तर्फको मतदाता सङ्ख्या ४० तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या १ सय ५६ गरी जम्मा १ सय ९६ जना मतदाता कायम भएका छन्। प्रदेशमा प्रदेश सभा सदस्यको मतभार २ हजार १ सय २० र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार २ हजार ९ सय ६४ गरी जम्मा ५ हजार ८४ मतभार कायम भएकाे छ ।
सुदूरपश्चिम प्रदेशमा प्रदेश सभा सदस्य तर्फको मतदाता सङ्ख्या ५२ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता सङ्ख्या १७६ गरी जम्मा २२८ जना मतदाता कायम भएका छन्। प्रदेशमा प्रदेश सभा सदस्यको मतभार २ हजार ७ सय ५६ र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतभार ३ हजार ३ सय ४४ गरी जम्मा ६ हजार १ सय मतभार कायम हुने भएकाे निर्वाचन आयोगले जानकारी दिएकाे हाे ।