मकवानपुर । नेकपा (एकीकृत समाजवादी) १० औं राष्ट्रिय महाधिवेशनका लागि मकवानपुरबाट प्रतिनिधि चयन गरिएको छ । असार १६-२० मा हुने पार्टीकाे महाधिवेशनमा मकवानपुरबाट ४१ जना प्रतिनिधि छानिएका हुन् ।
बुधबार मकवानपुरको दुई वटै निर्वाचन क्षेत्रबाट ३२ जना तथा पार्टी केन्द्रीय नेतृत्वको विभिन्न पदमा रहेका अन्य ९ जनासहित ४१ जना प्रतिनिधि चयन गरिएकाे पार्टीले जनाएकाे छ । मकवानपुरको क्षेत्र नम्बर १ मा १ हजार ५ सय २० संगठित सदस्यमध्ये १२ जना प्रतिनिधी छनौट भएका छ्न् ।
क्षेत्र नम्बर १ बाट खुल्लातर्फ यादव गजुरेल, तिलक अधिकारी, ध्रुव भुजेल, कबिन पन्त, दुर्गा दहाल, सफल अधिकारी रहेका छन् । यस्तै, दलित तर्फबाट कल्पना बिक चयन हुँदा पेशागत तर्फ लोकनाथ दहाल, महिलातर्फबाट सीता अधिकारी, गायत्री सुवेदी र विष्णु लामा प्रतिनिधि चयन भएका छन् । यसैगरी युवातर्फ किशोरकुमार टण्डन महाधिवेशनमा प्रतिनिधी छनौट भए ।
मकवानपुरको क्षेत्र नम्बर २ मा संगठित सदस्य २ हजार २ सय ४६ रहेकोमा खुल्लातर्फबाट बिष्णु दहाल, गौतम बुद्ध लामा, जीवन लामा, कृष्ण चेपाङ, किरण मान बल, किशोर बर्तौला, टङ्क मोक्तान, सानुकाजी गोपाली, समीर श्रेष्ठ, यादव बर्तौला, सगुन स्याङतान, कृष्ण तमाङ प्रतिनिधिमा चयन भए ।
यस्तै, दलित तर्फ एम मिजार प्रतिनिधि चयन हुँदा युवातर्फबाट अरुण बर्तौला, महिला तर्फबाट बेगम बराल, जुना देवी श्रेष्ठ मल्ल, लक्ष्मीकुमारी रुम्बा रहेका छन् । यस्तै, ट्रेड युनियन महासंघबाट नारायणप्रसाद अधिकारी र रास्ट्रिय उद्योगी व्यवसायी महासंघबाट रजनी तिवारी प्रतिनिधीमा छनौट भएका छन् ।
पार्टीको केन्द्रीय कमिटीको विभिन्न पदमा रहेकाहरु महाधिवेशनमा स्वतः प्रतिनिधी हुने व्यवस्था अनुसार स्थायी कमिटी सदस्य ललितकुमार बस्नेत, विरोध खतिवडा, पोलिटब्युरो सदस्य घनप्रसाद गौतम, केन्द्रीय सदस्यहरु मुनु सिग्देल, गोमा तिमल्सिना, रामचन्द्र बल, मीनाकुमारी लामा, राजाराम स्याङतान र गोविन्दराम चेपाङ प्रतिनिधिमा स्वतः रहने छन् ।
मकवानपुर । नेकपा एमाले मकवानपुरका अध्यक्ष श्रीधर पोखरेलले राजनीतीमा लागेर समाजमा सकारात्मक परिवर्तन गर्नेहरुका योगदानलाई समाजले सदैब सम्झीरहने बताएका छन् ।
मीनबहादुर थपलिया स्मृती प्रतिष्ठानको १९ औँ स्मृति सभालाई सम्बोधन गर्दै अध्यक्ष पोखरेलले समाजको विकास र समृद्धिका लागि योगदान गर्नेहरु नै समाजमा अमर रहने बताएका हुन् । चुरियामाई गाविसका पुर्व उपाध्यक्ष मिन बहादुर थपलियाको स्मृतिमा गठन गरिएको मीनबहादुर थपलिया स्मृती प्रतिष्ठानले सामाजिक क्षेत्रमा योगदान पुर्याएका ८० बर्ष उमेर माथिका ५ जना बृद्धलाई सम्मान गरेको छ ।
१४ नम्बर वडाको विकासमा योगदान पुर्याएका ऋषिराम घिसीङ, डोलानाथ दुवाडी, प्रेम मोक्तान, देवन्द्रराज उपाध्याय र मान बहादुर लामालाई सम्मान गरिएको हो । कार्यक्रममा एमाले मकवानपुरका अध्यक्ष श्रीधर पोखरेल, १४ नम्बर वडाका अध्यक्ष दिपक खड्का हेटौँडा सिमेन्ट उद्योगका अध्यक्ष नरेन्द्र भण्डारीलगायत १४ नम्बर वडाका राजनीतिक दलका प्रतिनिधी र संघसंस्थाका प्रतिनिधीहरुको सहभागिता थियो ।
पूर्व गाविस उपाध्यक्ष थपलियालाई १९ वर्ष अघि शसस्त्र युद्धका बेला उनको घरमै गोलीहानी हत्या गरिएको प्रतिष्ठानका अध्यक्ष बालकृष्ण अधिकारीले बताए । उनको हत्याको जिम्मेवारी राज्य वा विद्रोही पक्ष कसैले लिएको छैन । थपलियालाई राज्यले सहीद घोषणा गरेको छ ।
मकवानपुर । नेपाल कम्युनिष्ट पार्टी (एमाले) मकवानपुरगढी गाउँ कमिटी अध्यक्षमा जीत बहादुर घिमिरे चयन भएका छन् । शुक्रबार भएको दोस्रो गाउँ अधिबेशनबाट घिमिरे अध्यक्षमा निर्बिरोध चयन भएका हुन् ।
घिमिरेलो अध्यक्षतामा गठन भएको गाउँ कमिटी उपाध्यक्षमा चन्द्र योञ्जन, सचिबमा रोम नाथ रेग्मी, उपसचिबमा सिताराम तिमल्सिना र अम्बिका अधिकारी दाहाल चयन भएका छन् । शुक्रबारको गाउँ अधिबेशनले ६५ सदस्य गाउँ कमिटी गठन गरेको छ ।
गाउँ कमिटि सचिब र युवा सदस्य पदका लागि चुनाब भएको थियो । सचिब पदमा रोमनाथ रेग्मी र उमेश अधिकारीको उम्मेदवारी रहेको थियो । युवा सदस्यकालागि उत्तम अधिकारी र बिष्णु प्रसाद तिमल्सिनाको उम्मेदवारी रहेको थियो ।
गाउँ कमिटी अध्यक्ष जीत बहादुर घिमिरेको अध्यक्षता तथा नेकपा एमाले पोलिट्ब्युरो सदस्य तथा जिल्ला इन्चार्ज देवी ज्ञवालीको प्रमुख आतिथ्यतामा भएको कार्यक्रममा प्रतिनिधि सांसद तथा एमाले समसदिय दल प्रमुख सचेतक महेश बर्तौलाको बिशेष आतिथ्यता रहेको थियो ।
कार्यक्रमम प्रदेश कमिटी सदस्य बद्री लम्साल,बलराम बल,नबराज तिमल्सिना, निर्मला लम्साल, नेकपा एमाले मकवानपुर जिल्ला अध्यक्ष श्रीधर पोखरेल, उपाध्यक्ष हिदम लामा सचिब सीता बिष्ट, सदस्य बिदुर हुमागाई लगायतकाे उपस्थिती रहेको थियो।
मकवानपुर । बागमती प्रदेश सरकारले आवधिक योजना स्वीकृत गरेकाे छ । शुक्रबार बसेको प्रदेश मन्त्रिपरिषद् बैठकले प्रदेश नीति तथा योजना आयोगको दोस्रो आवधिक योजना ०८१/०८२ देखि ०८५/०८६ स्वीकृत गर्ने निर्णय गरेको हाे ।
बैठकले स्वास्थ्य तर्फ प्रदेश स्वास्थ्य नीति २०८१ स्वीकृत गर्ने निर्णय गरेकाे छ । यस्तै मकवानपुर जिल्लामा प्रदेश अस्पताल स्थापना गर्ने तथा आयुर्वेदिक औषधि उत्पादन संहिता र आयुर्वेद औषधिको लेबल डिजाइन स्वीकृत गर्ने निर्णय समेत बैठकले गरेको सरकारका प्रवक्ता गंगानारायण श्रेष्ठले जानकारी दिए ।
मकवानपुर । नेपाल समाजवादी पार्टी (नयाँ शक्ति) का केन्द्रीय महाधिवेशन प्रतिनिधि राजेन्द्र सिम्खडाले राष्ट्रपति, प्रधानमन्त्री र मुख्यमन्त्री प्रत्यक्ष निर्वाचनबाट चयन गरिनु पर्ने बताएका छन् । पार्टीकाे आठाैँ स्थापना दिवसकाे अवसरमा जिल्ला कमिटिले हेटौडामा बुधबार गरेकाे पत्रकार भेटघाट तथा अन्तर्क्रिया कार्यक्रममा सिम्खडाले उक्त कुरा बताएका हुन् ।
उनले नयाँ विचार, नयाँ दृष्टिकोणकाे मुद्दा स्थापित गर्न याे धारमा लागेकाे बताउँदै जबसम्म राजनीतिमा खाने दाँत र देखाउने दाँतमा फरक हुन्छ लाेकतान्त्रिक धारबाट अघि बढ्न नसकिने भनाई व्यक्त गरे । पार्टी जिल्ला संयाेजक तेजराज उप्रेती रमेशले जिल्लामा ५१ सदस्यीय महाधिवेशन आयाेजक कमिटि गठन गरिएकाे जानकारी दिए ।
उप्रेतीकाे संयाेजकत्वमा समिति गठन गरिएकाे हाे । पार्टीले आगामी माघ महिना भित्र केन्द्रीय महाधिवेशन गर्ने भएकाे छ । जिल्ला अधिवेशन आगामी मंसिर महिना भित्र गरिसक्ने तयारी गरेकाे उप्रतीले जानकारी दिए । पार्टी जिल्ला ईन्चार्ज ईजहार आलमकाे सभाध्यक्षतामा कार्यक्रम भएकाे हाे ।
यसैबीच नेसपा (नयाँ शक्ति) ले आठौं स्थापना दिवसको अवसरमा बुधबार बिहान रक्तदान कार्यक्रम गरेकाे छ । पार्टी मकवानपुर जिल्ला कमिटीले पार्टी कार्यालयमा आयोजना गरेको कार्यक्रममा ३३ जनाले रक्तदान गरेका छन् ।