मकवानपुर । नेकपा (एमाले) हेटौडा उपमहानगरपलिकाको अध्यक्षमा बाेलबहादुर कार्की विजयी भएका छन् । कार्कीले खसेकाे कुल ३२७ मत मध्ये १७६ मत प्राप्त गर्दै विजयी भएका हुन् । उनका प्रतिष्पर्धी जेन श्रेष्ठले कुल १३३ मत प्राप्त गर्दै पराजीत भएका छन् ।
यसैगरी उपाध्यक्षमा राजकुमार बास्तोला १४३ मत प्राप्त गरी विजय भएका छन् । उनका निकटतम प्रतिष्पर्धी धनबहादुर मुक्तानले ७४ र इन्द्रप्रसाद खतिवडा ६८ मत प्राप्त गरे । यस्तै सचिव पदमा शान्ता गौतम ( प्रदिप ) १९७ मत प्राप्त विजय हुँदा प्रतिष्पर्धी प्रकाश बाँनिया ८७ मत प्राप्त गरे ।
यसैगरी नगर कमिटि उप सचिवमा शान्ता कुमार तामाङ ७४ मतका साथ विजय हुँदा उक्त पदका उम्मेदवार सुरेश मिजारले ६७ मत, कवि रेग्मीले ४१ मत, शिवबहादुर थापाले ३९ मत, भिमप्रसाद तिमल्सिनाले ३४ मत र अर्जुन प्रसाद अर्यालले ३१ मत प्राप्त गरेका छन् । यस्तै महिला उप सचिव पदमा चन्द्रावती पनेरु अधिकारी १४६ मत प्राप्त गरी विजय भएका छन् । उनका निकटतम प्रतिष्पर्धी रन्जिता सिलवालले ७९ मत प्राप्त गरिन् भने अर्का उम्मेदवार जुना दंगालले ६९ मत प्राप्त गरेकी छिन् ।
मंसिर २९ गतेदेखि भएको एमाले हेटौंडाको नगर अधिवेशनमा नेतृत्व चयनका लागि मतदान भएको हाे । सोमबारकाे मतदानले २१ सदस्यीय हेटौंडा उपमहानगर कमिटी चयन गर्नेछ । नगरका ३३४ प्रतिनिधि मध्ये ३२७ जनाले मतदान गरे । ७ जना प्रतिनिधिले मतदानमा सभागिता जनाएनन् ।अध्यक्ष पदमा २ सहित पदाधीकारीमा १६ जनाकाे उम्मेदावरी कायम भएकाे थियाे ।
नगर अध्यक्ष पदमा उम्मेदवारी दिएका इन्द्र नेपाल र नवराज खतिवडाले उम्मेदवारी फिर्ता लिए पछि कार्की र श्रेष्ठले प्रतिष्पर्धा भएकाे थियाे । अधिवेशनले पदाधिकारीमा विजयी ५ सहित ८१ सदस्यीय कमिटिकाे चयन गरेकाे छ । पदाधिकारी ५ पदमा मात्रै निर्वाचन भएकाे हाे । अन्य पदमा भने सर्वसम्मत निर्वाचित भएका छन् ।
मकवानपुर । नेकपा (एमाले) हेटौंडा उपमहानगरपालिका अध्यक्षमा २ जनाबीच प्रतिस्पर्धा हुने भएको छ । एमाले हेटौंडा उपमहानगर कमिटिमा बोलबहादुर कार्की र जेन श्रेष्ठबीच अध्यक्षमा प्रतिस्पर्धा हुने भएको हो ।
अध्यक्षमा उम्मेदावरी दिएका इन्द्र नेपाल र नवराज खतिवडाले उम्मेदवारी फिर्ता लिएसँगै कार्की र श्रेष्ठ चुनावी मैदानमा रहेका हुन् । ३ सय ३४ प्रतिनिधि रहेको निर्वाचनले ८१ सदस्यीय हेटौंडा उपमहानगर कमिटी निर्माण गर्ने प्रमुख निर्वाचन अधिकृत अर्जुन अर्यालले बताए । यसैगरी उपाध्यक्षमा ३ जनाकाे उम्मेदवारी परेकाे छ । उपाध्यक्षमा इन्द्रप्रसाद खतिवडा, धनबहादुर मुक्तान राजकुमार बास्तोलाकाे उम्मेदवारी परेकाे छ ।
यस्तै सचिवमा प्रकाश बानियाँ र शान्ता गौतम “प्रदिप” बीच प्रतिष्पर्धा हुनेछ । उपसचिव (खुल्ला) मा ५ जनाकाे उम्मेदवारी परेकाे छ । उक्त पदमा अर्जुनप्रसाद अर्याल, कवि रेग्मी, सुरेश मिजार “बेरोजगार”, शान्तेकुमार लामा तामाङ र शिवबहादुर थापाकाे उम्मेदवारी रहेकाे छ ।
यस्तै उपसचिव महिला तर्फ ३ जनाकाे उम्मेदवारी रहेकाे छ । उक्त पदमा चन्द्रावती पनेरु अधिकारी, जुना दंगाल र रञ्जिता सिलवालकाे उम्मेदवारी रहेकाे छ । सोमबार एमाले नगर कमिटिकाे निर्वाचन हुँदैछ ।
मकवानपुर । नेपाल पत्रकार महासंघको नेतृत्व चयनका लागि आज निर्वाचन हुँदैछ । पत्रकार महासंघ अन्तर्गत केन्द्रीय समिति, प्रदेश समिति, जिल्ला समिति र प्रतिष्ठान शाखाको कार्यसमिति चयनका लागि देशैभर निर्वाचन हुन लागेको हो ।
नेपाल पत्रकार महासंघ केन्द्रीय निर्वाचन समितिका संयोजक चिरञ्जीवी खनालले तिनै तहको निर्वाचनको सम्पूर्ण तयारी पूरा भएको बताए । निर्वाचन हुने स्थानका सबै मतपत्रसहित निर्वाचन प्रतिनिधि पुगेर सम्पूर्ण तयारी गरिसकेको बताइएकाे छ । महासंघको आज हुने निर्वाचनले केन्द्रीय समिति, १० प्रदेश समिति र ७७ जिल्ला शाखा तथा ४१ प्रतिष्ठान शाखामा नेतृत्व चयन गर्नेछ ।
केन्द्रीय समितिका पदाधिकारी तथा सदस्य र लेखा समितिका लागि केन्द्रीय निर्वाचन समितिले मतपत्र छापेर प्रदेश निर्वाचन समितिमार्फत शाखाहरूमा पुर्याइसकिएको छ । केन्द्रीय पदाधिकारीका लागि हल्का निलो, प्रदेशबाट निर्वाचित हुने केन्द्रीय सदस्यका लागि सेतो र अन्य केन्द्रीय सदस्य तथा लेखा समितिका लागि हल्का गुलाबी रङको मतपत्र तयार गरिएको छ । प्रदेश कार्यसमिति र शाखा कार्यसमितिले मतपत्रको ढाँचा र रङ आफैँ छनोट गर्न पाउने गरी गरिएको व्यवस्था रहेकाे छ ।
मकवानपुर जिल्ला शाखा अध्यक्षमा ४ जनाको उम्मेदवारी
नेपाल पत्रकार महासंघ मकवानपुर जिल्ला शाखाको अध्यक्षका लागि ४ जनाको उम्मेदवारी परेको छ । निर्वाचन कार्यक्रमअन्तर्गत बुधबार भएको उम्मेदवारी दर्तामा अध्यक्ष पदका लागि पोष्टराज अधिकारी, सुरेश श्रेष्ठ, बालकृष्ण अधिकारी, अञ्जली थापा, र शिव कुमार रिजालको उम्मेदवारी दिएका थिए । बिहीबार अध्यक्ष पदमा उम्मेदवारी दिएका रिजालले उम्मेदवारी फिर्ता लिदैं अधिकारीकाे प्यानललाई सहयोग रहने जनाएका छन् ।
महासंघको निर्वाचन कार्यक्रमअन्तर्गत आज शुक्रबार विहान १० बजेदेखि दिउँसो ४ बजेसम्म मतदान हुनेछ । नेपाल पत्रकार महासंघ मकवानपुर जिल्ला शाखाको १८ सदस्यीय समिति चयनका लागि निर्वाचन हुँदैछ । ३ वर्षे कार्यकालका लागि एक सय १७ जना मतदाताले मतदान गर्नेछन् । मकवानपुरमा विभिन्न पदका लागि ४९ जनाले उम्मेदवारी दर्ता गराएकाेमा बिहीबार ४ जनाले उम्मेदवारी फिर्ता लिएका थिए । १ जना सदस्य, ७ जना प्रदेश परिषद सदस्य तथा १ जना केन्द्रिय परिषद सदस्य निर्विरोध निर्वाचित भइसकेका छन् ।
यसैगरी केन्द्रीय समितिको अध्यक्षका लागि चार जनाको उम्मेदवारी परेको छ । अध्यक्षका लागि देवीप्रसाद सापकोटा, निर्मला शर्मा, रमेश विष्ट र लालसिंह लामाले उम्मेदवारी दिएका छन् । वरिष्ठ उपाध्यक्ष पदका लागि गोविन्दप्रसाद चौलागाईं, दीपक आचार्य र रोसन पुरीले उम्मेदवारी रहेकाे छ ।
त्यस्तै उपाध्यक्ष महिलामा गङ्गा पौडेल र नितु पण्डितको उम्मेदवारी परेको छ । समावेशी उपाध्यक्षमा उमिदप्रसाद बागचन्द, मोहनकुमार सिंह र सुभाषप्रसाद साहले उम्मेदवारी दिएका छन् । यसैगरी महासचिवमा जन्मदेव जैशी, प्रकाश थापा, रामप्रसाद दाहाल र लेखनाथ न्यौपानेले उम्मेदवारी दिएको निर्वाचन समितिले जनाएको छ । महासंघका नौ हजार पाँच सयभन्दा बढी सदस्यले प्रत्यक्ष रूपमा मतदान गरी नेतृत्व चयनमा सहभागी हुदैछन् ।
मकवानपुर । बागमती प्रदेश दुग्ध विकास बोर्डको उपाध्यक्षमा हरिप्रसाद पौडेल नियुक्त भएका छन् ।
प्रदेश सरकार मन्त्रिपरिषद्को मंगलबारको बैठकले पौडेललाई प्रदेश दुग्ध विकास बोर्डको उपाध्यक्षमा नियुक्त गर्ने निर्णय गरेको हो । चितवन, राप्ती नगरपालिका–७ का पौडेललाई बोर्डको उपाध्यक्षमा नियुक्त गर्ने निर्णय गरेको सरकारका प्रवक्ता एवम् आन्तरिक मामिला तथा कानुन मन्त्री सुरजचन्द्र लामिछानेले बताए ।
बैठकले बागमती प्रदेश विश्वविद्यालयका उपाध्यक्ष डा. कुसुमराज सुवेदीलाई विश्वविद्यालयको बोर्ड अफ ट्रस्टीको सदस्यमा मनोनित गर्न सहमति प्रदान गर्ने निर्णय गरेको प्रवक्ता लामिछानेले जानकारी दिए । त्यसैगरी कारागार कार्यालयमा लघु उद्यम कार्यक्रम सञ्चालनका लागि बजेट निकासा दिने निर्णय गरेको उनले बताए ।
यसैगरी संघीय सरकार अन्तर्गत रहेका निकायका लागि चालु आर्थिक वर्षको बजेट किताबमा भएका योजना कार्यान्वयनका लागि सहमति लिने निर्णय गरेको प्रवक्ता लामिछानेले जानकारी दिए । उनका अनुसार चालूतर्फको बजेट खर्चमा २० प्रतिशत रकम खर्च कटौती गर्ने निर्णय गरेको छ । विपद्को समयमा अर्थ विविध शिर्षकको बजेट अपुग भएकाले सबै मन्त्रालयको चालू खर्च कटौती गर्ने निर्णय गरिएको मन्त्री लामिछानले बताए ।
बैठकले अपाङ्गता भएका व्यक्तिहरुको सशक्तीकरण कार्यक्रम कार्यान्वयन कार्यविधि २०८१ स्वीकृत गर्ने निर्णय गरेको छ । यस्तै प्रदेश औद्योगिक व्यवसाय ऐन २०७६ लाई संशोधन गर्न बनेको विधेयक र प्रादेशिक व्यापार तथा व्यवसाय सम्बन्धी ऐन २०७६ लाई संशोधन गर्न बनेको विधेयकलाई प्रदेश सभामा लैजाने सैद्धान्तिक सहमति प्रदान गरेको प्रवक्ता लामिछानेले जानकारी दिए ।
मकवानपुर । नेपाली कांग्रेस र नेकपा एमालेको बागमती प्रदेश संयन्त्रको बैठकले प्रदेश सरकारले गरेको निर्णयलाई यथाशीघ्र कार्यान्वयन गर्दै जनचाहना अनुरुप प्रभावकारी ढंगले कार्यान्वयन गर्न सरकारलाई निर्देशन दिएको छ ।
दुई दलीय संयन्त्रको आइतबार काठमाडौंमा बसेको बैठकले गत ११ असोज १३ असोजसम्म आएको बाढीपहिरोबाट प्रदेशभित्र क्षति संरचनाको पूर्ननिर्माण र विस्थापितलाई पूर्नस्थापनाको लागि आवश्यक बजेट ब्यवस्था गरि तत्काल कार्यान्वयन गर्न बागमती प्रदेश सरकालाई निर्देशन दिईएको संयन्त्रका सचिव राजु नेपालले जानकारी दिए ।
नेपाली कांग्रेस बागमती प्रदेश सभापति इन्द्रबहादुर बानियाँको अध्यक्षतामा बसेको संयन्त्रको बैठकले प्रदेशमा बाँकी रहेका राजनीतिक नियुक्तिहरु दुई दलको आपसी सहमतिमा टुग्याउनुका साथै समस्याग्रस्त सहकारीको पहिचान गरि कोहीपनि सदस्य पीडित नहुने ब्यवस्था गर्न निर्देशन दिएको सचिव नेपालले बताए ।
बैठकले स्थानीय तहको उपनिर्वाचनलाई निष्पक्ष, शान्तिपूर्ण तरिकाले सम्पन्न गर्न महत्वपूर्ण भूमिका खेल्ने नेपाल सरकार, निर्वाचन आयोग, राष्ट्रसेवक कर्मचारी, सुरक्षाकर्मी, सञ्चारकर्मी, पर्यवेक्षक, मतलदातालगायतलाई प्रदेशस्तरीय दुई दलीय संयन्त्रले धन्यवादसहित आभार प्रकट गरेको छ । बैठकमा कांग्रेसको तर्फबाट सभापति बानियाँ, मूख्यमन्त्री बहादुर सिंह लामा र उपसभापति चन्द्र महर्जन तथा एमालेका तर्फबाट प्रदेश इन्चार्ज राजन भट्टराई, प्रदेश अध्यक्ष कैलाश ढुंगेल र संसदीय दलका नेता जगन्नाथ थपलियाको सहभागिता रहेको थियोे ।