मकवानपुर । बागमती प्रदेशअन्तर्गत नेपाली कांग्रेस संसदीय दलका नेता बहादुरसिंह लामाले संसदीय दलमा विश्वास गुमाएका छन्। बागमतीका मुख्यमन्त्री समेत रहेका लामा विरुद्ध काँग्रेस सभापति समेत रहेका इन्द्र बहादुर बानियाँले २१ जना प्रदेश सभा सांसदले अविश्वासकाे प्रस्ताव दर्ता गराएका थिए ।
संसदीय दलमा मंगलबार भएको मत विभाजनमा लामाको पक्षमा १५ मत मात्रै परेको छ । उनको विपक्ष अर्थात बानियाकाे पक्षमा मा २२ मत परेको पूर्वमन्त्री समेत रहेका सांसद सुरजचन्द्र लामिछानेले जानकारी दिए । यससँगै संसदीय दलको नेताबाट लामाले विश्वास गुमाएका छन् ।
बागमती प्रदेश सरकारको मुख्यमन्त्रीसमेत रहेका लामाविरुद्ध संसदीय दलमा अविश्वास प्रस्ताव दर्ता गराएका सांसदहरूले उनको विकल्पमा प्रदेश सभा सदस्य तथा नेपाली कांग्रेस बागमती प्रदेश सभापति इन्द्रबहादुर बानियाँलाई अघि सारेका थिए ।
संसदीय दलमा लामाले विश्वास गुमाएकोसँगै उनलाई बागमती प्रदेश सरकारको मुख्यमन्त्रीबाट राजीनामा दिएर बानियाँलाई सरकार हस्तान्तरण गर्न नैतिक दबाब बढेको छ।
विश्वासको मतको पक्षमा समर्थन गर्ने सांसदहरु
१) ईन्द्रबहादुर बानियाँ
२) शिवराज अधिकारी
३) कञ्चनचन्द्र वादे
४) दिपेन्द्र श्रेष्ठ
५) पुकार महर्जन
६) बिनु रायमाझी पौडेल
७) यमुना देवी श्रेष्ठ
८) उर्मिला नेपाल केसी
९) शान्ता ढकाल
१०) प्रभात तमाङ
११) छिरीङ्ग दोर्जे लामा
१२) मीना पराजुली
१३) याङ्किला शेर्पा
१४) मीन कृष्ण महर्जन
१५) बिमल ठकुरी
१६) मदुकुमार श्रेष्ठ
१७) सुरजचन्द्र लामिछाने
१८) सुरेश श्रेष्ठ
१९) श्रीराम लामिछाने
२०) सुना परियार
२१) श्यामबहादुर खड्का
२२) कृष्णबहादुर तामाङ
विश्वासको मतको बिपक्षमा समर्थन गर्ने सांसदहरु
१) बहादुरसिंह लामा तामाङ
२) कुन्दनराज काफ्ले
३) उत्तम जोशी
४) लक्ष्मी श्रेष्ठ
५) रमेशकुमार महत
६) हरिप्रभा खड्गी
७) रामकुमार पहाडी
८) छेत्रबहादुर बम्जन
९) गिता गुरूङ
१०) मसिना खड्का
११) तिर्थ लामा
१२) रामकृष्ण चित्रकार
१३) माया श्रेष्ठ
१४) गोविन्द लम्साल
१५) समिता खड्गी
मकवानपुर । बागमती प्रदेश सरकार मुख्यमन्त्री बहादुर सिंहलामा क्याविनेटका अर्का एक जना मन्त्रीले राजीनामा दिएका छन् ।
नेपाली काँग्रेसबाट खानेपानी, ऊर्जा तथा सिचाईं मन्त्री भएका श्यामकुमार खड्काले सोमबार मुख्यमन्त्री बहादुर सिंह लामा समक्ष राजीनामा बुझाएका हुन् ।
खड्काले कांग्रेस संसदीय दलकाे कार्यालयमा मुख्यमन्त्री समक्ष राजीनामा दिएसँगै लामाविरूद्धकाे अविश्वास प्रस्तावमा हस्ताक्षर समेत गरेका छन् । लामाविरूद्ध अविश्वास प्रस्ताव दर्ता गर्ने सांसदकाे संख्या २२ पुगेकाे छ ।
यसअघि ९ साउनमा प्रदेशका चार जना मन्त्रीले राजीनामा दिएर अविश्वास प्रस्तावमा हस्ताक्षर गरेका थिए । युवा तथा खेलकुदमन्त्री मिनकृष्ण महर्जन, आन्तरिक मामिला तथा कानुनमन्त्री सुरजचन्द्र लामिछाने, संस्कृति तथा पर्यटनमन्त्री विमल ठकुरी र सहकारी तथा गरिबी निवारणमन्त्री मधुकुमार श्रेष्ठले राजीनामा दिएका थिए । उनीहरूले राजीनामा दिए पनि साेही दिन साँझ मुख्यमन्त्री लामाले पदमुक्त भएकाे पत्र प्रदेश प्रमुख दीपकप्रसाद देवकाेटालाई पठाएका थिए ।
मुख्यमन्त्री लामाविरुद्ध गत शुक्रबार काँग्रेस संसदीय दल बागमती प्रदेशमा अविश्वास प्रस्ताव दर्ता भएको थियो । लामाले संसदीय दलमा सांसदकाे अविश्वास प्रस्तावकाे सामना गरिरहेका छन् । कांग्रेस संसदीय दलभित्रकाे विवाद समाधानका लागि पार्टी केन्द्रबाट खटिएका केन्द्रीय सदस्य राजन केसीले साेमबार मध्याह्नदेखि नै लामा र सांसद इन्द्रबहादुर बानियाँलाई राखेर छलफल गरे पनि अबेर राती मंगलबार टुंग्याउने गरी छलफल स्थगित भएकाे थियाे ।
गत आइतबार मुख्यमन्त्री बहादुरसिंह लामा विरुद्धकाे अविश्वास प्रस्तावमा हस्ताक्षर गरेका २ जना सांसदले नाम फिर्ता लिएका छन् । अविश्वासकाे प्रस्ताव दर्ता हुँदा हस्ताक्षर बुझाइएका सांसद माया श्रेष्ठ र मीना पराजुलीले नाम फिर्ता लिएको जनाएका छन् ।
बागमती प्रदेशमा कांग्रेसका ३७ जना सांसद छन्। तीमध्ये २१ जनाले शुक्रबार र १ जनाले सोमबार मुख्यमन्त्री लामाविरुद्ध अविश्वास प्रस्तावमा हस्ताक्षर गरेका छन् ।
संसदीय दलको बैठक अघि मुख्यमन्त्री बहादुर सिंह लामा र उनीविरुद्ध अविश्वास प्रस्ताव अघि सारेका कांग्रेस प्रदेश अध्यक्ष इन्द्र बानियाँ आ-आफ्नो पक्षमा बहुमत सांसद जुटाउन अन्तिम कसरत गरिरहेका छन् ।
बानियाँले सोमबारदेखि नै आफ्नो पक्षका सांसदलाई हेटौंडास्थित एक होटलमा राखेका छन् । बानियाँको पक्षमा कुल २४ सांसद रहेको बताइएको छ । मुख्यमन्त्री लामाले पनि आफ्ना पक्षका सांसदलाई सोमबारदेखि नै होटलमै राखेका छन् ।
मंगलबार विहान दश बजेकाे लागि बाेलाइएकाे संसदीय दलकाे बैठक बस्न सकेकाे छैन् ।
मुख्यमन्त्री लामाकै प्रस्ताव अनुसार सोमबार बस्ने भनिएको बैठक मंगलबार बिहान १० बजेका लागि भन्दै सारिएको थियो । आर्थिक मामिलामन्त्री कुन्दनरा काफ्ले विदेशबाट काठमाडौंमा आइपुगेको तथा उनी हेटौंडा आइपुगेपछि संसदीय दलको बैठक बस्ने बताइएकाे छ ।
मकवानपुर । बागमती प्रदेशका मुख्यमन्त्री बहादुरसिंह लामा विरुद्धकाे अविश्वास प्रस्तावमा हस्ताक्षर गरेका २ जना सांसदले नाम फिर्ता लिएका छन् ।
मुख्यमन्त्री लामाविरुद्ध गत शुक्रबार काँग्रेस संसदीय दल बागमती प्रदेशमा अविश्वास प्रस्ताव दर्ता भएको थियो । उक्त अविश्वासकाे प्रस्ताव दर्ता हुँदा हस्ताक्षर बुझाइएका सांसद माया श्रेष्ठ र मीना पराजुलीले नाम फिर्ता लिएको जनाएका छन् ।
विज्ञप्ति जारी गर्दै सांसदद्वयले जानकारीबिनै हस्ताक्षर गराएकोले असहमति रहेकाेले उक्त अविश्वासकाे प्रस्ताव फिर्ता लिएकाे गत आइतबार नै विज्ञप्ति जारी गरी बताएका छन् ।
श्रेष्ठ र पराजुलीले जारी गरेको विज्ञप्तिमा भनिएको छ,- ‘बागमती प्रदेश संसदीय दलका नेता मा. बहादुरसिंह लामा (तामाङ) को विरुद्धमा परेको अविश्वासको प्रस्तावमा हामी समेतको हस्ताक्षर सङ्कलन गरिएकोमा हामीलाई सो अविश्वासको प्रस्तावको विषयमा जानकारी नै नगराई हस्ताक्षर गराइएकोमा सोमा हामीहरूको असहमति रहेकाले उक्त अविश्वासको प्रस्ताव फिर्ता लिई संसदीय दलका नेता लामालाई समर्थन रहेको ब्यहोरा अवगत गराउँदछौ ।’

मकवानपुर । बागमती प्रदेशका मुख्यमन्त्री बहादुर सिंह लामा विरुद्ध दर्ता भएकाे अविश्वासकाे प्रस्तावमा सनाखत प्रक्रिया सुरु भएको छ ।
नेपाली काँग्रेस संसदीय दल बागमती प्रदेशकाे सोमबार दिउँसो १ बजेको लागि बोलाइएको बैठकमा सहभागी हुन कुनै पनि सांसदको दलको कार्यालयमा उपस्थित भएनन् ।
तर लामा र काँग्रेस बागमतीका सभापति इन्द्रबहादुर बानियाँ पक्षका सांसदहरुले छुट्टाछुट्टै बैठक बसिरह्यो । अहिले केहिबेर अघि साँझ ७ बजे बागमती प्रदेश सभा सचिवालयमा बागमती प्रदेशका मुख्यमन्त्री बहादुर सिंह लामा विरुद्धकाे अविश्वासकाे प्रस्तावका सम्बन्धमा सनाखत प्रक्रिया सुरु भएकाे हो ।
उक्त सनाखत प्रक्रिया बागमती प्रदेशका मुख्यमन्त्री तथा नेपाली काँग्रेस संसदीय दलका नेता बहादुर सिंह लामाकाे सभाध्यक्षता तथा प्रतिनिधि सभा सदस्य एवं नेपाली काङ्ग्रेसका केन्द्रीय समिती सदस्य तथा बागमती प्रदेशका लागि केन्द्रीय पर्यवेक्षक राजेन्द्र कुमार केसीको पर्यवेक्षणमा बैठक बसिरहेको छ ।
दलको नेता तथा मुख्यमन्त्री विरुद्ध अविश्वासकाे प्रस्ताव दर्ता भएपछि नेपाली काँग्रेस केन्द्रीय कमिटीले हिजाे आइतबार केसीलाई समस्या सुल्झाउने जिम्मेवारीका साथ हेटौंडा पठाएको थियो ।
मकवानपुर । बागमती प्रदेशका मुख्यमन्त्री बहादुर सिंह लामाले चार जना मन्त्रीलाई पदमुक्त गरेका छन् । शुक्रबार राजीनामा दिएको भनिएका चार जना मन्त्रीलाई मुख्यमन्त्री लामाले पदमुक्त गरेका हुन् ।
बागमती प्रदेश सरकारबाट राजिनामा दिएका ४ जना मन्त्री पदमुक्त भएको मुख्यमन्त्री लामाले जानकारी गराएका छन् । शुक्रबार ह्वाट्सयापमार्फत राजिनामा बुझाएका ४ मन्त्रीलाई पदमुक्त गरिएकाे जानकारी मुख्यमन्त्री लामाले शुक्रबार नै प्रदेश प्रमुखलाई गराएका छन् ।
नेपाली काँग्रेसबाट मन्त्री बनेका संस्कृति तथा पर्यटनमन्त्री विमल ठकुरी, सहकारी तथा गरिबी निवारण मन्त्री मदुकुमार श्रेष्ठ, युवा तथा खेलकुद मन्त्री मीनकृष्ण महर्जन र आन्तरिक मामिला तथा कानूनमन्त्री सुरजचन्द्र लामिछानेलाई पदमुक्त गरिएको मुख्यमन्त्री लामाले जानकारी गराएका छन् ।
बागमती सरकारमा मुख्यमन्त्रीसहित कांग्रेसबाट सरकारमा ८ जना सहभागी रहेकाेमा चार जनाले राजिनामा दिएका थिए । आफूलाई असहयोग गरेपछि मुख्यमन्त्री लामाले मन्त्रीहरुलाई पदबाट हटाएका हुन् ।
मुख्यमन्त्री लामाले नेपालको संविधान २०७२ को धारा १६९ (२) ख बमोजिम मन्त्रीहरुलाई पदमुक्त गरिएका हुन् । ४ जना मन्त्रीले राजिनामा दिएसँगै मुख्यमन्त्री बहादुर सिंह लामा विरुद्ध शुक्रबार ४ मन्त्रीसहित २१ जना प्रदेशसभा सदस्यले अविश्वासको प्रस्ताव दर्ता गरेका थिए ।
अविश्वास प्रस्तावकाे सामना गर्छुः मुख्यमन्त्री लामा
बागमती प्रदेशका मुख्यमन्त्री तथा कांग्रेस संसदीय दलका नेता बहादुर सिंह लामा तामाङले अविश्वासको प्रस्तावको सामना गर्ने बताएका छन् । शुक्रबार २१ सांसदको हस्ताक्षरमा संसदीय दलका नेता तामाङविरुद्ध अविश्वास प्रस्ताव पेस दर्ता भएसँगै उनले अविश्वास प्रस्तावकाे सामना गर्न आफू तयार रहेको बताएका हुन् ।
यसलाई आफूले ठुलो कुरा नठानेको र पार्टीभित्र भइरहने एउटा प्रक्रियाको रूपमा लिएको समेत उनले बताए । ‘म अविश्वासको प्रस्ताव फेस गर्न तयार छु । गठबन्धनको सरकार भएको अवस्थामा सहमति अनुसारको मुख्यमन्त्रीको समयावधि सकिएको भए मैले स्वाभाविक रूपमा राजीनामा दिनुपर्थ्यो र दिन्थें’ उनले भने ।
शुक्रबार सञ्चारकर्मीसँग उनले भने, ‘साथीहरूले दलको नेता फेर्न पर्यो भनेर अविश्वासको प्रस्ताव दर्ता गरेको मैले पनि थाहा पाएँ । यसलाई मैले ठुलो कुरा मानेको छैन यो पार्टीभित्रको कुरा हो । म प्रस्ताव सामना गर्न तयार छु ।’ बजेटको विषयलाई मुख्य मुद्दा बनाएर केही सांसदहरू आफूलाई असफल पार्न लागि परेको पनि उनले दाबी गरे ।