मकवानपुर । मकवानपुर जिल्लाको ठुलो दल नेकपा एमालेले हेटौंडा उपमहानगरपालिकाको मेयर उपमेयरको लागि आज पनि नाम टुङ्ग्याउन सकेन ।
लामो रस्साकस्सी गर्दा पनि आकाक्षिहरू बिच सहमति हुन नसकेपछि आज एमाले नगर कमिटीले जिल्ला कमिटिलाई मेयरको ३ आकाक्षि र उपमेयरको ३ आकाक्षिको नाम सिफारिस गरेको छ । जिल्ला कमिटीको बैठक भोलि ३० चैतमा बस्नेछ ।
जसमा १ महिला सहित ३ जना मेयरका आकाक्षि छन् भने, १ पुरूष सहीत ३ जना उपमेयरको आकाक्षि छन् ।
आसन्न स्थानीय तह निर्वाचनका लागि बागमती प्रदेशको राजधानी समेत रहेको हेटौंडा उपमहानगरपालिकाको मेयर पदमा नेकपा एमालेबाट ९ जनाले मेयरको दाबि गरेका थिए । भने ७ जनाले उपमेयरको दाबि गरेका थिए ।
३ दिन अघिको बैठकमा सहमति जुटाउन नसकेपछि आज मंगलबार फेरी आकाक्षिहरू सहित नगर कमिटीको बैठक बसेको थियो । आजपनि सहमति नभएपछि एमाले नगरकमिटी बैठकले मेयरका लागि हालका मेयर हरिबहादुर महत, संविधानसभा सदस्य अनन्त प्रसाद पौडेल र हालका जिल्ला समन्वय समिति सदस्य गणेशकुमारी प्रधान सिफारिस गर्ने निर्णय गरेको हो ।
हेटौंडाको मेयरका लागि एमालेका केन्द्रीय सदस्य तथा मकवानपुर इन्चार्ज रामेश्वर राना, संबिधानसभा सदस्य अनन्त पौडेल, जिल्ला समन्वय समिति मकवानपुरका प्रमुख रघुनाथ खुलाल, बाहालबाला मेयर महत, एमाले मकवानपुरका अध्यक्ष एकालाल श्रेष्ठ, जिल्ला सचिवालय सदस्यहरु मदन दाहाल, ध्रुव चौलागाईं, जिसस सदस्य प्रधान र संगठित सदस्य विके महर्जनले आकांक्षा व्यक्त गरेका थिए ।
यस्तै बैठकले उपमेयरमा अनेमसंघ जिल्ला अध्यक्ष सुमित्रा काफ्ले, एमाले महिला नेतृ आरती पाठक र हाल हेउमनपा वडा १० का सदस्य तथा हेउमनपा न्यायीक समिती सदस्य ईन्द्र नेपालको नाम सिफारिस गर्ने निर्णय गरेको छ ।
हेटौंडाको उपमेयरका लागि ७ जनाले आकांक्षा व्यक्त गरेको भएपनि तीन जनाको नाम जिल्ला कमिटीमा सिफारिस गरिएको हो । उपमेयर पदका लागि काफ्ले, पाठक र नेपालसहित सीता बिष्ट, मेनुका दाहाल, प्रतिमा श्रेष्ठ र रमिला सापकोटाले इच्छा राखेका थिए ।
जिल्ला कमिटीमा सिफारिस भएका उमेदवारहरुबीचमा पुन छलफल गराएर सकेसम्म एक/एक जनाको नाम प्रदेश कमिटीमा पठाइने छ र प्रदेश कमिटीले केन्द्रिय कमिटीमा नाम पठाएपछि केन्द्रले अन्तिम टुङ्गो लगाउने छ ।
चितवन । नेपाली कांग्रेसबाट भरतपुर महानगरपालिकाको मेयर बन्न २५ जनाले मनोनयन दर्ता गरेका छन् । कांग्रेसले भरतपुर महानगरपालिकाको मेयर र उपमेयर पदको लागि आइतबार र सोमवार २ दिन खुला गरेको मनोनयनमा २५ जनाले मेयरमा र २४ जनाले उपमेयरमा नाम दर्ता गराएका हुन् ।
मेयरको उम्मेद्वार बन्नका लागि मनोनयन दर्ता गराउनेमा पार्टी केन्द्रीय सदस्य दिनेश कोइराला,पार्टीका निवर्तमान जिल्ला सचिव उत्तम जोशी, पूर्व सांसद जगन्नाथ पौडेल, महानगर सभापति चित्रसेन अधिकारी, भरत अधिकारी, शंकर कँडेल, तारानाथ पौडेल, रामप्रसाद अधिकारी, विजय शर्मा भुसाल, वर्तमान उपमेयर पार्वती शाह ठकुरी छन् ।
यस्तै दीर्घमान श्रेष्ठ, निलकण्ठ रिजाल, गौरी कुमारी श्रेष्ठ, मिनाकुमारी खरेल, सुबोध प्रधान,शम्भुप्रसाद अर्याल,भरत गुरुङ र मिलनबाबु श्रेष्ठ, प्रकाश अधिकारी, प्रा. डा.केशवभक्त सापकोटा, टेकप्रसाद गुरुङ, राजेन्द्र डोटेल, डा. सूर्यकान्त घिमिरे,हिरामणि अधिकारी र घनश्याम दवाडीले पनि नाम दर्ता गरेका छन् ।
उपमेयरका लागि टंकनाथ पौडेल, तारा गुरुङ, बुद्धिकान्त न्यौपाने, लक्ष्मी लामिछाने, नीरु कार्की, कल्पना पौडेल, देबेन्द्र गुरुङ, पूर्णबहादुर गुरुङ, राजिब न्यौपाने, बीरेन्द्र केसी, भुपतिदास सापकोटा, केदारनाथ बराल, रबिभद्र शर्मा खनालले मनाेनयन दर्ता गराएका छन् । यसैगरी निर्मलराज पौडेल,सुरवीर पोख्रेल, महेन्द्र श्रेष्ठ,एलिसा अधिकारी, सूर्यनाथ अधिकारी, गीता गुरुङ , बिनु रायमाझी पौडेल ,बिजय घले, गौरा खरेल अधिकारी, भोजराज कौडाल र बिदुर केसीले पनि उपमेयर बन्न दाबी पेश गरेको नेपाली कांग्रेस चितवनले जनाएकाे छ ।
आइतबार बिहान ११ बजेदेखि मनोनयन दर्ता सुरू भएर सोमबार दिउँसो चार बजे सकिएको कांग्रेस महानगर समितिले जानकारी दिएकाे छ । नेपाली कांग्रेसको केन्द्रीय निर्देशन र चितवन जिल्लाको परिपत्र अनुसार प्रमुख र उपप्रमुख बन्नेहरुको नाम दर्ता गरिएको हो ।
मकवानपुर । आसन्न स्थानीय तह निर्वाचनको लागि बागमती प्रदेशमा सत्ता साझेदार दलको ५ दलीय गठबन्धन सहमति नजिक पुगेको छ ।
नेपाली कांग्रेस बागमती प्रदेश सभापति ईन्द्रबहादुर बानियाँको अध्यक्षतामा बसेको गठबन्धनको बैठकमा सहमतिकाे नजिक पुगिएकाे हाे । छलफलमा बागमती प्रदेशका १ सय १९ स्थानीय तहहरुमा १ हजार १ सय २१ वडामा नै आवश्यकता र औचित्यको आधारमा गठबन्धन गरेर जाने सहमतिमा पुगेको ५ दलीय गठबन्धन संयन्त्रका सचिव राजु नेपालले बताए ।
हिजाे आईतबार र आज सोमबार काठमाडौंमा बसेको गठबन्धनकाे बैठकमा बागमती प्रदेशका नेपाली कांग्रेस, नेकपा माओवादी केन्द्र, नेकपा (एकीकृत समाजवादी), जनता समाजवादी पार्टी र राष्ट्रिय जनमोर्चाका पार्टी प्रमूखहरुको उपस्थिति रहेको थियो ।
यसअघि बागमती प्रदेशका ५ दलीय गठबन्धनले आआफ्नो दलमा स्थानीय र वडामा मतको विश्लेषण र प्रतिवेदन बुझाउन मातहतका निकायलाई निर्देशन दिईसकेका छन् । बागमती प्रदेश गठबन्धनले पनि तत्कालै साझा सहमति गरेर केन्द्रमा प्रतिवेदन बुझाउने तयारी रहेको सचिव नेपालले बताए ।
‘विगतकाे अवस्थालाई भुल्दै र आगामी निर्वाचनमा सफलता हासिल गर्न तर्झ एकमत हुँदै हामी साझा सहमतिकाे नजिक पुगेका छाै’ नेपालले भने ।
मकवानपुर/नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) मकवानपुरले जिल्ला स्तरीय विद्यार्थी भेला तथा प्रशिक्षण कार्यक्रम गरेको छ । आसन्न स्थानिय निर्वाचनलाई लक्षित गर्दै अनेरास्ववियु मकवानपुरले विद्यार्थीहरुलाई प्रशिक्षण प्रदान गरेको हो ।
जिल्लाको भीमफेदी, मनहरी, मकवानपुरगढी गाउँपालिका तथा हेटौंडाकै विभिन्न क्याम्पसहरुबाट हभागी भएका विद्यार्थीहरुको ¥यालीले हेटौंडा बजार परिक्रमा गर्दै शक्ति प्रदर्शन गरेको थियो । हेटौंडा–४ स्थित क्लब हेटौंडामा आयोजित कार्यक्रममा विद्यार्थीहरुलाई आसन्न निर्वाचनमा नेकपा एमालेका उम्मेदवारहरुलाई विजयी गराउन आ–आफ्नो क्षेत्रबाट सक्रिय रुपमा लागि पर्न निर्देशन दिइएको छ । अनेरास्ववियुले आगामी निर्वाचनकै लागि जिल्लाभर विद्यार्थीहरुबाट १ हजार १ सदस्यीय निर्वाचन परिचालन कमिटी निर्माण गरिएको छ ।
‘मेरो वडा म जिताउँछु, हाम्रो पालिका हामी जिताउँछौं ।’ भन्ने नारासहित अनेरास्ववियु मकवानपुरका अध्यक्ष विशाल पौडेलले १ हजार १ सदस्यीय निर्वाचन परिचालन कमिटी गठन गरिएको घोषणा गरे । कार्यक्रममा बागमती प्रदेशका प्रथम मुख्यमन्त्री डोरमणि पौडेलले अनेरास्ववियु र नेकपा एमालेको चुनाव चिन्ह सूर्य अंकित झण्डा अनेरास्ववियु मकवानपुर अध्यक्ष पौडेललाई प्रदान गर्दै निर्वाचन परिचालन कमिटीको उरे ।
स्थानिय निर्वाचनमा विजय हासिल गर्नु एमालेको अर्जुनदृष्टि रहेको पूर्व मुख्यमन्त्री पौडेलले बताए । एमालेलाई पराजित गर्नका लागि ५ वटा दलहरु मिलेर गठबन्धन गरेपनि एमालेले स्थानीय चुनावमा अत्याधिक स्थानमा जीत हासिल गर्न केन्द्रित भएको उनको भनाई छ । एमालेले अब एताउता कतैपनि ध्यान नदिएर अबको अर्जुनदृष्टि निर्वाचनमा नै केन्द्रित रहने उनले बताए ।

जेष्ठ नागरिक र बालबालिकाका अधिकार हितका निमित्त नेकपा एमालेले काम गरिरहेको भन्दै उनले नेकपा एमालेले जसरी अरु पार्टीले काम गर्न नसक्ने दाबी गरे । ‘‘जब नेकपा एमालेको सरकार बन्छ त्यति बेला मात्रै सरकारको अनुभुति जनताले गरेका हुन्छन्” उनले भने ।
नमोहन अधिकारीको पालामा बनेको नेकपा एमालेको ९ महिने सरकार नै आजसम्म सबैभन्दा लोकप्रिय सरकार बनेको स्मरण गर्दै उनले मुलुकको परिवर्तनका लागि, विकासका लागि, समृद्ध नेपाल र सुखी नेपालीको गन्तव्यमा पुग्नका लागि, सुशासनका लागि, ज्येष्ठ नागरिकदेखि बालबालिकाहरुको हितका लागि तथा विद्यार्थीको सुनौलो भविष्यको लागि अब देशमा नेकपा एमाले नै आवश्यक भएको बताए । उनले सम्पुर्ण विद्यार्थीहरुलाई आफ्नो घर, समाजमा एमालेलाई जिताउन सक्रिय रुपमा लाग्न अनुरोध समेत गरे ।
२०७४ सालमा एमालेको सरकार बनेपछि धेरै विकासका काम भएको बताउँँदै उनले आफ्नै पार्टीको सरकार गिराउन पार्टी फुटाएको आरोप लगाए ।

अनेरास्ववियु मकवानपुरका अध्यक्ष विशाल पौडेलको सभाध्यक्षतामा भएको कार्यक्रममा नेकपा एमालेकी केन्द्रिय सदस्य जुनेली श्रेष्ठ, नेकपा एमाले बागमती प्रदेश उपसचिव महेश बर्तौला, प्रदेश सदस्य रघुनाथ खुलाल, एमाले मकवानपुरका अध्यक्ष एकलाल श्रेष्ठ, जिल्ला सचिव नविन सिग्देल, जिल्ला सचिवालय सदस्यहरु ईश्वर ढुङ्गाना, सुनिल मोक्तान, जिल्ला सदस्यहरु लगायतकाको आतिथ्यता रहेको थियो ।
मकवानपुर/जिल्लाको ठुलो दल नेकपा एमाले र सत्ता गठबन्धनका पार्टीहरुले स्थानीय तहहरुमा आगामी ५ वर्षको लागि नेतृत्व पठाउनको लागि रस्साकस्सी जारी छ । बागमती प्रदेशको एक मात्रै उपमहानगरपालिका हेटौंडा उपमहानगरपालिकामा मेयर र उपमेयरको टुङ्गो लगाउन आइतबार बसेको पार्टी नगर कमिटीले अन्तिम प्रयास गर्दा पनि सहमतिमा नामको टुङ्गो लगाउन सकेन ।
नगरको मेयर र उपमेयरको आकाक्षिहरु धेरै भएपछि र उनीहरु बिचमा सहमति नभएपछि नगरकमिटीले जिल्ला कमिटीमा सबैको नाम सिफरीस गर्नुपर्ने वा आन्तरीक निर्वाचन गराउनु पर्ने अवस्थामा पुगेको छ । जसमा १ महिला सहित ९ जना मेयरको दाबिमा छन् भने १ पुरुष सहित ७ जना उपमेरको दाबिमा छन् ।
एमाले हेटौंडा नगर कमिटीको बैठकले सर्वसम्मत् निर्णय गर्न नसकेपछि हेटौंडा उपमहानगरपालिकाको मेयर पदका लागि हाल बहालवाला मेयर हरिबहादुर महत सहित ९ जनाको नाम सिफारिस गरेको हो । पार्टी नगर कमिटीका अनुसार रघुनाथ खुलाल, रामेश्वर राना, एकलाल श्रेष्ठ, अनन्त पौडेल, मदनकुमार दाहाल, ध्रुब चौलागाईं, विके महर्जन र गणेशकुमारी प्रधानलाई मेयरको लागि सिफारिस गर्नु पर्ने अवस्थामा नगर कमिटी पुगेको छ ।
त्यस्तै उपमेयर पदका लागि सुमित्रा काफ्ले, मेनुका दाहाल, सीता बिष्ट, प्रतिमा श्रेष्ठ, आरती पाठक, रमिला सापकोटा र इन्द्र नेपाललाई सिफारिस गर्ने तयारी गरेको बुझिएको छ । यद्यपि अझै २ दिन सहमतिको प्रयास गरिने र नभए निर्वाचनको प्रक्रियमा जाने आन्तरीक तयारी भएको एक नेताले बताए ।