मकवानपुर । मकवानपुरमा भिमफेदी गाउँपालिकामा पनि नेकपा एमालेले उम्मेदवारी दर्ता गराएकाे छ । आइतबार निर्वाचन अधिकृतको कार्यालयमा पुगेर एमालेका उम्मेदवारहरुले उम्मेदवारी दर्ता गराएका हुन् ।
नेकपा एमाले बागमती प्रदेशको उपसचिव महेश बर्तौलाको प्रमुख आतिथ्यमा भएको बृहत र्याली सहितको कार्यक्रममा एमालेका नेता, कार्यकर्ताको उल्लेख्य उपस्थितिमा गाउँपालिकाको अध्यक्षमा हिदम लामा र उपाध्यक्षमा पार्वती रानाले उम्मेदवारी दर्ता गराउनुभएको हो ।
छोटो मन्तब्यको क्रमामा बर्तौलाले यो स्थानीय चुनाब भाजपाको गोटीको रुपमा रहेको पाँच दलीय गठबन्धनहरुको बीच र एमालेको बिचमा प्रतिस्पर्धा हुने र जीत नेकपा एमालेकै हुने बताए | कार्यक्रमा बोल्दै एमालेको उम्मेदवार जिताउन सम्पूर्ण भीमफेदी बासीलाई आग्रह समेत गर्नुभयो |
यस्तै नेकपा एमालेबाट भीमफेदी गाउँपालिकाको १ नम्बर वडा अध्यक्षमा पन्चमायाँ स्याङ्तान, २ नम्बर वडा अध्यक्षमा काशिराम बज्यु , ३ नम्बर वडा अध्यक्षमा प्रकाश पौडेल , ४ नम्बर वडा अध्यक्षमा सागर पाण्डे, ५ नम्बर वडा अध्यक्षमा जहार सिंह लामा, ले उम्मेदवारी दर्ता गराउनुभएका छन् ।
यसैगरी ६ नम्बर वडा अध्यक्षमा सिताराम थापा, ७ नम्बर वडा अध्यक्षमा परमेश्वर राना , ८ नम्बर वडा अध्यक्षमा बिष्णु भोलन र ९ नम्बर वडा अध्यक्षमा प्रकाश पुडासैनीले उम्मेदवारी दर्ता गराएका हुन् ।
यसैगरी मकवानपुरको मनहरी गाउँपालिकामा नेकपा एमालेले स्थानीय तहको निर्वाचनका लागि उम्मेदवारी दर्ता गराएको छ । आइतबार निर्वाचन अधिकृतको कार्यालयमा पुगेर एमालेका उम्मेदवारहरुले उम्मेदवारी दर्ता गराएका हुन् ।
बाजागाजासहित एमालेका नेता, कार्यकर्ताको उल्लेख्य उपस्थितिमा गाउँपालिकाको अध्यक्षमा एकराज उप्रेती र उपाध्यक्षमा सुजिता थिङले उम्मेदवारी दर्ता गराउनुभएको छ । यस्तै नेकपा एमालेबाट मनहरी गाउँपालिकाको १ नम्बर वडा अध्यक्षमा भीमसेन अधिकारी, २ नम्बर वडा अध्यक्षमा निमा लामा, ३ नम्बर वडा अध्यक्षमा मानबहादुर बल, ४ नम्बर वडा अध्यक्षमा रविन ढकाल, ५ नम्बर वडा अध्यक्षमा किशोर बर्तौला, ले उम्मेदवारी दर्ता गराउनुभएका छन् । यसैगरी ६ नम्बर वडा अध्यक्षमा गोपी लामा, ७ नम्बर वडा अध्यक्षमा नारायण सिं घिसिङ, ८ नम्बर वडा अध्यक्षमा पुष्कर सुवेदी र ९ नम्बर वडा अध्यक्षमा लक्ष्मण उप्रेतीले उम्मेदवारी दर्ता गराउनुभएका छन् ।
मकवानपुरको कैलाश गाउँपालिकाका २ वडाबाट नेकपा एमालेका उम्मेदवारहरुले उम्मेदवारी दर्ता गराएका छन् । गाउँपालिकाको वडा नम्बर ५ र १० बाट एमालेका तर्फबाट वडाअध्यक्ष तथा सदस्यका उम्मेदवारहरुले उम्मेदवारी दर्ता गराएका हुन् ।
कैलाश ५ को वडा अध्यक्षमा छेकु लामाले दोस्रो पटक उम्मेदवारी दर्ता गराउनुभएको छ । यसअघि पनि २०७४ सालको स्थानीय तहको निर्वाचनमा विजयी हुनुभएका लामाले दोस्रो पटक वडा अध्यक्षमा दोहोरिने इच्छा व्यक्त गर्नुभएको हो । वडा सदस्यहरुमा दुदु कुमारी मोक्तान, राधिका विक, मान बहादुर पाख्रिन र टेक बहादुर लोले उम्मेदवारी दर्ता गाउनुभएको छ । वडा सदस्यहरुमा लो नयाँ अनुहार हो भने अन्य सबैजना दोस्रो पटक वडा सदस्यमा उम्मेदवारी रहेको छ । यसैगरी कैलाशको वडा नं. १० को अध्यक्षमा सूर्य बहादुर भ्लोनले उम्मेदवारी दर्ता गराउनुभएको ।
वडा सदस्यहरुमा जुनसरी राई, बिमला सुनार, दिनेश थिङ र प्रताप सिं वाइबाको उम्मेदवारी रहेको छ । कैलाश–१० मा एमालका तर्फबाट सम्पुर्ण उम्मेदवार नयाँ अनुहार रहेका छन् । कैलाश गाउँपालिकाको अध्यक्ष, उपाध्यक्ष तथा बाँकी वडाका अध्यक्ष तथा सदस्यहरुको उममेदवारी सोमबार दर्ता गराइने जनाइएको छ ।
मकवानपुर । आसन्न स्थानीय तहको निर्वाचनमा सत्ताधारी ५ दलीय गठबन्धन अन्तरगत मकवानपुर जिल्लाका अन्तिम अवस्थामा आएर बाध्यकारी सहमति भएको छ ।
केन्द्रीय निर्देशन र प्रदेशको समन्वय र जिल्लाको सहकार्यमा गठबन्धनबाट जिल्लाको १० स्थानीय तहमा भागबण्डा टुङ्गीएको हो । जस अनुसार नेपाली काँग्रेसले ६ वटा पालिकामा प्रमुख र ४ पालिकामा उपप्रमुख पद पाएको छ । यसैगरी यसैगरी नेकपा एकीकृत समाजवादीले जिल्लाको १० मध्ये २ पालिकामा प्रमुख पद पाएको छ । माओवादीले ३ वटा पालिकामा प्रमुख पद पाएको छ ।
आज ११ बैशाखमा बसेको बागमती प्रदेश स्तरीय गठबन्धनको बैठकले यो भागबण्डा मिलाएको हो । नेपाली कांग्रेस बागमती प्रदेशका सभापति ईन्द्रबहादुर बानियाँको संयोजकत्वमा बसको बैठकले मकवानपुरको थाहा नगरपालिका प्रमुखमा नेकपा माओवादी केन्द्र उपप्रमुखमा नेपाली कांग्रेसलाई दिएको छ ।
यसैगरी मकवानपुरगढी गाउपालिका अध्यक्षमा नेपाली कांग्रेस उपाध्यक्षमा नेकपा माओवादी केन्द्र, भिमफेदी गाउँपालिका
अध्यक्षमा नेकपा माओवादी केन्द्र, उपाध्यक्षमा नेपाली कांग्रेस ईन्द्रशरोबर गाउपालिका अध्यक्षमा नेकपा एकीकृत समाजवादी
उपाध्यक्षम नेपाली काँग्रेसलाई भाग दिइएको छ ।
यसैगरी मनहरी गाउँपालिका अध्यक्षमा नेपाली कांग्रेस, उपाध्यक्षमा नेकपा माओवादी केन्द्र, राक्सिराङ्ग गाउँपालिका
अध्यक्षमा नेपाली कांग्रेस उपाध्यक्षमा नेकपा माओवादी केन्द्र, कैलाश गाउँपालिका अध्यक्षमा नेपाली कांग्रेस उपाध्यक्षमा नेकपा माओवादी केन्द्र, बकैया गाउँपालिका अध्यक्षमा नेपाली कांग्रेस उपाध्यक्ष नेकपा माओवादी केन्द्र, बागमती गाउँपालिका अध्यक्षमा नेकपा माओवादी केन्द्र, उपाध्यक्षमा नेपाली कांग्रेसलाई दिइएको छ ।
हेटौडा उपमहानगरपालिका गठबन्धनको केन्द्रीय संयन्त्रबाट यस अघि नै मेयरमा नेकपा एकीकृत समाजवादी र उपमेयर काँग्रेसलाई दिने निर्णय भैसककेको छ ।
पार्टीगत भागबण्डा मिलेपनि गठबन्धनमा सहभागी दलहरुले आफ्नो उम्मेदवारी अझै टुङ्गो लगाएका छैनन् । भोली बिहानसम्म यो बिषय टुङ्गीने सम्बन्धित पार्टीहरुले जनाएको छ ।
मकवानपुर / आसन्न स्थानीय तह निर्वाचन -२०७९ मा नेकपा एमालेले हेटौंडा उपमहानगरपालिकाको मेयरमा अनन्त पौडेललाई उम्मेदवार बनाउने निर्णय गरेको छ ।
पौडेल सबिधानका पुर्व सदस्य समेत हुन् । पौडेलसंगै अन्तिम समयसम्म टिकटको दाबि गर्दै आएका हाल बहालवाला मेयर हरिबहादुर महत अब टिकटको दौडबाट बाहिरिएका छन् । यसैगरी उपमेयरमा अनेमसंघ मकवानपुर जिल्ला अध्यक्ष सुमित्रा काफ्लेको उम्मेदवारी हुने भएको छ । एमालेको आज बसेको केन्द्रीय सचिवालय बैठकले पौडेल र काफ्लेलाई उम्मेद्वार बनाउने निर्णय गरेको हो ।

यस अघि उपमेयरमा अधिकारकर्मी तथा नेतृ आरती पाठकको पनि चर्चा थियो ।
हेटौंडाको मेयर बन्नको लागि ९ जना र उपमेयर बन्नको लागि ७ जनाको दाबि रहदै आएको थियो । “अब पार्टीले आफ्नो नीति र बिधि अनुसार निर्वाचनको लागि मैदानमा प्रतिबद्धता र घोषणापत्र लिएर उत्रनेछ” मेयरका उम्मेदवार पौडेलले भने ।
मकवानपुर । नेकपा एमाले केन्द्रिय कमिटी सदस्य तथा मकवानपुर जिल्ला सह- इन्चार्ज कृष्ण दाहालले स्थानीय तहको परिकल्पनाकार नेकपा एमाले भएको बताएका छन् । यसैले पनि स्थानीय क्षेत्रको बिकासमा एमाले जत्तिको चिन्तित अरू पार्टी नभएको दाहालले बताए ।
“नेकपा एमालेले प्रणाली बलियो बनाउछौ, व्यक्ति हैन” दाहालले भने “मतदाताको संरक्षण गर्ने मनोबल बढाउने काममा लागि पर्नुहोस ।” नेपाल कम्युनिस्ट पार्टी एमाले हेटौंडा ५ वडा कमिटीको आयोजना भएको आसन्न स्थानीय तहको निर्वाचन प्रचारप्रसार कार्यक्रम अन्तरगत प्रशिक्षण तथा सपथ ग्रहण कार्यक्रम दाहालले यस्तो बताएका हुन् ।
स्थानीय तहको निर्वाचनको तयारीमा डटेर लाग्न दाहालले आग्रह गरे । “मौन अवधिबाहेकको समयमा निस्कृय नहुनु” उनले भने “हेर्दा हेर्दै एमालेलाई असर पर्ने कुकार्य भएको देख्नु नै भएको छ” उनले भने ।
भुकम्पको क्षेतिपछि एमालेले अवसरको रूपमा लिएर भौतिक प्रगति गरेको दाहालले बताए । प्रगतिसँगै चुनौती पनि भएको उल्लेख गर्दै दाहालले भने “स्थानीय तहको नेतृत्व गर्ने भनेको जनताको सेवक बन्ने हो मालिक हैन र एमालेबाट नेतृत्व गर्नेले कहिल्यै नेतागिरी गर्दैन ।”
पार्टीको बागमती प्रदेश कमिटी सदस्य पद्मा पौडेल,प्रदेश कमिटी सदस्य सम्राट तुम्बाहाम्फे, पार्टी सचीव तथा हेटौंडा ४ को वडा अध्यक्षका उम्मेदवार नविन सिग्देल, पार्टी सचिवालय सदस्य इश्वर ढुङ्गाना, पार्टी जिल्ला कमिटी सदस्य सरस्वती दाहाल, सन्तोष पौडेल, सुधिर थापालगायतले एमालेले हेटौंडा ५ को अवस्था र आवश्यकता अनुसारको नियमित दीर्घकालीन विकासको योजना ल्याएको बताए । लामो संघर्षपछि देशको ब्यवस्था बदलिएको तर अवस्था उस्तै रहेकोले स्थानीय क्षेत्रको थाति रहेका सपनाहरू पुरा गर्नुपर्ने उनीहरूले बताए ।
एमाले बालबालिका, बृद्धबृद्वाहरू, महिलाको हितको लागिको लागि योजना ल्याएको उनीहरूले बताए । कार्यक्रममा एमालेले सुखी ज्येष्ठ नागरिक र खुसी बालबालिका भन्ने कार्यक्रम पार्टी सदस्य पौडेलले बताए । महिलाको आर्थिक जीवनस्तर उकास्न एकघर एक उद्योग कार्यक्रम ल्याउने, रोजगारी सिर्जना गर्ने योजना ल्याएको पौडेलले बताए ।
कार्यक्रममा वडा ५ मा एमालेबाट सदस्य पदका उम्मेदवारहरू ज्ञानबहादुर थापा, रन्जिता सिलवाल, रामबहादुर राई, भगवती बिकको उपस्थिति थियो । कार्यक्रम पार्टी वडा अध्यक्ष पदम बजगाईंको अध्यक्षतामा भएको थियो ।
हेटौंडा । आसन्न स्थानीय तह निर्वाचन -२०७९ प्रचारप्रसारको क्रममा नेकपा एमाले हेटौंडा ५ वडा कमिटीले वडाको राईटोलमा सम्पर्क कार्यालय उद्घाटन गरेको छ ।
टोल सम्पर्क कार्यालय उद्घाटन गर्दै पार्टी जिल्ला कमिटी सचिवालय सदस्य इश्वर ढुङ्गानाले टोल टोलको विकासलेमात्रै समग्र वडाको विकास संभव भएको बताए । राईटोलमा धेरै संभावनाहरू रहेको उल्लेख गर्दै ढुङ्गानाले यसलाई अवसरको रूपमा लिदै उन्नती पथमा लागि पर्न एमालेको उम्मेदवारहरू हतारिएको बताए ।
कार्यक्रममा पार्टी जिल्ला कमिटी सदस्य सुधिर थापाले सबैले आफ्नो स्थानबाट मेहनत गरेर एमालेको उम्मेदवार जिताउन लागि पर्न टोलवासीलाई आग्रह गरे । वडामा रहेको २८ वटा टोल विकाससंग समन्वय गरेर विकासको रफ्तार अघि बढाउने थापाले बताए ।
यसैगरी पार्टी सदस्य सन्तोष पौडेल एमालेको उम्मेदवारहरूले वडाको समग्र विकासको खाका लिएरै आएकोले आफूमा प्रस्ट हुँदै चुनावी प्रचारप्रसारमा लाग्न स्थानीयलाई आग्रह गरे । भौतिक विकास पहिलो प्राथमिकता भए पनि सामाजिक,शैक्षिक, मानवीय विकासको योजना बनाएको पौडेलले बताए । अतिरिक्त क्रियाकलापमा पनि एमालेले योजना बनाएको उनले बताए ।
कार्यक्रममा वडा इन्चार्ज बिशाल महत, पार्टी वडा अध्यक्ष पदम बजागाई, राप्रपा नेपालका रमेश चौलागाईं लगायतले चौतर्फि विकास निर्माणकार्यमा प्रगति हासिल गर्न सुशिल घिमिरेको समूह जिताउनु पर्ने बताएका थिए ।
कार्यक्रममा वडाका उम्मेदवार सुशिल घिमिरेले वडामा भौगोलिक अवस्था हेरेर आवश्यक पुर्वाधार विकास गरिने, युवा तथा खेलकुद क्षेत्रमा प्रतिभा प्रस्फुटनको अवसरलाई सधैं प्राथमिकता दिइने बताए । “तपाईं हामी सबैले आपसमा सहकार्य गरेर मात्रै वडा बनाउन सक्छौ” अध्यक्षका उम्मेदवार घिमिरेले भने “हामीले ५ बर्षको बिचमा गर्न सक्ने र गर्नै पर्ने कामको सूचि बनाएका छौ,जसलाई क्रमागत रूपमा सम्पन्न गरिने छ।”
यसैगरी वडा सदस्यको उम्मेदवार रामबहादुर राई, रन्जिता सिलवालले वडालाई सुन्दर बनाउन एमालेको उम्मेदवारहरू तत्पर रहेको बताए । हेटौंडाको ५ नम्बर वडा जिल्लाको आदिवासी बसेको टोल भएकोए राईटोलको चिनारीको लागि पहल गर्ने उनीहरूले बताए । वडाको भौतिक र सामाजिक विकासमा युवाशक्ति परिचालन गर्ने राइले बताए भने महिलाको सशक्तीकरणको लागि स्वरोजगारमुखी कार्यलाई प्राथमिकता दिइने सिलवालले बताइन् ।
कार्यक्रम टोल कमिटी अध्यक्ष गोठि तामाङ राईको अध्यक्षतामा भएको थियो ।
वडा कमिटीले आज चुनावी प्रचारको लागि विभिन्न समिति बनाएर जिम्मेवारी समेत बांडफांड गरेको पार्टी वडा सचीव सुरेश लामिछानेले बताए । चुनावको लागि मुल परिचालन सचिवालय, अनुगमन तथा समन्वय, परामर्श तथा भेटघाट उपसमितिहरू गठन गरी जिम्मेवारी दिईएको जिल्ला सदस्य पौडेलले बताए । यसैबिच वडा समितिले वडाको बिभिन्न टोलहरूमा घरभेट कार्यक्रम समेत सुरू गरेको सचिव लामिछानेले बताए ।