मकवानपुर / आसन्न स्थानीय तहको निर्वाचनमा सत्तारुढ ५ दलीय गठबन्धनले साझा उम्मेदवारको रूपमा हेटौंडा उपमहानगरपालिकाको मेयरको उम्मेदवार नेकपा एकीकृत समाजवादीको मिनाकुमारी लामा र उपमेयरको उम्मेदवार नेपाली कांग्रेसका राजेश बानियाँले उम्मेदवारी दर्ता गराएका छन् ।
लामो रस्साकस्सिपछि काँग्रेसले बानियाँलाई हेटौंडाको उपमहानगरको उम्मेदवार बनाउने निर्णय आज गरेको थियो । गठबन्धनमा सहभागी दलहरूले आ आफ्नो पार्टी कार्यालयबाट र्याली सहित मुख्य निर्वाचन अधिकृतको कार्यालय पुगेर उम्मेदवारी दर्ता गरेका हुन् ।
गठबन्धनमा बिभाजन गरिएको भाग अनुसार हेटौंडा नगरको १९ वडामा पनि अध्यक्ष तथा सदस्यहरूको उम्मेदवारी दर्ता भैरहेको छ ।
मकवानपुर । आसन्न स्थानीय तह निर्वाचन -२०७९ को लागि नेपाल कम्युनिस्ट पार्टी एमालेबाट हेटौंडा -५ मा उम्मेदवार बनेका वडा अध्यक्ष तथा सदस्यहरूले मनोनयन दर्ता गराएका छन् ।
वडा कार्यालयबाट र्याली सहित पार्टी कार्यालय पुगेका वडाका उम्मेदवारहरू र कार्यकर्ताहरूले आसन्न निर्वाचनमा एमालेलाई जिताउन आग्रह गरेका थिए । जिल्लाको मुख्य निर्वाचन अधिकृतको कार्यालय पुगेर वडा अध्यक्ष सुशिल घिमिरेले मनोनयन दर्ता गराएका हुन् । यसैगरी वडाका सदस्यहरू ज्ञानबहादुर थापा, रामबहादुर राई, रन्जिता सिलवाल र भगवती बिकले पनि मनोनयन दर्ता गराएका वडा अध्यक्ष पदम बजगाईले बताए ।
वडा कार्यालयबाट मनोनयनको लागि निस्कदै गर्दा स्थानीय नेता तथा कार्यकर्ताहरूले टिका लगाएर उम्मेदवारहरूलाई शुभकामना दिएका थिए भने जिल्ला कार्यालय पुग्दा वडाका उम्मेदवारहरूलाई पार्टी जिल्ला अध्यक्ष एकालाल श्रेष्ठ, हेटौंडा उपमहानगरपालिकाका मेयर हरिबहादुर महतलगायतले टिका र खादा लगाएर बधाई तथा शुभकामना दिएका थिए ।
मनोनयन दर्तापछि छोटो प्रतिक्रिया दिंदै वडा अध्यक्षका उम्मेदवार घिमिरेले हेटौंडाको ५ वडाको शिक्षा, स्वास्थ्य,कृषि, खेललगायत चौतर्फी बिकासमा आफ्नो टिमले योगदान गर्ने योजना बनाएकोले टिमलाई जिताउन आग्रह गरे ।
यसैगरी हेटौंडाको १९ वटै वडाका उम्मेदवारहरूले मनोनयन दर्ता गरेका छन् । एमालेबाट हेटौंडाको १९ वटा वडाका उम्मेदवारहरू को को छन् हेर्नुस् :

मकवानपुर / नेकपा एमाले इन्द्रसरोबर गाउँपालिकाले आउँदो स्थानीय तहको निर्वाचनको लागि अध्यक्ष-उपाध्यक्ष सहित सबै पदमा उम्मेद्वारी दर्ता गरेको छ । मुख्य निर्वाचन अधिकृतको कार्यालय पुगेर एमालेको तर्फबाट अध्यक्षमा देबकृष्ण पुडासैनी तथा उपाध्यक्षमा उमाकुमारी लामा सहित सबै वडाध्यक्ष र वडा सदस्यहरुले उम्मेद्वारी दर्ता गरेका हुन् । २०७४ को निर्वाचनमा इन्द्रसरोबरमा एमालेबाट जीवन लामा तथा उपाध्यक्षमा एकालेकी उमाकुमारी लामा विजयी भएका थिए ।
मकवानपुर । आसन्न स्थानीय तहको निर्वाचनमा नेकपा एमालेबाट हेटौंडा उपमहानगरपालिकामा मेयर र उपमेयरका उम्मेदवारले मुख्य निर्वाचन अधिकृतको कार्यालयमा उम्मेदवारी दर्ता गराएका छन् ।

मेयरका उम्मेदवार अनन्त पौडेल र उपमेयरको उम्मेदवार सुमित्रा काफ्लेले उम्मेदवारी दर्ता गराएका हुन । उनीहरूसंगै नगरका वडा अध्यक्ष तथा सदस्यहरूले पनि उम्मेदवारी दर्ता गराएका छन् । केहि वडाहरूको दर्ता क्रम जारी रहेको मुख्य निर्वाचन अधिकृत डिल्लिरत्न श्रेष्ठले बताए ।

एमाले कार्यकर्ताहरू उम्मेदवारी दर्ताको लागि बिभिन्न सांस्कृतिक झांकी र र्याली सहित पार्टी मुख्य निर्वाचन अधिकृतको कार्यालय पुगेका थिए । पौडेलको प्रस्तावकमा बर्तमान मेयर हरिबहादुर महत तथा समर्थकमा जिल्ला समन्वय समितिका प्रमुख रघुनाथ खुलाल रहेका छन् । उपमेयर काफ्लेको प्रस्तावकमा एमाले नेतृ आरती पाठक तथा समर्थकमा सिता विष्ट रहेका छन् ।

यता गठबन्धनले पनि केहि बेरमा र्याली सहित उम्मेदवारी दर्ताको लागि निस्कने तयारी गरिरहेको छ ।
हेटौंडाको १९ वटा वडामा उम्मेदवारी रहेका एमालेका उम्मेदवारहरूको विवरण यस्तो छ:

राष्ट्रिय खेलाडीको रुपमा पहिचान बनाएका सुशिल घिमिरे आसन्न स्थानीय तहको निर्वाचन २०७९ को लागि नेकपा एमालेको तर्फबाट हेटौंडा–५ को वडा अध्यक्षका उम्मेदवार बनेका छन् । चुनावी तयारीमा लागेका घिमिरेसँग यसै पेरीफेरीमा गरिएको कुराकानीको सार:–
चुनावि तयारी के के हुँदैछ, केही नयाँ अनुभुति हुँदै छ की ?
तयारीमा बेस्सरी जुटेका छौ, हिजोको सामाजिक काममा लाग्दा र आज सि·ो वडाको विकासमा जनप्रतिनिधिको हैसियतमा देखा पर्ने जमर्को गर्दैगर्दा केही फरक अनुभुति त भएकै छ ।
हिजो खेल क्षेत्रमा बढी लागि परेको थिए, आज समग्र पाटोको चिन्तन गरिरहेको छु । हेटौंडाको यो ५ नम्बर वडा संभावना, समस्या र चुनौति सबै भएको वडा हो । यहाँ केही समस्या छन्, समाधान गर्नु छ । केही संभावनाहरु छन्, फैलाउनु छ फुलाउनु छ । केही चुनौतिहरु छन्, तिनीहरुलाई अवसरमा बदल्नुछ ।
सबैकाम चरणबद्ध रुपमा गर्दै जानु छ । दुव्र्यसनी विरुद्धको कार्यक्रम, वृद्ध आमाबुबाको आँसु पुछ्ने कामहरु बाँकी छन्, विकास निर्माण योजनावद्ध रुपमा गर्नु पर्नेछ । जस्तैः बाटो मात्रै बनाएर हुन्न, त्यहाँ ढलनिकासको अनिवार्यताको कुरा छ । वर्षायाममा डुवानको समस्या छ, यस वडाको धार्मिक, पर्यटकीय संभावनाको कुराहरु छन् । वडामा गर्नुपर्ने कुरा र योजनाहरु धेरै छन् । म र मेरो टिम निर्वाचित भएर आएमा हामीले वडाको विकास र जोखिमबाट बचावटको लागि काम गर्नु छ । यसबारे हामीले प्रतिबद्धता पत्र तयार गर्दै छौ ।
हामीले ५ वर्षमा गर्न सक्ने कुरा मात्रै घोषणा / प्रतिबद्धता पत्रमा राखेका छौ । हेर्दा आकर्षक देखिने तर काम गर्नै नसकिने गरेर घोषणा/प्रतिवद्धता पत्र बनाउने छैनौ । र हामीले कामको जिम्मेवारी पाएपछि चरणबद्ध रुपमा योजनाहरुलाई टिक लगाउँदै कामको प्रोसेस अगाडि बढाउने छौ ।
एउटा सामाजिक व्यक्ति किन राजनीतिमा आउनु भयो ?
भनिन्छ गरिबि केवल कमआयको परिणाम होईन । यो त शक्ति सम्बन्धको दुस्परिणाम पनि हो । त्यसैले हामी शक्तिमा हैन, हामी जनताको माझ आएका छौं । म एउटा माध्यम मात्रै हो, वडाको विकास वडाका सबै मिलेर गर्ने हो । म वडावासीको लागि वडावासीसँगै बसेर वडाको विकासमा नयाँ आयम थप्ने जमर्को बोकेर आएको छु । आज मेरो टिमले वडावासीसँग सहयोगको अपेक्षा गरेका छौ ।
हेटौंडा ५ नम्म्बर वडालाई विकासको नयाँ मोडेलमा देख्नको लागि हाम्रो टिमले समन्वय गर्ने छ, हामी वडाका अनुभवहरुको साथ र मायाले वडाको समग्र विकासमा लागि पर्नेछौ ।
कुरा रह्यो सामाजिक व्यक्ति किन राजनीतिमा भन्ने सवालको । राजनीति आफैंमा नराम्रो क्षेत्र हैन, कही कसैले नराम्रो ग¥यो होला, तर राजनीति गर्ने हुन्न भन्ने हैन । राजनीतिमा हामी जस्ता सामाजिक व्यक्तिकै खाँचो छ । म हिजो जुन क्षेत्रमा थिए, यो मेरो लागि अपुग भयो । यसैले पनि म आज यो वडामा जनप्रतिनिधिको हैसियतमा आउन चाहेको हँु । स्थानीय स्तरबाटै विकास निर्माणको सही गति आवश्यक छ । टोल–टोल, वडा–वडा,नगर र जिल्ला हुँदै हामीले देशको विकास गर्ने हो ।
हो, म पहिले देशको झण्डा बोकेर हिडेरको मान्छे हुँ । खेलाडी भएको नाताले पनि खेल क्षेत्रको बढी माया छ, देशको माया छ । म सामाजिक क्षेत्रमा सक्रिय हुँदा पनि स्थानीयवासीसँगै साबेल बोकेर विकास निर्माणमा हिडेको मान्छे हुँ र भोली जनप्रतिनिधि हुँदा त झनै लागिपर्नुपर्ने कर्तव्य हुन आउँछ ।
- हरेक क्षेत्रमा दण्ड र पुरस्कारको प्रभावकारी व्यवस्था गर्ने ।
- वृद्धावृद्धाका लागि घुम्ति स्वास्थ्य सेवा र शहरि स्वास्थ्य केन्द्र मार्फत समयसमयमा विशेज्ञष डाक्टर मार्फत उपचार गर्ने ब्यवस्था गरिनेछ ।
- एक घर, एक उद्यमि अन्तरगत सिप सिकेका व्यक्तिलाई सिपको व्यवसायिकताको लागि उद्यममा सघाइने छ ।
- सिंचाईटोलको मुक्तिनाथ मन्दिरदेखी क्याम्पासम्म साईकल लेन तथा पर्यटन मार्ग बनाईनेछ ।
- राईटोल मनकामना मन्दिर जाने सिंडिलाई पर्यटकिय पदमार्गकोरुपमा विकास गरिनेछ । ठाँउठाँउमा सेल्फिपोईन्टहरु बनाईनेछ ।
- ज्येष्ठ नागरिक तथा बालबालिका मैत्री पार्क निर्माण गरिनेछ ।विभिन्न प्रतिभाहरुको पहिचान गरी उनीहरुको क्षमता र सिर्जनशिलता विकास गर्न उपर्युक्त प्लेट फर्म प्रदान गरिनेछ ।क्याम्पा रंगशालालाई १० हजार दर्शक क्षमताको बनाइनेछ ।खेलकुद एकेडेमि निर्माण गरिनेछ ।
तपाईसँग के त्यस्ता योजनाहरु छन् जसले गर्दा तपाईको टिम अर्थात नेकपा एमालेले उम्मेदवार बनाएको टिमलाई मतदान दिनुपर्ने ?
हामीले प्रतिवद्धतापत्र मार्फत पनि हाम्रा योजनाहरु सार्वजनिक गर्ने नै छौ । यद्यपि म यहाँ छोटकरीमा भन्नु पर्दा हाम्रो टिमसँग वडाको चौतर्फि विकासको योजनाहरु छन् । वडाको शिक्षाको धरोहर बालज्योति मा.विलाई नमुना विद्यालयकोरुपमा विकास गरिनेछ । यसका लागि आवश्यक भौतिक पुर्वाधार, प्रविधिहरुको विकास गरिनेछ । त्यसै विद्यालयमा दृष्टिविहिन विद्यार्थीहरुको रहेको आवासियरुपमा अध्ययन अध्यापन गर्ने भवनहरुको स्तरोन्नती गरिनेछ र बर्खामा डुबानको समस्यालाई समाधान गरिनेछ । वडाको सामुदायिक विद्यालयहरुको शैक्षिक अवस्था सुधारको लागि पहल गरिनेछ । प्राविधिक शिक्षा (कृषि, इलेक्ट्रीक, इलेक्ट्रोनिक, मेकानिकल इत्यादी) लाई व्यवस्थित गराइनेछ ।
अनौपचारिक÷सिपमुलक शिक्षा (सिलाई, बुनाई, कटाई, बुटिक, मुडा बनाउने, हस्तकला इत्यादी) लाई
घरेलु उद्यमको रुपमा विकास गरिनेछ । डिजिटल पुष्तकालयको व्यवस्था गर्ने, पुष्पलाल स्मृति पुस्तकालको स्तरोन्नती गर्ने योजना छ । वडाका उत्कृष्ट विद्यार्थीलाई उच्च शिक्षाका लागि सहयोग गरिनेछ । यसका लागि शिक्षा सम्बन्धि कोष निर्माण गरिनेछ ।
अनि स्वास्थ्य क्षेत्रमा ?
हामी स्वास्थ्य क्षेत्रको विकासको लागि पनि केही योजनाहरु बनाएका छौ । शहरि स्वास्थ्य केन्द्रको
स्तरोन्नती, पारामेडिकल स्वाथ्य केन्द्र स्थापना, कोभिड जस्तै आकष्मिक रोगहरु रोग लाग्न सक्ने विषयमा सचेतना मुलक कार्यक्रम गर्ने, वृद्धावृद्धाका लागि घुम्ति स्वास्थ्य सेवा र शहरि स्वास्थ्य केन्द्र मार्फत समयसमयमा विशेज्ञष डाक्टर मार्फत उपचार ब्यवस्था, योग शिविरहरु सञ्चालन गर्ने योजना बनाएका छौ ।
पछिल्लो समयमा शैक्षिक बेरोजगारहरु बढेको सवालमा यसलाई सम्बोधन गर्न तपाईको टिमसँग के कार्ययोजना छन् ?
यो सवाललाई पनि हामीले ध्यान दिएका छौ । विभिन्न सिपविकास सम्बन्धि तालिमहरुको श्रृजना तथा उनीहरुको व्यवसायिकताको लागि घरेलु उद्योम विकास गर्ने, रोजगारदातामा पहुच र समन्वय गर्ने, फोहरलाई मोहर बनाउने अभियान अन्तरगत कुहिने फोहर सामानबाट जैविक मल बनाउने तालिम, कृषिजन्य उत्पादनमा युवाहरुको पहुँच विकास गर्ने,स्थानिय उत्पादनहरु विक्रि वितरण गर्न श्रोत केन्द्रको विकास गर्ने, एक घर, एक उद्यमि अभियानलाई सार्थक बनाउन प्रविधि हस्ताण्तरण सहित सिपमुलक तालिम प्रदान गर्ने, महिलालाई घरमै बसेर स्वरोजगार बन्ने अभियान सञ्चालन गर्ने योजनाहरु हामीसँग छन् ।

वडामा नयाँ पहिचान दिनसक्ने केही योजनाहरु छन् कि ?
हो हामीसँग यस्ता पनि योजनाहरु छन् जसले हेटौंडा उपमहानगरपालिका वडा –५ को छुट्टै पहिचान बनाओस् । जस्तै : वृद्धावृद्धाका लागि घुम्ति स्वास्थ्य सेवा र शहरि स्वास्थ्य केन्द्र मार्फत समयसमयमा विशेज्ञष डाक्टर मार्फत उपचार गर्ने ब्यवस्था, सिंचाईटोलको मुक्तिनाथ मन्दिरदेखी क्याम्पासम्म साईकल लेन तथा पर्यटन मार्ग,राईटोल मनकामना मन्दिर जाने सिंडिलाई सेल्फिपोन्ट समेतको पर्यटकिय पदमार्ग, जेष्ठ नागरिक तथा बालबालिका मैत्री पार्क,विभिन्न प्रतिभाहरुको पहिचान गरी उनीहरुको क्षमता र सिर्जनशिलता विकास गर्न उपर्युक्त प्लेट फर्म दिने कार्यक्रमहरु हाम्रो वडाको विशेष आकर्षणको कार्यक्रम रहने छ ।
यसैगरी क्याम्पा रंगशालालाई १० हजार दर्शक क्षमताको बनाइनेछ, खेलकुद एकेडेमि निर्माण गरिनेछ, वातावरण मैत्री वडा निर्माण गरिनेछ, सडकको दुई किनारामा स्वास्थ्यबद्र्धक विरुवाको वृक्षारोपण गरिनेछ, खानेपानीको सुलभ र सुपथ उपलव्ध, जंगलको संरक्षण र विकासको लागि उपयुक्त नीति नियम निर्माण, सार्वजनिक जग्गा, जमिन, खोल्सा खोल्सीको संरक्षण, वन तथा वातावरणको संरक्षणको क्षेत्रमा स्थानीय सामुदायिक वनहरुसंग समन्वय गरिनेछ।
यसैगरी सामाजिक विकास, धार्मिक विकास, पर्यटकिय पार्क तथा पूर्वाधारहरुको विकास,शान्ति पार्कको निर्माण र विस्तार, पर्यटकिय क्षेत्रको परिकल्पना, विभिन्न जातजातीका संस्कृति झल्किने संग्रहालयको निर्माण, पर्यटन प्रवद्र्धनका लागि मत्से विकास केन्द्र पछाडिको पोखरीलाई तालको रुपमा पहल गरिने कार्यक्रमका योजनाहरु छन् ।
हाल भएका भएका पार्कहरु जेष्ठ नागरिक मैत्री, अपाङग मैत्री, वातावरण मैत्री बनाईनेछ,सुरक्षाको लागि सुरक्षा चौकीको व्यवस्था,राजनितिक सहिष्णुताका लागि सामाजिक अभियान्ताको परिकल्पना, पहिचान र परिचालन गर्ने,किशोरीहरुको सुरक्षा हेतु आवश्यक तालिमको व्यवस्था गर्नेछ । भौतिक विकासका कुरा त छंदैछन्, सबैलाई उत्तिकै प्राथमिकता दिएर क्रमशः काम गर्ने छौ । यावत कार्ययोजनाहरु छन् । जसको लागि फिल्डमै उत्रन हामीलाई वडावासीको तर्फबाट अमुल्य मतको खाँचो छ । सबैको रोजाइमा म आएको हुँ । सबैको सुझाव लिएर काममा लाग्ने छु, मात्रै मलाई वडाको विकास लाग्न बाटो दिनुस् अमुल्य मत दिएर ।